KAPSULA – 1 MAILAKO IKT TAILERRA
Diseinatu ikasgelaren bloga modu errazean Wordpress-ekin
IbilbideaZer da Bloga?...Lehen urratsak WordpressekinLehen urratsak WordpressekinLehen urratsak Wordpressekin IIIKT ProgramazioaKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinKasu praktikoa: diseinatu irakasgaiaren bloga wordpressekinAriketa: jardueren blogaAriketa: jardueren blogaAriketa: jardueren blogaAriketa: jardueren blogaAriketa: jardueren blogaAutoebaluazioaAutoebaluazioaAutoebaluazioaAutoebaluazioa
1 de 26
0%

Ibilbidea

Zer egingo dugu?

 
(Iturria: :Morguefile)

Kapsula-lantegi honetan, blog edo egunkari bat Wordpress izeneko doako web 2.0 tresna erabilita oso erraz diseinatzeko modua azalduko dugu. Eta (hau da interesgarriena), ikasgelan eta ikasgaiekin lan egitean blog hori nola erabili ere modu praktikoan erakutsiko dugu.

Zein urrats emango ditugu?

  • Hasteko, ikuspegi orokorretik blog bat zer den azalduko dugu eta lantegia garatzeko programa aurkeztuko dugu: Wordpress.
  • IKT Programazioa.
  • Tresna hori nola erabiltzen den jakiteko, urratsez urrats azalduta, irakasleei zuzendutako kasu praktiko bat garatuko dugu: Irakasgaiaren bloga sortzea..
  • Modu autonomoan praktikatzeko, Wordpressekin egiteko ariketa bat planteatzen dugu, oinarrizko arloetako baten (Hizkuntza, Matematika edo Ingurunearen ezaguera) curriculumari aplikatuta: Blog jakintsua, ikasleentzako talde-laneko proposamena.
  • 4. Amaitzeko, kapsula-lantegiko zenbait autoebaluazio-jarduera proposatzen ditugu, jorratutako kontzeptuen eta prozeduren inguruko gogoeta bultzatzeko, eta horiek errazago ulertzeko.

Nola aurkezten ditugu materialak?

Hainbat formatu konbinatuta, kapsula-lantegiaren edukiekin lan egiteko dauden aukerak eskaintzearren.

  • Material osoaren bertsio inprimagarria PDF formatuan eta WEB formatuko bertsio elektronikoan, Interneteko konexioaren beharrik gabe kontsultatzeko.
  • eta 3. urratsen edukia azaltzeko bertsio bideo-tutoriala.
  • urratsaren edukiari buruzko bertsio bideo-tutorial elkarreragilea.

Eta, kemenez hasteko, gozatu bideo honekin:http://photopeach.com/album/14gen8d?ref=est. Curso web 2.0 2009-2010  (Web 2.0 ikastaroa 2009-2010) izenburua du eta Antonio González García irakasleak egina da.

Gustatuko zaizu!

Zer da Bloga?...Lehen urratsak Wordpressekin

Bloga

Bloga webgune bat da, erabiltzaile batek edo gehiagok gai beraren inguruan idatzitako testuak, artikuluak eta iritziak kronologikoki biltzen dituena. Argitaratutako edukiak, testu-formatukoak ez ezik, multimedia ere izan daitezke (irudiak, audioak, bideoak, etab.).

Beraz, bloga, modu sinplean, honela definituko genuke: webgune bat da; bertan, erabiltzaileak modu errazean artikuluak edo postak (horrela deitzen zaie argotean) argitaratzen ditu eta irakurleek artikulu/post horiei buruzko iritzia eman dezakete. Hain zuzen, elkarreragin hori da blogak dituen abantaila eta alde nagusietako bat web-orri bateko edukien edizioarekiko. Blogaren egileari edo argitaratzaileari weblogger edo blogger deitzen zaio.
(Iturria:http://blog.gazteaukera.euskadi.net/)

Blog motak

Blog mota ugari daude, ia erabiltzaile adina esango genuke; baina, ezaugarrien arabera, honako hauek nabarmendu daitezke:

  • Audioblogak: audio-fitxategiz osatutako post-edukia dutenak.
  • Fotoblogak: irudi-fitxategiz osatutako post-edukia dutenak.
  • Bideoblogak: bideo-fitxategiz osatutako post-edukia dutenak.
  • Moblogak: telefono mugikorretik irakurri eta eguneratzeko diseinatutako blogak.

Blogaren egitura

Blogaren orri nagusiak hiru zati hauek ditu:

 
  • Blogaren izenburua edo goiburua (1)
  • Alboko menua (2). Bertan, zerrenda hauek agertu ohi dira: argitaratutako post-en kategoriak, beste web-orri batzuetarako estekak (hala nola, erantsitako informazioa zabaltzeko erreferentziak edo guneak) eta egileek hautatutako edo gomendatutako beste weblog batzuetarako estekak (zerrenda horri blogroll deitu ohi zaio).
  • Posta (3) edo testu-artikulua nahiz multimedia.

Post-aren egitura

Postak askotariko egitura izan dezake, baina atal komunak izaten ditu:

 
(Iturria:http://blog.gazteaukera.euskadi.net/)
  • Postaren argitalpen-data (1).
  • Postaren izenburua eta dagokion kategoria (2).
  • Postaren gorputza albistearekin (3).
  • Postari lotutako irudia edo bideoa (4).
  • Iruzkina, postaren egileak baimentzen badu (5).

Lehen urratsak Wordpressekin

Wordpress edukiak kudeatzeko plataforma da, blog bat instalatu eta azkar konfiguratzeko aukera ematen duena. Horretarako, zerbitzarian edo, hala badagokio, hosting-hornitzailean oinarrizko elementu jakin batzuk izan behar ditugu, hala nola, PHP lengoaiarekin eta MySQL datu-basearekin programatzeko aukera.

Wordpress zerbitzari propioan instalatzeko, beharrezkoa da webmaster-aren ezagupenak izatea; plataforma honek gauzak asko errazten dituen instalazio-modu gidatua gaineratzen badu ere.

Wordpress, zerbitzarirako bertsioan, doan deskargatu daiteke http://wordpress-es.sourceforge.net/ helbidean; izan ere, Open Source lizentzia (iturburu-kode irekia) baitu. Zuen ikastetxerako aukera hori interesatzen bazaizue, ikertu bide horretatik.

Como ya os habréis imaginado también existe la versión en línea de Wordpress, similar a Blogger, y sobre la que nos vamos a centrar en esta cápsula-taller.

Beste bertsio horrekin ez da beharrezkoa inolako instalaziorik egitea, ez eta hosting-zerbitzurik (zerbitzarian jartzeko) nahiz domeinurik kontratatzea ere. Sar zaitez zuzenean haren helbidea ipinita (http://es.wordpress.com/):


Wordpress erabiltzeko, posta-kontu bat eduki eta bere orrian erregistratu behar duzu, formulario sinple bat beteta. Posta elektronikorik ez baduzu, kontu bat sortu beharko duzu (adibidez,  Gmailen) prozesuarekin jarraitu aurretik.

Kontua baldin badaukazu, egin klik Regístrese ahora (erregistratu orain) aukeraren gainean.


  • Osatu erregistro-formularioa: erabiltzaile-izena (1), Wordpressen sartzeko pasahitza bitan (2), posta elektronikoko zure helbidea (3) eta alta-baldintzen onarpena (4). Eta, prozesuarekin jarraitzeko, egin klik Siguiente (hurrengoa) botoian.

  • Jarraian, web-helbide edo URL bat jarri behar dugu gure blogerako (1), bai eta izenburu bat ere (2). Wordpressek helbide hori blogosferan eskuragarri dagoen egiaztatuko du. Helbidea libre baldin badago, jarraitu eta registrarse (erregistratu) aukeran klik egingo dugu.

  • Wordpressek automatikoki bloga sortuko du, aurretiaz esleitutako diseinu grafikoa duen txantiloi estandarra erabilita (nahi izanez gero, aurrerago estetika alda daiteke):

Eta dagoeneko dena prest dugu hasteko. Erraza, ezta? Bideotutoretzak

Lehen urratsak Wordpressekin II

Sor dezagun gure blogaren lehen posta, My account (nire kontua) – Edit Profile (editatu profila gainean klik eginda.

Mi cuenta alboko paneletik postak sor daitezke, Entradas (sarrerak) aukeraren gainean klik eginda.


 

Sarrera edo posta editatzen dugun bitartean ikus dezakegunez, Wordpressek:

  • Eskuineko goialdean, gure erabiltzailearekin identifikatzen gaitu (1).
  • Ezkerraldeko goialdean, blogaren izenburua kokatzen du (2).
  • Eta, erdialdean (3), posta editatzeko aukera ematen digu. Horretarako, honako hau idatzi behar dugu: artikuluaren izenburua, testua (beste dokumentu batean idatzi badugu, itsatsi egingo dugu) eta posterako etiketa bat, beharrezkotzat jotzen badugu kategoriak sortzen joatea, karpetak bailiran, blogean garatzen den gai multzo bakoitzerako.

Lehen posta prest dugula, pantailaren eskuinaldean Publicar entrada (argitaratu sarrera) aukeran klik eginda besterik gabe, Wordpressek ekintza behar bezala gauzatu dela ziurtatuko digu erantzun honen bidez:

Ver blog (ikusi bloga) gainean klik eginda, emaitza ikusi ahal izango dugu.

Jarraian, hurrengo helburuari helduko diogu: “Irakasgaiaren bloga nola diseinatu” kasu praktikoa lantzea.

IKT Programazioa

IKT gaitasunak*

*Esparruak:

M. Metodologikoa

P. Profesionala

T. Teknologikoa

J. Jarrerazkoa

M. Wordpress erabiltzea jarduera pedagogikoetan laguntza emateko material didaktikoa prestatzean, etorkizuneko lan-jarduna hobetzeko.

M. Ikasgelan hainbat estrategia didaktiko aplikatzea, hardware gailuak erabilita, ikaskuntza errazteko.

M. Wordpressekin ikasteko inguruneak antolatzea eta diseinatzea, curriculuma lantzeko.

P. Eskola-elkarte osoarekin komunikatu eta lankidetzan aritzeko teknologiak erabiltzea, Interneten batera lan egiteko tresnak baliatuta, sareko presentzia bera behar bezala kudeatzeko.

T. Internetekin, Webarekin eta komunikazio-baliabideekin lotutako kontzeptuak eta tresnak erabiltzea, informazioa lortzeko eta zabaltzeko, eta urrutiko komunikazioak ezartzeko.

T. Bloga bezalako inguruneak jarrera kritikoaz arakatu eta aztertzea, IKTen berezko lengoaiak interpretatu eta ulertzeko, eta autonomia eskuratzeko.

J. Lanbidean etengabeko eguneratzeko jarrera positiboa izatea.

J. Ikasgelan IKTak sartzeak dakartzan aukerak onartzea.

IKTarekin lotutako berariazko helburuak

  • Wordpressen sartzea eta blog bat sortzea.
  • Wordpress batean post bat argitaratzea.
  • Post hori editatzea, irudiak, testua, bideoak eta kanpoko estekak txertatuta.
  • Wordpressen konfigurazioan zenbait alderdi aldatzea, hala nola, profil pertsonala edo diseinua.

IKT edukiak

  • Wordpressekin blog bat sortzea.
  • Blogean multimedia elementuak diseinatu eta gaineratzea.

Gutxieneko eskakizunak

  • Informatika-ekipoei eta sistema eragileari buruzko oinarrizko kontzeptuak.
  • Internet bidezko nabigazioari buruzko oinarrizko kontzeptuak.
  • Internet bidezko komunikazio-baliabideen inguruko oinarrizko ezagupenak.

Autoebaluaziorako irizpideak

  • Wordpressekin blog bat behar bezala sortzea.
  • Wordpress batean post bat argitaratzea.
  • Post bat editatzea, eta irudiak, testua, bideoak eta kanpoko estekak txertatzea.
  • Wordpressekin konfigurazioan zenbait alderdi aldatzea, hala nola, profil pertsonala edo diseinua.

* "Eskola 2.0" proposameneko LH 5. mailako ikasleentzako IKT konpetentzien itemak. Eranskinatik aterata "IKT Konpetentzia mapak".

Kasu praktikoa: diseinatu irakasgaiaren bloga wordpressekin

Aurkezpena

Honelako kasu bati ekiteko erarik onena da oso praktikoak izatea eta egiaztatutako esperientziatik abiatzea, benetako adibide baten gainean lan egin ahal izateko. Zorionez, blogosferan badira irakasleek egindako oso lan onak.

Ikasleentzako eta (zergatik ez?) irakasleentzako pizgarri eta lagungarri izan daitekeen gaiari buruzko bloga diseinatuko dugu. Horretan jardun da Marifé Lara Romero irakaslea, Recursos para nuestra clase (gure ikasgelarako baliabideak) bere blogaren bitartez (http://miclase.wordpress.com/). Gure ustez gune bikaina da, besterik gabe ezagutzea merezi duena eta, era berean, kasu praktikoa deskribatzeko inspirazio gisa balio diguna.


Gune horren kalitate-mailara iristeko inolako asmorik gabe, blogaren euskarria Wordpressen eraikiko dugu, honako egitura hauek antzera sortu ahal izateko:

  1. Profil pertsonala editatzea, eta utilitate osagarriak (widgets ere deitzen zaie) txertatzea, hala nola, bilatzaile integratua, eguneratutako albisteen gune iraunkorra, orrien informazioa osatzeko egutegia, etab.
  2. Blogaren aurkezpen atala. Post bat argitaratzea, eta irudiak, bideoak eta kanpoko estekak txertatzea.
  3. Argitaratutako posten inguruko iruzkinak jasotzeko aukera.
  4. Kurtsoko ikasgaietako baten edukien egitura eta blogroll aurkibidea edo zerrendatutako eta/edo gomendatutako blogen aurkibidea.

Hortaz, gehiago luzatu gabe, jarrai dezagun praktikatzen!

Kasu praktikoa: diseinatu irakasgaiaren bloga wordpressekin

a) Profil pertsonala: aurretiazko urratsa

Praktikari ekiteko, eman beharreko lehen urratsa da dagoeneko sortutako bloga berreskuratzea, bertan lan egiten hasteko. Gure blogaren helbide edo URLra konektatuko gara, Wordpress ek eman digun horretara, hain zuzen (http://auladigital5.wordpress.com/wp-login.php?loggedout=true)

Kontua sortzeko erabili ditugun erabiltzaile-izenarekin eta pasahitzarekin sartuko gara. Behin datuak osatu ondoren, Iniciar Sesión (hasi saioa) botoian klik egingo dugu. Jarraian, lan-aukera guztiak biltzen dituen Tablero(taula) izeneko pantaila hau agertuko zaigu:

Pantaila horretan, gure blogari buruzko informazio guztia eta gure profila editatzeko aukera dugu.

Blogetan, idazten diren postak egilearen aurpegiarekin identifikatzeko erabiltzen da profila. Egilearekin hurbiltasun handiagoaz eta modu atseginagoan konektatzen laguntzen du horrek. Profilak, gainera, posteatzen duenari buruzko informazio gehigarria biltzen du, besteak beste, haren zaletasunak, blog gogokoenak, etab. Nahi izanez gero, informazio hori beste batzuekin parteka daiteke, internauten arteko komunikazio-gertakari horrek oso berezkoak dituen gizarte- edo elkarte-harreman berriak (gizarte-sarea) ezartzen laguntzeko.

Sor dezagun alegiazko profil bat aula.digital5erako. Horrela, urrats guztiak emango ditugu.

Kasu praktikoa: diseinatu irakasgaiaren bloga wordpressekin

a) Profil pertsonala

Editar perfil (editatu profila) aukeraren gainean klik egingo dugu eta ondoren ikusten den formularioa azalduko zaigu.

Wordpress en atal horretan, zure pasahitza aldatzeko edo zerorri buruzko informazioa idazteko aukera duzu. Gure profilari argazki bat erantsiko diogu. Hautatu Cambiar tu Gravatar (aldatu zure Gravatar-a) aukera.

Hautatu lehen aukera (ingelesez dago): Upload a new image from your computer (igo ordenagailutik irudi berri bat).

Irudian ikus daitekeenez, PCaren disko gogorrean nahiz Interneteko zerbitzari batean jasotako argazki bat sar daiteke. Bi praktikak egin ditugu eta jarraian erakutsiko dizkizugu. Argazkia PCan jasota badago, Browse (arakatu) botoian klik egin, hura dagokion karpetan edo diskoaren kokalekuan aurkitu eta, Open (ireki) botoian klik eginda, Wordpress era igo besterik ez da egin behar.

 


Hautatu irudi gisa erakutsi nahi duzuna.   Emaitza honako hau izango da:

(Oharra: irudia ISFTICen baliabide-bankutik hartua da: http://bancoimagenes.isftic.mepsyd.es/)

Kasu praktikoa: diseinatu irakasgaiaren bloga wordpressekin

a) Profil pertsonala

Aldiz, argazkia Interneteko zerbitzariren batean baldin badago, hura aurkitu eta, formularioaren gainean, dagokion URLa edo Interneteko helbidea kopiatu behar da, Wordpress ek gure profilarekin lotu dezan.

Bigarren aukera hori probatzeko, Google n edozein argazki bilatu dugu eta gure profilari lotu diogu, adierazitako urratsak emanda.

Google ra konektatu (http://www.google.es) eta Imágenes (irudiak) fitxa hautatuko dugu. Irudi bat bilatzeko, "gizonezko argazkia" esaldia idatziko dugu.

Parentesi artean, hautabide bat azaltzen dizuegu. Irudikatuko gaituen avatar bat hauta genezake, dibertigarriagoa izan dadin. Gaia interesatzen bazaizue, sartu esteka hauetan: (http://www.faceyourmanga.com/, http://www.urfooz.com, http://www.weeworld.com/).

Eta, orain, amai dezagun etenaldia eta jarrai dezagun esaten ari ginen praktikarekin.

Google "gizonezko argazkia" esaldiaren emaitza ugari emango dizkigu eta horietako bat hautatuko dugu bertan klik eginda.

Ondoren Google kargazkiaren orria erakutsiko digu bere jatorrizko testuinguruan. Saguaren eskuineko botoiarekin argazkiaren gainean klik egin eta Copiar acceso directo (kopiatu lasterbidea) hautatuko dugu.

Berriz ere formulariora joko dugu eta Give us a link… aukera hautatuko dugu (jarri on line irudiaren esteka lotura egiteko).

Adibidez, Control+V tekla-konbinazioaren bidez, argazkiaren URLa dagokion lekuan itsatsiko dugu.

Prozedura ondo egin badugu, Nexten klik egingo dugu, eta segundo batzuetan Wordpress ek baieztatu egingo digu eragiketa arrakastaz gauzatu dela eta argazkia erakutsiko digu.

Prozesua gordetzeko, Actualizar Perfil (eguneratu profila) botoiaren gainean klik egingo dugu formularioaren amaieran, eta irudia esleituta geratuko da.

...Eta, orain, egin dezagun aurrera! Nire profila editatzea

Kasu praktikoa: diseinatu irakasgaiaren bloga wordpressekin

b) Post bat editatzea, eta irudiak, bideoak eta kanpoko estekak txertatzea

Praktikaren hasieran, benetako kasu baten adibideari jarraituz, blogaren aurkezpen atala ebazteko eta argitaratutako postak jasotzeko aukeraz aritu gara. Has gaitezen!

Gure blogaren Tablero (taula) panelera itzuliko gara eta Entradas (sarrerak) fitxan klik egingo dugu, aurkezpeneko posta editatzeko.

Irudian ikusten denez, probako post bat idatzi dugu blogaren aurkezpen atalerako.


Wordpress en prozesadoreak testua editatzeko eskaintzen dituen tresnak inguratu ditugu. Ikus daitekeenez, oso intuitiboak eta unibertsalak dira. Hala ere, azkar-azkar deskribatuko ditugu ezkerretik eskuinera:

  • B: Edozein hitz edo paragrafo letra lodiz nabarmentzeko.

  • I : Edozein hitz edo paragrafo letra etzanez nabarmentzeko.

  • ABC : Testua marratzeko aukera ematen du.

  • Paragrafoak eta binetak : Testua lerrokatzeko, binetekin zenbakitzeko edota hitz edo paragrafo bat komatxo artean jartzeko.

  • Botoiak: Insertar enlaces (txertatu estekak), Corrección ortográfica (ortografia-zuzenketa) eta Alternar pantalla completa (txandakatu pantaila osoa).

Kasu praktikoa: diseinatu irakasgaiaren bloga wordpressekin

b) Post bat editatzea, eta irudiak, bideoak eta kanpoko estekak txertatzea

Orain, testuan irudi bat txertatuko dugu, esaterako, ikastetxe baten sarrerarena (kasuarekin jarraituz). Insertar imagen (txertatu irudia) botoian klik egingo dugu.

Ondoren agertzen den leihoa zabalduko zaigu. Dagoeneko PCan dugun irudi bat hautatuko dugu eta Seleccionar archivos (hautatu fitxategiak) sakatuko dugu. Jarraian, Subir imagen (igo irudia) botoiaren gainean klik egingo dugu.

Wordpress ek baiezko erantzuna emango digu ondoren agertzen den mezuaren bidez. Bertan, irudia miniaturan bistaratzen da.

Insertar entrada (txertatu sarrera) eta Guardar todos los cambios (gorde aldaketa guztiak) botoietan klik egingo dugu.

Posta editatzeko pantailan irudia agertuko zaigu.

Kasu praktikoa: diseinatu irakasgaiaren bloga wordpressekin

b) Post bat editatzea, eta irudiak, bideoak eta kanpoko estekak txertatzea

Txerta dezagun bideo bat ongietorriko gure postean.

Aurretiaz, gure PCan bideo bat editatu edota Interneten aurkitu behar izan dugu, adibidez Youtuben (Google ren beste zerbitzu bat da). Ikus dezagun azken aukera hori.

Youtube ra konektatuko gara (http://www.youtube.com) eta interesatzen zaigun bideo bat bilatuko dugu. Adibidez, honako hau proposatzen dugu: Liburu elektronikoak.

Hasteko, Control+C tekla-konbinazioaren bidez kopiatuko dugu Insertar (txertatu) laukian agertzen den kodea eta Wordpress eko pantailara itzuliko gara; baina, oraingoan, Html fitxaren gainean klik egingo dugu (web-orriak edo, kasu honetan, post-ak editatzeko aukera ematen duen programazio-lengoaia da Html). Ondoren agertzen den bista dugunean, kodea Control+V tekla-konbinazioaren bidez itsatsiko dugu bideoa agertzea nahi dugun lekuan, eta automatikoki txertatuko da. Baina, aurretik, zure buruari galdetuko diozu: eta non itsatsiko dut, hemen ez bada ezer ulertzen?

Html lengoaiaren bidez, idatzi dugun edukiari “marka-etiketak” eransten zaizkio. Erreparatuz gero, etiketen artean gure testua dagoela ikusiko duzue. Gure esaldiak lila koloreaz azpimarratu ditugu. Bertan kokatzea interesatzen zitzaigunez, gune bat ireki dugu Html lerroen artean eta bideoaren kodea itsatsi dugu bi paragrafoen erdian (lerro berdeaz markatu dugu).

Vista previa (aurrebista) fitxan klik eginda, hau izango da emaitza.

Aldiz, bideoa gure PCtik hartu nahi badugu, Visual fitxara itzuliko gara (Html bista utziko dugu).

Añadir vídeo (erantsi bideoa) botoiaren gainean klik egingo dugu. Prozedura ezaguna dugu, argazki baterako dagoeneko deskribatutakoa baita: Desde el ordenador (ordenagailutik), Desde URL (URLtik), Galería (galeria), Biblioteca de objetos (objektuen biblioteka).

Kasu praktikoa: diseinatu irakasgaiaren bloga wordpressekin

b) Post bat editatzea, eta irudiak, bideoak eta kanpoko estekak txertatzea

Azkenik, atal hau osatzearren, gure testuaz kanpoko blog edo web-orri baterako esteka txertatuko dugu.

Horretarako, lehendabizi, kanpoko orri horrekin estekatuko dugun hitza edo esaldia hautatuko dugu. Praktikako testuarekin jarraituz, esteka egiteko “incorporación de las TIC al aula y a los procesos de enseñanza-aprendizaje” (IKTak ikasgelan, eta irakatsi eta ikasteko prozesuetan sartzea) esaldia hautatzea erabaki dugu. Jarraian, enlace (esteka) botoiaren gainean klik egingo dugu.

Marifé Lararen blogarekin ari garenez, aipatutako esaldia blog horren helbidearekin edo URLarekin estekatuko dugu. Horretarako, enlace (esteka) botoiaren gainean klik eginda agertuko zaigun leihoan, estekatu behar dugun orriaren helbidea edo URLa idatziko dugu (kasu honetan, http://miclase.wordpress.com).

Insertar (txertatu) botoian klik eginez gero, testua jadanik estekatuta agertuko da (urdinez azpimarratuta).

Azpimarratutako esaldiaren gainean sakatuta, hain interesgarria den blog horretan sartuko gara estekaren bidez.

Puntu honetara iritsita, ongietorriko post-a argitaratu dugunez, geratzen zaigun gauza bakarra iruzkinen administrazioa jorratzea da.


Post bat editatzea: irudiak, bideoak eta kanpoko estekak

Kasu praktikoa: diseinatu irakasgaiaren bloga wordpressekin

c) Argitaratutako post-ei buruzko iruzkinak

Berez, Wordpressek gaitu egiten du argitaratutako post-en inguruko iruzkinak egiteko aukera.

Prozesu horren kudeaketa Opciones-Discusión (aukerak/eztabaida) atalean zehatz-mehatz azalduta dago. Utilitate interesgarrienei buruz arituko gara.

Discusión (eztabaida) aukeran, Wordpress ek berez gaituta dauka iruzkinak erakusteko aukera eta, jakina, horrela utzi behar dugu. Pertsonalagoak dira beste iruzkin-aukerak, adibidez, El autor del comentario debe proporcionar su nombre y correo electrónico (iruzkinaren egileak bere izena eta posta elektronikoa eman behar ditu). Bertan, blog-egile bakoitzak bere helburuen arabera gehien interesatzen zaion aukera hautatu behar du. Aztertzen ari garen kasu zehatzean, Marifék aukera lehenetsia gaituta duela ulertu behar da.

Configuración (konfigurazioa) ataleko formularioaren bigarren zatian, iruzkinak kudeatzeko balio handiko aukerak eskaintzen dira.

Iruzkinak egiten direnean posta bidez jakinarazpenak jasotzeko aukerak gaituta daude. Ildo horretatik, aukera hauek interesgarriak dira: Para que un comentario aparezca (iruzkin bat agertzeko) eta Moderación de los comentarios (iruzkinak moderatzea). Agertzea nahi ez dugun gako-hitzekin zerrenda beltz bat sor dezakegu. Argitaratu aurreko onarpen-aukerak egokiak izan daitezke araututako eta arautu gabeko egoera eta une jakin batzuetarako.

Visibilidad de avatares (avatar-ak bistaratzea) aukerari esker, igorlearen profilari buruzko informazioa ezagutu dezakegu, harreman-taldea zabaltzeko aukera balioestearren. Aukera hori praktika honen lehen zatiarekin (profila editatzea) dago lotuta. Aukerak hautatu ondoren, gogoan izan Guardar cambios (gorde aldaketak) botoiaren gainean klik egitea, bloga administratzeko atal honetan erregistra ditzazun nahi dituzun aldaketa guztiak. Botoia formularioaren amaieran dago.

Gure praktikan geu, egile ez ezik, administratzaile ere bagarenez, eta berez aukera hori gaituta dugunez, gure buruari erantzun diogu, adierazitako ekintza-kateari jarraituz argitaratu dugun posterako iruzkin baten bidez.

 

Egin klik Deja un comentario (utzi iruzkin bat) eta nahi duzun testua idatzi.

Bidali iruzkina eta blogean argitaratuko da:

Iruzkina berriro edita dezakegu.

Kasu praktikoa: diseinatu irakasgaiaren bloga wordpressekin

c) Argitaratutako post-ei buruzko iruzkinak

Eta, kasu praktikoaren atal hau ixteko, blogaren konfigurazioa gure ordu-zonara egokituko dugu eta gure blogaren informazioa nola erakutsi dezakegun ikusiko dugu.

Zenbaitetan, blogetan ikusten da post-ak ezordutan argitaratuta daudela. Horren arrazoia da, neurri batean, ordu-zonaren aipatutako bat ez etortze hori. Izan ere, Wordpress ek, berez, Ipar Amerikako ordu tarteetako bat hartzen du (Pazifikokoa).

Berriz ere, Opciones (aukerak) atalean sartuko gara, baina, oraingoan, General (orokorra) menuan.

Zona horaria atalean UTC+1 hautatuko dugu.

Guardar cambios (gorde aldaketak) botoian klik egingo dugu (formularioaren amaieran dago).

Wordpress ek posten argitalpen-ordua eguneratuko digu automatikoki.

Kasu praktikoa: diseinatu irakasgaiaren bloga wordpressekin

d) Blogaren orri nagusian zerrenda bat eranstea

Wordpress ek erraztu egiten du blogari elementu osagarri ugari gaineratzeko aukera (widgets ere deitzen zaie), gunea dinamizatzeko eta informazioa osatu eta/edo optimizatzeko.

Ikus dezagun zerrenda bat sortzeko utilitatea nola gaineratu. Zerrenda hori blogroll gisa (beste blog batzuetarako esteka hautatuen zerrenda) nahiz irakasgaiaren gai zerrenda gisa (fitxategiak edo dokumentuak lotzeko) erabil liteke.

Blogaren Aspecto (itxura) atalean sartuko gara eta Widgets fitxa hautatuko dugu.

Erakusteko gehien interesatzen zaizkigun aukerak arrastatuko ditugu. Enlaces (esketak) hautatu eta alboko leihoko lehen lekura arrastatuko dugu.

Ondoko leiho hau agertuko da:

Blogroll hautatu eta Guardar (gorde) botoian klik egingo dugu.

Wordpress ek pantailan dagokion lekuan jarriko du hura. Emaitza bistaratzeko, Ver sitio… (ikusi gunea) aukeraren gainean klik egingo dugu eta, bai, hortxe dago.

Aurrerantzean gure widgetak ikusi ahal izango ditugu.

Kasu praktikoa: diseinatu irakasgaiaren bloga wordpressekin

d) Blogaren orri nagusian zerrenda bat eranstea

Praktikarekin jarraituko dugu. Orain, kurtsoko edozein ikasgairi dagozkion unitate didaktikoekin lotutako esteken zerrenda editatuko dugu Enlaces – Categoría de enlaces. (estekak – esteka kategoria) egingo dugu. Blogroll aukera editatuko dugu.

Unidades didácticas (unitate didaktikoak) izeneko esteka kategoria sortuko dugu.

Kategoria horri estekak eransteko, Nuevo enlace (esteka berria) aukerara joko dugu:

Interesatzen zaizkigun estekak gure zerrendan eransten joango gara, izenburua eta helbidea jasota, eta Unidades didácticas (unitate didaktikoak) kategoriari esleitu nahi dizkiogula adieraziko dugu.

Jarraian, Crear enlace (sortu esteka) botoian klik egingo dugu. Eta, jadanik, lortu egingo dugu!


Azkenik, gehien interesatzen zaizkigun gaien inguruko gaurkotasuneko albisteen gunea (dinamikoa) gaineratuko diogu orriari. RSS gadgeta hautatu eta alboko barrara arrastatuko dugu. “Actualidad” (gaurkotasuna) izenburua emango diogu eta Guardar (gorde) botoian klik egingo dugu.

Azken emaitza honako hau izango da:

Erraza, ezta? Erabilgarriak izan ditzakezun widget edo gadget ugari daude.

Veamos Gadgetak gehitzea

Eta, praktika hau behin betiko amaitzeko, azter dezagun sortutako produktua. Hona Wordpress en barrena egindako ibilbide honen azken emaitza iruditan (3):

Ez dago batere gaizki!

Segi praktikatzen jarraian aurkezten dizuegun ariketarekin.

Ariketa: jardueren bloga

Aurkezpena

Zalantzarik gabe, blogak dira irakaskuntzan laguntzeko gehien erabiltzen diren IKT baliabideetakoak. Izan ere, bultzatu egiten dituzte ideien lanketa eta bateratze-lana, komunikazioa, sozializazioa, lankidetza, etab.; eta, horrela, ikasteko esperientzia ugari sorrarazten dituzte.

Blog fenomenorako aplikatzeko ideiak eta testuinguruak ezin konta ahala daudenez, zehaztearren, El blog sabio (blog jakintsua) izenburua duen ikasleentzako ariketa proposatzen dizuegu.

Ariketa irakasgaiaren bloga diseinatzean datza. Bertan, kurtsoko gai edo unitate didaktiko bakoitzerako, ikasleek multimedia post osagarri bat sortu beharko dute, unitatean landutako edukietakoren bat zabaltzeko (pasadizo bilduma, ikerketa labur, etab. gisa).

Post bakoitza idazteko ardura lan-talde txikitan banatzea gomendatzen dugu. Gelako gainerako ikasleek aurkeztu den proposamenaren egokitasuna aztertzeko iruzkin-post bat egiten dutenean osatuko da dinamika.

Ikasgelako taldea 4-5 laguneko taldetan antolatzea proposatzen dugu. Horietan, rolak, zereginak eta erantzukizunak banatuko lirateke. Helburua da talde bakoitza, bere postaren egile ez ezik, gainerako ikasleen irakurle eta analista izatea.

Era berean, ariketa honetan irakaslearen zeregina izango da Blog sabioa (blog jakintsua) eraikitzea, ikasleek parte hartu ahal izan dezaten konfiguratzea eta gelako ikasleei aurkeztea, proiektua hasi aurreko urrats gisa.

Hortaz, ariketa egiteko urratsak honako hauek dira:

  • Wordpressen Blog sabio (blog jakintsua) izeneko bloga sortzea.
  • Jardueraren dinamika garatu ahal izateko beharrezkoak diren sartzeko eta parte hartzeko baimenak konfiguratzea.
  • Blog jakintsuaren atalak sortzea, horietan postak kokatzeko, eta parte-hartzea sustatzeko zerbitzu gehigarriak gaineratzea (adibidez, jorratutako gai edo unitate bakoitzerako inkesta-modulu bana).

Eta, gehiago luzatu gabe, jarrai dezagun!

Ariketa: jardueren bloga

Worpressen blog jakintsua sortzea

Sartu Wordpressen (http://www.Wordpress.com) eta identifikatu zure burua erabiltzaile-izenaren eta pasahitzaren bidez, blogari alta emateko. Tablero (taula) panelean, egin klik Mis blogs (nire blogak) aukeraren gainean eta, jarraian, sakatu Register another blog (erregistratu beste blog bat).

Osatu formularioa (gogoratu blogaren URLa edo web-helbidea idaztea ondoren ikasleei emateko) eta segi aurrera.

Hautatu blogaren hizkuntza eta kendu Privacy aukeraren marka. Bertan, bloga Googleko bilaketetan agertuko dela jakinarazten da. Amaitzeko, sakatu Create blog (sortu bloga).

Bloga egina dago.

Editatu ongietorriko posta ikasleak motibatzeko eta proiektuan nola lan egin jakin dezaten orientabideak azaltzeko.

Ariketa: jardueren bloga

Blog Jakintsurako baimenak kudeatzea

Ikasleak ere blogaren egile izateko dagozkion baimenak kudeatu. Horretarako, aurretiazko urrats gisa, talde bakoitzarentzat Gmailen posta-kontu bana sortu. Hori ezinbestekoa izango da blog jakintsuaren egile zerrenda zabaltzeko eta nahi ez diren sarbideak saihesteko. Prozedura zein den ez badakizu, azkar-azkar azalduko dizugu.

  • Sortu Gmail kontu bat. Horretarako, konektatu http://www.gmail.com helbidera eta egin klik Crear una cuenta (sortu kontu bat) aukeran.

  • Bete ezazu Gmailek erakutsiko dizun formularioa. Datu gogoraerrazak erabiltzea gomendatzen da, horiek ondoren taldeei jakinarazteko.

  • Formularioa bete eta zerbitzuaren baldintzak onartu ondoren, kontua automatikoki sortuko da.

  • Itzuli Gmailera http://www.gmail.com eta sartu zure kontu berriaren datuak (erabiltzailea eta pasahitza) zerbitzuan sartzeko. (Gmailen erabilera beste kapsula-lantegi batean azaltzen da).

Eta, orain, jarrai dezagun ariketarekin.

Ariketa: jardueren bloga

  • Wordpressen, hirugarrenak blogera gonbidatzeko, horiek Wordpresseko erabiltzaile izan behar dute. Hortaz, aldez aurretik, kapsula-lantegi honen hasieran deskribatutako urratsak ere emango ditugu.
  • Jarraian, Blog jakintsuan ikasle taldeei egile gisa emango diegu alta. Horretarako, sartu Tablero (taula) panelean, Usuarios (erabiltzaileak) aukeran, eta eman alta lan-taldeei bakoitzarentzat sortu berri dituzun Gmail kontuekin.
  • Postak erantsi ondoren, hautatu Contributor rola horiekin guztiekin hurrenez hurren.

  • Joan Comentarios (iruzkinak) fitxara, iruzkin guztiak azkar bistaratu eta kudeatu nahi dituzunean.

  • Baina, eztabaida-hobespenak editatu nahi badituzu, egin Opciones-Discusión (aukerak/eztabaida) eta argitaratutako posten inguruan iruzkinak zeinek egin ditzaketen erabaki.

  • Proiektuaren gaineko zure kudeaketarako, atal berean markatu Enviarme un mensaje cuando… (bidali mezu bat honelakoetan). Hala, ikasleek post bat argitaratzen duten bakoitzean jakinarazpen bat jasoko duzu zure e-mail kontuan.

Ariketa: jardueren bloga

Blog jakintsuaren egitura eta lotutako gadgetak

Bloga pertsonalizatzen hasteko, eskatu ikasle taldeei goibururako irudi bat diseina dezaten (web-argotean banner ere deitzen zaio). Irudi hori aldizka argitaratuko da (adibidez, 15 egunean behin alda daiteke, kurtsoko unitate didaktiko edo gai berri bat hastearekin batera).

  • Alderdi hori kudeatu ahal izateko, jo ezazu Aspecto (itxura) fitxara eta egin klik Cabecera genérica (goiburu generikoa) gainean.

  • Nahi baduzu aldatu izenburuaren kolorea eta argitaratu irudia edo bannerra, aukeren arabera hura kokatuta.

  • Blogaren itxura are gehiago alda dezakezu. Horretarako, hautatu beste gai bat Temas (gaiak) menuan.

  • Gaia aldatuz gero, Activarlo (aktibatu) eta Ver sitio (ikusi gunea) besterik ez duzu egin behar.

A ze aldaketa!

  • Gaitu egokientzat jotzen duzun egitura; besteak beste, gadget hauek erantsita: Lista de enlaces (esteken zerrenda), Calendario (egutegia), Comentarios (iruzkinak).
  • Sortu inkesta bat (Encuesta), unitate didaktikoarekin edo laneko gaiarekin lotutako feed-back gune bat sortzeko. Zerbitzu hori erabiltzeko, hau egin beharko duzu: jo Encuesta (inkesta) atalera, eta egin klik Crear automáticamente una nueva cuenta (sortu automatikoki beste kontu bat) aukeran eta, ondoren, Hacerlo: quiero algunas encuestas!(egin: inkesta batzuk nahi ditut) botoian.
  • Iradoki ikasleei talde bakoitzak blogean argitaratuko diren galderak txandaka diseina ditzan. Horretarako, egin Crear nueva (sortu beste bat) edo Crear una (sortu bat).

  • Idatzi galderak eta erantzunak, hautatu aukerak eta egin klik Guardar Encuesta (gorde inkesta) gainean.

  • Azkenik, Buscar (bilatu) gadgeta lotu, argitaratutako postetan sortutako informazioa eta terminoak errazago bilatzeko, eta ikasleak gaitasun digital horretan hasteko. Aukera hori Aspecto (itxura) atalaren barruan dago.

Ariketaren amaiera.

Gehiago jakiteko

http://didacticatic.educacontic.es/ curso/herramientas-de- comunicacion/blog-web-20 -de-articulos-y-comentarios

Autoebaluazioa

Gogoeta egiteko jarduerak

Kapsula-lantegi guztietan honezkero esan ohi dugunez, sinetsita gaude tutorialaren autoebaluazio hoberena gauza berriak ikasi izanaren eta proposatutako edukiekin praktikatu izanaren emaitza dela.

Hala eta guztiz ere, blogen eta Wordpressen kontzeptuari, funtzionalitateari eta ikasgelan izan ditzaketen erabilerei buruzko zalantzaren bat geratu bazaizue, zuen autoebaluazio pertsonalagorako honako jarduera hauek proposatzen dizkizuegu:

  • Hezkuntzaren agertokian blogek dituzten ahalbideen inguruko orientabide tekniko-didaktiko batzuk.
  • Ikasgelari aplikatutako jardunbide egokien sorta.
  • Kapsula-lantegiari buruzko test labur-laburra.

Iturria: Morguefile

Autoebaluazioa

Gogoeta egiteko eta ideiak sortzeko oharrak

Proposamen honetan, ikasgelan irakatsi eta ikasteko prozesuetako adierazpen- eta esperientzia-baliabide gisa aurkeztu dugu bloga. Horretan oinarrituta, autogogoetarako, honako galdera eta informazio hauek proposatzen dizkizugu:

  • Ikasgelan blog iraunkor bat ezarri eta mantentzeko aukera kontuan hartu al duzu?
  • Interesgarria iruditzen al zaizu blog bat sortzea ikasgelan lantzen diren curriculum-edukietako batzuk zabaldu eta eguneratzeko?
  • Zure ustez, blogekin lan egitea ikasleentzat baliagarria izan daiteke irakurketa eta idazketa bultzatzeko elementu eragingarri gisa?

Sarritan, blogek tresna sozial dinamiko gisa funtzionatzen dute; praktikan ikusi dugunez, postei erantzuteko aukera ematen dutelako eta maiz eguneratzen direlako.

Ezaugarri horiek baliatuz, blogak edozein irakasgaitan eta irakatsi eta ikasteko hainbat egoeratan erabil daitezke; besteak beste, honako hauetan:

  • Ikasgelako taldearen bloga, gai edo irakasgai zehatz bati buruzkoa, bitartekoz, informazio gehigarriz eta jarduera osagarrietarako proposamenez hornitua;  baliabide hauek erabiliz: idazkera hipertestuala, multimedia euskarria, iruzkinak, lotutako esteken eskaintza, etab. Hain zuzen, ildo horri jarraitu diogu praktikan.
  • Ikasleen blog pertsonala, norberaren egunkari gisa, haien interes eta kezka, zaletasun, jarduera eta abarren inguruan; edota, era berean, ikaskideen egunkarietan parte hartuta, haien artikuluei buruzko iruzkinak eta ekarpenak eginez, proposamenak eginez, etab.
  • Sorkuntzako multimedia lantegia, banakakoa edo taldekoa, iradokitako argudioen edo argudio libreen inguruan, mota orotako erreferentziak sartzeko aukerarekin (testu, audio, bideo nahiz beste gune batzuetarako esteka moduan).
  • Talde-proiektuen kudeaketa; prozesuaren arrastoa eta proiektuaren bilakaera gordetzen dituen laneko egunkari bikain gisa.
  • Argitalpen elektroniko multimedia, eskola-egunkaria, aldizkari digitala edo monografiak hainbat gairen inguruan.
  • Nabigazio-gida; iruzkinak egiteko gune interesgarriak, albisteak eta ekarpen kritikoak edo horiei buruzko iruzkinak jasotzeko.

Esan liteke hezkuntzaren esparruan blogen erabilerak hiru alderdi hauek biltzen dituela:

  • Irakaslea - Irakaslea: Irakasleak blog pertsonal bat hasten du berak sortutako hezkuntza-baliabideak partekatzeko, esperientziak eta ikuspegiak trukatzeko, eta irakasleen beste blog batzuekin elkartea sortzeko. Blog horiek bereziki interesgarriak dira iruzkinen ondorioz; horietan oso eztabaida aberasgarriak sortzen baitira.
  • Irakaslea - Ikasleak: Irakasleak blog bat sortzen du ikasleekin beste era batera harremanetan jartzeko; hala, curriculum-edukiak (ariketak, testuak, multimedia materiala...) argitaratzeko bestelako plataforma bilakatzen da.
  • Ikasleak - Irakaslea: Irakasleak ikasgelarako blog bat sortzen du, eta ikasleek administratzen dute blog hori (eskolako ariketa gisa naiz beren borondatez). Irakasleak jarduera gidatzen du eta ebaluazio-sistema gisa nahiz motibatzeko baliabide gisa erabiltzen du, ikasleak irakurketara, idazketara eta teknologia berrietara hurbiltzeko.

(Iturria: Materiales de capacitación TIC para el profesorado –irakasleak IKTetan trebatzeko materialak–, Red.es enpresa publikoa).

Autoebaluazioa

Ikasgelari aplikatutako jardunbide egokien sorta

Blogosferako hainbat motatako blogen sorta eta zenbait irakurgai interesgarri prestatu ditugu kapsula-lantegi honen edukiak osatzeko.

Blogaren izena

URL helbidea

Enlaces educativos

http://recursostic-cole.blogspot.com/

El blog de la clase de 5-6 de Abrucena

http://abru5-6.blogspot.com/

Siempre leyendo

http://siempreleyendo5-6.blogspot.com/

Colegio San Walabonso

http://www.juntadeandalucia.es/averroes/sanwalabonso/

El tinglado

http://www.tinglado.net/

Lapiceando

http://lapizmagico.blogia.com/

Educación tecnológica

http://villaves56.blogspot.com/2009/10/proyecto-educat-1x1-o-escuela-20.html

Blogoteca Aulablog

http://www.aulablog.com/portal/blogoteca

Blogosferako irakurgaiak:

Autoebaluazioa

Galdeketa

Hautatu aukera zuzena. Galdera bakoitzerako bakarra dago.

Laguntza

Laguntza
  1. Ezkerreko Menua (goitik beherako ordenean): ikastaroaren orrialde nagusiko ikonoa (home), hizki tamainuaren ikonoa, moduluaren inprimakiaren ikonoa, laguntzarako sarbidearen eta edukiaren aurkibidearen ikonoa.
  2. Barra materialen izena eta oraingo atalaren izenburua.
  3. Nabigazio geziak (hurrengo-aurreko orrialdea).
  4. Edukiak.

Egilea:

Pau Casacuberta

UTC+1

Sigla horrek denbora unibertsal koordinatu esan nahi du (denbora zibil ere deitzen zaio). Erreferentziazko ordu-zonako ordua da, eta horrekiko kalkulatzen da munduko beste zonetako ordua.

Erregistratu orain

Erregistro-formularioa

Erregistratu

My account (Nire kontua) – Edit Profile

Sarrerak

Ikusi bloga

Tablero

Formulario

Cambiar imagen

postak jasotzeko

sarrerak

Pantalla de trabajo

Vista previa del resultado

Opciones

Formulario de configuración

Opciones

General

Aspecto

Widgets

Categoría de enlaces

Blogroll

Guardar

Opciones

Tema

Inkesta