iTAlC ikasgelan erabiltzeko jarraibideak

Ikasle horren pantaila hauta dezake irakasleak, saguaren eskuineko botoian klik egin funtzio-menua irekitzeko, eta kapturak aukeratu, horren argazkia ateratzeko. Argazki horretan adieraziko da zer ordenagailutik egin den kaptura, ordenagailu horren izena eta IP helbidea, eta, alboko irudian ikus daitekeenez, zer egun eta ordutan atera den argazkia.

Aurreko menu horretan, bidali testu-mezua

Irakasleak (ordenagailu maisuak) mezua bidaltzen duenean, Mensaje del profesor (irakaslearen mezua) leihoa irekiko da ikaslearen ordenagailuan (ordenagailu bezeroan), eta ez da igorritako mezua desagertuko, harik eta ikasleak leihoko OK botoia sakatzen duen arte.

Deskribapena eta funtzio nagusiak

iTALC aplikazioak barra eta laneko area hauek ditu: Alboko menu-barra (konfigurazio eta laguntzako tresnak). Alboko menu-barrako komandoen laneko area. Goiko menu-barra (ikasleen makina bezeroen tresna eta komandoak). Goiko menuko laneko area. Ordenagailu bezeroko leihoa.

Alboko menu-barra:: sagua ikonoen gainean jartzean, haien funtzioa azaltzen duen leiho bat azalduko da, eta botoi bakoitzarekin zabaltzen diren menuetara joateko aukera ematen digu.

Ayuda (laguntza) botoian klik egitean, i TALC programaren ongietorri-mezuaren leihoa irekiko da, eta azalpen txiki bat emango zaigu alboko barrako botoien funtzioei buruz. Lehen banaka azaldutakoen antzekoa da.

Administrador de clases: (ikasgelen administratzailea) lehiak aukera ematen digu ikasgelak sortu, aldatu eta ezabatzeko, eta ikasgela horietarako esleitutako ekipo bezeroak (ikasleenak) sortu, aldatu eta ezabatzekoa. Adibide moduan, ikusiko dugu nola gehitu ikasgela bat "gela", eta ondoren nola gehitu dezakegun "konputagailu" bat gela horren barruan.

Gela bat gehitzeko, klik egin behar da saguaren eskuineko botoiarekin Administrador de Clases leihoko area huts batean, eta Añadir clase aukera hautatu behar dugu.

“Gela berria” izeneko leihoa irekiko da, izen bat idatzi behar dugu gela berrirako (adibidean, HOME izango da), eta klik egin behar da Aceptar (onartu) botoian, izen hori izango duen ikasgela sortzeko.

Deskribapena eta funtzio nagusiak

Ikasgela sortu ondoren, ordenagailu bat gehituko diogu. Berriro ere, klik egin behar dugu saguaren eskuineko botoiarekin Administrador de Clases leihoko area huts batean, eta, orain, Agregar computadora (gehitu konputagailua) aukera hautatu behar dugu. Ez badugu aurrez ikasgelarik sortu, ikasgela bat sortzea eskatuko digu programak, ordenagailuren bat gehitzeko aukera eman baino lehen.

Agregar computadora (Gehitu konputagailua) izeneko leihoa irekiko da, eta, bertan, ordenagailu bezeroari buruzko datu batzuk eman behar dira, eta zabaltzen den menutik ordenagailuari dagokion ikasgelaren izena hautatu behar da. Ordenagailuari buruzko datuen artean, aipatzekoak dira IP helbidea eta ekipoari dagokion sarearen izena (azken hori, batik bat, ezinbestekoa izango da sarea dinamikoa bada). Ez da beharrezkoa izango sareko txartelaren (MAC) helbide fisikoa, baldin eta ez badugu erabili nahi i TALC programak duen funtzioa ordenagailu bezeroa urrunetik abiarazteko. Sarearen izenarekin zerikusirik ez duen izenen bat ere jar diezaiokegu. Eremu hori hutsik uzten badugu, IParen izena edo ekipoaren sarekoa hartuko du.

Kapsula-lantegi honetako Informazio gehiago atalean adierazten da nola jakin dezakegun zein den ordenagailu jakin baten IP helbidea.

Funtzioetako bat da erregistratutako ekipoen leihoak agerraraztea eta ezkutatzea, bi klik eginez ikasgelako arbolari dagokion ekipoan. Zabaltzen diren menuetatik, beste funtzio asko balia ditzakegu: ekipo batzuk edo guztiak agerrarazi edo ezkutatu, ikasgela eta ordenagailuetako datuak aldatu eta erregistroak ezabatu, eta hautatutako ekipoetan egin daitezkeen ekintzak burutu, etab. Horrenbestez, aplikazioko leihoaren goialdean dagoen Menu Barraren bidez egindakoen antzera joka dezakegu.

i TALC programak aukera ematen dio irakasleari kapturak egiteko sareko edozein ordenagailu bezerotan, baldin eta azken hori piztuta badago. Argazki horiek ordenagailu maisuan gordetzen dira.

Capturas botoian bi klik eginez gero, izen hori daraman leiho bat irekiko da. Hiru zatitan banatutako leihoa da. Leihoaren goiko zatian, egindako kapturen zerrenda bat ikusiko dugu; erdian, hautatako kapturaren miniatura bat ikusiko dugu, erabiltzailearen, ordenagailuaren, egunaren eta orduaren datuak adierazten dituela, eta beheko zatian, berriz, hiru botoi daude, kaptura pantaila osoan ikusteko, hura ezabatzeko eta zerrenda berriro kargatzeko aukera ematen digutenak.

Konfigurazioko menura sartzean, bi klik egin behar ditugu

Eguneratzeen arteko tartea: konektatutako ordenagailuen pantaila zer denbora-tartetan freskatzen den zehazten du. Demo moduaren kalitatea: ekipo bezeroetako koloreen kalitatea hautatzeko aukera ematen du, 15 bit (txikia), 18 bit (ertaina) eta benetako kolorearen (handia) artean. Zenbat eta kalitate handiagoa hautatu, orduan eta atzerapen denbora handiago izango da ekipoetara iristen. Kalitate baxuko balioa lehenetsi ohi da, nahikoa izaten delako. Erabiltzailearen interfazea: goiko tresna-barrako ikonoen iradokizun-mezuak eta testuaren erabilera aktibatzeko eta desaktibatzeko aukera ematen du. Rola: profil bat baino gehiago konfiguratu badira (sistema-sinbolo moduko komandoekin egiten da hori), horietakoren bat hautatzeko aukera ematen du. Sarrera anitzerako konfigurazioa: sarean domeinuen zerbitzari bat badugu soilik.

• "Bi klik" ekintza bezeroaren leihoarentzat: ekipo bezeroaren leiho batean bi klik egindakoan gauzatuko den ekintza zehazteko aukera ematen du. Bi hauen artean aukera daiteke:

Deskribapena eta funtzio nagusiak

Goiko menu-barra: (goiko menu-barra): ekipo guztiekin batera egin daitezkeen ekintzak biltzen ditu. Botoi guztiak lehenetsita daude, baina guztiak leihoan sartzen ez badira, ezkutatu egiten dira azkenak. Ikusgarri dauden botoiak aldatu nahi badira, desaktibatu egin behar dira erabiliko ez ditugunak. Barra horretako botoiak desaktibatzeko aukera ematen duen menura iristeko, klik egin behar dugu saguaren eskuineko botoiarekin; hala, egiaztapen-marka duten botoiak izango dira aktibo daudenak eta tresna-barran ikusgarri daudenak. Osorik erakutsiko dugu barra.

Goiko menu-barrako botoi bakoitzaren funtzioen azalpen laburra emango dugu.

Clase: botoian klik egitean, menu bat zabalduko da, eta menu horrek aukera emango digu irakaslearen ordenagailua ezkutatzeko edo beste ikasgela bat (gela) hautatzeko, bat baino gehiago sortu badira.

Ayuda: (laguntza)

Fullscreen Demo: pantaila osoan erakusteko modua aktibatzean, modu horri buruzko informazioa ematen duen leiho bat ikusiko da.

Window Demo: leiho moduan erakusteko aukera ematen du.

Bloquear todas: (Blokeatu guztiak) botoia aktibatzean, giltzarrapo bat azaltzen da ikasleen pantaila guztian, eta teklatua zein sagua blokeatzen ditu.

Mensaje (mezua): koadro bat azalduko zaigu eta testua idatz dezakegu bertan. Onartzeko sakatzean, ikasleen pantaila guztietan azalduko da.

Encender (piztu): botoi honek bere funtzioa bete dezan, ordenagailu bezeroen sareko abiatzea (Wake LAN) konfiguratuta izan behar du BIOSean eta horietako bakoitzaren konfigurazioan beren sareko txartelen MAC helbidea sartuta egon behar du.

Apagar (itzali):

Acceder (sartu): erabiltzaile-izena eta pasahitza sartu behar dira lehendabizi.

Soporte técnico (laguntza teknikoa): urruneko kontrola erabili eta zuzenean edozein ekipotan sartzeko aukera ematen du, nahiz eta inolako ikasgelatan sartuta ez egon. Horretarako, ekipoaren izena edo IP helbidea sartu behar da. Ekipoa ez bada ikasgelaren batekoa, mezu batek informatuko digu norbait PC-ra sartzen ahalegintzen ari dela.

Soporte técnico botoian klik eginda, izen hori daraman leiho bat irekiko da, eskatzen diren datuak sartzeko. Hori egin ondoren, klik egin OK botoian.

Deskribapena eta funtzio nagusiak

Ajustar/Alinear (doitu/lerratu)

Autoajuste (Berez doitu)

• Ekipo maisuan hautatuta baditugu beste ekipo batzuetako miniaturako leiho bat edo gehiago, saguaren eskuineko botoia sakatzen badugu, menu bat zabalduko da, irudian ikusten den moduan. Bertan, goiko tresna-barrako komandoetako batzuk azalduko dira, baina, kasu honetan, hautatutako ekipoetan soilik aplikatuko dira. Horrez gain, zenbait funtzio gehigarri jasotzen ditu.

Ekipo maisuan hautatuta baditugu beste ekipo batzuetako miniaturako leiho bat edo gehiago, saguaren eskuineko botoia sakatzen badugu, menu bat zabalduko da, irudian ikusten den moduan. Bertan, goiko tresna-barrako komandoetako batzuk azalduko dira, baina, kasu honetan, hautatutako ekipoetan soilik aplikatuko dira. Horrez gain, zenbait funtzio gehigarri jasotzen ditu.

• Ikasle bakar bat hautatzen badugu (ordenagailu bezeroa), klik egin behar dugu aukera honetan: ikasleari demoa erakusten uztea

  

  . Ikaslearen mahaigaina igorriko da demostrazio moduan, ikusgarri diren gainerako ekipoetara, irakaslearen pantailan demo moduan ikusiko litzatekeen moduan.
• Demostrazio moduetatik irteteko, komando hau sakatu behar da:
  
• Azkenik, komandoak bidali eta exekuta ditzakegu, baldin eta komandoak exekutatzea
  
  komandoarekin hautatuta badaude.

Ejecutar comandos en el cliente(s) -komandoak exekutatu ekipo bezero(etan)- izeneko leihoa irekiko da:

• Elkarrizketa-koadroan idatzi behar dugu aplikatu nahi dugun komandoa eta Ejecutar. botoia sakatu.
• Ekipo bezero bat kontrolatzen ari bagara urrunetik edo Ver en vivo moduan, pantailaren goiko aldean klik eginez gero, beste tresna-barra bat agertuko da, eta hautatutako ekipoan zenbait ekintza egiteko aukera emango du.

• 

  eta

  

  botoiekin, txandatu egiten dugu behatzen ari garen ekipo bezeroko pantailan gertatzen dena ikustearen eta ekipoa kontrolatzearen artean.
• 

  eta

  

  botoiek blokeatu eta desblokeatu egiten dute teklatua eta sagua, hurrenez hurren.
• Ikaslearen pantailaren argazkien kapturak egiteko aukera ematen du

  

  botoiak. Pantaila horiek JPG formatuan gordetzen dira botoian klik eginez, eta, gerora, menuen alboko barrako menu egokitik ikus daitezke.
• 

  botoiarekin, leiho batean ikusiko dugu ekipo bezeroaren pantaila, eta beste ekintza batzuk egiteko aukera emango digu.

  

  botoiarekin, berriz, ekipo bezeroak hartuko du irakaslearen pantaila osoa.
• 

  botoiari sakatuta, leihoaren edo pantaila osoaren modutik irtengo gara, eta berriro ikusiko da miniaturazko leihoa gainerako ordenagailu bezeroen ondoan.

Instalazioa eta deskarga / Web lokalizazioa

• Leiho hau azalduko da, eta bertan aukeratu ahal izango dugu zer kokapenetan instalatuko den softwarea (programak lehenetsita dakarren kokapena hautatzea komeni da).

• Instalazioarekin jarraitzeko, egin klik Next botoian.
• Hurrengo leihoa irekiko da, eta esango digu direktoriorik ez dagoela, eta bat sortu nahi dugun galdetuko. Direktorioa sortzeko, egin klik Sí botoian.

• Leiho bat irekiko da instalatu nahi ditugun konponenteak hautatzeko. Aplikazio maisua instalatu nahi dugunez, bi aukerak hautatu behar ditugu, "iTALC Client Application (ICA)" eta "Italc Master Applications (IMA)", ez baita ibiliko Master Application soilik hautatzen badugu.

• Klik egin Next. botoian.
• Segurtasun-aukeren leihoa azalduko da, eta bertan adierazi behar dugu nola sortuko den segurtasun-giltza sareko ordenagailuen arteko komunikaziorako. Hori zehaztuta, ezingo da baimenik gabe sartu beste ordenagailu batzuetatik.

• Hautatu Create a new key-pair eta klik egin Next botoian.

• Leiho hau irekiko da giltzen direktorioak (Directories for keys) ezartzeko, eta giltza horiek, lehen adierazi dugun moduan, sareko ordenagailuen arteko elkarreraginak ahalbidetuko dituzte.

• Giltzak (keys) non jarri nahi ditugun zehaztu behar da. Ordenagailu bezeroak zerbitzariarekin konektatzeko erabiltzen dira giltza horiek, giltza bereko ordenagailuen arteko komunikazioa ziurtatzeko, eta Eremu Lokaleko Sare berean "ikasgelako saloi" bat baino gehiago izateko. Programak C:\Documents and Settings\%USERNAME%\ kokapena lehenesten du. Aldatzen ez badugu, gogoan izan behar dugu kokapen hori, giltzak esportatzeko softwarea ordenagailu bezeroetan instalatzean.

Artxiboa gailu eramangarri batean kopia daiteke; esaterako, USB unitate batean. Horixe da gure kasu praktikoan egingo duguna.

• Instalazioa amaitzeko, egin klik finish botoian.

%90era iristean, leiho bat irekiko da, eta egiaztatuko du behar bezala erregistratu dela i TALC zerbitzu bezeroa. Klik egin OK botoian.

• Leiho hau irekiko da i TALC instalatu dela adieraziz.

• Klik egin Quit botoian.

Instalazioa eta deskarga / Web lokalizazioa

Windows sistemako suebakia (firewall) gaituta baduzu, orain adieraziko dizugun moduan gehitu behar duzu i TALC programa.

• Windows sistemako suebakiaren propietate-leihoa ireki behar da (Panel de Control/Centro de seguridad/Firewall) eta ziurtatu behar dugu No permitir excepciones izeneko laukitxoa ez dagoela markatuta (irudian ikusten den bezala).
• Klik egin Excepciones izeneko botoian, eta "iTALC Client Application (ICA)" programak azaldu behar du egiaztapen-marka batekin. Berez, ez dago bestelako egiaztapenik egin behar. Zerbitzua adierazten duen lerro bat badago, eta ez badago markatuta, markatu egin behar dugu eta, ondoren, Aceptar botoia sakatu.

• Sarrera hori ez badago, sortu egin behar dugu. Horretarako, sakatu Agregar programa... aukera, eta izen bereko leiho bat azalduko zaigu. Gero, klik egin Examinar.... botoian.
• Bila ezazu i TALC programaren kokapena (lehenetsita izaten da C:\Achivos de programa\iTALC kokalekuan), hautatu ica.exe artxiboa, eta klik egin Abrir botoian. Programen zerrendara gehituko da iTALC client zerbitzua. Hautatu egin behar dugu eta Aceptar botoian klik egin.

Instalazioa eta deskarga / Web lokalizazioa

Aplikazio bezeroaren instalazioa

• Instalazioa, ordenagailu bezeroetan (ikasleenean), instalazio maisuarena bezala egin behar da. Aldaketak hasten dira instalatu nahi ditugun konponenteen leihotik aurrera. Leiho horretan, "iTALC Client Application (ICA)" aukera soilik hautatu behar dugu. Jarraian ikusiko dugu nola egin.

• Klik egin Next. botoian.

• Beste leiho bat irekiko da segurtasun-aukerak emateko, eta ordenagailu maisuarekin elkarreragiteko giltza (key) inportatu behar dugu. "Import public key of master computer" hautatu, klik egin

  

  botoian, eta instalazio bezeroa egitean giltza gorde zuen karpeta bilatu. Gure kasuan, zuzenean joko dugu USB unitatera (D) eta klik egingo dugu Next botoian.
• Beste leiho bat irekiko da, giltza non gorde behar dugun zehazteko (karpeta lokala izan behar du, eta komeni da lehenetsita dagoena bere horretan uztea).

• Instalazioa amaitzeko, klik egin Finish botoian.

Maisuaren instalazioaren amaieran egin ziren egiaztapen berak egin behar dira ordenagailu bezeroetan Windows sistemako firewall edo suebakiarekiko.

Instalazioa eta deskarga / Web lokalizazioa

• Aplikazio bezeroa ordenagailu bezero askotan instalatu behar badituzue, automatizatu egin daiteke i TALC programaren instalazioa. Horretarako, ordenagailu bezero batean instalatzean, hautatu Save installation-settings aukera instalazioa amaitzean. Jarraian erakutsiko dugu nola egin hori.
• installsettings.xml izeneko artxibo bat sortuko da setup.exe artxiboa dagoen direktorioan. Artxibo hori erabil daiteke beste bezero batzuk modu automatikoan instalatzeko, baldin eta artxiboaren izena hurrengo instalazioaren parametro gisa erabiltzen bada.

Instalazio maisutik (irakaslearen ordenagailutik) soilik ireki eta kontrola daiteke i TALC programa. Horretarako, egin klik bi aldiz programaren ikonoan: Windows sistemako Todos los programas menuaren barruan Inicio botoia sakatuz, pantailaren beheko aldean, ezkerrean.

• Aplikazioa memorian kargatu dadin, abiatuta izan behar dugu "iTALC Client" zerbitzua. Abiatuta dagoen jakiteko, i TALC

  

  ikonoa ikusi behar dugu zereginen barran, erlojuaren ondoran (pantailaren beheko aldean, eskuinean). Zerbitzu bezeroa abiatuta ez badago, ondorengo errore-mezua azalduko zaigu.

• Errorea ematen badu, sartu Servicios leihoan, MiPC botoian klik egitean azaltzen den menuko Administrar aukera hautatuz. Desinstalación de i TALC atalean azaltzen da xehetasun handiagoz prozedura hori.

Hori egiteko beste bide bat da Inicio menuko Ejecutar komandoa baliatzea, services.msc idatziz eta Aceptar botoian klik eginez.

• Bilatu “iTALC Client” zerbitzua eta klik egin Iniciar el servicio zerbitzuan, Servicios (locales) leihoko goialdean, ezkerrean.

iTALC programa lehen aldiz exekutatzean, leiho bat azalduko zaigu, mezu honekin: “No se ha encontrado el archivo de configuración …….globalconfig.xml”. Mezu horrek adieraziko digu oraindik ez dugula ikasgelarik sortu gure sarean. Ikasgelaren bat sortu ondoren, ez zaigu mezua berriro azalduko.

Informazio gehiago

Nola instalatu i TALC Linux sisteman (Ubuntu)

Bi sistemen GDM konfigurazioa:

• Ziurtatzekoi TALC programak behar bezala dabilela, GDM konfigurazioa doitu behar dugu hasierako leihoa azaltzen zaigunean.

sudo gedit /etc/gdm/Init/Default /etc/gdm/PreSession/Default

Autentikazio-giltzak “Authentication Keys”

• Sistema maisuko autentikazio-giltzak sortu behar ditugu orain.

sudo mkdir -p /etc/italc/keys/public/teacher/ /etc/italc/keys/private/teacher/
sudo ica -role teacher –createkeypair

• Aurreko komandoarekin, giltza pribatua sortu da, bai eta giltza publikoa ere. Segurtasuna bermatzeko, i TALC, programarako sarbidea duten erabiltzaileek soilik irakur dezakete giltza pribatua; beraz, erabiltzaile-taldeak sortu behar ditugu.

sudo addgroup italc
sudo adduser %trusted_user% italc
sudo chgrp -R italc /etc/italc/keys/private/

• Komando honen bidez, ordenagailu bezeroan kopia dezakegu giltza publikoa:

sudo scp -p /etc/italc/keys/public/teacher/key %user%@192.168.0.15:/tmp/

Ubuntuko erro-kontua desaktibatuta egoteko lehenetsita izaten da; beraz, beste erabiltzaile-kontu bat erabili behar dugu ordenagailu bezeroan.

• Giltza publikorako ibilbidea sortu behar dugu ordenagailu bezeroan

sudo mkdir -p /etc/italc/keys/public/teacher/

• ... aurretik, bere direktoriora eraman.

sudo mv /tmp/key /etc/italc/keys/public/teacher/

• Ondoren, giltza kopiatzeko erabiltzen dugun erabiltzaileak hura aldatzeko aukerarik ez duela izango ziurtatzeko, haren jabetza errora aldatu behar dugu berriro.

sudo chown root:root /etc/italc/keys/public/teacher/key

• Ondoren, saioa itxi behar dugu eta berriro abiatu ordenagailu maisuan eta bezeroan. Saioa berriro abiatzean, i TALC programaren ikonoa azalduko da goiko panelean.

• i TALC programarako lasterbide bat sor dezakegu, hura abiarazteko terminal erabili beharrik ez izateko. Horretarako, klik egin Gnome menuan saguaren eskuineko botoiarekin, eta hautatu Edit Menus.

• Klik egin ezkerreko menuan, lasterbidea jarri nahi dugun kokapenean. Adibide honetan, “System Tools" (sistemako tresnak) aukeratu dugu. Ondoren, lasterbide berria sortzeko, klik egin eskuinean, New Item item berria botoian. Leiho bat irekiko da, lasterbide berriaren propietateak ezartzeko.

Type: Application
Name: iTALC
Command: italc

Berez aukeratuko da ikono egokia, eta, nahi bada, komentarioren bat gehitu daiteke.

iTalc Desinstalatzea

i TALC programak ez du desinstalatzeko gailurik egungo bertsioan; beraz, eskuzko prozedura bat bete behar da hura desinstalatzeko.

Lehendabizi, eten egin behar da iTALC client zerbitzua. Bi prozedura erabil ditzakegu eragiketa hori egiteko:

• Zerbitzua komandoen bidez eten dezakegu. Hori egiteko, Windows sistemako Ejecutar (exekutatu) komandoa erabili behar dugu: [iTALC programa instalatzeko artxiboen ibilbide osoa]/ica –unregisterservice (kortxeterik gabe jarrita) irudian ikusten dugun moduan:

Mezu hau azalduko da, zerbitzuaren erregistroa desegin dela adierazteko. Jarraitzeko, klik egin OK botoian.

• Ez dugu ikusiko i TALC programaren ikonoa tresna-barran, eta horrek adieraziko digu zerbitzua ez dagoela aktibatuta.

Zerbitzua eten daiteke Windows sistemako Servicios izeneko elkarrizketa-koadrora joz. Koadro horretara iristeko, MiPC eremuko testuinguru-menuan ageri den Administrar komandoa erabil daiteke (saguaren eskuineko botoia baliatuz).

• Klik egin Servicios y Aplicaciones botoian eta, zerrendan, bilatu eta hautatu iTALC Client. Zerbitzua eteteko, klik egin Detener el servicio botoian. Botoi hori zerrendaren ezkerraldean dago, irudian ikus daitekeen moduan.

• Hori egin ondoren, programaren karpeta ezabatu behar da. Instalazioa egitean lehenetsitako karpeta erabili badugu, (c:\Archivos de programa\iTALC) izango da, eta, hura erabili ez badugu, karpetaren kokapena topatu behar dugu eta hura ezabatu.

Instalazioaren arrastoak izango dira Windows sistemako erregistroan, eta erregistro-editorea erabili behar dugu haiek garbitzeko. Lehen adierazi den moduan jo behar dugu Ejecutar komandora, eta, "regedit" idatzita, erregistro-editorea ireki eta Aceptar botoian klik egin behar dugu.

Editor del Registro izeneko leihoa irekiko da, eta erregistro-giltza topatu behar dugu bertan. Horretarako, zabaldu “HKEY_LOCAL_MACHINE” karpetako menua, “SOFTWARE” azpi-karpeta ireki, eta topatu “iTALC Solutions”. Hautatu hura eta sakatu Supr tekla, hura ezabatzeko.

Erregistroan aldaketak egin baino lehen, segurtasun-kopia bat egitea komeni da, gerta daitezkeen erroreengandik babesteko.