Deskarga eta instalazioa

Hasteko, Interneteko arakatzaile baten leihoa zabalduko dugu (eskuliburu honetarako Firefox erabiliko dugu). Ondoko esteka helbide-barran kopiatu eta Intro sakatuko dugu: http://sketchup.google.com/intl/es/download/index.html

• Jarraian, Google SketchUp 7 doan deskargatu dezakegula dion laukian klik egingo dugu:

• Zabalduko den leihoan, ordenagailuaren sistema eragilea hautatzeko eskatuko zaigu. Kasu honetan, Windows XP/Vista/7 hautatuko dugu eta Aceptar y descargar (onartu eta deskargatu) aukeran klik egingo dugu:

• Zabalduko den leihoan, Save File edo Guardar (gorde) hautatuko dugu, sistema eragilea zein hizkuntzatan instalatuta dugun:

Ondoren, programa ordenagailuan zein bidetan eta zein izenarekin gorde nahi dugun adierazteko eskatuko digu:

Bidea adierazi eta Guardar aukeran klik egin ondoren, deskargaren aurrerabideko barra ikusiko dugu:

Deskarga amaitu ondoren, adierazi dugun bidean instalazioko programa exekutagarriaren ikonoa aurkituko dugu:

• Ikono horretan klik bikoitza egingo dugu eta programa deskonprimituko da:

Jarraian, instalazio-morroia zabalduko da:

• Siguiente (hurrengoa) aukeran klik egingo dugu. Leiho batean, Acuerdo de licencia para usuario final (azken erabiltzailearentzako lizentzia-akordioa) agertuko zaigu. Hori onartu eta Siguiente (hurrengoa) hautatuko dugu:

• Morroiak aurretiaz finkatutako bide bat proposatuko digu programa instalatzeko. Nahi izanez gero, bide hori alda dezakegu edo, bestela, Siguiente (hurrengoa) aukeran klik egingo dugu:

Ondoren, eskatuko digu programa instalatu nahi dugun baieztatzeko, edota utzi nahiz atzera itzuli nahi dugun instalazioaren doikuntzak aldatzeko:

Instalar (instalatu) hautatzean agertuko den leihoan, instalazioaren aurrerabidea adieraziko da.

• Hura osatu ondoren, programa behar bezala instalatu dela adieraziko digu, eta Finalizar (amaitu) aukeran klik egingo dugu:

Instalazio-morroiak sarbide azkarreko ikono bat sortuko du mahaigainean. Horren gainean klik egingo dugu Google SketchUp hasteko: