2. Ariketa

“Nire eskolak” atalean segidak (edo ikasgaiak) gehitzea

LAMS ingurunearekin ohituta gaudela, eta gure ikasleekin burutuko dugun jarduera prestatzen hasteko, landuko dugun segida edo ikasgaia plataforman gehituko da.

Horretarako, klik egingo dugu Mis clases fitxako Agregar lecciones aukeran.

Ekintza horrekin, leiho berri bat irekiko dugu. Hiru aukera-fitxa izango ditugu bertan.

Lehenespenez, Lección (Ikasgaia) fitxa agertzen da. Hor agertzen dira LAMS zerbitzarian sarbidea dugun karpetak.

Karpeta bat pertsonala izango da, eta plataformaren erabiltzaile moduan dugun izena izango du (adibideko pantailan, erabiltzaile-izena Tutor Quinto Primaria da). Bertan bilduko dira segida-egile profila badugu sortu eta diseinatzen ditugun segidak. LAMSen hasiera batean izena eman diguten profilarekin ezingo ditugu segidak diseinatu, sortuta daudenak erabili ahal izango ditugu soilik.

Beste karpeta batek Mis clases (Nire eskolak) gunean sartzeko aukera ematen digu, gure ikasleekin lantzeko sortutako eskoletara. Han ikusiko ditugu sartutako segidak ere.

Azkenik, Carpeta Pública (Karpeta publikoa) irekitzeko aukera izango dugu, eta bertan, proiektutik eskainiko diren segidez gain, proiektuko erabiltzaileek gainerako erabiltzaileekin partekatzeko egindako proposamenak ere bilduko dira.

Azken karpeta horretan izango dugu Laburpena eta posterra izeneko segida. Karpetaren izenaren ezkerreko aldean dagoen gezian klik eginez gero, hango edukia agertuko zaigu, eta erregistroa hautatu eta Crear lección (Sortu ikasgaia) botoian klik egitea nahikoa izango da.

Ekintza berretsita, sistemak Mis clases (Nire eskolak) pantailara itzuliko gaitu. Han izango dugu ikusgai, ikasgaien zerrendan, “Laburpena eta posterra” segida.

Sekuentziaren edo ikasgaiaren eskuinean, aukera berri bat agertuko zaigu: Seguimiento (Jarraipena). Esteka horretan sakatzean, segida editatzeko ingurunea irekiko zaigu, eta ikasgai horretan lanean dauden ikasleen bilakaera ikusiko dugu.

Hurrengo ariketetan aurkeztuko ditugu tresna horren funtzioak eta erabilerak.