KAPSULA – 1 MAILAKO IKT TAILERRA
Toki geografikoak bilatu Google Earth eta Google Maps aplikazioen bitartez
IbilbideaGaitasun-mapaGoogle Earth. Deskripzioa eta funtzionalitate nagusiakGoogle Earth. Deskarga eta instalazioa / Web lokalizazioaGoogle Earth. Erabilera adibideakGoogle Earth. Erabilera adibideakGoogle Earth. Erabilera adibideakGoogle Earth. Erabilera adibideakGoogle Earth. Erabilera adibideakGoogle Earth. Erabilera adibideakGoogle Earth. Erabilera adibideakGoogle Earth. Erabilera adibideakGoogle Earth. Argibide gehiagoGoogle Earth. Argibide gehiagoGoogle Earth. Argibide gehiagoGoogle Earth-en desinstalazioaGoogle Earth. IKT HiztegiaGoogle Maps. Deskripzioa eta funtzionalitate nagusiakGoogle Maps. Web lokalizazioaGoogle Maps. Erabilera adibideakGoogle Maps. Erabilera adibideakGoogle Maps. Erabilera adibideakGoogle Maps. Erabilera adibideakGoogle Maps. Erabilera adibideakGoogle Maps. Erabilera adibideakGoogle Maps. Erabilera adibideakGoogle Maps. Argibide gehiagoGoogle Maps-en desinstalazioaGoogle Maps. IKT Hiztegia
1 de 29
0%

Ibilbidea

Zer egingo dugu?

Kapsula-lantegi honetan ezagutuko dituzu Googlek eskuragarri jartzen dizkigun tresna batzuk toki bat kokatzeko, leku batetik bestera errepidez edo oinez nola joan jakiteko, toki bat mapa digital batean markatzeko (ondoren erreferentzia gisa bidaltzearren) edo, besterik gabe, gure geografiaren ezaugarriak arakatzeko.

Lehenik Google Earth erabiltzeko gida bat garatuko dugu. Software bat da, erabili ahal izateko deskargatu eta ordenagailuan instalatu beharrekoa.

Ondoren Google Maps izeneko bigarren tresna baten erabilgarritasuna azalduko dugu. Tresna hori zuzenean Internetetik erabiltzen da, ordenagailuan inolako programarik instalatu behar izan gabe.

Google Maps

Zein urrats emango ditugu?

Aplikazio horietako bakoitza honako eduki-egiturarekin aurkeztea:

  • Deskribapena eta funtzionaltasun nagusiak

  • Instalazioa eta deskarga / Web-lokalizazioa

  • Erabilera-adibideak

  • Informazio gehiago

  • Desinstalazioa

  • IKT hiztegia (beharrezkoa denean)

Nola aurkezten dizkizugu materialak?

Formatuak konbinatuta, kapsula-lantegiaren edukiekin lan egiteko hainbat aukera eskaintzearren:

  • Material osoaren bertsio inprimagarri osatua PDF formatuan.

  • Bertsio elektronikoa WEB formatuan.

  • Sailetako batzuen bertsio bideo-tutoriala.

Beste kapsula-lantegi batzuetan beste aplikazio batzuk jorratuko ditugu. Erabilgarriak izan ditzazuela espero dugu.

Gaitasun-mapa

IKTko gaitasunak*
(ardatzetan sailkatuta)

G. Kudeaketa eta garapen profesionala

D. Didaktika, pedagogia eta curriculuma

C. Hiritartasun digitala

G4. Tutorialak zer diren ulertzea, eta laguntza gisa erabiltzea IKTko edozein baliabide ikasteko.
D2. Ikasleei beren ikaskuntzaren protagonista izaten lagunduko dieten ikaskuntza-giroak garatzea, beren esperientziak, beren helburuak diseinatuz eta IKTko baliabideak erabiliz beren jarduerak ebaluatuz.
D3. Dagokion ikasgairako IKTko baliabide espezifikoen bidezko ikaskuntza sustatzea ikasleen artean.
D5. Honetarako aukera ematen duten IKTko baliabideak identifikatu eta ebaluatzea:

  • Ikasgaiko edukiak ulertu eta garatzea (gertaerak, ideiak, teoriak, kontzeptuak), eta haien arteko hierarkiak eta harremanak ezartzea.
  • Zenbait komunikazio-mota erabiltzea ikasgaiaren generoak eta ikur-sistemak erabiliz, eta kontuan hartuta norentzat den eta zein den testuingurutan.
  • Ezagutza baliozkotzeko metodoak, prozedurak eta moduak, ikasgaiaren berezkoak, erabiltzea.

D7. IKTko baliabideak erabiltzea, abstraktua dena konkretu bihurtzeko aukera eman dezaten 2Dko edo 3Dko errepresentazioen bidez.
D8. IKTko baliabideak erabiltzea, sistemak, fenomenoak, prozesuak edo gertakariak moldatzeko.
D12. Pentsamendu sortzailea, berrikuntza eta aurkikuntza sustatu, babestu eta modelatzen duten ikaskuntza-esperientziak diseinatu, gauzatu eta ebaluatzea.

IKT edukiak
  • Google Earth instalatzea eta desinstalatzea.
  • Nabigazio-kontrolak.
  • Geruzen erabilera
  • Leku espezifikoak eta puntu interesgarriak bilatzea.
  • Posizio-markak.
  • 3Dko ikustailea (Planetas aukera)
  • Hegaldi-simulatzailea
Gutxieneko ezagutzak
  • Oinarrizko kontzeptuak tresna informatikoei eta sistema eragileari buruz.
  • Interneterako konexioa.
  • Ordenagailu bateragarria Google Earth erabiltzeko (Windows 2000 eta hortik aurrerakoa, 256MBko RAM memoria, 3Dko txartel grafikoa 16MBko VRAM eta abar)
Autoebaluaziorako irizpideak
  • Google Earth behar bezala deskargatzea eta instalatzea.
  • Nabigazio-kontrolak erraztasunez erabiltzea.
  • Leku jakin bat bisitatzea (haurtzaroko etxea, monumentu historiko bat eta abar).
  • Planeta aukerarekin eta hegaldi-simulatzailearekin esperimentatzea.

* “Eskola 2.0” proposameneko IKTko gaitasunei dagozkien itemak, Lehen Hezkuntzako 5. mailako ikasleentzat. Erantsitako material honetatik hartuak: "IKTko gaitasun-mapak".

Google Earth. Deskripzioa eta funtzionalitate nagusiak

Google Earth izenak adierazten duenez, Lurra (Earth) munduko bola birtual baten bidez arakatzeko garatu zen. Munduko bola hori Keyhole Inc. enpresak sortu zuen 2001ean, EarthViewer 3D izenaz, eta Googlek 2004an eskuratu zuen.

Produktua, 2005ean Google Earth gisa berriro argitaratua, egun 41 hizkuntzatan eskuragarri dago, Windows 2000 eta ondorengoetan, Mac OS X 10.3.9 eta ondorengoetan, Linux Kernel 2.4 edo ondorengoan (2006ko ekainean argitaratua) eta FreeBSDn erabiltzeko. 2008ko urriaren 27an iPhone-ren sistema eragilean ere eskuragarri jarri zen doako deskarga gisa (freeware).

Tutorial honetan, Google Earthen doako bertsioaren funtzionaltasunak garatuko ditugu. Bada ere ordaintzeko bertsio bat, Google Earth Pro, merkataritza-erabilerara zuzendutakoa. Horrek zenbait tresna gehigarri eskaintzen ditu, hala nola: bereizmen handiko inprimaketa, kalkulu-orrien inportazioa (mapa baten aldi berean milaka helbide irudikatzeko), GISaren datuak inportatu eta antolatzea, azalerak eta erradioak neurtzea eta bezeroentzako Google Earth Pro-ren bideo pertsonalizatuak sortzea.

Egun Google Earthek aukera ematen digu Lurreko edozein tokitara hegan egiteko, eta satelite-irudiak, mapak, erliebeak eta eraikinak 3Dan ikusteko. Gainera, bidea ematen du kanpoko espazioko galaxiak eta ozeanoko arroilak ikusteko, bai eta eduki geografiko zabala arakatzeko, bisitatutako lekuak gordetzeko eta horiek beste pertsona batzuekin partekatzeko ere.

Google Earth instalatzeko eta behar bezala funtzionatzeko, PCak konfigurazio hau izan behar du:

Beharrezko gutxieneko konfigurazioa

Gomendatutako konfigurazioa

Sistema eragilea:

Windows 2000, Windows XP edo Windows Vista

Windows XP edo Windows Vista

CPUa:

Pentium 3, 500 Mhz

Pentium 4 2.4 GHz+ edo AMD 2400xp+

Memoria (RAM):

256 MB

512 MB

Disko gogorra:

400 MB-ko espazio librea

2 GB-ko espazio librea

Sarearen abiadura:

128 kbit/s

768 kbit/s

Txartel grafikoa:

3D- VRAMeko 16 MB-ko ahalmena

3D- VRAMeko 32 MB-ko ahalmena

Pantaila:

1024x768, "16-bit" - DirectX 9 (Direct X modua erabiltzeko, “gomendatua”)

1280x1024, "32-bit" - DirectX 9 (Direct X modua erabiltzeko, “gomendatua”)-

Google Earth. Deskarga eta instalazioa / Web lokalizazioa

  • Google Earth erabiltzeko, beharrezkoa da programa ordenagailuan deskargatu eta instalatzea. Horretarako, http://earth.google.es/ web-orrira konektatu eta Descargar Google Earth (deskargatu Google Earth) botoia hauta dezakezu.

  • Descargar Google Earth botoia sakatzean, ondorengo pantaila agertuko da zerbitzuaren baldintzekin (ingelesez), bai eta Google Chrome nabigatzailea instalatzeko aukera ere (aurrez hautatua). Nabigatzailea instalatu nahi ez baduzu, desmarkatu dagokion laukia Aceptar y descargar (onartu eta deskargatu) botoia hautatu aurretik.

  • Instalazioari ekin aurretik, zure sistemaren segurtasun-konfigurazioaren arabera, leiho bat agertuko da fitxategiak deskargatzeko segurtasun-oharrarekin. Hautatu Ejecutar (exekutatu) botoia.

  • Instalazioa amaitu ondoren agertuko den leihoan, “DirectX” modua erabiltzea gomendatzen da. Hautatu Sí (bai) botoia.

  • DirectX modua hautatu ondoren, Google Earth programa berrabiarazi behar da.

Dagoeneko Google Earth programa instalatuta eta erabiltzeko prest dugu. Ondorengo atalean, haren aplikazio erabilgarrienetako batzuk azalduko ditugu.

Google Earth. Erabilera adibideak

Google Earth-i buruzko oinarrizko informazioa

Ondorengo diagraman, Google Earth-eko leiho nagusian eskuragarri dauden funtzioetako batzuk deskribatzen dira:

  1. Volar a (hona hegan egin) fitxa: munduko bolan toki jakin batzuk bilatzeko.

  2. Buscar negocios (bilatu negozioak) fitxa: eremu jakin baten barruan negozioak kategoriaren arabera bilatzeko.

  3. Cómo llegar (nola iritsi) fitxa: toki batetik bestera joateko ibilbidea bilatzeko.

  4. Ocultar/Mostrar barra lateral (Erakutsi/Ezkutatu) alboko barra) botoia: egin klik alboko barra agertu edo ezkutatzeko -Buscar (bilatu), Lugares (lekuak) eta Capas (geruzak) panelek osatzen dute-.

  5. Marca de posición (kokapen-marka) botoia: egin klik marca de posición a un lugar (leku baterako kokapen-marka) gaineratzeko.

  6. Polígono (poligonoak) botoia: egin klik poligono bat gaineratzeko (agregar un polígono).

  7. "Ruta" (ibilbidea) botoia: egin klik ibilbide bat (linea edo lineak) gaineratzeko -agregar una ruta (línea o líneas)-.

  8. Superposición de imágenes (irudiak gainjatzea) botoia: egin klik Lurrean irudiak gainjartzeko (superposición de imágenes en la Tierra).

  9. Video grabador (bideo-grabatzailea): egin klik leku bata bilatzen ari zaren bitartean grabatzeko. Nahi izanez gero, audioa ere graba daiteke, bilatzen ari garena kontatzeko edota edozein iruzkin egiteko.

  10. Reloj (erlojua) botoia: egin klik aurkitutako lekuaren irudi historikoak agertzeko.

  11. Sol (eguzkia) botoia: egin klik bertan paisaiari argia aplikatzeko (aplicar luz solar).

  12. Planeta (planeta) botoia: egin klik izarrak, izar multzoak, galaxiak, planetak eta Lurraren Ilargia ikusteko (ver las estrellas, las constelaciones, las galaxias, los planetas y la luna de la Tierra).

  13. Regla (erregela) botoia: egin klik distantzia bat neurtzeko (medir una distancia).

  14. Correo electrónico (posta elektronikoa) botoia: egin klik, posta elektronikoaren bidez, ikuspegi bat (vista) edo irudi bat (imagen) ikusteko.

  15. Imprimir (inprimatu) botoia: egin klik Lurraren uneko ikuspegia inprimatzeko.

  16. Mostrar en Google Maps (erakutsi Google Maps-en) botoia: egin klik Google Maps-en uneko ikuspegia web-nabigatzailean agertzeko.

  17. Capas (geruzak) panela: erakutsiko diren leku interesgarriak hautatzeko.

  18. Lugares (lekuak) panela: erabil ezazu kokapen-markak aurkitu, gorde, antolatu eta berriro bisitatzeko.

  19. Añadir contenido (erantsi edukia) fitxa: egin klik Galería KML (KML galeria) gunetik eduki interesgarria inportatzeko.

  20. 3D bisorea: leiho honetan, Lurra eta bere erliebea ikusi ahal izango dituzu.

  21. Egoera-barra: koordenatuak, goratzea, irudien data eta horien streaming-egoera ikusteko.

Google Earth. Erabilera adibideak

Programaren erabilerari buruzko adibide praktikoak erakutsi aurretik, nabigazio-kontrolatzaileen erabilera azalduko dugu. Horiek ikusi eta erabili ahal izateko, kurtsorea 3D bisorearen eskuinaldeko izkinaren gainean mugitu behar da. Nabigazio-kontrolak agertzen ez badira, horiek aktibatzeko, egin Ver > Mostrar navegación > Automáticamente (ikusi > erakutsi nabigazioa > automatikoki).

Nabigazio-kontrolatzaileak erabil daitezke irudia hurbildu edo urruntzeko, bertatik mugitzeko eta ikuspegia biratzeko. Ondorengo diagraman, kontrolak erakutsi eta horien funtzioak azaltzen dira.

  1. Egin klik Restablecer Norte (berrezarri iparra), ikuspegia berrezartzeko, iparra pantailaren goialdean gera dadin. Ikuspegia biratzeko, egin klik eta arrastatu eraztuna.

  2. Erabili bistaratze-kontrola (joystick), ikuspegi bakarretik begiratzeko, burua biratuko bazenu bezala. Egin klik gezi batean norabide horretan begiratzeko edo jarraitu botoiari sakatzen ikuspegia aldatzeko. Gezi batean klik egin ondoren, mugitu sagua kontrolaren inguruan mugimenduaren norabidea aldatzeko.

  3. Erabili mugimendu-kontrola zure kokapena lekualdatzeko. Egin klik gezi batean norabide horretan begiratzeko edo jarraitu botoiari sakatzen ikuspegia aldatzeko. Gezi batean klik egin ondoren, mugitu sagua kontrolaren inguruan mugimenduaren norabidea aldatzeko.

  4. Erabili hurbiltze-irristailua hurbiltzeko edo urruntzeko ("+" hurbiltzeko eta "-" urruntzeko), edo egin klik irristailuaren muturretan dauden ikonoetan. Lurrera hurbiltzen zaren neurrian Google Earth desplazatu (makurtu) egiten da ikuspegi-modua aldatzeko, Lurraren gainazalarekiko paralelo izan dadin. Makurdura automatiko hori desaktibatzeko, egin Herramientas > Opciones > Navegación > Controles de navegación (tresnak > aukerak > nabigazioa > nabigazio-kontrolak); eta, Mac-en: Google Earth > Preferencias > Navegación > Controles de navegación (Google Earth > lehentasunak > nabigazioa > nabigazio-kontrolak).

Nabigazioa kontrolatzeko, teklatua ere erabil dezakezu. Kontsultatu Navegación en el visor 3D (nabigazioa 3D bisorean) atalean, Controles del teclado (teklatuaren kontrolak) barruan, informazio gehiago lortzeko.

Google Earth. Erabilera adibideak

Erliebearen geruzak Google Earth-en

  • Hasteko, erliebe nabarmenetako paisaia bat bilatuko dugu, erliebe-geruza gaitzearen efektua antzeman ahal izateko. Volar a (hona hegan egin) leihatilan "Sierra Nevada" idatziz gero, honako irudi hau lortuko dugu 3D pantailan:

  • Erliebearen aukera hautatu ondoren, irudia makurtzeko bistaratze-kontrola manipulatuta eta irudia hurbiltze-irristailuaren (+) gerturatuta, honelako irudiak ikus ditzakegu:

Lekuak bilatzea

  • Orain, Parisen liburutegiak bilatuko ditugu, Buscar negocios (bilatu negozioak) fitxa erabilita. Fitxa horretan jarrita, Qué (zer) laukian idatzita "biblioteca" (liburutegia), Dónde (non) laukian idatzita "París" (Paris), emaitza gisa, ondorengo pantaila lortuko dugu 3D bisorean. Ariketa gehigarri gisa, Regla (erregela) botoia erabiliko dugu markatutako bi interesguneen artean zein distantzia lineal dagoen jakiteko.

  • Toki batetik bestera nola iritsi jakin nahi badugu, saguaren eskuineko botoiarekin klik egingo dugu interesgunearen gainean (abiapuntua) eta Cómo llegar desde aquí (hemendik nola iritsi) hautatuko dugu. Programak Cómo llegar (nola iritsi) automatikoki irekiko du. Ondoren, helburuko lekuarekin gauza bera egingo dugu, eta Cómo llegar hasta aquí (nola iritsi honaino hautatuko dugu.
  • Google Earthek maparen gainean gomendatutako ibilbidea marratuko du eta, era berean, jarraitu beharreko bideei buruzko argibide zehatzak emango ditu. Cómo llegar (nola iritsi) panelaren azpialdean, Reproducir viaje (erreproduzitu bidaia) botoia agertuko da. Horren bitartez, hautatutako bi puntuen arteko ibilbide gomendatuaren bideoa ikusi ahal izango dugu.

Google Earth. Erabilera adibideak

Badakigu nola bilatu leku zehatzak, kategorien araberako interesguneak -Buscar negocios (bilatu negozioak)-, nola neurtu 3D bisorearen bi punturen arteko distantzia linealak eta nola aurkitu toki batetik bestera joateko gomendatutako argibideak. Orain, munduko hainbat ingurutako interes orokorreko lekuak arakatzeko programa erabiliko dugu, horiek ezaugarrien arabera aurretiaz hautatuta, adibidez: “tour de lugares destacados” (bidaia leku nabarietatik), “tour de castillos y palacios 3D” (3D bidaia gaztelu eta jauregietatik) edo “tour de rascacielos 3D” (3D bidaia etxe orratzetatik). Adibide bat erakutsiko dugu azken horrekin.

Hautatu Lugares (lekuak) fitxa eta, ondoren, Añadir contenido (erantsi edukia). Google Earthen galerian sartuko gara eta, bertan, aurrez hautatutako irudien zenbait bilduma topa ditzakegu. Gure adibiderako, etxe orratzetako bidaia (Skyscrapers tour) hautatu dugu. Bidaia birtuala hasteko, Start tour here aukeran klik bikoitza egingo dugu. 3D bisorean bidaia egingo dugu aldez aurretik programatutako lehen eraikineraino. Gelditu egingo da irudia hurbildu edo makurtu ahal izateko. Adieraziko digu play

botoian klik egiteko, bidaiaren hurrengo lekua ikusteko (gure kasuan, hirugarrena erakusten dugu: Kuala Lumpurreko Petronas dorreak).

  • Hainbat leku, monumentu eta eraikuntza ikusi ahal izateaz gain, askotan horiei buruzko informazioa lortzeko aukera dugu eraikinaren edo monumentuaren gainean klik eginda.

  • Orain, kokapen-marka bat sortuko dugu.

  • Demagun talde-bisita bat antolatu behar dugula Museo Nacional del Prado-ra. Ziurtatu egin behar dugu guztiek dakitela topalekua zehazki non dagoen. Horregatik, topalekua argi eta garbi markatu nahi dugu irudiaren gainean.

Lehenik, museoa bilatuko dugu, Volar a (hona hegan egin) eremuan honako hau idatzita: "Museo del Prado, Madrid"

. Irudia hurbildu eta kokapena markatzen duen botoiaren gainean klik egingo dugu
. 3D bisorearen erdian kokatuko da. Bertan klik egingo dugu eta, saguaren botoia sakatuta dugula, nahi dugun lekura mugituko dugu. Jarraian, markarako izen bat idatz dezakegu, kasu honetan "Punto de encuentro" (topalekua). Era berean, onartzeko botoia sakatu aurretik, deskribapen bat erants dezakegu puntua gordetzeko.

Google Earth. Erabilera adibideak

Kokapen-marka hori ordenagailuan gordeko zaigu eta bertara noiznahi jo ahal izango dugu kokapen-markan klik eginda, Lugares (lekuak) panelean.

  • Kokapen-markaren deskribapena ikusteko, egin klik bakarra haren gainean, 3D bisorean nahiz Lugares (lekuak) panelean. 3D bisorean kokapen-marka ikusteko, horren gelaxkak hautatuta egon behar du.
  • Orain museotik gertu jatetxe bat kokatu nahi badugu, bisitaldiaren ondoren jateko, hautatu Buscar negocios (bilatu negozioak), Qué (zer) leihoan idatzi "restaurantes" (jatetxeak) eta Dónde (non) leihoan utzi vista actual (uneko ikuspegia): 3D bisorean museotik gertu dauden zenbait jatetxe markatuko ditu. Gainera, alboko panelean, bakoitzaren helbidea erakutsiko du.

  • Museoa bisitatu behar duten guztiei irudia posta elektroniko bidez bidaltzeko, nahikoa da Correo electrónico (posta elektronikoa) botoiaren gainean klik egitea. Ondoko leiho hau ikusiko dugu:

Guztiek ordenagailuan Google Earth instalatuta ote duten ez badakigu, gomendagarriena da uneko ikuspegiaren fitxategi grafiko bat (argazki bat) bidaltzea. Beste bi aukeretako bat hautatzen badugu, posta jasotzen duenak programa instalatuta eduki behar du irudia ikusi ahal izateko. Egin klik leihoko Correo electrónico (posta elektronikoa) botoian. Posta elektronikoaren kudeatzailea irekiko da, erantsitako fitxategi bat duen mezuarekin. Hartzaileak erantsi eta, nahi izanez gero, mezu pertsonalen bat idatzi besterik ez da egin behar.

  • Ikus dezagun orain Reloj (erlojua) botoiaren funtzioa, 3D bisorean garai jakin bateko irudi-sekuentzia ikusi ahal izateko. Adibidez, Madrilgo Barajas aireportuko irudi bat erabiliko dugu. Idatz dezagun "Barajas, Madrid" Volar a (hegan egin hona) paneleko leihoan.

  • Reloj (erlojua) botoian klik eginda, denbora-erregela bat azalduko da 3D bisorearen goialdean. Haren bidez, bilaketa egiteko garaian (2007ko abuztuaren 3an) hasiera batean azaldutako irudiaren gainean denboran mugi gaitezke. Aurreko irudiak eskuragarri daude, adibidez, jarraian erakusten duguna (2002ko martxoaren 8koa). Bertan, alde nabarmenak antzeman ditzakegu, hala nola, garai hartan ez zeuden pistak eta eraikuntzak. Gainera, irudi berriago bat ikusteko aukera dago (2009ko otsailaren 28koa).

Google Earth. Erabilera adibideak

Bidaia Ilargira

Orain, ilargira egingo dugu bidaia, 3D bisorearen goialdean kokatutako Planeta (planeta) botoia erabilita. Horren bidez, aukera hauek ditugu: Lurra arakatzea (orain arte egin dugun bezala), zerua arakatzea (izarrak eta izar multzoak ikusteko), Marteren azala ikustea edota Ilargitik paseo birtuala egitea. Lurrerako bezalaxe, Marterako eta Ilargirako aurretiaz zehaztutako bidaia birtualak ere baditugu (azalpenak ingelesez daude). Cielo (zerua) geruzan, ezagutzen diren izar-laino eta galaxia ugariri buruzko informazio nabaria dago, eta horiek ordenagailuan ikusi ahal izango ditugu teleskopio sendo bat bailitzan.

Gure adibiderako, Planeta (planeta) botoian klik egin eta Luna (Ilargia) hautatuko dugu. Alboko Capas (geruzak) panelean, egin klik Galería lunar (ilargi-galeria) aukeran eta, ondoren, Misiones Apolo (Apolo misioak) atalean, misioen fitxak zabalduko dira. Hautatu lehena, Apolo 11: 3D bisorean koadro bat agertuko misioaren inguruko informazioarekin (irteera-data, Ilargian lurreratzea, Lurrera itzultzea, eta tripulatzaileen izena eta eginkizuna. Aipatutako informazioaz gain, argazki txiki batzuk ikusiko ditugu. Horien gainean klik egitean informazio gehiago, bideoak edo bereizmen handiko argazkiak eskuratu ahal izango ditugu.

  • Bereizmen handiko argazkietako bat irekitzean, irudia hurbildu eta hurrentzeko aukera izateaz gain, kurtsorea bisorearen goialdera eramenez gero, lauki zuria duen leiho bat agertuko da uneko ikuspegiaren atalean kokatuta. Leiho horren alboko gezien bidez, argazkitik mugitzeko aukera dugu 180º-ko ikuspegi-angeluaz, buruari biratzen ari bagina bezala.

Google Earth. Erabilera adibideak

Hegaldi-simulagailua

Google Earthek, gainera, jolastuz ikasteko aukera ematen du; bere hegaldi-simulagailuaren bidez bidaia birtualak egiten baititu.

Aplikazioak bi hegazkin aukera hauek ditu:

  • F16 ehiza-hegazkina edo

  • SR22 propultsio-hegazkina.

Hegaldiaren hasierako kokapena, hau da, hegazkina aireratuko den puntua ere hauta daiteke. 3D bisorean erakusten den ikuspegiaren gainean has daiteke hegaldia, simulagailua aktibatzeko unean, edota hasierako kokapena hautatzeko panelean dagoen lauki zabalgarrian jasotako edozein aireportutik abia daiteke.

Tresna horren bidez munduko edozein hiri inguru, monumentu edo paraje naturalaren gainetik hegan egiteko, ibai bat bilatzeko eta horren ibilbide osoari jarraitzeko aukera dugu.

  • Adibide gisa, bila dezagun Ebro ibaia. Horretarako, "delta del Ebro" (Ebroren delta) idatziko dugu Volar a (hegan egin hona) leihoan. Behin ibaia kokatu ondoren, irudia hurbildu eta biratzeko aukera dugu, ibairen ubidearekin lerrokatuta egoteko. Ondoren, Herramientas (tresnak) fitxan, Entrar en simulador de vuelo (hegaldi-simulagailuan sartu) hautatuko dugu.

Simulagailua aktibatzean, 3D bisorean hegaldiaren kontrol-adierazleak agertuko dira. Mugimenduak saguarekin, teklatuarekin edota kontrol batekin ere kontrola daitezke.

Google Earth. Erabilera adibideak

Geruzen erabilera

Dagoeneko azaldu ditugu Google Earth-en Capas (geruzak) panelaren funtzio batzuk, hala nola, Relieve (erliebea), Edificios 3D (3D eraikinak) edo bidaia birtualak. Gainera, interes geografikoa duten hautatutako leku batzuk eskaintzen ditu (bistaratze-eremuan aukeratu eta erakuts daitezke), Carreteras (errepideak) barruan, horien izenak bistaratzeko aukera ematen du, edo Lugares de interés (leku interesgarriak) hautatzekoa, horiek 3D bisorearen uneko ikuspegiaren gainean ikusi nahi izanez gero, 3D bisorean erakunde edo mugimendu kontserbazionista edo GKE batzuetan presentzia handiena duten eskualdeetara iritsi arte. Geruza batzuek

zeinuko botoia dute. Horrek aditzera ematen du bereizirik hauta daitezkeen zenbait aukera dituztela. Ondorengo adibidean, UNICEFek uraren eta saneamenduaren alorrean non diharduen nola ikusi azalduko dugu.

botoiaren gainean klik eginez gero, Concienciación global (kontzientziazio globala) atalean, aukera eta azpikategoria guztiak zabalduko dira. Hautatu UNICEF aukera: Agua y saneamiento (ura eta saneamendua). 3D bisorean UNICEFek programa horien bidez non diharduen ikusteko, izenburuaren gainean klik bikoitza egin behar dugu. Irudia hurbiltzean, erakundearen ikonoak ikusiko ditugu. Ikono horien gainean klik eginda agertuko den leihoan, tokian-tokian garatzen dituen jarduerei buruzko informazioa jasotzen da (kasu honetan ingelesez).

Herrien izenak eta mugak ikusteko, Fronteras y etiquetas (mugak eta etiketak) geruza aukeratuta izan behar da.

Google Earthen erabileraren adibideak ikusteko, Street view geruza ikusiko dugu.

Googlek kale eta errepideetan zehar hartutako argazki ugari ikusteko aukera ematen digu. Argazki horietako bat aukeratzean: programak aukera ematen digu, irudia hurbildu eta urruntzeko ez ezik, gure ikuspegi-puntua biratzeko, irudia hartutako puntaren inguruan biratzen ari bagina bezala. Argazkiak dagokien kalearen arabera izendatuta daude. Hegan egin dezagun ( Volar a) La Sagrada Familia, Barcelona"-ra. Street View geruza hautatuta dugula irudia hurbilduko dugu, kaleetan argazki-kameren ikono batzuk agertu arte. Marina eta Mallorca kaleen arteko gurutzagunearen argazkia hauta dezakegu. Ikuspuntua igo eta ezkerretarantz biratzean, ondorengo irudia lortuko dugu:

Argazkiaren azpiko eskuinaldean, Marina kalean zehar dauden kameren ikonoak ikus ditzakegu, argazkiak zein puntutan hartuak diren adierazita. Beraz, horien bidez beste ikuspuntu batzuk eskuratuko ditugu.

Google Earth. Argibide gehiago

Aplikazioaren kontrolak

Ondorengo tekla-konbinazioen bidez, Google Earth aplikazioa kontrola dezakegu:

Komandoa

Windows/Linux
Tekla-konbinazioa

Emaitza

Menua: Fitxategia

Alt + A (gaztelania)

Archivo (fitxategia) menua zabaltzen du. Menua zabalduta dagoela, elementuak hautatzeko, goranzko eta beheranzko geziak erabil ditzakezu.

Menua: Editatu

Alt + E (gaztelania)

Editar (editatu) menua zabaltzen du. Menua zabalduta dagoela, elementuak hautatzeko, goranzko eta beheranzko geziak erabil ditzakezu.

Menua: Ikusi

Alt + V (gaztelania)

Ver (ikusi) menua zabaltzen du. Menua zabalduta dagoela, elementuak hautatzeko, goranzko eta beheranzko geziak erabil ditzakezu.

Menua: Erantsi

Alt + D (gaztelania)

Añadir (menua) menua zabaltzen du. Menua zabalduta dagoela, elementuak hautatzeko, goranzko eta beheranzko geziak erabil ditzakezu.

Menua: Tresnak

Alt + H (gaztelania)

Herramientas (tresnak) menua zabaltzen du. Menua zabalduta dagoela, elementuak hautatzeko, goranzko eta beheranzko geziak erabil ditzakezu.

Menua: Laguntza

Alt + Y (gaztelania)

Ayuda (laguntza) menua zabaltzen du. Menua zabalduta dagoela, elementuak hautatzeko, goranzko eta beheranzko geziak erabil ditzakezu.

Fitxategia zabaldu

Ktrl + O

Fitxategiak zabaltzeko elkarrizketa-koadrora sartzen da. Bertan, Google Earth-en baimendutako fitxategi mota guztiak zabaldu ahal izango dituzu.

Irudia gorde

Ktrl + Alt + S

Uneko irudia konputagailuan irudi gisa gordetzen du.

Google Maps-en ikusi

Ktrl + Alt + M

Google Maps-eko uneko irudia erakusten du.

Inprimatu

Ktrl + P

Inprimatzeko elkarrizketa-koadroa zabaltzen du. Bertatik, zabaldutako ikuspegia, kokapen-markak, karpetaren edukiak edo bilaketaren emaitzak inprimatu ahal izango dituzu.

Posta elektroniko bidez ikuspegia bidali

Ktrl + Alt + E

Posta elektroniko bidez, uneko ikuspegia kokapen-marka gisa edo irudi-fitxategi gisa bidaltzen du.

Kopiatu

Ktrl + C

Uneko hautaketa Lugares (lekuak) zerrendan kopiatzen du.

Moztu

Ktrl + X

Kokapen-marka bat edo beste elementu bat Lugares (lekuak) zerrendatik mozten du. 3D bisoreko ikono bat mozten du. Lehenik, zerrendatik ikonoa edo elementua hautatu behar da. Funtzio hori erabil dezakezu lekuei buruzko zure datuak antolatzeko.

Itsatsi

Ktrl + V

Kokapen-marka bat edo beste elementu bat Lugares (lekuak) paneleko hautatutako zerrendan itsasten du. Funtzio hori erabil dezakezu lekuei buruzko zure datuak antolatzeko.

Bilatu

Ktrl + F

Bilaketa-eremu bat zabaltzen du Lugares (lekuak) panelean. Erabil ezazu Lugares (lekuak) panelean jadanik badauden lekuak bilatzeko. Kontuan izan funtzio búsqueda de lugares de la Tierra (Lurrean lekuak bilatzea) funtzioaren desberdina dela.

Ezabatu

Ezab

Lugares (lekuak) panelean hautatutako elementu bat ezabatzen du.

Izena aldatu

Ktrl + Alt + R

Lugares (lekuak) panelean hautatutako elementua editatzeko moduan sartzen da, izena aldatu ahal izateko Editar marca de posición (editatu kokapen-marka) elkarrizketa-koadroan sartu behar izan gabe.

Hautatutako elementua edo kokapen-marka hurbildu edo urrundu

Sartu

Irudia Lugares (lekuak) paneleko hautatutako karpeta, kokapen-marka edo beste elementu batera hurbiltzen du.

Pantaila osoko modua

F11

Google Earth pantaila osoko modura eta leihoko ikuspegira aldatzen du.

Alboko barra erakutsi edo ezkutatu

Ktrl + Alt + B

Alboko barra erakutsi edo ixten du.

Latitude eta longitudeko lauki-sarea

Ktrl + L

3D bisorean, lurrazalean latitudeen eta longitudeen lauki-sarea erakusten du.

Bidaia erreproduzitu

Ktrl + Alt + P

Lugares (lekuak) panelean aukeratutako elementu guztien bidaia-modua erreproduzitzen du.

Kokapen-marka berria

Ktrl + Maius + P

Uneko ikuspegiari beste kokapen-marka bat eransten dio.

Karpeta berria

Ktrl + Maius + N

Nueva carpeta (karpeta berria) elkarrizketa-koadrora sartzen da.

Irudi-gainjartze berria

Ktrl + Maius + O

Nueva superposición de imagen (irudi-gainjartze berria) elkarrizketa-koadrora sartzen da.

Eredu berria

Ktrl + Maius + M

Nuevo modelo (eredu berria) elkarrizketa-koadrora sartzen da.

Ibilbide berria

Ktrl + Maius + T

Nueva ruta (ibilbide berria) elkarrizketa-koadrora sartzen da.

Poligono berria

Ktrl + Maius + G

Nuevo polígono (poligono berria) elkarrizketa-koadrora sartzen da.

Nabigazio-modua Trackball-era aldatzea

Ktrl + T

3D bisorearen nabigazio-modua Trackball modura aldatzen du. Era berean, Trackball aukera hemen hauta daiteke: Herramientas > Opciones > Navegación (tresnak > aukerak > nabigazioa) -Google Earth > Preferencias > Navegación (Google Earth > hobespenak > nabigazioa) Mac-en-.

Google Earth. Argibide gehiago

Nabigazioa 3D bisorean

Jarraian adierazten diren tekla-konbinazioek 3D bisorean nabigazioa kontrolatzeko aukera ematen dute.

Oharra: 3D bisoreak hautatuta egon behar du kontrol horiek eraginkorrak izateko. 3D bisorearen edozein puntutan besterik gabe klik egin behar duzu hura hautatzeko.

Komandoa

Windows/Linux
Tekla-konbinazioa

Emaitza

Ezkerrera mugitu

Ezkerreko gezia

Kurtsorea geziaren norabidean mugitzen du.

Eskuinera mugitu

Eskuineko gezia

Kurtsorea geziaren norabidean mugitzen du.

Gora mugitu

Gorako gezia

Kurtsorea geziaren norabidean mugitzen du.

Behera mugitu

Beherako gezia

Kurtsorea geziaren norabidean mugitzen du.

Eskuinera biratu

Maius + ezkerreko gezia

Ikuspegia erloju-orratzen noranzkoan biratzen du. Lurrak aurkako noranzkoan bira egiten du.

Ezkerrera biratu

Maius + eskuineko gezia

Ikuspegia erloju-orratzen aurkako noranzkoan biratzen du.

Maparen ikuspegi orokorrak erakutsi edo ezkutatu

Ktrl + M

Vista general del mapa (maparen ikuspegi orokorra) erakutsi edo ezkutatzen du.

Gorantz makurtu

Maius + saguaren ezkerreko botoia + beherantz arrastatu, Maius + beherako gezia

Bisorea "zeruertzaren" ikuspegirantz makurtzen du.

Beherantz makurtu

Maius + saguaren ezkerreko botoia + gorantz arrastatu, Maius + gorako gezia

Bisorea "goitik beheranzko" ikuspegirantz makurtzen du.

Begiratu

Ktrl + saguaren ezkerreko botoia + arrastatu

Ikuspegi-angelua beste norabide baterantz kokatzen du, burua gorantz, beherantz, ezkerrerantz edo eskuinerantz biratuko bazenu bezala.

Hurbildu

Saguaren gurpila. tekla tekla OrrGor

Irudia hurbiltzen du. Iradokizuna: OrrGor tekla erabiltzeko, egiaztatu teklatuaren zenbaki-blokeoa (Blok Zenb) desaktibatuta dagoela.

Urrundu

Desplazamendu-gurpila, - tekla (bai teklatu normalean, bai zenbakizkoan), OrrBeh tekla.

Irudia urruntzen du. Iradokizuna: OrrBeh tekla erabiltzeko, egiaztatu teklatuaren zenbaki-blokeoa (Blok Zenb) desaktibatuta dagoela.

Hurbildu/urrundu + makurdura automatikoa

Saguaren eskuineko botoia + arrastatu gorantz edo beherantz

Irudia bisorean hurbiltzen du eta ikuspegia automatikoki makurtzen du Lurrera hurbiltzen zaren neurrian.

Uneko mugimendua geldiarazi

Zuriune-barra

Bisorea mugimenduan badago, gelditu egiten du.

Ikuspegia leheneratu: Iparra gorantz

N

Ikuspegia biratzen du, iparra gorantz goian dela.

Makurdura ikuspegi zenitalera leheneratu

c

Ikuspegi-angelua goitik beherako ikuspegira edo ikuspegi zenitalera leheneratzen du.

Makurdura eta orientazioa aurretiaz finkatutako balioetara leheneratzen du.

R

Angelua ikuspegi zenitalera eta iparra goian duen ikuspegira leheneratzen du. Erabili funtzio hau Lurra bisorearen erdira orientatzeko.

Iradokizuna: Alt tekla erabil dezakezu, ondoko tekla-konbinazioekin batera, adierazitako norabidean motelago mugitzeko.

Google Earth. Argibide gehiago

Bidaia-moduaren kontrolak

Google Earth en modo de viaje (bidaia-modua) erabiltzean, ondoko tekla-konbinazioak erabil ditzakezu moduaren portaera kontrolatzeko.

Komandoa

Windows/Linux
Tekla-konbinazioa

Emaitza

Hasi, erreproduzitu eta etenaldian jarri

Ktrl + Alt + P

Bidaia erreproduzitzen du edo etenaldiraino berrabiarazten du. Fokatzeak 3D bisorean egon behar du tekla horrek funtziona dezan. Fokatzeko, bertan dagoela ziur ez bazaude, egin klik 3D bisorean.

Alboko panelaren kontrolak

Lugares (lekuak) panela edo Capas (geruzak) panela hautatuta ez badaude, erabili ondoren adierazten diren tekla-konbinazioak haien portaera kontrolatzeko.

Komandoa

Windows/Linux
Tekla-konbinazioa

Emaitza

Hautatu

Zuriune-barra

Nabarmendutako elementuaren marka aldatzen du (aktibatu edo desaktibatu egiten du), eta, horrela, elementua 3D bisorean erakutsi edo ezkutatzen du.

Hurrengoa

Beherako gezia

Zerrendan hurrengo elementua hautatzen du (karpeta bat nahiz kokapen-marka bat).

Aurrekoa

Gorako gezia

Zerrendan aurreko elementua hautatzen du (karpeta bat nahiz kokapen-marka bat).

Karpeta ireki

Eskuineko gezia

Hautatutako elementua karpeta bat bada, ireki egiten du haren edukia ikusteko.

Karpeta itxi

Ezkerreko gezia

Hautatutako elementua karpeta bat bada, itxi egiten du haren edukia ezkutatzeko.

Ezabatu

Ezab tekla

Lugares (lekuak) paneleko elementuetarako besterik ez du funtzionatzen. Elementua ezabatzen du, aurreko elkarrizketa-koadroan ekintza baieztatu ondoren.

Gainjartze-gardentasuna aldatu

Saguaren gurpila

Irristailuan klik egin ondoren, Lugares (lekuak) panelean hautatutako gainjartze baten gardentasuna aldatu egiten da saguaren erakuslea opakutasun-irristailuan jartzean. Biratu gurpila zugana irudien gainjartzea opakuagoa izateko, edo kanporantz gardenagoa izateko.

Google Earth-en desinstalazioa

  • Google Earth desinstalatu nahi baduzu, ordenagailuko kontrol-paneletik egin dezakezu: Zuzenean mahaigainetik desinstalatzeko, egin klik Inicio (hasi) botoian, hautatu Todos los programas (programa guztiak) eta zabaldu Google Earth karpeta bertan klik eginda. Hautatu Uninstall Google Earth eta egin klik Sí (bai) aukeran programa ordenagailutik desinstalatzeko.

Google Earth. IKT Hiztegia

  • Software: Ordenagailu digital baten ekipamendu logikoa edo euskarri logikoa da, eta berariazko ataza bat egin ahal izateko beharrezko osagai logikoen multzoa biltzen du.

  • Directx modua: API horren helburua da oinarrizko entitate geografikoak (hala nola, lerroak, poligonoak eta egiturak) maneiatzen eta marratzen laguntzea 3D grafikoak zabaltzen dituen edozein aplikaziotan, bai eta entitate horien gainean eraldaketa geometrikoak modu gardenean egitea ere.

  • API: Aplikazioak programatzeko interfazea edo API (ingelesezko "application programming interface") funtzioen eta prozeduren multzoa da (edo metodoen multzoa objektuetara zuzendutako programazioan), biblioteka jakin batek eskaintzen duena, beste software batek abstrakzio-geruza gisa erabil dezan.

