Jardueretan sakontzen

Elkarlanean testu bat sortzea: wiki bat editatzea

Wiki bat hainbat erabiltzaileren artean elkarlanean arituz sortzen den testua da. Baliabide horren berezitasuna da etengabe editatzen ari den testu bat dela.

Ikastaroko edo taldeko wikia bada, osatuta dagoen talde batek etengabe editatzen duen testu bat izango da. Horrek esan nahi du ikasle bakoitzak bere kideek idatzitakoa ezabatzeko edo aldatzeko aukera duela, eta eztabaida- eta antolaketa-lan handia egin beharko dela gatazkarik ez sor ez dadin.

Ezaugarri horri esker, wikia lanerako tresna aparta da, parekoen lana errespetatzea, argudiatzea eta eztabaidatzea sustatzen dituelako.

• Erabili Agregar Actividad goitibeherako menua, wiki bat gehitzeko.

  • Irakaslea – Irakasleak idazten du edukia, eta ikasleek irakurri bakarrik egiten dute.

  • Ikastaroa/Taldea - Talde edo ikastaro bateko ikasle guztiek idazten dute wikiaren edukia.

  • Ikaslea - Ikasle bakoitzak bere testua idazten du.

• Erabili Edición fitxa, wikiaren edukia aldatzeko:

• Egin klik Ver (Ikusi) fitxan, wikia ikusteko.

• Aldaketa jakin bat nork egin zuen jakin nahi baduzu, edo erabiltzaile jakin batek zer aldaketa egin zituen, egin klik Historia fitxan.

• Bertsio bakoitzak hiru esteka ditu: Navegar (Nabigatu), Volver (Itzuli), Diferencias (Desberdintasunak). Esteka horiek balio dute orria bertsio horretan ikusteko, aldaketetan atzera egiteko edo bertsio berriaren eta aurrekoaren arteko desberdintasunak ikusteko.