2. Jarduera: poligonoen sailkapena eta arte poligonala

2. jarduera Poligonoen sailkapena eta arte poligonala	2.1. Poligonoen sailkapena		2.2. Poligono artistikoak
Prestatze-lanak	Eskema bat egitea poligonoak sailkatzeko		"Poligonoak artean" gaiari buruzko sarrera prestatzea.
Ikasleekin lanean		Poligonoen, triangeluen eta laukien sailkapena		Poligonoekin sortzea

2.1. jarduera. Poligonoen sailkapena

Landuko ditugun IKT GAITASUNAK *	Beharko ditugun IKT MATERIALAK ETA BALIABIDEAK
Ideiak kontzeptu-mapetan adieraztea, berariazko tresna informatikoak erabilita. Arbel digitalaren (ADI edo proiektagailua eta ordenagailua) funtzionalitateak erabiltzea, ahozko azalpenei laguntzeko.	X-mind programa Arbel digitala (ADI edo proiektagailua eta ordenagailua)

Eskema bat egitea poligonoak sailkatzeko

Ikasleekin batera poligonoak sailkatzeko egiteko, lehendabizi kontzeptu-mapa bat sortuko dugu, eta ikasleek ondorioak atera ahala osatuko dugu.

Eskema hori egiteko, kontzeptu-mapak osatzeko programa bat erabil dezakegu; esaterako, X-mind programa. Beste antzeko programaren bat edo testu-prozesadore baten marrazteko tresnak erabiltzen ohituta bazaudete, esaterako Writer (Openoffice), horiek ere erabil ditzakezue.

1. urratsa. XMind programa deskargatzea eta instalatzea

Prozedura horretarako laguntzarik behar baduzu, Aula digital XMind (XMind Gela digital) prestakuntza-tutorialak jarraibideak emango dizkizu, urratsez urrats.

2. urratsa. Kontzeptu-mapa sortzea, poligonoen, triangeluen eta laukien sailkapenarekin.

Programa irekitzen denean, erabiltzeko prest dagoen fitxategi berri bat ageri da, eta, bertan, erdian, lehendabiziko laukia. XMind programak (“topic”) (gaia) izendatzen du lauki hori. Eskuinean zenbait leiho zabalduko dira, propietateak ezartzeko aukera ematen dutenak. Bi leiho nagusiak erabiliko ditugu.

1. Outline (eskema) Leiho horretan, eskema grafikoa exekutatzen da testu gisa. Hor gaudela, testuak edita daitezke edo gaia mailaz alda daiteke.
2. Properties (propietateak)
Structure (egitura ) Egitura-zerrenda zabalduko da, eskemarako. Egitura irekiagoa nahi izanez gero, Map aukera hautatu dezakegu. Gure eskemako gaiak automatikoki antolatuko dira, hautatutako egituraren arabera.
Text (testua) Testurako aukera guztiak ezartzen ditu: letra-tipoa, tamaina, etab.
Shape (forma) Gaien forma eta kolorea ezartzen du.
Line (lerroa) Lerro-motak, lerroen lodiera eta kolorea ezartzen du.

Lanaren nondik norakoan kokatu ondoren, XMind programaren funtzio hauek ezagutzea baino ez zaigu falta mapa sortzeko:

1.	Gorde fitxategia
2.	Desegin eta berregin azken ekintza	Ctrl+Z eta Ctrl+Y teklak, hurrenez hurren, erabilita ere bai.
3.	Ezabatu gai bat	Ezabatu edo “Delete” tekla erabilita ere bai.
4.	Txertatu gai edo azpigai bat	Aukera horiek gaituta egon daitezen, lehen gaia aukeratu behar da berriaren erreferentzia izan dadin.
5.	Editatu gaiaren etiketa.	Gai bakoitzak etiketa txiki bat eduki dezake azalpenak emateko edo adibideak emateko.

Beste ekintza batzuk

Testu bat idazteko edo aldaketak egiteko	Testuaren gainean klik bikoitza eginez gero, editatzeko aukera gaituko da.
Gai bat nahi den lekura mugitu nahi izanez gero,	Sakatuta eduki “Alt” tekla, eta, aldi berean, klik bat eginda elementua nahi den lekura arrastatu.