Jarduerak partekatzea bestelako plataforma-sistemekin

SCORM paketeak

SCORM (Sharable Content Object Reference Model) formatua hezkuntza-jarduerak plataforma batetik bestera konpartitzeko erabiltzen da, baita Moodle plataformatik kanpokoak ere.

SCORM pakete bat sortzeko, hainbat tresna erabil daiteke, haien artean Reload izenekoa.

Scorm pakete bat sortzea Reloadekin

• Hasteko, karpeta batean antolatuta eduki behar da paketea osatuko duen materiala: Flash animazioak, testuak, web orriak...

• Horren ondoren, Reload programa irekiko dugu.

• Sortu pakete berri bat File / New / ADL Scorm 1.2 Package (Fitxategia / Berria / ADL Scorm 1.2 Package) aukeraren bidez.

• Hautatu Scorm paketea osatuko duen materiala duen karpeta.

• Ezkerrean zure karpetaren edukia ikusiko duzu; fitxategi bat gehitu zaio karpetari manifestuarekin. Manifestua XML motako fitxategi bat da, eta paketearen edukiari buruzko datu orokorrak adierazten dira bertan.

• Egin klik eskuineko botoiarekin imsmanifest.xml fitxategian, fitxategia aldatzeko. Hautatu Add Metadata (Metadatuak gehitu).

• Metadata (Metadatuak) izeneko item berri bat agertuko da. Egin klik eskuineko botoiarekin item berriaren gainean, eta hautatu Edit Metadata (Metadatuak editatu) aukera.

• Zenbait gauza idatzi beharko duzu bertan: paketearen izenburua, edukiaren deskribapen bat, hitz gakoak...

• Orain erakundea gehituko dugu, saguaren eskuineko botoiarekin Organization aukeran klik eginez. Hautatu Add Organization (Erakundea gehitu).

• Aldatu erakundearen izena beheko leihoan.

  • Egin klik Organization hitzaren gainean.

  • Arrastatu beheko eremuen ertzak, Organization hitza duen testu-koadroa ikusi ahal izateko.

  • Aldatu hitz hori, gainean bi klik eginez eta idatziz.

• Arrastatu sortu duzun erakundera paketea osatuko duten baliabideak.

• Egin klik Preview Content Package (Paketearen aurrebista ikusi) botoian, nabigatzailean ikusteko.

• Metadatuak gehi ditzakezu paketeko elementu bakoitzean, tresna-barrako ADL botoia erabiliz: aurreko zer baliabideren mende dagoen bakoitza, zer denbora erabil daitekeen gehienez elementu hori exekutatzeko...

• Amaitzeko, erabili File (Fitxategia) menuko Zip Content Package (Content Package trinkotu) aukera.

Moodle plataforman Scorm fitxategiak inportatzea

Paketea zure plataformara igotzeko prozedura antzekoa da zure Scorm paketea sortzen baduzu edo saretik deskargatzen baduzu.

• Hautatu SCORM aukera Agregar actividad… goitibeherako menuan.

• Idatzi jardueraren izena, deskribapen bat, eta egin klik Elija o suba un archivo (Fitxategia hautatu edo igo) aukeran.

• Igo sortutako fitxategia, eta igota dagoenean, egin klik Elegir (Aukeratu) aukeran (fitxategiaren eskuinean).

• Zehaztu kalifikazio-aukerak eta gorde jarduera.

• Jarduera plataforman ikusiko duzu, Scorm paketeak adierazten dituen ikonoarekin:

• Jarduerak menu baten bidez antolatuta egongo dira: