iTAlC ikasgelan erabiltzeko jarraibideak

http://italc.sourceforge.net/

Hurrengo atalean, “Descripción y funcionalidades principales” (Deskribapena eta funtzio nagusiak), xehetasunez azaltzen dira i TALC programako tresna-barraren aukerak eta menuak. Monitorizazioko, kontrolerako eta euskarri izateko softwarea denez, nekeza da, aurrez adierazi direnez gain, bestelako erabilera-adibideak lantzea. Halaber, adieraziko dugu zer kasutan izan daitekeen baliagarria i TALC programa, eta haren erabilera aplikatuaren adibide bat aurkeztuko dugu.

Besteak beste, kasu hauetan erabil daiteke, i TALC programa:

• Bere pantaila erakuts dezake irakasleak ikasleen ordenagailuetan, azaltzeko nola egiten den ariketa bat software jakin batekin; esaterako, formula konplexu baten egitura azal dezake CALC kalkulu-orri batean.

• Lantalde baten barruan, ordenagailuaren pantaila konparti daiteke, kide guztiei erakusteko nola jasotzen diren ideia-jasa baten ideiak edo nola egiten den bilera bateko akta, pertsona guztien ekarpenak jasotzen direla ziurtatzeko.

• Ikaslearen ordenagailuaren kontrola har dezake irakasleak, ariketaren bat egiten laguntzeko urrutitik ikasleari eta urratsez urrats azaltzeko nola egin behar den hura. Ikasleak ordenagailuko pantailan ikusiko du nola irakasleak elkarreraginean diharduen bere ordenagailuarekin.

• Ordenagailu maisuak (irakaslearenak) ikasleen lana monitorizatzeko aukera izango du. Zer egiten du? Ikasle bakoitza bere ordenagailuan dagoela, i TALC programak aukera emango dio irakasleari kapturak egiteko ordenagailu bezeroetan eta testu-mezuak bidaltzeko ikasle guztiei edo ikasle jakin bati. Honaino iritsita, adibide labur bat azalduko dugu jarraian: