Folksonomia: laster marka sozialak

Interneten etengabe argitaratzen den informazioa izugarria da, eta merezi du antolatuta izatea, erabiltzaile bakoitzarentzat erabilgarria izango den moduren batean.

Folksonomia edo gizarte-markatzea izeneko ekintzan, erabiltzaileak etiketak gehitzen dizkie bisitatzen dituen webguneei eta gomendatu egiten ditu. Horrela, gehien erabiltzen den informazioaren antolaketa pertsonala lortzen da.

Markatzea (edo etiketatzea) esaten zaio, esteka bakoitza markatu edo etiketatzen delako, estekaren edukia adierazten duten hitzak erabiliz.

Eta gizartekoa da, erabiltzaile bakoitzaren kontaktuek gomendatutako web-orri horiek eta etiketak jasotzen dituztelako. Horrela, informazioaren antolaketa konpartitzen da.

Zertan dira desberdinak bilatzaileek eskaintzen duten kategorien araberako sailkapena eta gizarte-etiketatzea?

Lehenbizikoa enpresak egiten du eta profil objektiboa du. Madrili buruzko webgune bat, segur aski, “Turismoa”, “Europako hiriak” kategorietan sailkatuta egongo da. Bigarren kasuan, berriz, Madrili buruzko webgune batek zenbait etiketa izan ditzake, erabiltzaileek beren beharren edo pertzepzioaren arabera jarriak: “Turismoa”, “Nire hiria”, “Geografia”, “Argazkiak”, “Nire oporrak”, “Gaztelaniazko webguneak”, etab. Eta web-orria multzo horietan guztietan izango da.

DIIGO

Deskribapena eta funtzio nagusiak

Diigo oso tresna erabilgarria da ikertzeko eta jakintza zenbait talderekin konpartitzeko. Interneten nabigatzeko ohitura izan eta bertako material asko irakurtzen dutenek tresnak behar dituzte, asko bisitatzen diren edo beste erabiltzaile batzuek gomendatzen dituzten web-orriak etiketatzeko, markatzeko eta administratzeko.

Tresna horren funtzio nagusiak hauek dira: