3. JARDUERA: Poligonoak

Sekuentzia didaktikoaren aurkezpena

Sekuentzia didaktiko honetan ikasleei kometa diseinatzaileak bihurtzea proposatuko zaie, poligonoak zein geometriari dagozkien edukiak jorratzeko.

Lehenengo jardueran ikasleek hainbat poligono mota aurkituko dituzte: triangeluak, laukiak, pentagonoak, hexagonoak, ea ... Bigarren jardueran laukien eta triangeluen ezaugarriak aztertuko dira Geogebra programaren bitartez. Azkenik, ikasleek jasotako edukiak aplikatuko dituzte triangelu zein laukiez osatutako kometak diseinatuz.

Sekuentzia didaktiko honen helburua zera da, geometriako ikasgai bat errazago ulertzea jarduera ludiko eta kontextualizatuen bitartez.

ADE-aren integrazioa sekuentzia didaktikoan

”Poligonoak” sekuentzia didaktikoko lehen jardueran, ikasleek poligono bat sortu eta bere elementuak (aldeak, erpinak, diagonalak...) lotu. Ariketa hau, Notebook-en arbel elkarreragilearen laguntzaz egitera animatzen zaitugu. tresna honekin, eskuhartze handiagoko jarduera bat sortzeko aukera izango baituzu.

Arbel elkarreragilearekin, irudiak, bideoak eta soinudun artxiboak bezalako objektu digital ezberdinak sortu eta argitara daitezke. Notebook-a helburu honentzat bereziki sorturiko heziketa softwarea da. Tailer honetan, arbel elkarreragilea poligonoak sortzeko nola erabiltzen den erakutsiko dizugu.