  • Freeware: Konputagailurako software mota bat definitzen du. Kosturik gabe banatzen da eta denbora mugagabeaz dago erabilgarri.

  • GIS: Informazio grafikoko sistema (ingelesezko Geographic Information System-en akronimoa). Hardware-softwareko eta datu geografikoetako integrazio antolatua da, informazio geografikoki erreferentziatua bere forma guztietan kapturatu, gorde, manipulatu, aztertu eta zabaltzeko diseinatua, plangintza- eta kudeaketa-arazo konplexuak ebaztearren.

  • KML galeria: Keyhole Markup Language (Keyhole-ko marken lengoaia). XML gramatika bat eta fitxategi-formatu bat da, ereduak sortzeko eta funtzio geografikoak gordetzeko, hala nola, puntuak, lerroak, irudiak, poligonoak eta ereduak, Google Earth, Google Maps eta beste aplikazio batzuetan erakutsiko direnak.

  • Streaming: Aldez aurretik ordenagailura deskargatu behar izan gabe, fitxategi bat zuzenean web-orri batean ikusi edo entzuteaz ari da.

Google Maps. Deskripzioa eta funtzionalitate nagusiak

Google Maps (aldi batez Google Local izena zuen) 2004ko urrian hasi zen, urtebeteko antzinatasuneko “Where 2 Technologies” enpresa eskuratzearekin batera, Lars y Jens Rasmussen anaiek Where2 enpresarako garatutako software-aplikazio baten bidez. Aplikazio horretatik abiatuta garatu zen Google Mapsen web-aplikazioa.

Google Maps esleipen-oinarri bat da, web-zerbitzuak eta Googlek eskaintzen duen teknologia aplikatzekoa. Eskaintzen ditu kale-mapak; oinez, autoz nahiz garraio publikoan bidaiatzeko ibilbideen plangintza; eta hiri-negozioen bilagailua mundu osoko herrialde ugaritarako. Haren sortzaileetako baten (Lars Rasmussen) hitzetan, Google Maps da "munduko informazioa modu geografikoan antolatzeko era bat".

Google Mapsek aukera ematen digu herrialde askotako hiri-eremuen satelite-irudiak eskuratzeko. Gobernu batzuek nabarmendu egin dute irudi horiek eraso terroristen plangintzan erabil daitezkeela. Hori dela eta, Googlek zenbait segurtasun-eremu ezabatu ditu (batez ere, Estatu Batuetako gobernu-instalazioak eta instalazio militarrak). Satelite irudietan, eremu batzuk ez daude bereizmen berarekin estalita: jende gutxien bizi den zonak xehetasun txikiagoaz ageri ohi dira. Esan beharra dago eremu batzuk lainoz estalita ager daitezkeela.

Nahiz eta Googlek satelite hitza erabiltzen duen, bereizmen handiko irudi gehienak hegazkinetatik (eta ez sateliteetatik) ateratako argazkietatik datozela. Google Mapsek satelite bidez lortutako datuak Google Earthen berberak dira. Aplikazio horrek eskuragarri dauden irudiak hartzen ditu; irudiek urtebete eta hiru urte artekoak dira.

Google Maps bateragarria da, besteak beste, ondorengo web-nabigatzaileekin:

  • Internet Explorer 6.0 edo aurreratuagoa

  • Firefox 2.0 edo aurreratuagoa

  • Safari 3.1 edo aurreratuagoa

  • Google Chrome

Google Maps. Web lokalizazioa

Google Maps erabiltzeko ez da beharrezkoa inolako programarik instalatzea. Aplikazio hori erabiltzeko, bere web-orrira sartu besterik ez da egin behar: http://maps.google.es /

Google Maps

Google Maps. Erabilera adibideak

Google Maps-i buruzko oinarrizko informazioa

Ondorengo diagraman, Google Mapseko leiho nagusian eskuragarri dauden funtzioetako batzuk deskribatzen dira:

1.tik 8.era bitarteko botoiak Googleen beste aplikazio batzuetarako sarbideak dira.

  1. La Web (weba) botoia: Google bilatzailearen hasierako orrirako zuzeneko sarbidea da.

  2. Imágenes (irudiak) botoia: Google imágenes (Google irudiak) bilatzailearen hasierako orrirako zuzeneko sarbidea da.

  3. Vídeos (bideoak) botoia: Google vídeos (Google bideoak) bilatzailearen hasierako orrirako zuzeneko sarbidea da.

  4. Maps botoia: Google mapsen hasierako orrira itzultzeko zuzeneko sarbidea da.

  5. Noticias (berriak) botoia: Google noticias (Google berriak) bilatzailearen hasierako orrirako zuzeneko sarbidea da.

  6. Libros (liburuak) botoia: Google libros (Google liburuak) bilatzailearen hasierako orrirako zuzeneko sarbidea da.

  7. Correo (Gmail) -posta (Gmail)- botoia: Gmail posta elektronikoaren hasierako orrirako zuzeneko sarbidea da.

  8. Más (gehiago) botoia: Googleren beste aplikazio batzuk dituen menu zabalgarrirako sarbidea.

  9. Street view botoia: Kale eta errepideetan zehar hartutako argazki-sekuentziak eskuratzeko.

  10. Nabigazio-panela: Pantailan erakutsitako irudia hurbildu, urrundu eta biratzeko kontrolak biltzen ditu.

  11. Tráfico (trafikoa) botoia: Zenbait herrialdetako (Frantzia, Erresuma Batua, EEBB) errepide nagusien sareko trafikoaren egoera adierazten du (Espainiakoa ez dago eskuragarri).

  12. Buscar en mapa (bilatu mapan) botoia: Google Mapsen bilaketa egiteko.

  13. Más (gehiago) botoia: Menu zabalgarri batean sartzeko. Bertatik, maparen gainean hautaketa handia ikusteko aukera dago: argazkiak, bideoak, Wikipedia , web-kamerak eta higiezinen enpresak.

  14. Mapa (mapa) botoia: Irudia maparen ikuspegi batera aldatzeko.

  15. Satélite (satelitea) botoia: Irudia satelitearen ikuspegi batera aldatzeko.

  16. Relieve (erliebea) botoia: Irudia erliebe-ikuspegi batera aldatzeko.

Google Maps. Erabilera adibideak

Gainera, ezkerraldean, Cómo llegar (nola iritsi) eta Mis mapas (nire mapak) panelak topatuko ditugu.

  • Cómo llegar aukeran klik egitean zabalduko den leihoan, abiapuntua (A) eta nora joan nahi dugun (B) idatz dezakegu.

  • Garraiobidea ere aukeratu behar dugu: Autoz , garraio publikoaz edo oinez. Geziaren gainean klik egitean aukerak azalduko dira. Hori egin ondoren, Cómo llegar (nola iritsi) botoiaren gainean klik eginda, Google Mapsek maparen gainean marratuko du iradokitako ibilbidea eta A puntutik B puntura joateko jarraitu beharreko kaleei buruzko argibideak emango ditu.
  • Mis mapas (nire mapak) gainean klik eginda, mapei informazioa gehitzeko aukera izango dugu, bai eta beste erabiltzaile batzuek sortutako edukietan sartzeko ere.

1.200 eduki gehigarri baino gehiago daude eskuragarri: maparen gainean distantziak neurtzeko eta azalerak kalkulatzeko tresnak nahiz ezaugarrien arabera hautatutako leku jakin batzuk. Mis mapas (nire mapak) tresna erabili ahal izateko, beharrezkoa da Google kontu bat izatea. Konturik ez baduzu, jarraian, hura nola sortu azaltzen dugu labur-labur.

Googlen kontu bat sortzea

Egin klik Acceder (sortu) botoian, eskuinaldean erakusten dugun pantaila ikusteko. Google kontu bat baldin baduzu, sartzeko, idatzi zure posta elektronikoa eta pasahitza. Bestela, egin klik Crear una cuenta ahora (sortu kontua orain) aukeran eta zabalduko den pantailan adierazten diren jarraibideak bete. Ondorengo informazioa eskatuko dizu:

  • “ Uneko zure posta elektronikoaren helbidea: ”

  • “ Hautatu pasahitz bat:”

  • “ Sartu berriro pasahitza:”

  • “ Hitza egiaztatzea:”

Irakurri Google zerbitzuaren baldintzak eta egin klik hemen:

Orain, gure Google kontua badugunez eta Google Mapsen hasierako pantailako botoi bakoitzaren funtzioa ezagutzen dugunez, erabilera-adibide batzuk ikusiko ditugu.

  • Gure adibiderako, simulazio bat egingo dugu: Valentziako "Ciudad de las Artes y de las Ciencias" gunean bi egun pasatzeko bidaia bat planifikatuko dugu, Alacant hiria abiapuntu hartuta. Hasteko, joan nahi dugun lekua kokatzeko, bilaketa-leihoan, “Ciudad de las Artes y de las Ciencias, Valencia” idatziko dugu, eta Buscar en mapa (bilatu mapa) botoian klik eginda, honako pantaila hau lortuko dugu:

Google Maps. Erabilera adibideak

  • "Ciudad de las Artes y las Ciencias" guneko
    kokapen-markaren gainean klik egitean, leiho bat agertuko da. Bertan, helbidea eta zenbait aukera agertuko dira, besteak beste: Cómo llegar (nola iritsi).

 

  • Hasta aquí (hona arte) hautatuko dugu. Leiho horren ordez, jarraian agertzen dena agertuko da (horrek abiapuntua sartzeko aukera emango digu).
  • Demagun adierazitako abiapuntua hau dela: "Parque Castillo de San Fernando" (Alacant). Leihoan parkearen izena idatziko dugu eta
    botoian klik egingo dugu. Ezkerreko panela zabalduko da -Cómo llegar (nola iritsi)-, proposatutako ibilbide-aukerekin. Gainera, maparen gainean, abiapuntuak, helburu-puntuak eta horien arteko ibilbidea azalduko dira, hautatutako ibilbidearen arabera. Proposatutako lehen ibilbidea erabiliko dugu:

Iradokitako ibilbideen azpian,
puntutik
al
puntura joateko jarraitu beharreko kaleei buruzko argibideak ikus daitezke (eskuinaldeko irudian, erreferentzia gisa, lehen bi puntuak eta azken puntuak erakusten ditugu). Ibilbideen inguruko argibideen puntu bakoitzean, kamera baten ikonoa ikusiko dugu. Haren gainean klik eginda, adierazitako errepidearen benetako argazkia ikus dezakegu; eta, argazki horretan sartuz gero, irudia biratu, hurbildu eta urruntzeko aukera izango dugu.

  • Adibidez, 15. puntuko argazkia aukeratuz gero, honako hau ikusiko dugu:

Argazki hori baliatuko dugu Google Mapsen beste funtzionaltasun bat azaltzeko. Aurreko argazkiaren goiko eskuinaldeari erreparatzen badiogu, argazki txiki bat ikusiko dugu mezu honekin batera: Fotos de los usuarios (erabiltzaileen argazkiak). Izenak adierazten duenez, argazkien galeria baterako sarbidea da. Horiek erabiltzaileek hartuak eta webgunean kargatuak dira. Argazki txiki horretan klik eginda, honako irudi hau lortuko dugu:

Argazki hori zabaltzean, gune beretik erabiltzaileek hartutako beste argazki batzuk ikusteko aukera izango dugu (argazki horiek irudiaren goiko ezkerraldean daude). Bestela, Google Mapsen Street view jatorrizko argazkia ikusi nahi badugu, goiko eskuinaldean dagoen argazkian klik egitea nahikoa izango dugu.

Google Maps. Erabilera adibideak

  • Dagoeneko badugu joan nahi dugun lekurako ibilbidea. Orain, koka dezagun "La Ciudad de las Artes y las Ciencias" gunetik gertu dagoen hotel bat. Egin klik Buscar en los alrededores (bilatu inguruetan) aukeran, leihoan "hotel" idatzi eta egin klik Buscar (bilatu) aukeran. Horrela, gure helburutik gertu dauden hotelen zerrenda lortuko dugu. Ezkerraldeko panelean hotelaren izena adieraziko digu, helbidearekin eta telefonoarekin batera. Maparen gainean, bakoitza non dagoen adieraziko digu kokapen-marka baten bidez.

  • Kokapen-marken gainean klik egitean zabalduko den leihotik abiatuta, hotelari buruzko Más datos (datu gehiago) eskura ditzakegu, bai eta haren argazkiak ikusi eta erabiltzaile batzuen iruzkinak irakurri ere.

Ziur egoteko "La Ciudad de las Ciencias y las Artes" gunea behar adina dagoela oinez joateko, neur ditzagun distantziak maparen gainean. Horretarako, neurtzeko tresnaren bat beharko dugu.

  • Mis mapas (nire mapak) fitxaren bidez lor ditzakegun eduki gehigarrien artean, aplikazio batzuk luzerak neurtzeko aukera ematen digute (lerro zuzeneko segmentutan). Añadir contenido (gehitu edukia) botoian klik egingo dugu, eskuragarri dauden eduki gehigarriak ikusteko. Beharrezko tresna -Herramienta de medición de distancia (distantzia neurtzeko tresna)- aurkitu ondoren, klik egingo dugu Añadirlo a Maps (Maps-ei gehitu) botoian, . Ondoren, Volver a Google Maps (itzuli Google Maps-era) aukeran klik egingo dugu.

  • Neurketa-tresna hautatuta, eta neurtu nahi dugun ibilbidean zehar mapan puntuetan klik eginda, bilatutako distantzia lortuko dugu. Esan beharra dago mota horretako neurketa-tresnak segmentu zuzenak neurtzen dituela. Horregatik, ibilbidearen zenbait puntutan klik egin beharra dago, ibilbidea lerro zuzenean ez badago ahalik eta gehien doitzeko.

Neurketa-tresnak adierazten digunez, Holiday Inn hotelaren eta La Ciudad de las Artes y las Ciencias gunearen arteko distantzia 787 metro ingurukoa da.

Google Maps. Erabilera adibideak

  • Orain, bidaiarako gonbidapena egiteko, bila dezagun berriro abiapuntua, maparen gainean topalekua adierazteko. Horrela, posta elektroniko bidez bidali ahal izango diegu bidaiara joango diren lagunei. Horretarako, honako hau egin behar da: Google Mapsen sartu, gure Google kontuarekin saioa hasi, Mis mapas (nire mapak) fitxan klik egin, ondoren Crear un mapa nuevo(mapa sortu) aukeran klik egin, eta izenburu bat eta deskribapen bat idatzi.

  • Gordetzeko aukeran klik egin; ondoren, mapan abiapuntua bilatu (Parque Castillo de San Fernando, Alicante); egin klik Mis mapas (nire mapak) aukeran; hautatu sortutako maparen izenburua; egin klik Editar (editatu) botoian; eta egin klik Satélite (satelitea) aukeran, kaleen izenak gainjarri ahal izateko, ondorengo mapa lortzearren:
  

  • Orain, hurbil dezagun irudia pixka bat gehiago autokarrak jasoko gaituen topalekuan marka bat txertatzeko. Autoak aparkatzeko gomendatutako eremua seinaleztatuko dugu, bertan hurrengo egunera arte egon behar izanez gero.
  • botoian klik egingo dugu, maparen goiko ezkerraldean. Kurtsorea marka-ikono bilakatuko da, azpian "X" bat duela, marka kokatuko duela adierazteko.

Marka-ikonoa alda daiteke. Horretarako, egin klik informazio-leihoaren goiko eskuinaldean kokatutako ikonoan (gure adibiderako, autokar batekin ordezkatuko dugu).

  • Aparkatzeko gomendatutako gunean eremu ilundu bat gehitzeko, klik egingo dugu
    Dibujar una línea (linea bar marraztu) botoian. Zabalgarrian sartzeko,
    Dibujar una forma (marraztu forma bat) hautatuko dugu. Kurtsoreak itxura hau izango du:
    . Formaren amaierako puntu bakoitzean klik egingo dugu, eta klik bikoitza azken puntuan edo abiapuntuan (bukatzeko). Kokapen-markaren ikonoa aldatzeko egin dugun bezala, formaren kolorea eta gardentasuna aldatzeko aukera dago.

  • Orain aparkaleku-eremua topalekuraino nabarmenduko dugu. Horretarako lerro bat marratuko dugu topalekuraino, aparkaleku-eremuan forma marrazteko emandako urrats berberei jarraituz; baina, oraingoan, Dibujar una línea (marraztu lerro bat) tresnarekin. Gure mapak itxura hau izango du amaieran:

  • Bukatu dugu gure mapa. Bidaia egingo dutenei posta elektronikoz bidali beharreko esteka lortzeko, orriaren goiko eskuinaldean kokatutako Enlazar (estekatu) botoian klik egingo dugu. Esteka (linka) duen leihoa zabalduko da. HTMLa ere azalduko da, sarbidea webgune batetik sortu behar izanez gero. Esteka kopiatu eta posta elektronikoko mezuaren testuan itsatsi besterik ez da egin behar.

Google Maps. Erabilera adibideak

Gida honen azken ariketa gisa, Mis mapas (nire mapak) panelaren bidez eskuragarri dagoen eduki gehigarritik abiatuta jarduera bat egingo dugu. Horretarako, Añadir contenido (gehitu edukia) aukeran klik egingo dugu. Gure adibiderako, ARTEHISTORIA izenburupean eskura dauden 3 bildumetako baten edukia erabiliko dugu.

Esaterako, jarduera hau egin dezakegu: Espainiako 5 monumentu historiko kokatzea eta horien aipamen labur bat egitea Google Maps erabilita. Tutorial honetan, jarraian, aipamen horietako bat egiteko jarraitu beharreko urratsak azalduko ditugu:

  • Lehenik, Mis mapas (nire mapak) atalari edukia gehitu behar diogu gure Google kontuan. Horretarako, errepasa ditzagun, labur-labur, eman beharreko urratsak:

    1. sartu Google Mapsen webgunean,

    2. hasi saioa Googlen,

    3. sartu Mis mapas (nire mapak) panelean,

    4. egin klik Añadir contenido (gehitu edukia) aukeran, bilaketa-leihoan idatzi "ARTEHISTORIA" eta

    5. egin klik Buscar contenido de Google Maps (bilatu Google Maps-en edukia).

  • Ondorengo leihoa agertuko da. Bertan, hiru bildumetako bakoitzaren edukiaren deskribapena ikusi ahal izango dugu. Gure adibiderako, "Tesoros del Arte Español” (Espainiako artearen altxorrak) edukia gehitzeko, egin klik Añadirlo a Maps (gehitu mapak) aukeran.

  • “ARTEHISTORIA-Tesoros del Arte español” (ARTEHISTORIA - Espainiako artearen altxorrak) edukirako sarbidea gure Google kontuan gehitu ondoren, izenburu horren gainean klik eginda pantaila honetan sartuko gara:

  • Hauta dezagun "ARTEHISTORIA"
    ataleko ikono bat monumenturen bat ikusteko. Hautatzen dugun ikonoaren arabera, monumentu bat edo beste agertuko da. Gure kasuan, "Alcázar de los Reyes Cristianos de Córdoba" hautatu dugu, Más información en ARTEHISTORIA (informazio gehiago ARTEHISTORIAn) aukeran klik eginda. Google Mapsek beste horri batekin esteka egingo du. Bertan, monumentuaren aipamen historiko labur bat jasotzen da (jarraian agertzen da), monumentu horren argazkiez eta bestelako informazio garrantzitsuez gainera.

"Alcázar de los Reyes Cristianos de Córdoba" monumentuaren aipamen historikoa.

Google Maps. Erabilera adibideak

Kale-ikuspegia (Street view)

Azkenik Street view

botoiaren baliagarritasuna eta erabilera ikus ditzagun.

  • Aurreko bilaketa bera erabiliko dugu. “Más información en ARTEHISTORIA” (ARTEHISTORIAri buruzko informazio gehiago) aukeran klik egin beharrean, egin dezagun klik hiru aldiz “Aplicar zoom aquí” (aplikatu zooma hemen) aukeran:

  • Street view (kale-ikuspegia) botoia erabiltzeko,
    gainean klik egin eta ikonoa maparantz arrastatu behar dugu, saguaren botoia sakatzeari utzi gabe.

  • Ikonoa arrastatzen dugun bitartean, haren azpian zirkulu berde erdigardena agertuko da eta Street view ikuspegia eskuragarri duten kaleak lerro urdinez nabarmenduko dira. Sagua mugitzeari uztean, zirkulu horren ordez ikuspegi-marka berde bat agertuko da. Horrek adierazten du irudia zein puntutatik lortuko dugun eta hasierako ikuspegia zein norabidetan izango dugun (ikuspegi hori leiho txiki batean azaltzen da Street view ikonoarekin batera). Saguaren botoia askatuz gero, irudia biratu, hurbildu eta urrundu daiteke, bai eta errepideetan barrena aurrera egin ere. Lekuko irudiaren gainean klik eginda kaleetatik mugi gaitezke (eskuragarri dagoen irudi-sekuentziaren arabera).
  • Gure adibidearekin jarraituz, saguaren botoia askatzean eta ikuspegia eskuinerantz biratzean, ondoko hau ikusi ahal izango dugu:

Pantailaren beheko eskuinaldean kokatutako leiho txikian, maparen gainean zein norabidetan ikusten ari garen agertuko da.

Kale-ikuspegitik (Street view) atera nahi badugu, nahikoa izango dugu

gainean klik egitea (pantailaren goiko eskuinaldean dago).

Google Maps. Argibide gehiago

Local Business Center

Local Business Center aukeraren bidez, enpresek euren negozioen kokapen-markak sor ditzakete. Hala, erabiltzaileak horien gainean klik egiten badu, enpresak eskainitako zerbitzuak eta harekin harremanetan jartzeko informazioa ikusiko ditu.

Google Latitud

Google Latitud Googleren ezaugarri bat da eta erabiltzaileei aukera ematen die euren kokapen fisikoak beste pertsona batzuekin partekatzeko. Zerbitzua Google Maps-en oinarrituta dago, gailu mugikorretarako garatuta. Widget bat dago iGoogle-rentzat, mahai gaineko ekipoetarako eta ekipo eramangarrietarako aplikagarria dena.

Google Maps-en APIa

Google Maps-en APIak garatzaileei aukera ematen die Google Maps beren webguneetan integratzeko, euren datu-puntak gehituta. Doako zerbitzua da eta egun ez du iragarkirik. Hala ere, erabilera-baldintzetan Googlek etorkizunean iragarkiak argitaratzeko eskubidea erreserbatuta dauka. Garatzaileak behartuta daude euren web-orriari lotutako APIren gako bat eskatzera. Gainera, JavaScript kode bat gehitu behar dute mapari puntuak gaineratzean haren funtzioak erabili ahal izateko. Google Maps-ek aktiboki sustatzen du bere APIaren merkataritza-erabilera. Tresna horrek gehien erabiltzen duen sektoreetakoa onibarrena da.

2006an, Googlek Google Maps para móviles (mugikorretarako Google Maps) aurkeztu zuen, Javan oinarritutako edozein telefono edo gailu mugikorretan funtzionatzera zuzenduta. 2008ko abenduaren 15etik aurrera, "Google Maps for Mobile 2.0" eskuragarri zegoen plataforma hauetarako:

  • Android

  • iPhone OS iPhone iPod Touch

  • Windows Mobile

  • Nokia Symbian (S60 3rd Edition)

  • Symbian OS (UIQ v3)

  • BlackBerry

  • Java (MIDP 2.0 eta aurreratuagoak) plataforma duten telefonoak, adibidez, el Sony Ericsson K800i

  • Palm OS Centro eta berriagoak

  • Palm webOS Palm Pre eta Palm Pixi

Google Maps-en desinstalazioa

Gogorarazi dezagun Google Maps bere web-orritik zuzenean erabiltzen dela: http://maps.google.es/ , ordenagailuan inolako programarik instalatu behar izan gabe. Mis mapas (nire mapak) panelean egiten ditugun kokapen-marka eta gainerako aldaketa guztiak gure Google kontuan gordetzen dira eta horietara edozein ordenagailutik sar daiteke.

Google Maps. IKT Hiztegia

  • Geoweb: Kontzeptu honek fusio bat dakar informazio geografikoaren (kokapenean oinarritua) eta Internetek sortzen duen informazio abstraktuaren artean.

  • HTML: HyperText Markup Language-ren sigla (hipertestu-marken lengoaia). Web-orriak eraikitzeko markatze-lengoaia nagusia da. Testu moduko edukia eta egitura deskribatzeko erabiltzen da, bai eta testua objektuekin osatzeko, adibidez, irudiekin.

  • Link: Hiperesteka bat da, hau da, hipertestu-dokumentu baten erreferentzia beste dokumentu edo baliabide batekiko.

  • Mashups: Webean oinarritutako aplikazioak dira, eduki propioak edo hirugarren batzuenak erabil ditzaketenak. Edozein motatako informazioari osagai geografiko bat ematen diote eta, gainera, erabiltzaileari aukera ematen diote gaikako informazio-geruzak sartu, argitaratu eta partekatzeko. Mashupsek aukera ematen dute hainbat informazio-iturrirekin elkar eragiteko. Horrela, erabiltzailearengan esperientzia aberasgarriagoa sortzen dute.

  • Kokapenean oinarritutako zerbitzuak (LBS): Zerbitzu hauek erabiltzaileei euren kokapen geografikoari buruzko informazioa eskaintzen diete.

  • Widget: Aplikazio edo programa txiki bat da, artxibo edo fitxategi txikietan jaso ohi dena. Horiek widget-en motor batek (Widget Engine) exekutatzen ditu. Besteak beste, helburu hauek ditu: sarritan erabiltzen diren funtzioetarako sarbidea erraztea eta ikusizko informazioa emate.

  • Wikipedia: Euskarri digitaleko entziklopedia da, informazioa modu egituratuan bildu, gorde eta zabaltzeko aukera ematen duena. Wiki bat denez, edonork edita dezake, salbuespenak salbuespen.

Laguntza

Laguntza
  1. Ezkerreko Menua (goitik beherako ordenean): ikastaroaren orrialde nagusiko ikonoa (home), hizki tamainuaren ikonoa, moduluaren inprimakiaren ikonoa, laguntzarako sarbidearen eta edukiaren aurkibidearen ikonoa.
  2. Barra materialen izena eta oraingo atalaren izenburua.
  3. Nabigazio geziak (hurrengo-aurreko orrialdea).
  4. Edukiak.

Egilea:

Pau Casacuberta

Ruta propuesta

Buscar hotel