Instalazioa eta deskarga / Web lokalizazioa

Kapsula-lantegiko atal honetan, azalduko dugu nola instalatu behar den i TALC Windows sistema eragilean, hura baita erabiliena eta harekin azalduko baitira tutorial honetako edukiak eta adibideak. “Informazio gehiago” atalean adieraziko dugu nola instalatu programa Linux sistema eragilean.

Sareko ordenagailu guztietan instalatu behar da i TALC programa. Microsoft Windows XP sistema eragilearen 1.0.9 bertsioan instalatzeko modua azalduko dugu. Irakaslearen ordenagailuan aplikazio "maisua" (master application) instalatuko da, eta horrek aukera emango du kontrol-ekintza egiteko sareko gainerako ordenagailuekiko. Azken horietan, aplikazio "bezeroa" (client application) instalatuko da.

i TALC programaren azken bertsio egonkorra deskargatzeko, sartu (http://sourceforge.net/projects/italc/ ) web-orrian. (OHARRA: rc bertsioa {release candidate} da azken bertsioa izateko hautagaia; hala ere, erroreak zuzentzeko zain dago, eta ezin dugu oraindik bertsio egonkortzat hartu).

Aplikazio Maisuaren instalazioa

• Egin klik Download Now. deskargarako botoian.

• “iltalc-1.0.9” izeneko karpeta deskargatuko da ordenagailuaren aldi baterako fitxategietan. Egin bi klik haren gainean, eta deskonprimitu barruko artxiboetara iristeko.

• “iltalc-1.0.9” karpetako artxiboak deskonprimitzean, irudian ikusten den moduan azalduko da artxiboen zerrenda.

• i TALC programaren Aplikazio Maisua irakaslearen ordenagailuan instalatzen hasteko (gainerako ordenagailuak monitorizatzeko eta kontrolatzeko aukera emango digu aplikazio horrek), egin bi klik setup botoian.
• Ongietorriko pantaila hau azalduko zaigu:

• Instalazioarekin jarraitzeko, egin klik Next (hurrengoa) botoian. Leiho hau azalduko da, software-lizentziaren baldintzak onartzeko.

• Irakurri lizentziaren baldintzak, eta, ados bagaude, hautatu I agree eta egin klik Next botoian instalazioarekin jarraitzeko.