Ibilbidea

Zer egingo dugu?

Lantegi honetan, IKTen gelako aplikazio baten adibidea emango dugu, curriculum-edukiak ikasteko eta trebetasun digitalak eskuratzeko baliagarria dena. Oraingoan, Glogster baliabidea erabiliko dugu.

Zer urrats emango ditugu?

• Hasteko, lantegian landuko dugun tresna aurkeztuko dugu, horren ikuspegi orokorra emanez.
• Jarraian, jardueraren helburua eta egitura ikusiko ditugu.
• Hori egindakoan, ikaslearentzako lan-proposamena eta irakaslearentzako prestakuntza-proposamena aztertuko ditugu.
• Bakoitzak bere aldetik lantzeko, zenbait ariketa planteatu ditugu.
• Azkenik, gelako programazioa dator.

Zer da LAMS eta zer eskeintzen digu?

Ikaskuntza Jardueren Kontrolerako Sistemaren akronimoa da LAMS (Learning Activity Management System ingelesez). Software libre bidez garatutako ikaskuntzarako web-ingurunea da, eta banako zein taldeentzako jarduera-segidak sortzeko aukera ematen digu, planteamendu konstruktibistak oinarri hartuta.

Bisualki diseinatzen dira segidak, eta oso errazak eta intuitiboak dira. Eredu-katalogo batean oinarrituta, jarduerak elkarrekin kateatzen dira, eta une bakoitzean interesgarritzat jotzen diren edukiekin osatzen dira.

Aukera ematen du eduki estatikoko jarduerak sartzeko (esaterako, Learning Objects), bai eta lankidetzako jarduerak sartzeko ere (eztabaida-foroak, eztabaidak edo “wikiak”).

Gainera, irakasleentzako tresnen artean jardueren garapenaren jarraipenerako atala ere badu LAMSek, ikasleen aurrerapenen jarraipena egiteko eta ikaskuntzaren ebaluazioak kudeatzeko.

Baliabide berria da, oso erabilgarria eta aukera handiak dituena.

Hori dela eta, zertan den jakin dezazuen planteatzen dizuegu.

LAMS jardueraren Helburua eta Egitura

Material honen helburua hauxe da: adibideen bidez azaltzea nola aplika daitezkeen IKTak gelan, curriculum-edukiak ikasteko eta trebetasun digitalak eskuratzeko, aurretik sortutako eduki bat erabiliz, kasu honetan LAMS sekuentzia bat.

Webeko baliabidea da, eta ikasle guztiek sartu beharko dute LAMS plataforman jarduerak egin ahal izateko. Hortaz, denbora ezberdinetan egin ahal izango den jarduera da, dela zenbait ikasle konektatuta gainerako ikasleek bestelako lanak egiten dituztela, dela etxeko-lan moduan planteatuta edo informatikako eskola-orduetan.

Azalpenak ematen dituzten pantailen bitartez, segidako edukiak lantzen aurrera egingo dute ikasleek. Banaka egingo badute ere, elkarlanean taldekako lanak egiteko ere proposatuko zaie. Aplikazioaren azalpen-pantailetan adieraziko zaie une bakoitzean zer egin behar duten eta zer baliabide erabili behar dituzten.

Gure helburua IKTko gaitasunak eskuratzeko lan espezifikoa egitea denez, proposamenean, ikaskuntza-helburuez eta metodologia-jarraibideez gain, bereziki zehaztu dira unitatea burutzeko ikasleek nahiz irakasleek behar dituzten gaitasun digitalak.

Beraz, proposatutako LAMSen sekuentzia prestatzean eta lantzean, irakasleak trebetasun instrumentalekin, informazio digitalaren edo komunikazio birtualaren (IKT) tratamenduarekin lotutako jakintza eta jardunbideak aplikatu beharko ditu. Eginkizun horretarako jarraibideak eta laguntza ematea da, hain zuzen, tutorial honen helburu nagusia.

Jardueren segida

Hiru jardueratan sekuentziatuta dago:

1. jarduera. – Ulermenezko irakurketa eta laburpen bat egitea

Jarduerari ekiteko, ikasleei galdera batzuk egingo zaizkie desagertzeko zorian dauden animaliei buruz, egoera horrek zer esan nahi duen jakin dezaten.

Ondoren, testu bat irakurtzeko eskatuko zaie, eta horretan oinarrituta, laburpen txiki bat egin beharko dute kartelean adierazi beharreko ideia nagusiak zein diren jakiten laguntzeko.

2. jarduera. – Poster digital bat egitea

Hurrengo urratsa poster edo kartel digital bat egitea izango da. Desagertzeko zorian dauden animaliak babestea ezinbestekoa dela kontzientziatzea izango da kartelaren edo posterraren helburua.

3. jarduera. – Egindako posterrak denen aurrean azaltzea.

Ikasleek elkarri erakutsiko dizkiete kartelak. Amaitutakoan, lankideen lanaren koebaluazioa egingo dute.

Irakasleentzako prestakuntza proposamena

0. jarduera LAMSen sartu eta segida prestatzea
EGIN BEHARREKO LANAK	IKT BALIABIDEAK	IKTko GAITASUNAK
1. ariketa: LAMSen sartzea. 2. ariketa: “Nire eskolak” atalean segidak (edo ikasgaiak) gehitzea. 3. ariketa: Ikasleei eskolan alta ematea. 4. ariketa: Ikasleei segida (edo ikasgai) bat esleitzea. 5. ariketa: Segida baten diseinua ikustea. 6. ariketa: Segida ikasle moduan ikustea.	Lams ingurunea	G1. IKTen erabilgarritasunaz jabetzea kideekin konektatzeko, lineako ikastaroak egiteko, adituekin elkarrekintzan jarduteko eta norberaren diziplinari lotutako topikoak eskuratzeko, betiere hori norberaren lanbide-hazkundearen funtsezko alderditzat hartuta.
1. jarduera Ulermenezko irakurketa eta laburpen bat egitea
EGIN BEHARREKO LANAK	IKT BALIABIDEAK	IKTko GAITASUNAK
7. ariketa: LAMSeko Foroa tresna ikusi eta erabiltzea 8. ariketa: Segida bateko atazak editatzea. 9. ariketa: LAMSen taldeak sortzea. 10. ariketa: LAMSen “wiki” bat sortzeko aukerak ikusi eta probatzea.	Foroa tresna LAMSeko “Nire eskolak” gunea	D1. Ikaskuntza-esperientziak diseinatzea, martxan jartzea eta ebaluatzea, ikasle bakoitzak bere interesen, erritmoaren, ikasteko moduaren eta trebetasunen arabera lan egin dezan, jada badiren IKT baliabideak erabiliz.
2. jarduera Poster digital bat egitea
EGIN BEHARREKO LANAK	IKT BALIABIDEAK	IKTko GAITASUNAK
11. ariketa: Glogsterrek posterrak egiteko zer aukera dituen ikusi eta horiek erabiltzea. 12. ariketa: Erregistratu eta erabiltzaileak (ikasleak) kudeatzea.	Glogster	D2. Ikasleei beren ikaskuntzaren protagonista izaten lagunduko dieten ikaskuntza-giroak garatzea, beren esperientziak, beren helburuak diseinatuz eta IKT baliabideak erabiliz beren emaitzak ebaluatuz.
3. jarduera. Egindako posterrak denen aurrean azaltzea.
EGIN BEHARREKO LANAK	IKT BALIABIDEAK	IKTko GAITASUNAK
13. ariketa: “Baliabideak konpartitu” tresna ikusi eta erabiltzea. 14. ariketa: LAMSeko jarraipen-tresnak ikusi eta erabiltzea.	“Baliabideak konpartitu” tresna LAMSeko “Jarraipena” tresna	D4. Ikaskuntza-esperientziak diseinatzea, martxan jartzea eta ebaluatzea, IKTko baliabideak erabiliz ikasleengan sustatzeko XXI. menderako trebetasunak; esaterako, lankidetza, talde-lana, pentsaera kritikoa, arazoak konpontzea, enpatia eta sormena.

* Item horiek irakasleentzako IKT prestakuntzako “Eskola 2.0” proposamenekoak dira. Eranskin honetatik aterata daude: IKTko gaitasun-mapak.

1. Ariketa

LAMSen sartzea

Ikasgelan LAMS segidak aplikatzen laguntzeko jarduerei ekin aurretik, beharrezkoa da denbora apur bat eskaintzea plataforman nola sartu behar den ikusteko eta aukera nagusiak menderatzeko.

LAMSekin lan egiteko, beharrezkoa da Eskola 2.0 proiekturako gaitutako LAMS zerbitzarian sartzea. URL honetan dago: http://lams.eskola20.org/

Hasierako orrian, identifikatu egin beharko dugu, honako datu hauek sartuta:

• Usuario: eskola20

• Contraseña: prototipo

LAMSen, erabiltzaileek bost profil edo rol izan ditzakete. Kudeaketa-ahalmen handienetik txikienera, hona hemen profil edo rol horiek:

• Egilea, segidak diseinatzeko aukeretarako sarbidea du.

• Eskolaren administratzailea, eskolak sortzeko eta haietara sartu ahal izango duten erabiltzaileen kudeaketa egiteko baimena izango du.

• Eskolen kudeatzailea, eskola baten barruan ikasgaiak sartzeko eta eskoletan sartu ahal izango diren erabiltzaileak kudeatzeko baimena izango du.

• Tutorea/Monitorea, ikasgai (edo segida) baten jarraipenerako aukeretara sartu ahal izango da.

• Ikaslea, ikasgai (edo segida) batean sartu ahal izango da, lan egiteko.

Ez dira elkar baztertzen duten profilak; hau da, rol bat baino gehiago izan ditzakegu.

Gure profila zein den, ingurunea bistaratzerakoan aukera gehiago edo gutxiago izango dugu, baimenak baditugu.
Sistemaren barruan izango dugun profila “Eskolen kudeatzailea” izango da, eta horri dagozkion LAMS funtzioei buruzko azalpenak behean ageri diren ariketetan emango dira .

LAMSen hasierako orrira sartzean, bi atal nagusitan banatuta egongo da bistaratzen dugun orria, goiko fitxetan:

• Mi perfil (Nire profila). Plataformako gure erabiltzaile-datuetara sartzeko aukera ematen du, kontsultatu edo aldatu ahal izateko.

• Mis clases (Nire eskolak). Espazio hori izango da LAMSen sartzean lehenetsitako hasierako orria, eta bertan bi informazio-maila izango ditugu goitik behera eta ezkerretik eskuinera:

  • Administración de cursos y clases (Ikastaroen eta eskolen administrazioa). LAMSeko zerbitzariaren erabiltzaileen informazioa ikusteko aukera ematen digu, baina ez dugu edizio-baimenik izango. Gure guneko edo eskolako erabiltzaileen kudeaketarako sarbidea ere bada: eskolaren izenean klik eginda sartu daiteke hor.

Aukera horietara zuzenean sar gaitezke Más opciones (Aukera gehiago) fitxatik Gestión de clases (Eskolen kudeaketa) aukeratuta. (Tutorial honetako 4. ariketan azaldu da aukera horren funtzionamendua)

• Refrescar (Freskatu), orrialdea berriro kargatu eta egin ditugun konfigurazio-aldaketak ikusteko.

• Salir (Irten), LAMS plataformatik ateratzeko.

• Gure ikasleekin landuko ditugun ikasgaiak edo sekuentziak sartzeko prestatu den eskolaren edo gunearen izena. Adibidean, gunearen izena “Contenidos Aula Digital” da.

• Agregar lecciones (Ikasgaiak gehitu). Jada sortuta dauden segidetako karpetak ireki ditzakegu, gure eskolan sartu eta ikasleek erabil eta landu ditzaten. Prozedura horri buruzko xehetasunak 7. ariketan eman dira)

• Más opciones (Aukera gehiago). Goitibeherako menu bat zabaltzen zaigu, eta hor bi aukera:

  • Gestión de clases (Eskolen kudeaketa). Gure eskolako erabiltzaileen kudeaketara sartzeko aukera ematen du.

  • Buscar (Bilatu). Gure eskoletako erabiltzaileak bilatzeko tresna da.

3. Ariketa

Ikasleei eskolan alta ematea

Ikastetxeko proiektuaren arduradunen batek urrats hori dagoeneko eman izana gerta daiteke. Edonola ere, azalpenak emango ditugu irakasleak LAMS lan-espazioan jarduteko autonomia handiagoa izan dezan.

Ikasleei LAMS baliabidera sartzeko baimena emateko, alta eman behar diegu zerbitzarian.

Administrar clase (Eskola administratu) fitxako aukeretatik egin ahal izango dugu hori. Bi lekutatik sar gaitezke horra: Administración de cursos y clases (Ikastaroen eta eskolen administrazioa), edo Mas opciones > Gestión de clases. (Aukera gehiago > eskolen kudeaketa).

Ikastaroen eta eskolen administraziotik sartzen bagara, bi informazio- eta kudeaketa-maila ditugu: ikastaroak eta eskolak.

Estekan klik eginez bistaratzen den pantailan lehenengo maila agertzen zaigu; hau da, alta emanda gauden ikastaroen zerrenda.

Adibidean “Contenidos Aula Digital” izeneko ikastaroa soilik dugu, baina beste ikastaro edo espazio batzuetarako sarbidea bagenu, zerrendan agertuko lirateke.

Maila honetan gure “Eskoletako kudeatzailea” profilarekin ez dugu erabiltzaileak kudeatzeko baimenik.

Ikastaroari lotutako eskoletara sartzeko (bigarren informazio-mailara) ikastaroaren izena duen estekaren gainean klik egin behar dugu. Adibidean, “Contenidos Aula Digital” izenekoaren gainean.

Ekintza horrekin, eskolak kudeatzeko pantailara sartuko gara.

Pantaila honetara sartuko gara zuzenean Mas opciones > Gestión de clases (Aukera gehiago > Eskolen kudeaketa) botoian sakatuz gero.

Ikastaroari buruzko deskribapen-informazioa bistaratzeaz gain (nahi izanez gero Editar > Contenidos Aula Digital botoian klik eginez editatu ahal izango dugu informazio hori), gunea kudeatzeko bi aukera ere ematen zaizkigu:

• Administrar usuarios (Erabiltzaileak kudeatu), ikasgelako erabiltzaileei alta eman eta baimenak emango dizkiegu bertatik.
• Crear un nuevo grupo (Talde berria sortu), aukera egokia da gure LAMS gunean azpitalde berriak sortu nahi izanez gero, segida edo baliabide desberdinetara sartzen diren ikasle-taldeak antolatzeko.

4. Ariketa

Ikasleei segida (edo ikasgai) bat esleitzea

Segida hautatuta dugula eta ikasleak alta emanda daudela, azken urratsa falta zaigu landu nahi dugun baliabidera ikasleen sarbidea konfiguratzeko: landuko dugun ikasgai edo segidarekin lotzea.

Ikasgaiaren Seguimiento baliabidearen aukerak erabiliz egingo dugu. Horretarako esteka ikasgaiaren izenaren eskuinean dago.

Estekaren gainean klik egiten badugu, leiho berri bat irekiko da eta hiru fitxa ikusiko ditugu bertan: Lección (Ikasgaia), Secuencia (Segida) eta Estudiantes (Ikasleak).

Geroagoko ariketetan ikusiko ditugu haien funtzioak.

Oraingoz, Lección pantailan geratuko gara. Hori da lehenespenez agertzen dena.

Ikasleak ikasgaian esleitzeko lana bigarren blokeko aukeretatik egingo dugu. Hain zuzen, Editar clase (Eskola editatu) aukeran egin behar dugu klik.

Hori eginda, irekita zegoen leihoaren gainean beste leiho bat irekiko zaigu, eta bertan, ikastaroan alta emanda dauden erabiltzaileak (3. ariketa) bistaratuko dira, Tutorea profila eta Ikaslea profila dutenak.

Leiho berri horretan, segidara edo ikasgaira sartzea nahi dugun erabiltzaileen laukitxoa markatuko dugu.

Guztiak aukeratuta ditugula, Guardar botoian egingo dugu klik.

Aldaketak berresteko, klik egin beharko dugu Aplicar cambios (Aldaketak aplikatu) aukeran.

Ikasleak nola esleitu diren ikusteko, klik egin dezakegu Ver estudiantes (Ikasleak ikusi) aukeran.

Ikasleen zerrenda eguneratua duen leiho bat zabalduko digu.

Blokeko gainerako aukerei dagokienez, bereziki interesatzen zaiguna Cambiar status (Statusa aldatu) aukera da: segida edo ikasgaia zer egoeratan dagoen adierazteko aukera ematen du. Aukera aktibatuta eta ikasleen eskuragarri dator lehenetsita, baina beste egoera batzuk ezar ditzakegu:

• Deshabilitar (Desgaitu), ikasleek oraindik sarbiderik izan ez dezaten.
• Archivar (Artxibatu), ikaskuntzako segida landu ostean, segida ikasleen jarraipeneko emaitzekin batera bilduta uzteko.
• Borrar (Ezabatu), segida edo ikasgaia ezabatzeko, bai eta harekin lotutako jarraipeneko informazio guztia ere.

5. Ariketa

Segida baten diseinua ikustea

LAMS segidak nola planteatuta dauden eta segidek nola funtzionatzen duten ikusteko, ariketa bat proposatzen dugu. Egilearen profila ez dugunez, ezin ditugu editatu, baina aukera dugu kontsultatzeko.

Gauden leihotik atera gabe, alegia Seguimiento pantailan jarraituta (4. ariketa), klik egingo dugu goiburuko Secuencia (Segida) fitxan.

Pantaila bat agertuko da, erdialdean segidaren eskema erakusten duena.

Eskemak informazioak eta ikasleek egin beharreko jarduerak erakusten dizkigu:

Eskemako laukian klik eginez, jarduerei buruzko informazioa eskuratuko dugu.

Lehenespenez Sumario (Sintesia) fitxa zabalduko zaigu. Ikasleek jardueraren aurkezpen moduan ikusiko duten informazioa agertzen da, eta orrialdearen amaieran, ikasleen Jardueraren jarraipenari buruzko estatistikak. Informazio hori azken fitxan ere agertzen da.

Instrucciones (Jarraibideak) fitxan, segidaren egileak segida aplikatzeko emandako azalpenak irakurri ahal izango ditugu, horrelakorik egin badu. Litekeena da informaziorik ez egotea maila horretan.

Editar actividad (Jarduera editatu). Aukera ematen digu aldaketak egiteko jardueraren pantailako testuan edo maketazioan, egilearen profila badugu LAMSen. Orain dugun profilarekin ezinezkoa da.

Leihoa itxi eta Segida pantailara itzultzen bagara, ikusiko dugu beste aukera eta informazio batzuk ere baditugula.

Orrialdearen goiburuan, lau botoi ditugu:

• Edición en vivo (Zuzeneko edizioa). Sekuentziako diseinu-gunera sartzen da, jardueraren edukia aldatzeko, bai eta segidaren egitura aldatzeko ere, horrela nahi bada. Gure profilarekin, sartzeko aukera badugu bai, baina irakurtzeko baimena dugu soilik, eta ezingo dugu ezer aldatu.

• Dokumentu-zorroa esportatu (Exportar portafolio). “.zip” karpeta bat sortzen du, ikasle bakoitzak egindako jarduera bakoitzean emandako erantzunekin edo egindako lanarekin.

• Freskatu (Refrescar), pantaila eguneratzeko, datuetan aldaketarik eginez gero.

• (Laguntza) (Ayuda), LAMSeko laguntzako online orrialdeetara sartzeko (ingelesez daude).

Orri-oinean, ikasleek segidaren garapenean izan duten bilakaera ikusi ahal izango dugu.

6. Ariketa

Segida ikasle moduan ikustea

Jarduera bakoitzaren prestaketak azaltzeari ekin aurretik, uste dugu interesgarria dela ikasleak jarduera nola bistaratuko duen jakitea. Gainera, ingurunea ezagutu behar dugu, gure ikasleei bertan kokatzen laguntzeko eta nola funtzionatzen duen erakusteko.

Horretarako, “Probarako ikaslea” izeneko erabiltzailea sor dezakegu. 3. ariketan ikasleak eskolan alta emateko moduari buruz azaldutako prozedurari jarraituko diogu.

Rolak esleitzerakoan, ikaslearen rola bakarrik emango diogu.

Saioa itxikio dugu (pantaila nagusiko Salir aukeran klik eginda) eta berriro sartuko gara LAMSen (1. ariketa) sortu berri dugun erabiltzaile-izenarekin eta pasahitzarekin.

Ikasleentzako LAMS plataformaren ongietorri-orria ezberdina da; izan ere, alta emanda dagoen segida edo ikasgaietara (erakutsi den adibidean bi daude) eta haren profilaren konfiguraziora (Mi perfil fitxa) soilik sartu ahal izango da ikaslea.

“Testuen ekoizpena. Laburpenetik poster digitalera” tituluaren gainean klik eginez sartuko gara segidara.

Hasi besterik ez garenez egin, segidaren aurkezpen-pantaila bistaratuko da; baina lanean jarduten dugun heinean, azken konexioan utzitako pantaila bistaratuko da sartzean.

1. Jarduera. Irakurketa ulergarria eta laburpen bat burutzea

EGIN BEHARREKO LANAK	IKT BALIABIDEAK	IKTko GAITASUNAK
7. ariketa: “LAMSeko Foroa” tresna ikusi eta erabiltzea. 8. ariketa: Segida bateko atazak editatzea. 9. ariketa: LAMSen taldeak sortzea. 10. ariketa: LAMSen “wiki” bat sortzeko aukerak ikusi eta probatzea.	Foroa eta Wikia tresna. LAMSeko “Nire eskolak” gunea.	D1. Ikaskuntza-esperientzia jakin batzuk diseinatu, gauzatu eta ebaluatzea, jada erabiltzen diren IKT baliabideak erabiliz, ikasle bakoitzak bere interesen, erritmoaren, ikasteko moduaren eta trebetasunen arabera lan egin dezan.

Jardueraren deskribapena

7. Ariketa

Foroa tresna ikusi eta erabiltzea

Ariketa egin ahal izateko, ikasle moduan sartu beharko dugu segidara.

Horretarako, 6. ariketan sortu dugun “Probarako ikaslea” izeneko erabiltzailea erabil dezakegu, esaterako. Badugu beste aukera bat ere: gure erabiltzaileak Ikasle nahiz Tutore rolak baditu, Mis clases (Nire eskolak) pantaila nagusiko segidaren estekan klik egin besterik ez dugu, sartzeko.

Ikasleei proposatzen zaien lehen jarduera eztabaida asinkroniko batean parte hartzea izango da.

Aukeratu proposatutako eztabaida-haria, eta egin klik hari dagokion estekan, foroa erabiltzen hasteko.

Automatikoki, pantaila berri bat zabalduko da. Hor bistaratuko dira foroari egindako ekarpenak, eta beheko aldean botoi hauek: Editar (Editatu), Responder (Erantzun) eta Volver a lista de hilos (Harien zerrendara itzuli).

Responder botoian klik eginda leiho berri bat zabaltzen da, eta han, editagarriak diren eremuak azaltzen dira:

• Eztabaida-hariaren Asunto (Gaia), titulua edo enuntziatua.
• Mensaje (Mezua), eztabaidatu beharreko gaia testuinguruan jartzeko testu laburra edo galdera.

Mezua talde osoari bidaltzeko, egin klik Enviar (Bidali) botoian.

8. Ariketa

Segida bateko atazak editatzea

Segidaren garapenean tutore moduan egiten dugun atazetarako sarrera ikasgaiaren Seguimiento (Jarraipena) aplikazioan dugu.

Behin pantaila horretan gaudela, segida horretan edita ditzakegun atazak pantailaren behealdean agertuko zaizkigu. Zehazki, guk “Guztion ekarpenen zain” titulua duen atazan sartu behar dugu. Ir (Joan) botoian klik eginez sartuko gara.

Bistaratutako pantailan biltzen da segidaren jarduerara sartu diren ikasleei buruzko informazioa, eta zenbait aukera planteatzen dira segidan jarraitzeko:

1. Acceso denegado (Sarbidea ukatuta)

Oharraren orrira iritsi eta hurrengo pantailara sartu nahi izan diren ikasleei buruzko informazioa ematen digu. Jarraitzeko baimena eman nahi badiegu, erregistroan hautatu eta Dejar pasar (Utzi jarraitzen) botoian klik egin behar dugu.

2. Esperando en la puerta (Atean zain)

Orain arteko jarduerak burutu eta hurrengo atazara jarraitzeko zain dauden ikasleen berri ematen digu. Jarraitzeko baimena eman nahi badiegu, erregistroan hautatu eta Dejar pasar (Utzi jarraitzen) botoian klik egin behar dugu.

3. Acceso permitido (Sarbidea baimenduta)

Segidaren hurrengo jardueretara sartzeko baimena eman zaien ikasleen zerrenda ageri da bertan.

4. Abrir (Ireki)

Jarduerara sartu diren ikasle guztiei aurrera egiten uzten die, baita segidaren puntu horretaraino iritsi ez direnei ere.

Ikasleek jarduerari ekin diotenean eta sartzeko baimenaren zain ditugun ikasleen zerrenda dugunean egin beharko dugu prozedura hori. Segidako lanari ekin aurretik egiten badugu, ez dugu hautagairik topatuko zerrendetan.

9. Ariketa

LAMSen talde bat sortzea

“Laburpena eta poster digitala” segidan editatu beharko dugun beste ataza bat ikasleak lanerako taldeka banatzea izango da.

Jarraipena aplikazioko Tareas requeridas (Egin beharreko atazak) bloketik sar gaitezke.

Ir botoian klik eginda, ikastarora sartzeko baimena duten ikasleen zerrenda erakusten digun pantailara joango gara, eta bertan, ikasleak taldeka banatzeko laukitxoak izango ditugu.

Nahikoa da zerrendako izen batean klik egin eta, saguaren ezkerreko botoia zapaltzeari utzi gabe, egoki iruditzen zaigun taldeko laukitxora arrastatzea, ikasleak lan-taldetan banatzeko.

Berresteko, Seguimiento aplikazioko Aplicar cambios (Aldaketak aplikatu) botoian klik egin beharko dugu.

Ataza hori editatutakoan, ikasleek sekuentzian lan egiten jarraitu ahal izango dute.

Eta lan-taldeen banaketa ere ikusi ahal izango dute.

10. Ariketa

“Wiki” bat sortzea LAMSen

Ariketa egin ahal izateko, ikasle moduan sartu beharko dugu segidara.

Horretarako, 6. ariketan sortu dugun “Probarako ikaslea” izeneko erabiltzailea erabil dezakegu, esaterako. Badugu beste aukera bat ere: gure erabiltzaileak Ikasle nahiz Tutore rolak baditu, Mis clases (Nire eskolak) pantaila nagusiko segidaren estekan klik egitea nahikoa dugu, sartzeko.

Segidako jardueretan aurrera egingo dugu “1. jarduera: baterako ebaluazioa” izenekora iritsi arte.

Sortuta dagoen orri bat editatzea

Orrialde nagusian sartu eta klik egingo dugu goiburuko Editar estekan.

Automatikoki, pantaila berri bat irekiko da, orriaren edukia bistaratzeko, eta beheko aldean testu-editorea eta testuaren ediziorako leihoa ageri dira.

Orain, kurtsorea edizioko gunean kokatu eta orriaren edukietan nahi adina aldaketa egin ditzakegu.

Edizio-tresnak erabiliko ditugu, horretarako.

Tresna hauek ditugu, eskuinetik ezkerrera:

• Aurretiko bista

• Word dokumentu batetik kopiatutako testua itsatsi

• Desegin | Berregin

• Lodia | Etzana | Azpimarratua

• Azpiindizea | Goi-indizea

• Bulet zenbakidunak | Bulet puntudunak

• Letra-tipoa (letra-tipoa, tamaina, kolorea, lerrokadura)

• Txikitu koska | Handitu koska

• Lerrokadura: ezkerrean | erdian | eskuinean | justifikatua

• Esteka edo lotura bat egitea wikiko beste orri batekin

• Kanpoko lotura edo esteka bat erantsi

• Irudiak erantsi

• Ekuazio bat erantsi

• FCKeditor editoreari buruzko laguntza

• Testuaren kolorea

• Testuaren hondoaren kolorea

• Taula bat txertatu

• Bereizte-lerroa txertatu

• Aurpegierak txertatu

• Ikur bereziak txertatu

Esteka bat egin wikiko beste orri batekin

Editorearen ikonoak gure wikiko beste orri baterako esteka egiteko aukera ematen digu. Esteka egin ahal izateko, ezinbestekoa izango da, jakina, aurretik beste orri batzuk izatea. Orriak Wiki page eremuko goitibeherako menuan agertuko dira. Aski izango da nahi dugun orria aukeratzea: esteka hautatuta dugun testuan edo objektuan txertatuko da, editatzen ari garen orriaren edukian.

2. Jarduera. Poster digital bat sortzea

EGIN BEHARREKO LANAK	IKT BALIABIDEAK	IKTko GAITASUNAK
11. ariketa: Glogsterrek posterrak egiteko zer aukera dituen ikusi eta horiek erabiltzea. 12. ariketa: Erregistratu eta erabiltzaileak kudeatzea.	Glogster	D2. Ikasleei beren ikaskuntzaren protagonista izaten lagunduko dieten ikaskuntza-giroak garatzea, beren esperientziak, beren helburuak diseinatuz eta IKT baliabideak erabiliz beren emaitzak ebaluatuz.

Jardueraren deskribapena

Laburpena eginda dagoela, bikoteek poster digital bat diseinatuko dute, irudi eta bideo eta guzti.

Ejercicio 11

Glogsterren berri izatea

Glogster poster digitalak egiteko aukera ematen duen online tresna da. Testuak, irudiak, bideoak edo audioak uztartzen ditu modu dinamikoan eta errazean.

Glogsterrek proposatzen duen ikusizko formatuak erraz egiten du bat ikasleen sormen-adierazpenarekin, eta komunikatzera motibatzen ditu, zenbait euskarri erabiliz.

Glogsterren sartu

• Zabaldu hezitzaileentzako Glogsterren orria: http://edu.glogster.com/
• Glogster erabiltzen ohitzeko, norbera poster bat egiten saiatzea proposatzen dugu. Hautatu TRY TO CREATE YOURS (saiatu zeurea egiten) aukera.

• Poster batean sartuko zara. Hor, esperimentatzeko zenbait elementu dituzu. Saiatu lekualdatzen, haien tamaina aldatzen, ezabatzen... Proba itzazu aukera guztiak, eta ikusi nora eramaten zaituzten.

Glogaren elementuen edizioa

Funtzio nagusi batzuk berrikusiko ditugu.

Posterrean sartu beharreko objektua aukeratzen denean, gezidun lauki bat agertuko zaigu, eta menu bat, zenbait aukera dituena. Ikus dezagun zer den horietako bakoitza.

1. Edit aukerak beste menu bat zabaltzen du, irudiko testua editatzeko: kolorea zehaztu, hiperesteka bat sartu, letra-tipoa edo -tamaina aldatu, eta ‘efektu bereziak’ erantsi, itzalak, gardentasunak eta abar. Egin nahi diren aldaketak egin ondoren, OK klikatu behar da, aurreko menura itzultzeko.
2. Aurrera ekarri. Zenbait objektu elkarren gainean daudenean, aukera honek objektu bat beste baten gainean jartzen uzten du.
3. Atzera eraman. Aukera honek objektu bat beste baten atzean jartzen uzten du.
4. Klonatu. Objektu bat bikoizteko erabiltzen da.
5. Aldaketak ezeztatu. Objektuari egindako aldaketak atzera botatzeko aukera ematen du.
6. Delete. Objektua ezabatzeko aukera.
7. Ertzetan dauden geziek irudia handitzeko edo txikitzeko aukera ematen dute.
8. Zuzen baten erdian dauden geziak objektua biratzeko erabiltzen dira.

12. Ariketa

Glogsterren erregistratu eta saio birtual bat sortzea

Behin tresna erabili dugula, une egokia da Glogsterren erregistratu eta erabiltzaileak sortzeko ikasleentzat.

