SketchUp-en lehen bertsioa 2000n atera zuen @last Software enpresak (Colorado, USA). Sortzaileen hasierako mezua hau zen: “3D guztientzat”. Honela posizionatu zuten: “programak diseinuko profesionalei aukera emango lieke haiek nahi duten forma marrazteko, interfaze sinple eta dotorean arkatzez eta paperaz lan egitearen antzeko sentsazioaz; erabiltzen eta ikasten erraza, diseinatzaileek euren sorkuntzekin jolasteko erabiliko lukete, ohiko diseinu-programekin ezinezkoa den moduan”.

2006an, Googlek @last Software enpresa eskuratu zuen eta bederatzi hilabeteren ondoren SketchUp-en 6 bertsioa abian jarri zuen. Bertsio hori hobekuntzen eta aplikazio berrien bidez garatu zuten eta 2008tik eskuragarri dago SketchUp-en 7 bertsioa. Lehen adierazi bezala, eskuliburu honetan bertsio hori aztertuko dugu. Gainera, bertsio profesionala dago (SketchUp Pro). Ezaugarri gehiago ditu eta dagokion lizentzia ordainduta eskura daiteke.