3. Jarduera: Bideo bidezko tutorialak sortzen

3. jarduera Bideo bidezko tutorialak sortuko ditugu	3.1. Gidoia prestatzea bideo bidezko tutorialerako			3.2. Bideoa grabatzea	3.3. Bideo bidezko tutorialak denon esku jartzea
Prestatze-lanak	Jing programa erabiltzen ohitzea	Gidoi bat egitea.
Ikasleekin lanean			Gidoi bat garatzea (1h)	1,2,3 grabatzen (’30)	Egindako bideo bidezko tutorialak bateratzea (’30)

3.1. Gidoia prestatzea bideo bidezko tutorialerako

Landuko ditugun IKT GAITASUNAK *	Beharko ditugun IKT MATERIALAK ETA BALIABIDEAK
Ikasgelan zenbait estrategia didaktiko aplikatzea, multimedia-formatuak erabiliz. Periferikoekin zerikusia duten softwarea erabiltzea, horiek eskaintzen dituzten aukerei ahalik eta etekin gehien aterata. Produktibitate-tresnak erabiltzea zenbait motatako konponbideak sortzeko.	Jing programa Mikrofonoa Testu prozesadorea (Writer, Openofficerena)

Jing programa erabiltzen ohitzea

Ikasleekin Jing programa erabiltzearen xedea ebaluazio-proposamen bat da, hau da, ikasleek, beren hitzak erabiliz, unitatean ikasitako kontzeptuak beste haur batzuei azaltzen jakin behar dute: poligono bat nola identifikatu, poligonoen, triangeluen eta laukien elementuak nola identifikatu eta horiek nola sailkatu. Horretarako, jada erabiltzen ohituta dauden marrazteko Gimp programa erabiliz, pantailan elementuak marrazten edo adierazten ari diren bitartean, azalpena graba dezakete.

Ikasleekin lan hori egiten hasi aurretik, komeni da tresna erabiltzen eta bideo bidezko tutoriala sortzeko erabiliko ditugun aukerak erabiltzen ohitzea.

1. urratsa. Jing programa deskargatzea eta instalatzea.

2. urratsa. Bideoa kapturatzea

Eguzkia da Jing programaren menuaren adierazgarri, eta nahi dugun pantailaren ertz batean kokatzen da. Sagua eguzkiaren gainetik pasatuz gero, hiru aukera zabaltzen dira. Klik egingo dugu Capture (kapturatu) aukeran.

Ezer baino lehen, kapturatu nahi dugun pantaila-eremua hautatu behar dugu. Gure kasuan, argazkiak erakusten duen Gimp programako sektorea hautatuko dugu. Programak bideo guztia grabatuko du, ekintza horretarako aukeratutako tamainan eta pantailaren lekuan. Eremua zehazteko, klik bat egin behar dugu hasierako erpinen batean eta sagua arrastatu, eskerreko botoia sakatuta dugula. Askatu amaitutakoan. Gero, ertzak erabat doitu ditzakegu, gida horien gainean jarrita sagua.

Pantailaren tamaina zehaztu ondoren, aukera gehiago zabalduko dira. Bideo bidezko tutorialerako erabiliko ditugun funtzioak aztertuko ditugu.

1. Bideo bat kapturatu 2. Kapturatuko den pantailaren eremua zehaztu 3. Utzi 4. Hautatutako eremuaren tamaina pixeletan