Lanaren nondik norakoak azaltzean, garrantzitsua da ikasleei jakinaraztea bideo bidezko tutorialak Interneten argitaratuko direla, beste haur batzuek ere haiek ikasitako kontzeptuak uler ditzaten. Proposamen hori egiteak badu arrazoirik, hain zuzen, bideo bidezko tutorial horietako bat edo bi entzun eta ikustea baliagarria da irakaslearen irakaskuntza osatzeko, eta zenbaitetan eskuragarriago daude eta erakargarriagoak dira. Lan horrek unitateari buruzko ebaluazioa egitearen funtzioa betetzeaz gain, Internet erabiltzen duten hispaniarrei eskaintzen diegun zerbitzu bat ere bada. Hortaz, horrek dakarren erantzukizunari eta konpromisoari buruz kontzientziatzea oso garrantzitsua da.

Komeni da bideo bidezko tutorial bat ikustea taldean, arbel digitala erabilita. Horretarako, gomendatutako webguneak kontsulta ditzakegu.

Gidoi bat prestatzeko ahalegin handia egin behar da, egoera aurreikusi egin behar delako, eta, halaber, ekintzak planifikatu egin behar direlako, hain zuzen, taula batean sistematizatuko ditugun ekintzak. Hortaz, lan hori egiteko ikasleek hainbat prozedura-gaitasun jarri behar dituzte abian, eta horiek finkatzea eta baloratzea ezinbestekoa da.

Ikasleak taldetan banatuko ditugu azalpen horiek emateko eta talde horietako bakoitzeko gai bat emango diegu: talde batzuek poligonoak identifikatu eta sailkatuko dituzte, beste batzuek triangeluak eta hirugarren batzuek laukiak.

Egin behar duten lana antolatzen laguntzeko, hiru galdera hauek egin ditzakegu: Nola identifika dezakegu poligono/triangelu/lauki bat?, zer elementu dituzte?, eta, nola sailkatzen dira?

Talde horietako bakoitzak, testu prozesadore bat erabilita, taula bat sortuko du pixkanaka-pixkanaka hura betetzeko: galdera horiei erantzuteko moduari buruzko deskribapena, beharko diren fitxategien eta programen zerrenda, eta, azkenik, pantailan erakusten diren mugimendu horietako bakoitza egin ahala irakurriko duten gidoiaren testua.

Bideoa osatzen duten zati bakoitzaren deskribapena egiteko beren hitzak erabil ditzaten bultzatu behar dira ikasleak. Deskribapena egin eta gero, guztion artean birpasatu egingo ditugu deskribapen horiek eta, hiztegiari eta metodologiari dagokionez, behar adina egokitzapen egingo ditugu. Lehen deskribapena amaitutzat hartu ondoren, bigarren zutabea osatzeari ekingo diogu beharrezkoak izango ditugun elementuekin. Horretarako, ikasleek ongi zehaztuko dute behar izango dituzten fitxategiak, irudiak eta testuak. Behar adina Gimp-eko eta testuko fitxategiak sortu ahal izango dituzte zehaztu ahala.

Bideo bidezko tutoriala nola egin zehaztuagoa izanik, une egokia da Jing programarekin proba bat egiteko.

Dena aurreikusita eta planifikatuta dago, grabatzeko une aproposa da.

Ikasleei proposatuko diegu lehendabizi proba batzuk egiteko, lan-dinamirakein ohitu daitezen. Komeni da esatari-lanak txandaka egitea taldeko kideen artean, ahots desberdinak edukita bideoa atseginagoa izango baita.

Kide bakoitzak rol bat baino gehiago bete ahalko ditu: batek pantailak aldatzeko eta elementuak adierazteko sagua erabiltzen duen bitartean, beste batek esatari-lanak egin ahalko ditu, eta hirugarren batek adi egon beharko du behar beste etenaldi egiteko F8 tekla sakatuta. Irakurtzeko txandak antolatu beharko dituzte.

Oso garrantzitsua lehendabiziko probei adi erreparatzea eta horiek adi entzutea, akatsak hautemateko eta gidoian zuzenketak egiteko.