Erabilera adibideak

Oinarrizko funtzioak

Atal honetan, SketchUpen oinarrizko funtzioak erabiltzen ikasiko dugu, besteak beste honako hauek:

Irudiak bi dimentsiotan (2D) marraztea

Oro har, irudiak marrazteko bi aukera ditugu:

• Trazado libre (marratze librea): Planoan klik egingo dugu, marratu beharreko irudiaren oinarri-puntua zehazteko (muturra, erpina edo jatorria, kasuak kasu); jarraian, kurtsorea irudiari eman nahi diogun orientazioan mugituko dugu; azkenik, berriz ere klik egingo dugu SketchUpi adierazteko zehaztu dugun marrazkia irudika dezala.

• A medida (neurrira): Metodo librearekin bezala hasiko gara, oinarri-puntua adierazteko klik eginda. Jarraian, kasuak kasu gure objektua zehaztuko duten luzera edo luzerak idatziko ditugu eta, bukatzeko, Intro sakatuko dugu.

Lerroak eta azalerak

Tekla:

L

Tresna-barra:

Kurtsorea:

Lerro-funtzioa hautatzean, kurtsoreak arkatz baten forma hartuko du eta segmentu bat edozein norabidetan trazatu ahal izango dugu.

• Segmentuaren muturretako baten jatorri-puntua zehazteko klik egingo dugu. Ondoren, kurtsorea nahi dugun norabidean mugituko dugu eta, azkenik, marraketa metodo libreaz edo neurrira osatuko dugu (adibide honetan, 3 idatzi eta Sartu sakatuko dugu 3 metroko luzerako lerro bat egiteko).

Bada beste funtzionaltasun interesgarri bat: marrazten dugunean, saguarekin marraketa orientatzen dugun neurrian SketchUpek inferitu egingo du eta segmentua erreferentziazko ardatzetako batekin (urdina, gorria edo berdea) lerrokatzea proposatuko du.

Superficie (azalera) oso kontzeptu garrantzitsua da SketchUpen. Azalera bat plano berean perimetro itxi bat osatzen duten hiru segmenturen edo gehiagoren loturak zehazten du.

Erabilera adibideak

Arkuak

Tekla:

A

Tresna-barra:

Kurtsorea:

Arkuaren funtzioa hautatzen dugunean, kurtsoreak arku bat ondoan duen arkatz baten forma hartuko du. Arkuak bi urratsetan zehazten dira:

• Base (oinarria): Klik egingo dugu oinarriaren zabaltasuna zehaztuko duen irudizko segmentuaren muturretako bakoitzaren jatorri-puntua adierazteko (segmentu bat marrazteko prozedura berari jarraituko diogu, metodo libreaz edo neurrira, baina zehaztutako lerroa irudizkoa izango da):

• Orientación y curvatura (Orientazioa eta kurbadura): Kurtsorea mugituko dugu arkuari eman nahi diogun kurbadura orientatzeko eta haren luzera zehazteko (metodo librea edo neurrira):

Laukizuzenak

Tekla:

R

Tresna-barra:

Kurtsorea:

Laukizuzenaren funtzioa hautatzen dugunean, kurtsoreak karratu bat ondoan duen arkatz baten forma hartuko du. Hurrengo adibidean, karratu bat (1,5 metro) eta laukizuzen bat (1,5 metro x 3 metro) marraztuko ditugu.

• Hasteko, karratuaren erpinetako bakoitza kokatuko deneko planoaren puntuan jarriko dugu kurtsorea. Klik egin eta sagua arrastatuko dugu gure irudia eraiki nahi duguneko norabidean. SketchUp-ek laukizuzenak modu intuitiboan marraztuko ditu, haren ertzak erreferentziazko ardatzekiko paralelo izateko.
• Marraketa metodo libreaz edo neurrira amaituko dugu (neurrirako metodoan, hau idatziko dugu: “1,5;1,5” karraturako eta “1,5;3” laukizuzenerako; eta Sartu sakatuko dugu).

Zirkuluak

Tekla:

C

Tresna-barra:

Kurtsorea:

Zirkuluaren funtzioa hautatzen dugunean, kurtsoreak zirkunferentzia batean zentratutako arkatz baten forma hartuko du. Hurrengo adibidean, 1 metroko erradioko zirkulua marraztuko dugu.

• Hasteko, zirkunferentziaren zentroa edo jatorria ipini nahi duguneko planoaren puntuan kokatuko dugu kurtsorea. Aurreko kasuetan bezala, marraketa metodo libreaz edo neurrira amaituko dugu (neurrirako metodoan, hau idatziko dugu: “1”, zirkulurako nahi dugun erradio-luzera adierazteko; eta Sartu) sakatuko dugu).

Erabilera adibideak

Poligonoak

Tekla:

Tresna-barra:

Kurtsorea:

Poligonoaren funtzioa hautatzen dugunean, kurtsoreak poligono batean zentratutako arkatz baten forma hartuko du.

Funtzio honek hexagonoa du aurretiaz finkatutako iruditzat. Hala ere, beste edozein poligono mota marrazten dugunean, SketchUpek hura gogoratuko du hurrengo aldirako. Gainera, poligonoaren tresnarekin, irudi alde-berdinak besterik ezingo ditugu marraztu; alde-berdinak ez diren poligonoak marratzeko, marraketa libreak, konposizio geometrikoak eta/edo funtzio aurreratuak egin behar ditugu (aurrerago ikusiko ditugu).

• Azkenik, poligonoaren funtzioarekin edozein irudi neurrira eraikitzeko, haren erradio-luzera adierazi behar dugu. Hurrengo adibidean, ondorengo poligonoak marraztuko ditugu:
  

• Hexagonoa
• Triangelua
• Laukizuzena
• Pentagonoa
• Zirkulua (SketchUpen, zirkulua 24 aldeko poligono baten baliokidea da)

Hasteko, poligonoaren zentroa edo jatorria ipini nahi duguneko planoaren puntuan kokatuko dugu kurtsorea. Zirkuluak marratu ditugunean bezalaxe, irudia metodo librearen bidez edo neurrira amaituko dugu.

• Bi metodoetako edozein erabilita, kurtsoreak proposatutakoaren bestelako poligono bat marratzeko, erradio-luzera zehaztu aurretik, nahi ditugun aldeen kopurua idatzi behar dugu, ondoren “s” letra jarrita (ingelesezko inizialagatik: sides).

• Alde kopurua zehaztu ondoren, marratu beharreko poligonoaren erradio-luzera idatzi eta Sartu sakatuko dugu (metodo librearen bidez ere egin dezakegu):

• Gainerako poligonoak osatuko ditugu:

Erabilera adibideak

Hautatu

Tekla:

Zuriune-barra

Tresna-barra:

Kurtsorea:

Hautatzeko funtzioa oso erabilgarria da objektu bat edo aldi berean objektu ugari aukeratzeko, eta horiekin ekintza jakin batzuk gauzatzeko. Objektuak hautatzeko oinarrizko hiru modu hauek daude:

• Klik sinplea, klik bikoitza eta klik hirukoitza:

Klik bakarra egitean, klik egiten duguneko objektua besterik ez dugu hautatuko. Klik bikoitzaren bidez, objektu hori eta alboan dituenak hautatuko ditugu. Hirutan klik eginez gero, objektua, alboan dituenak eta horien albokoak ere hautatuko ditugu.

• Hautaketa-eremua eskuinerantz:

Hautaketa-modu hori aktibatzen da saguaren botoia sakatzean eta, askatu gabe, kurtsorea eskuinerantz arrastatzen dugunean. Zabalduko den eremu angeluzuzenak bere baitan osorik dauden objektu guztiak hautatuko ditu saguaren botoia askatzen dugun unean. Zati batean eremuaren barruan dauden objektuak ez dira hautatuko.

• Hautaketa-eremua ezkerrerantz:

Hautaketa-modu hori aktibatzen da saguaren botoia sakatzean eta, askatu gabe, kurtsorea ezkerrerantz arrastatzen dugunean. Zabalduko den eremu angeluzuzenak ukitzen dituen objektu guztiak hautatuko ditu, osorik eremuaren barruan egon beharrik gabe.

Erabilera adibideak

Entitateari buruzko informazioa

Funtzio hau oso erabilgarria da eraiki ditugun irudiei buruzko oinarrizko datuak bistaratzeko, eta horiek aldatzeko ere erabil daiteke.

Ondorengo adibidean, hexagono baten xehetasunak ikusiko ditugu, eta tamainan eta forman aldatuko ditugu:

• Haren perimetroan eskuin-klika eginez gero, zenbait aukera dituen menua agertuko zaigu. Información de la entidad (entitateari buruzko informazioa) hautatuko dugu.

• Hautabide gisa, irudia hautatu eta hona jo dezakegu: Menú > Ventana > Información de la entidad (menua > leihoa > entitateari buruzko informazioa).
• Komando hori hautatzean, hautatutako irudiari buruko informazioa ikusiko dugu.

Beste datu batzuen artean, ikusiko dugu gure irudiak 1,50 metroko erradioa duela; sei (6) segmentuk osatzen dutela eta, gutxi gorabehera, 9,42 metroko luzera (perimetroa) duela.

• Kasu honetan, haren erradioa eta/edo segmentu kopurua alda dezakegu. Bi aldaketak egingo ditugu. Lehenik, erradioa 1 metrora murriztuko dugu:

• Antzera, hura osatzen duten segmentuen kopurua aldatuko dugu. Kasu honetan, seitik (6) hirura (3) aldatuko dugu eta triangelu bat egingo dugu:

• Datu interesgarritzat, esan dugu SketchUp-en zirkuluak 24 aldeko poligonoak direla. Saia gaitezen triangelua zirkulu bihurtzen.

• Información de la entidad (entitateari buruzko informazioa) hautatu eta ondoko informazioa ikusiko dugu:

Erabilera adibideak

Ezabatu

Tekla:

E

Tresna-barra:

Kurtsorea:

Laburbilduz:

• Ezabatu: Marraketa bat (segmentua/zirkunferentzia/arkua) ezabatzeko, saguaren ezkerreko botoiari sakatuta eutsiko diogu eta, kurtsorearen bidez, ezabatu nahi ditugun elementua edo elementuak hautatuko ditugu. Saguaren botoia askatzean, horiek desagertu egingo dira.

• Ezkutatu: Marraketa ezkutatzeko, lehen bezala egingo dugu, baina, orduan ez bezala, teklatuko maiuskula teklari sakatuta eutsiko diogu.

Tiratu/Bultzatu - 3Daren magia

Tekla:

P

Tresna-barra:

Kurtsorea:

Tresna honek hiru dimentsiotan marrazteko aukera ematen digu.

• Hura erabiltzeko, azalera planokide bat marraztuko dugu dagoeneko ikasi ditugun metodoetako edozein erabilita:

• Jarraian, tiratu/bultzatu tresna erabiliko dugu (‘P’ letra), karratuaren gainean klik egingo dugu eta, ezkerreko botoia sakatuta dugula, kurtsorea gorantz mugituko dugu. Nahi dugun distantzian gaudenean (metodo librea), botoia askatuko dugu eta irudia amaituta izango dugu.
• Hautabide gisa, saguaren ezkerreko botoiari sakatuta eusten diogun bitartean, nahi dugun luzera idatzi eta Sartu saka dezakegu (neurrirako metodoa):

1 metro kubikoko kubo bat eraiki dugu, 1 metroko karratu batetik abiatuta.

Orain, demagun kuboaren ondoan altuera bereko zilindro bat gehitu nahi dugula. Hori egiteko, ondoko urratsak emango ditugu:

1.- 0,5 metroko erradioko zirkulu bat marraztuko dugu:
2.- Tiratu/Bultzatu tresna erabilita, zirkuluari goialdetik tira egingo diogu:
3.- Saguaren botoia askatu gabe, kurtsorea ezkerralderantz desplazatuko dugu kuboaren goiko aurpegira. SketchUpi adieraziko diogu zilindroaren goiko aurpegia kuboarenarekin lerrokatuta egotea nahi dugula eta botoia askatuko dugu ekintza amaitzeko:

• Gainera, oinarrizko irudiak konbina ditzakegu beste konplexuago batzuk sortzeko. Saia gaitezen kuboaren aurreko aurpegian zirkulu bat marrazten:

• Orain, zirkuluari tira egingo diogu eta zilindro bihurtuko dugu:

• Era berean, zirkuluari “bultza egin” diezaiokegu. Horrela, kuboan hutsune bat egingo dugu:

Erabilera adibideak

Eskala

Tekla:

S

Tresna-barra:

Kurtsorea:

• Karratua hautatu ondoren, eskala-tresna aktibatuko dugu. Gida-puntu batzuk agertzen direla ikusiko dugu. Horietatik abiatuta, karratua zabaldu edo murrizteko aukera dugu:

• Zenbait aukera izango ditugu: irudia aldeetako batetik edo erpinetako batetik aldatu. Aldeetako batetik egiten badugu, zabalera edo luzera besterik ez dugu aldatuko (hautatutako aldeari dagokiona). Erpin batetik egiten badugu, zabalera eta luzera aldatuko ditugu, hau da, azalera proportzionalki aldatuko dugu:
  • Zabalera aldatzea: Karratuaren eskuineko erpinaren erdian kokatutako gida-puntua hautatuko dugu, eta kurtsorea eskuinerantz arrastatuko, nahi dugun luzera lortu arte. Gainera, laukizuzena zein eskalatan zabaldu nahi dugun zenbakitan idatz dezakegu (1 = % 0, 2 = % 100, 3 = % 200, eta horrela hurrenez hurren).

• Altuera eta zabalera aldi berean aldatzea (proportzionalki): Aurreko kasuaren antzera, azalera osoa proportzionalki aldatzeko, erpinetako bat aukeratuko dugu (kasu honetan, beheko ezkerrekoa) eta urrak berak emango ditugu.

• Eskala-tresna aktibatuta dagoela, aurreko grafikoan adierazitako erpinaren gainean klik egingo dugu eta sagua koordenatu-ardatzen jatorrirantz mugituko dugu. Ondoren, '0,5' idatzi eta Sartu sakatuko dugu:

Erabilera adibideak

Orbitatu

Tekla:

O

Tresna-barra:

Kurtsorea:

• Planoaren puntu batean klik eginda, eta botoia askatu gabe, irudia biratu nahi dugun norabidean arrastatuko dugu sagua:

Desplazatu

Tekla:

H

Tresna-barra:

Kurtsorea:

• Tresna honen bidez, gure bistaratze-eremua edozein norabidetan (horizontala, bertikala, diagonala) desplaza dezakegu hura biratu gabe. Tresna erabiltzeko, planoaren puntu batean klik eginda, eta botoia askatu gabe, nahi dugun norabidean arrastatuko dugu sagua. Aurreko adibideari jarraituz, objektua ezkerrerantz desplazatu eta pantailan zentratuko dugu:

Zooma

Tekla:

Z

Tresna-barra:

Kurtsorea:

• Zoomaren bidez, gure ikus-eremua planoan hurbildu edo urrundu dezakegu. Hurbiltzeko, planoaren puntu batean klik eginda, eta botoia askatu gabe, sagua gorantz desplazatuko dugu. Aitzitik, hurbiltzeko, prozedura errepikatuko dugu, baina sagua beherantz desplazatuta. Zoomaren funtzioa hiru (3) botoiko sagu batekin erabil dezakegu, hirugarren botoia gurpila izanik. Gurpila gorantz edo beherantz biratuta nahi dugun efektua lortuko dugu.
• Ondorengo adibidean, urruntze-zoom bat egingo dugu:

Erabilera adibideak

Neurtu

Tekla:

T

Tresna-barra:

Kurtsorea:

Tresna honen bidez, gida-lerroak edozein puntutatik distantzia jakin batera marra ditzakegu.

Gida-lerroak ezabatzeko aukera dago, segmentu batekin egingo genukeen bezalaxe, borragomaren tresna erabilita.

Angelu-garraiagailua

Tekla:

Tresna-barra:

Kurtsorea:

Funtzio honek aukera ematen digu gida-lerroen bidez angelu zehatzak marratzeko. Neurtzearen antzeko funtzioa da. Hura erabiltzeko, lehenik, angeluaren aldeetako bat zehaztuko dugu bi puntutan klik eginda (normalean, badagoen segmentu baten gainean). Jarraian, kurtsorea mugituko dugu eta angeluaren beste aldea irudikatzen duen alegiazko lerro bat ikusiko dugu. Gida-lerroa finkatzeko, hirugarren aldiz klik egingo dugu, nahi dugun angelua daukagunean.

Ondoko adibidean, triangelu kamuts isoszele bat marraztuko dugu:

• 2 metroko segmentu bat marratuko dugu:

• Angelu-garraiagailuaren tresna hautatuko dugu eta, ondoren, segmentuaren mutur bakoitzean klik egingo dugu. Horrek irudizko angeluaren aldeetako bat zehaztuko du:

• Angeluaren aldeetako bat zehaztu ondoren, kurtsorea desplazatuko dugu nahi dugun angelua lortu arte (adibide honetan 130 gradukoa izango da):

• Gida-lerroa zehaztuta dugula, aurrekoaren luzera bereko segmentu bat (hau da, 2 metrokoa) marratuko dugu:

• Azkenik, hirugarren segmentu bat marratuko dugu aurreko bien muturrak lortzeko, eta triangelua osatuta izango dugu. Aukeran, borragoma erabil dezakegu gida-lerroa ezabatzeko.

Erabilera adibideak

Biratu

Tekla:

Q

Tresna-barra:

Kurtsorea:

Funtzio honek aukera ematen digu irudi bat ardatz jakin baten inguruan (propioa nahiz kanpokoa), hau da, ibilbide zirkularrean lekualdatzeko.

Ondorengo marrazkian erloju bat simulatu dugu eta, biratzeko tresnaren bidez, ordua aldatuko dugu:

• Lehen urratsa da biratu nahi dugun orratza hautatzea:

• Bigarren urrats gisa, irudizko biraketa-ardatza zehaztuko dugu:

• Jarraian, kurtsorea biratu nahi dugun irudiaren (kasu honetan, minutu-orratzaren) edozein punturen gainera desplazatuko dugu, eta klik egingo dugu:

• Azkenik, minutu-orratza 90 gradu eskuinerantz biratu eta klik egingo dugu ekintza amaitzeko. Beste hautabide bat da irudia zenbat gradu biratu nahi dugun idaztea:

Pintatu

Tekla:

B

Tresna-barra:

Kurtsorea:

Funtzio honekin, irudien azalerak estal ditzakegu kolore eta testuren aurrehautaketa zabalaren bidez.

• Tresna aktibatzean zabalduko den leihoan, irudia zein materialekin (testura edo akabera mota) pintatu nahi dugun aukeratu dezakegu. Behin bat aukeratu ondoren, kurtsorearekin klik egingo dugu materiala aplikatuko duguneko azaleraren gainean.

Ondorengo adibidean, aldez aurretik marraztutako lau zilindroetako bakoitzari aplikatutako akaberen aukerak ikus ditzakegu.

Erabilera adibideak

Inferentzia

Funtzio hau oso erabilgarria da SketchUp-en, eta automatikoki aktibatzen da eskuragarri dauden tresnetako edozein erabiltzean.

• Ondorengo adibidean, karratu bat zortzi (8) zati berdinetan zatituko dugu segmentuak marratuta. Lehenik, kurtsorea goiko ertzean zehar mugituko dugu SketchUp-ek erdiko puntua inferitu arte:

• Aurreko prozedura beste segmentu batean errepikatzen badugu, SketchUp-ek bi inferentzia horiek gogoratuko digu, eta aurrekoen konbinazioaren ondoriozko inferentziak kalkulatuko ditu.

• Marraketak amaitzeko, inferentzia gehiago bilatu eta konbinatuko ditugu:

Kotatu

Tekla:

A

Tresna-barra:

Kurtsorea:

Tresna honek irudiei kotak gehitzeko aukera ematen digu. Ondorengo adibidean, hexagono bati eta zirkulu bati kotak gehituko dizkiogu:

• Kotatzeko tresnak aktibatuko dugu. Ondoren, kotatu nahi dugun hexagonoaren ertzaren muturretako bat hautatuko dugu eta, jarraian, gauza bera egingo dugu beste muturrarekin. Azkenik, kotatze-markak kokatuko ditugu kurtsorea alde batera edo bestera mugituta, eta amaitzeko klik egingo dugu:

• Zirkunferentziaren kasuan, erradioa kotatzeko, kurtsorea zirkuluaren zentrora hurbilduko dugu eta SketchUp-ek, automatikoki, puntu zehatza inferituko du. Ondoren, aurreko prozedura errepikatuko dugu. Diametroaren kasuan, haren perimetroan klik egin eta kotatze-markaren kokapena doitu besterik ez dugu egin behar: