Deskribapena eta funtzio nagusiak

Zer da Google Wave?

Googleren Wave softwarea 2006an hasi ziren garatzen Lars y Jens Rasmussen anaiak (Google Mapsen sortzaileak), Stephanie Hannon (proiektuaren gerente gisa) eta Googleko beste bi enplegatu. Hura garatzaileei aurkeztean, Lars Rasmussenek esan zuen ekimena galdera honetatik sortu zela: “nola izango zen posta elektronikoa gaur asmatu izan balitz?”. Jakina, bereizgarriren bat eduki beharko zuen, eta duela 30 urte baino gehiago erabiltzen den ohiko e-maila baino egokigarriagoa izan.

Haren sortzaileek honela definitzen dute Google Wave: azken web-teknologien erabilerak eskaintzen dituen aukerak ikusteko modu berri bat, espazio partekatu eta iraunkor bakar batean eduki aberatsarekin (testua, argazkiak, bideoak, mapak, datu-iturriak, etab.) lan egiteko aukera ematen funtzioak eta tresnak bateratuta. Hain zuzen, espazio horri deitzen zaio Wave (OLATU ingelesez). Aplikazioaren sortzaileek, garatzaileentzako aurkezpenean, Google Waveren 3 P-az ari dira: produktua (aplikazioa bere osotasunean), plataforma (aplikazioa etengabe eta elkarlanean garatzeko bidea ematen duten APIak) eta, azkenik, protokoloa (komunikazio-sistema irekia izango da, etorkizunean elkarreragin ahal izango duena beste batzuek garatutako ezaugarri bereko aplikazioekin).

Wave bat irudika dezakezu orri zuri baten antzera, non edozein erabiltzailek elkarrizketa moduko bat antola dezakeen, mapak, testuak, argazkiak, bideoak, jokoak, widgetak... barne hartuta, eta waveera jotzen dutenek aukera duten denbora errealean ala ez sartzeko.