Proposamenak hiru jarduera-bloke ditu:

• 1. jarduera – Gure inguruko poligonoak

Ikasleek beren inguruan poligonoak adierazita ikusten dituzten tokien argazkiak aterako dituzte. Irudi horiek deskargatu eta irudien tratamendurako programa bat erabilita, poligonoak grafikoki adieraziko dituzte argazkiak oinarri hartuta eta, ondoren, elementuak identifikatuko dituzte.

• 2. jarduera – Poligonoak sailkatzea eta arte poligonala

Ikasgelako kide guztiek parte hartzen dutela, argazkiak oinarri hartuta lortu ditugun poligono guztiei erreparatuko diegu, eta, ondorioak atera ahala, sailkapen-irizpideak adieraziko ditugu eskema batean. Gero, poligonoak erabiltzen dituzten artelanen erakusketa txiki batez baliatuko gara, inspirazio-iturri izan dezaten ikasleek eta nork bere lana diseina dezan, banaka.

• 3. jarduera – Bideo bidezko tutorialak sortuko ditugu

Bideo bidezko tutorial bat ekoizteko proposatuko diegu ikasleei, ikasitako kontzeptuak beste haur batzuei azaltzeko: poligonoen, triangeluen eta laukien elementuak eta sailkapenak. Bideoak ikasgelan erakutsiko dira eta Interneten argitaratuko dira.