Widget: Aplikazio edo programa txiki bat da, artxibo edo fitxategi txikietan jaso ohi dena. Horiek widget-en motor batek (Widget Engine) exekutatzen ditu. Besteak beste, helburu hauek ditu: sarritan erabiltzen diren funtzioetarako sarbidea erraztea eta ikusizko informazioa emate.

API: Aplikazioak programatzeko interfazea edo API (ingelesezko "application programming interface") funtzioen eta prozeduren multzoa da (edo metodoen multzoa objektuetara zuzendutako programazioan), biblioteka jakin batek eskaintzen duena, beste software batek abstrakzio-geruza gisa erabil dezan.

Gadget: Aplikazio baterako osagarria da, berariazko xedea eta funtzioa dituena. Software txikiak eta berriak izan ohi dira.

Blog: Aldizka eguneratzen den webgunea da. Bertan, egile baten edo gehiagoren testuak edo artikuluak biltzen dira, eta lehendabizi berriena agertzen da.

Webgune: Internet-domeinu komuna duten web-orrien multzoa.

HTML: HyperText Markup Language-ren sigla (hipertestu-marken lengoaia). Web-orriak eraikitzeko markatze-lengoaia nagusia da. Testu moduko edukia eta egitura deskribatzeko erabiltzen da, bai eta testua objektuekin osatzeko, adibidez, irudiekin.

Mimetype: Internet-postako xede anitzeko luzapenak dira. MIME izena ingelesezko Multipurpose Internet Mail Extensions-en akronimoa da. Internet bidez mota orotako fitxategiak (testua, audioa, bideoa, etab.) erabiltzailearentzat modu argian trukatzera zuzendutako zenbait zehaztapen dira. MIMEren zati garrantzitsu bat hainbat hizkuntza eta alfabetotako testuen transferentzia hobetzera zuzenduta dago.