1 JARDUERA: Materiaren aldaketa

Sekuentzia didaktikoaren aurkezpena.

Sekuentzia didaktiko honetan, ikasleei bi esperimentu egitea proposatzen zaie, bat material likidoekin eta bestea solidoekin. Lehen esperimentuan, ikasleek likido batek tenperatura baxuetan jarrita nola erreakzionatzen duen ikusi behar dute. Bigarrenean ordea, ikasleek fruta bat zatitan moztuta eta oxidazio prozesuan jartzean gertatzen dena behatu beharko dute. Lauzpabost kideetako taldeetan banaturik, ikasleek esperimentu hauen aldaera bat burutu beharko dute.

Sekuentzia didaktikoaren helburua zera da, praktika zehatz baten bitartez, ikasleak aldaketa fisiko eta kimikoak bereizten ulertzea. Esperimentuak egin eta hasierako hipotesia egiaztatu ondoren, ikasleek aurkezpen bat sortuko dute Impress programarekin eta ikastaldearen aurrean aurkeztuko dute sekuentzia didaktikoaren amaieran.

ADE-aren integrazioa sekuentzia didaktikoan.

Sekuentzia didaktiko honetan, ADE-a ikasleek egindako esperimentuen aurkezpenak proiektatzen erabiltzea gomendatzen dizugu.

Ordenagailuz eta proiektorez egiten diren aurkezpenetan ez bezala, ADEkin aurkezpen dinamikoagoak eta pertsonengan zentratuagoak burutu daitezke, izan ere gailu honek teklatuaren zein saguaren menpekotasuna deusestatzen du. Erakusle batekin edo hatzarekin pasa daitezke diapositibak, ordenagailuaren beharrik gabe eta entzulegoari bizkarra eman gabe.

Arbel elkarrelagilearekin aurkezpenak egitea.

Lanen aurkezpena hasi aurretik, gogorarazi ikasleei Arbel Elkarreragilea ez dela xedea, baizik eta lana azaltzeko bitartekoa. Ardura zaitez ez diotela garrantzi gehiegi ematen eta kezka daitezela beraien lana arinago eta atseginago burutzen.

Azal iezaiezu ikasleei aho komunikazioaren oinarrizko teknika batzuk:

• Egitura bati jarraitu: sarrera, garapena eta ondorioa.

• Ahotsaren tonu ozena eta lasaia bilatu.

• Begirada ikaskide guztiei zuzendu.

• Toki finko batean mantendu, alferrikako mugimenduak sahiestuz.

• Eskuak gehiegi ez mugitu.

• etab

Segidan, ziurtatu arbel elkarreragilearen elementu guztiak konektaturik daudela eta ondo dabiltzala:

1. ADE-a eta proiektorea ordenagailura egon behar dira konektatuta. Arbela eta proiektorea kable batez edo kablerik gabeko sistema batez(BlueTooth), konekta daitezke.

2. Piztu proiektorea eta segidan ordenagailua. Arbel Elkarreragilea ordenagailutik elikatzen denez automatikoki piztuko da. Arbelaren argia gorria mantenduko da ordenagailuarekin konexioa egin bitartean.

3. Beharrezkoa bada erregistra zaitez sistema eragilean. Arbel elkarrelagilearen egoera argia berde kolorekoa denean, konexioa ezarrita eta erabiltzeko prest egongo da.

Litekena da ikasgelako argiak itzaldu behar izatea edo pertsiana jaitsi behar izatea arbeleko irudiak behar bezala ikusteko. Ez da beharrezkoa gela ilunpean edukitzea, baina ilun xamar bai.