2. Ariketa. Internet-eko testuak bildu testu-artxibu batean

Aukeratutako webgunean gaudela, testua hautatu eta saguaren eskuineko botoia klikatuta, “Kopiatu” aukera hautatuko dugu. Teklatua erabiliz ere kopiatu ahal izango dugu: aldi berean zapaldu “Ctrl” eta “C” letra.

• Google docsen zabalduta dugun leihora itzuli, eta, saguaren eskuineko botoia klikatuta dugula, “Itsatsi” aukera sakatuko dugu. Aldi berean “Ctrl” eta “V” letra zapalduz ere egin dezakegu.

• Jada jatorrizko testuak ditugu gure dokumentuan.
• Azkenik, kopiatu eta itsasteko metodo berberari jarraituz, web-helbidea kopiatu eta testuaren amaieran itsatsiko dute, iturria aipatuta izateko.

• Azkenik, dokumentua gordeko dugu gordetzeko ikonoa sakatuz edo Ctrl + S teklak erabiliz. Dokumentuari izena jartzeko, Google docsek testuko lehen hitzak erabiltzen ditu, lehenespenez. Izena aldatu nahi badugu, nahikoa da dokumentuaren goiko aldean agertzen den tituluan klik egitea. Leiho bat zabalduko da, beste izen bat jartzeko aukera ematen duena.

Kontuan edukita lana egiteko modua bikoteka dela eta azken helburua publizitate-kartel bat egitea dela, zenbait testu aukera genitzake, talde bakoitzak eduki bat landu dezan eta egokiagoa izan dadin azkenean denen aurrean ezagutarazteko lana. Adibidean erabilitako gaiari jarraituz Espainian desagertzeko zorian dauden animaliak, bikote bakoitzak animalia-espezie bat landu dezake. Horrela egin nahi badugu, zenbait dokumentu sortu eta haietan txertatuko dugu testua. Dokumentuari dagokion animaliaren izena jarriko diogu.

Ariketa horren bidez, uztartu egin ditugu webeko bilaketa eta informazioaren erregistroa, topatzen dugun heinean. Ikusi dugu garrantzitsua dela, beti, erabilitako web-helbidea eskura edukitzea, ez iturria aipatzeko bakarrik, baita behar dugun bakoitzean hartara itzultzeko ere. Baliotsua den baliabidea berehala erregistratzeak webean ez galtzen lagunduko digu.

Gainera, edozein unetan oso erabilgarriak izango zaizkigun bi edizio-funtzio erabiliko ditugu: kopiatu (Ctrl+C) eta itsatsi (Ctrl+V). Ondo letorkiguke bi funtzio horien letra-konbinazioak ikastea.