Programa deskargatzea eta instalatzea

Notebook programa SMART arbel eta gailu elkarreragileekin batera banatzen da, instalazioko diskoen bidez.

SMART produkturen bat duten pertsona eta instituzioek, adibidez, SMART arbel digital elkarreragile bat dutenek, Notebook programaren azken bertsioa deskarga dezakete. Horretarako, produktuaren serie-zenbakia behar da; normalean gailuaren atzeko aldean edo albo batean egoten da zenbaki hori.

Ez badaukazu SMART produkturik, Notebook programa probatzeko bertsio bat deskarga dezakezu; 30 egunez erabil daiteke bertsioa. Ez da SMART gailurik behar programa erabiltzeko. Programak ongi funtzionatzen du ordenagailu batekin, eta aurkezpenak pantaila arrunt baten gainean osatzeko erabil dezakegu, adibidez.

Programa deskargatzeko, zoaz web helbide honetara:

http://smarttech.com/us/Support/Browse+Support/Download+Form?download=Notebook10_6Win

Bete izartxo batekin markatutako eremu guztiak, eta hautatu programa erabiltzeko baldintzak eta kondizioak onartzeko den laukia:

Gorde fitxategi exekutagarria zure disko gogorrean. Programak 261 mega ditu gutxi gorabehera, eta, ez baduzu konexio azkarrik, deskargak hainbat minutu iraun dezake.

Behin deskarga amaitutakoan, exekutatu fitxategia bi klik eginez. Instalazio-programa hasiko da. Hortik aurrera, jarraitu pantailan agertzen diren jarraibideak:

Lizentzia-kontratua onartu beharko duzu: