1.2. Ariketa: argazkitik adierazpen grafikora

Poligonoak irudikatzea Gimp erabilita (1h)

Argazkiak ateratzerakoan ikusitako poligonoak grafikoetan adierazteko unea da. Lan-taldearen barruan, irudiak elkarren artean truka ditzakete ikasleek.

Ikasle bakoitzak irudian ageri diren poligonoak marraztuko ditu Gimp programako tresnak erabilita. Argazkiaren geruza ezkutatuko da, irudiei zenbait ukitu eman ahal izateko, behar adina tresna erabiliz (hautaketa, neurketa, pintzela, hautatutakoa marraztu eta abar).

Adierazitako poligonoak definitzeko, horien elementuak deskribatuko ditu ikasle bakoitzak, honako hauek identifikatzen dituztela:

• Aldeen kopurua eta neurria

• Angeluen neurriak

• Diagonalak

• Erpinak

Irudi-fitxategian bertan idatzi nahi badute, testu-tresna erabil dezakete. Horretarako:

1. Hautatu testu-tresna. 2. Leiho bat zabalduko da eta idatzi hor nahi duzun testua. 3. Tipografia-aukerak.

Azkenik, gorde fitxategia Gimp (xcf) luzapena duela.

Lan hori amaitu eta gero, ikasleek zikloa bete dute; hau da, inguruko objektuak abiapuntu izanik, poligonoak identifikatzen eta horiek planoan irudikatzen ikasi dute. Lortutako poligonoen elementuei buruzko deskribapena oso baliagarria izango da hurrengo jarduerarako, izan ere, sailkapenari ekingo diogu.