Jardueretan sakontzen

Elkarlanean sortutako datu-baseak

• Datu-base bat sortzeko, Agregar Actividad goitibeherako menua erabili behar duzu.

• Behin aukera horiek zehaztutakoan, egin klik Guardar cambios y mostrar aukeran.

Datu-basearekin lanean hasteko, beharrezkoa izango da haren egitura zehaztea; hau da, zer eremu izango dituen erregistro bakoitzak.

Desagertzeko zorian dauden animaliei buruzko datu-base batean, adibidez, animalia bakoitzak erregistro bat izango du. Eremuak, berriz, animalia bakoitzari buruz eskatuko diren datuak izango dira:

• Espeziea

• Deskribapena

• Eskualdea

• Harrapariak

• Informazio-iturria (URLa)

Eremu bakoitzerako eduki-mota ere zehaztu behar duzu: testua, zenbakiak, URL helbidea...

• Idatzi eremuaren izena, eta deskribapen bat, ikasleek eremu horretan zer idatzi behar duten argi izan dezaten:

• Gero, jarraitu eremuak gehitzen. Hautatu Área de texto (Testu-area) modua, paragrafo bateko edo zenbait paragrafotako testuetarako.

• Erabili botones de radio (aukeratzeko botoiak) baztertzaileak diren aukeretarako:

• Erabili campos de selección (hautaketa-eremuak) baztergarriak ez diren aukeretarako:

• Erabili URL eremu-mota esteketarako; aktibatu autoesteka lotura aktibo ikus dadin.

• Hautatu datu-baseak ordenatzeko irizpidea: erregistroak sartutako eran ordenatuko dira edo eremu bat erabiliko da erregistroak ordenatzeko?

• Egin klik Agregar entrada (Sarrera gehitu) fitxan, datu-basean erregistroak gehitzen hasteko.

• Guardar y ver (Gorde eta ikusi) botoian klik egiten duzunean, Moodlek mezu hau erakutsiko dizu: "Oraindik ez da zehaztu banakako txantiloia".

• Erregistroak ikusteko, banakako txantiloi bat (erregistroz erregistro) eta zerrenda-txantiloi bat (erregistro-zerrenda bat ikusteko) zehaztu beharko dituzu lehendabizi.

Datuak agertzeko oinarritzat hartzen den eredua da txantiloia. Egin klik Plantilla (Txantiloia) fitxan, hautatu zer txantiloi-mota ezarri nahi duzun, eta ikusi eremuen banaketa (adibidez, [[Espeziea]]) eta botoiena (adibidez, ##edit##, datuak editatzeko). Elementuak tokiz alda ditzakezu, eta arazoak baldin badituzu, Resetear plantilla (Txantiloia berriz kargatu) aukeran klik egin, berriz hasteko.

• Egin klik Guardar plantilla (Txantiloia gorde) botoian amaitzeko.

• Banakako txantiloia zehaztutakoan, datuak banan-banan ikusi ahal izango dituzu. Zehaztu Plantilla de lista aukera, datu-baseko erregistroen zerrenda ikusteko.