Eduki digitalak sortzea Notebook-arekin
Notebook softwareko oinarrizko eragiketetako batzuk ikusi eta gero, arbel digital elkarreragilearekin
eduki digitalak sortzen has gaitezke.
Eduki digitalak sortzeko, Notebook hezkuntza-softwarea erabiliko dugu. Software horrekin
arbel arruntaren funtzio guztiak egin ditzakegu, eta gure eskoletan era guztietako objektu digitalak gehi ditzakegu.
Notebook softwarea erabiltzen hasteko, hautatu programa instalatzean mahaigainean sortu den ikonoa.
Notebookeko leiho nagusiak itxura hau du:
Goiko aldean menu nagusia eta tresna-barra daude, eta programaren ekintza gehienak egin ahal izango ditugu haiekin:
formak eta poligonoak marraztu, oharrak idatzi, lanak gorde eta berreskuratu...
Alboko barran lau fitxa daude; fitxa horiek orriak kudeatzeko, Notebooken galerietan objektuak bilatzeko
eta lerroen eta orrien estiloak aldatzeko balio dute.
Azkenik, erdialdean orria edo laneko area dago; hor sortuko ditugu eduki digitalak.
Orriaren bisualizazioa
Notebooken ohiko bisualizazioa erabiliko dugu oro har; hau da, tresna-barra, alboko barra eta
orria edo laneko area erakusten dituena. Nolanahi ere, beste bisualizazio-mota batzuk ere erabil ditzakezu ikasleen arreta
erakartzeko. Lau bisualizazio-mota daude:
Pantalla completa (Pantaila osoa)
| Aukera horrekin orria pantaila osoan ikus daiteke, eta, beraz, alboko barra eta tresna-barra
ezkutuan geratzen dira. Aukera hau oso erabilgarria izan daiteke, adibidez, Notebookeko orriak diapositiba gisa erakusteko.
|
Fondo transparente (Atzealde gardena)
| Aukera honekin ere orria pantaila osoan ikus daiteke, baina atzealdea gardena izango da. Aukera
honek beste programa batzuen gainean oharrak egiteko balio diezaguke.
|
Visualización doble (Bisualizazio bikoitza)
| Bisualizazio bikoitzak laneko bi areatan zatitzen du orria. Horrek konparatzeko ariketak egiteko
balioko digu, adibidez.
|
Ocultar página (Ezkutatu orria)
| Azkenik, orria ezkutatzeko aukerarekin, orriaren zati bat edo orri osoa estal dezakegu. Ezkutatutako
zatia handitu edo txikitu egin dezakegu gure beharren arabera. Aukera honek balio diezaguke, adibidez, ikasleei problema jakin
baten ebazpena ezkutatzeko.
|