Ibilbideak

Zer egingo dugu?

Kapsula-lantegi honetan, azalduko dugu nola administratzen eta kontrolatzen den ikasgelako PCekin sarean egingo dugun lana. Horretarako, i TALC programa erabiliko dugu.

i TALC software librea da (doakoa), GLP lizentzia duena, eta ordenagailura deskargatu eta instalatu behar dugu erabiltzeko. Hori nola egin azalduko dugu kapsula-lantegi honetan.

Programaren helburua da irakasleari azalpen eraginkorrak egiten laguntzea, ikasgelako PCen erabilera kontrola bere esku uztea, eta ikasleen talde-lana antolatzea eta erraztea. Irakaslearen presentzia, ahotsa eta keinuak eta ikasleen talde-lana bitarteko paregabeak dira ikaskuntzarako: PCen sarea programa horiekin «zabaltzea» oso egokia da, azalpeneko eskolak emateko eta talde-lana egiteko tresna pedagogiko baliagarria ematen baitigu.

i TALC programa oso indartsua eta erabilerraza da. Ikasgelako irakaskuntza-lanera egokitzen da, eta edozein eduki irakasteko erabil daiteke hezkuntza-etapa guztietan.

Tresna horren bidez, ikasgelaren kontrola izango du irakasleak, eta irakaskuntza-lanean kontzentratzeko aukera izango du, programaren erabilpenak ez baitu irakaslearen beraren eta ikasleen arretarik bereganatuko.

Zer urrats egingo ditugu?

Aplikazioa aurkeztu, eduki-egitura honi jarraiki:

• Gaitasun-mapa

• Programa erabili eta ikasgelan eskolak emateko pistak

• Deskribapena eta funtzio nagusiak

• Instalazioa eta deskarga / Web-lokalizazioa

• Informazio gehiago

• Desinstalatzea

• IKT hiztegia

Nola aurkeztuko dizkizuegu materialak?

Zenbait formatu konbinatuko ditugu, kapsula-lantegiko edukiak lantzeko zenbait aukera emateko:

• Material guztiaren bertsio inprimagarria, PDF formatuan.

• Bertsio elektronikoa, WEB formatuan.

• Zenbait atalei buruzko bideo-tutoriala

Probazazue!