• Egin klik Register Virtual Class aukeran (Glogster Edu-ren hasierako pantailan dago).
• Erregistro-inprimakiko eremuak bete, eta egin klik Sign in botoian, amaitutakoan.
• Erregistratuta gaudela, hasierako pantailara edo kontrol-panelera (dashboard) sartuko gara Glogsterren erabiltzaile moduan.
• Gure ikasleak erabiltzaile moduan eransteko, klik egingo dugu Add new students aukeran.
• Leiho bat agertuko zaigu, galdetzeko zenbait ikasle-kontu sortu nahi ditugun. Zenbat ikasle nahi ditugun idatziko dugu (200 izan daitezke, gehienez) eta Add accounts aukeran egingo dugu klik.

• Kontuak sortuko dira, eta hasierako pantailan, eskuinean, ikono bat izango dugu sortutako kontu bakoitzeko, eta ezkerreko panelean, mezu berri bat. Mezua zabaltzen badugu, ikasle-kontu bakoitzaren erabiltzaile-izenak (nickname) eta pasahitzak (password) aurkituko ditugu. Mezu berbera bidaliko zaio erregistratutako gure posta-helbideari. Datu horiek banatu behar ditugu posterrean elkarrekin jardungo duten ikasle-bikoteei.

Edozein unetan gehitu ahal izango dira kontu gehiago: prozesua errepikatu besterik ez da egin behar.

Ikasleei sarbide-datuak banatu ondoren, lehenengo esan behar zaiena da gakoa aldatu beharko luketela eta gogoratzeko erraza zaien bat jarri.

Horretarako, egin klik Account settings aukeran (pantailaren eskuinean dago, gainealdean).

Ikasleen posterren jarraipena

Glogsterren hezitzaile-erabiltzaile moduan sartuta, gure ikasleen ekoizpenaren jarraipena egiteko aukera dugu.

Kontrol-panealean gaudela (dashboard) argi eta garbi ikus dezakegu:

Ikasleen jarraipena egiteko atala Glogsterren:

• Zein ikasle sartu diren Glogsterren. Borobil hori batez nabarmenduta daude (irudian, lehenengo biak).
• Gloga sortzen hasi diren ikasleak (irudian, lehenengo ikaslea).
• Gutunazalaren ikonoan klik eginez, mezu bat bidal dezakegu Glosterren bidez. Oso erraza eta azkarra da.
• Ikaslearen erabiltzaile-izenean klik eginda, haren glogean sartuko gara, eta egindakoari buruzko oharren bat jartzeko aukera izango dugu.

Ariketa honen bidez aukera izan duzue poster digitalak egiteko tresna baten berri izan eta harekin trebatzeko. Baliabideak zenbait formatutako adierazpen-jardueretarako ahalmen handia du eta hezkuntzako hainbat edukirekin lotu daiteke.

3.Jarduera. Burututako poster-en inguruko elkar-jartzea

EGIN BEHARREKO LANAK	IKT BALIABIDEAK	IKTko GAITASUNAK
13. ariketa: “Baliabideak konpartitu” tresna ikusi eta erabiltzea. 14. ariketa: LAMSeko jarraipen-tresnak ikusi eta erabiltzea.	“Baliabideak konpartitu” tresna LAMSeko “Jarraipena” tresna	D4. Ikaskuntza-esperientziak diseinatzea, martxan jartzea eta ebaluatzea, IKTko baliabideak erabiliz ikasleengan sustatzeko XXI. menderako trebetasunak; esaterako, lankidetza, talde-lana, pentsaera kritikoa, arazoak konpontzea, enpatia eta sormena.

Jardueraren deskribapena

Azken jarduera, jada posterrak diseinatuta daudela, posterrak elkarri erakutsi eta elkarrekin ebaluatzea izango da.

13. Ariketa

Baliabideak konpartitzen

Ariketa egin ahal izateko, ikasle moduan sartu beharko dugu segidara.

Horretarako, 6. ariketan sortu dugun “Probarako ikaslea” izeneko erabiltzailea erabil dezakegu, esaterako. Badugu beste aukera bat ere: gure erabiltzaileak “Ikasle” nahiz “Tutore” rolak baditu, Mis clases (Nire eskolak) pantaila nagusiko segidaren estekan klik egitea nahikoa da, sartzeko.

Baliabideak konpartitzen jarduera-mota erabiliko dugu, egindako posterrak elkarri ezagutzera emateko. Talde bakoitzak bere posterraren URLa idatzi beharko du, hemen itsasi ahal izateko.

Baliabideak konpartitzeko, aukeratu egin behar da fitxategi-mota (URLa edo fitxategia) eta adierazi egin behar da fitxategiaren xehetasuna (titulua eta URLa, estekak badira, eta titulua eta kokapena, fitxategiak badira). Ez ahaztu: Subir (Igo) aukeran klik egin behar da.

Prest dago! Konpartitu dugu baliabidea gainerako ikasleekin.

14. Ariketa

LAMSeko jarraipen-tresnak

Azkenik, irakasle moduan erabiltzen jakin behar dugun LAMSeko azken baliabidea, ikasleen ikaskuntzaren jarraipenarena da.

Aplikazioa Nire eskolak ataleko pantaila nagusian eskura daiteke, Seguimiento estekan.

Beste leiho bat zabalduko zaigu, eta han, Secuencia eta Estudiantes fitxetan aurkituko ditugu ikasleen jarraipena egin ahal izateko aukerak.

Secuencia aukeran, ikasgaiaren diseinuaren eskemaren gainean, segidaren garapenean ikasleak zer egoeratan dauden ikus dezakegu, denbora errealean.

Ikasleak ikono zuri batzuek ordezkatzen dituzte. Jardueraren koadroaren gainean daude, eta haien gainean sagua pasatuz, ikaslearen izena agertzen da. Klik egin eta ikonoa arrastatuz, ikasle jakin bat jarduera batetik bestera pasaraz dezakegu.

Beste aukera bat ere badugu: ikaslea gonbidatu dezakegu segida amai dezan, ikonoa ikasgaia amaitu duten ikasleak dauden lekura arrastatuta.

Estudiantes fitxan, ikasle bakoitzaren segidaren banako ikuspegia dugu. Segidari buruzko eskema horizontalean ikus dezakegu ikasle bakoitzak aurrera zenbat egin duen eta zer egoeratan dagoen.

Ikonoek hau adierazten dute:

	Burututako jarduerak.
	Une honetan lantzen ari garen jarduera.
	Oraindik egin gabe ditugun jarduerak.

Pantaila honetatik ikasle bakoitzaren lanaren jarraipena egin daiteke, zenbait baliabide erabilita.

Kontsultatu nahi dugun burututako jarduera baten ikonoaren gainean bi klik eginez gero, ikasleak ataza horretan emandako erantzunak edo emaitzak ikusi ahal izango ditugu.

Ikasle jakin baten erantzunen laburpena ere deskargatu dezakegu. Horretarako, erregistro bakoitzean dagoen Exportar portfolio aukera erabiliko dugu.

Eta Ver gráfico de tiempo (Ikusi denboraren grafikoa) fitxan, ikasle bakoitzak jarduera bakoitza egiteko emandako denbora ikus dezakegu, bi formatutan:

• ikasgaiari guztira emandako denborarekiko,

• jarduera bakoitzeko denbora zehaztuta duela.

Ikasle guztiek segida amaitu dutenean, taldearen denbora-grafiko globala ere kontsultatu ahal izango dugu. Horretarako, klik egin beharko dugu, orriaren goiburuko Ver gráfico… botoian.

Anotaciones (Oharrak) fitxan, ikasleek segida egiterakoan beraien oharren atalean egindako oharrak kontsultatu ahal izango ditugu.

Ikasgelako programazioa

MAILA	IRAKASGAIA	GAIA	IZENBURUA	IRAUPENA
Lehen Hezkuntzako 5. maila	Hizkuntza	Laburpena eta poster digitala	Testu-ekoizpena: laburpenetik poster digitalera	4 eta 6 saio bitartean
UNITATE DIDAKTIKOAREN DESKRIBAPENA
Azalpen-testu bat irakurri ondoren, ikasleek haren laburpen idatzia egingo dute, banakako lanean. Ondoren, kideen arteko berrikuspena egingo dute, elkarrekin adostutako ikuspegi bat izateko. Laburpena poster digital baten atala izango da. Posterrak, horrez gain, hautatutako gaiari buruzko irudiak eta bideoak izango ditu.
CURRICULUM-EDUKIAK	Laburpena (kontzeptua) Testu-laburpenak egitea (prozedura) Publizitate-kartela: egitura eta helburua (kontzeptua) Publizitate-kartelak egitea (prozedura) Informazioa bilatu eta biltzea (prozedura)
IKASKUNTZA-HELBURUAK	Azalpen-testuak irakurri eta ulertzea haren egiturari eta esanahi orokorrari erreparatuta. Lexiko espezifikoa zehaztasunez erabiltzea. Testu bateko paragrafo bakoitzeko ideia nagusiak identifikatzea eta haien laburpena egitea zatiak hitzez hitz kopiatu gabe. Poster digital bat egitea, haren ezaugarriak eta helburua errespetatuz. Poster digital bat egiteak dakarren erantzukizuna aintzat hartzea, bai eta hartzaileengan duen eragina ere. Azalpen-testu bateko ideiak hauteman eta antolatzea. Aitortzea zer garrantzia duten alderdi grafikoek (letra-tamaina eta -tipoa, elementuen banaketa, multimedia-baliabideen erabilera…) testuzko tipologiak (esaterako, multimedia-posterra) egiterakoan eta besteei erakusterakoan. Izaki bizidunen dibertsitatea aintzat hartzea, eta, bereziki, desagertzeko zorian dauden animaliena, eta natura-ingurunerako eta giza ingurunerako dakarren aberastasuna ere aitortzea.
IKTko GAITASUN OROKORRAK*	A2. Ingurune birtualetan moldatzea. A3. Informazioa kudeatzea, sortzea eta ebaluatzea. A4. Sortzaileak izatea eta berritzea. A5. Mundu erreala ulertzea, esploratzea eta bertan moldatzen jakitea. F2. IKTak erabiltzea informazioa bilatzeko, aukeratzeko eta aztertzeko. F3. IKTak erabiltzea testu-informazioa prozesatzeko. F5. IKTak erabiltzea multimedia-informazioa prozesatzeko. C2. Jabetza intelektuala aintzat hartzea. C3 Komunikazio elektronikoaren estiloak eta formak errespetatzea.

* “Eskola2.0” proposameneko IKT gaitasunei dagozkien itemak, Lehen Hezkuntzako 5. mailako ikasleentzat. Lantegi honi erantsitako materialetatik aterata: Irakasleentzako eta ikasleentzako IKTko gaitasun-mapak: http://www.eskola20.org/prestakuntza/gaitasun_mapak.pdf.