1.2. Ariketa: argazkitik adierazpen grafikora

3. urratsa. Marraztutako poligonoak egiaztatzea

Komeni da irudiek beharrezko baldintza guztiak betetzen dituztela egiaztatzea, forma geometrikoak behar bezala irudika ditzaten.

• Marraztutako irudiak hobeto ikusi ahal izateko, “Fondo”(“Atzealdea”) izenburuko geruza ezkutatuko dugu, izenburuaren ondoko begiaren gainean klik eginda. Adibide modura jarritako hurrengo irudietan, geruzak bata bestearen gainean jarrita dituen irudia eta geruza bakarreko irudia bereiz daitezke.

• Handitzeko tresna erabiliko dugu

  
  marraztutako xehetasunak hobeto ikusi ahal izateko.

• Aldeak eta angeluak neurtuko ditugu, neurketa-tresnak erabilita

  
  .

Tresna hori erabili ahal izateko, klik bat egin behar da angelu baten gainean eta gurutze bat azalduko da, neurketaren hasiera adierazten duena. Saguaren ezkerreko botoia sakatuta dugula, neurtu nahi dugun segmentuaren beste muturreko aldera arrastatuko dugu. Gida gisa erabil daitekeen lerro bat ageri dela ohartuko gara. Neurtu nahi dugun lerroaren amaieran sakatuta dugun saguaren botoia askatuko dugu eta behealdeko barran zabalduko den informazioari erreparatuko diogu:

1. Hautatutako segmentuaren markak 2. Neurri-unitatearen hautagailua: pixela, milimetroa, hazbeteak, pikak, oinak, etab. 3. Hautatutako segmentuaren neurria 4. Erabilitako neurri-unitatea 5. Adierazitako angeluaren neurria (guri dagokigunez, goiko ezkerraldeko kanpo-angelua)

Neurketa-tresnarekin, halaber, gida paraleloak eta perpendikularrak marraz daitezke. Horretarako:

• Hasierako segmentua marraztu, saguaren ezkerreko botoian klik egin eta askatu gabe arrastatuta.

• Gida bertikal bat marrazteko askatu botoia eta sakatu “Alt + clic” (“Alt + klik”).
  

• Gida horizontal bat marrazteko askatu botoia eta sakatu “Ctrl + clic” (“Ctrl + klik”).

• Gidak bistaratzeko edo ezkutatzeko, erabili menuko Ver (Ikusi) aukera eta gero Mostrar guías (Bistaratu gidak) edo “Mayús+Ctrl+T” (“Maius+Ctrl+T”) tekla.

Gida horiek irudiak xehetasun handiagoz eraikitzen lagunduko digute. Gogoan izan, hautaketa angeluzuzenaren tresna

erabili ahal izango dugula (berehala egokituko zaio adierazitako gidari), eta, azkenik, Trazar la selección (Marraztu hautatutakoa) aukera ere bai, Editar (Editatu) menuan, isipua erabilita marrazteko.

4. urratsa. Gordetzea

Amaitutakoan, Gimp programaren berezko luzapena (xcf) erabilita gordeko dugu fitxategia; aukera hori Archivo (Fitxategia) menuan dago. Gero, hautatu Guardar como (Gorde honela) aukera eta han Seleccione el tipo de archivo (Hautatu fitxategi-mota) aukera zabalduko dugu. Horrek geruzaz geruza bereizten lagunduko digu, premiaren arabera ezkutatzeko edo bistaratzeko, eta bide-marrazketari eusteko.

Lan horri esker, marrazteko zenbait aukerarekin esperimentatu ahal izan dugu, bai eta argazkien tratamenduarekin ere, askotan erabili ahal izango duguna, besteak beste, irudi baten alderdiren bat nabarmentzeko, marrazki gainjarriak egiteko edo testuren bat eransteko argazki bati.