Itinerario

Zer egingo dugu?

Modulu hau ikastaroaren gutxieneko edukiak eta oinarrizko zereginak sortzen eta ikastaroaren ezarpenari buruz zertxobait dakiten irakasleentzat da. Zailtasun ertaineko zereginak egiten dakitenentzat eta Moodle plataforma baten kudeaketari buruzko elementu konplexuagoak sakondu nahi dituztenentzat ere bada.

Zereginen eta baliabideen aukera konplexuago batzuk ikusiko ditugu, adibidez, ikasgaiak, datu-baseak eta wikiak.

Galdetegi bateko galderak esportatzen eta inportatzen ere sakonduko dugu, galderak ikastaro batetik beste batera eraman ahal izateko, baita plataforma desberdinetako ikastaroak badira ere, eta Moodleren kanpoko jarduerak txertatzen ere arituko gara, adibidez, Scorm paketeak txertatzen.

Bestalde, HTML lengoaiaren oinarrizko ezagutza batzuk landuko ditugu, malgutasun handiagoa izateko ikastaroko panelen batean informaziodun bloke bat gehitu nahi dugunean edo baliabide bat sortu nahi dugunean.

Zer urrats egingo ditugu?

• Hasteko, ikasgai, datu-base eta wikien erabilera sakonduko dugu.

• Horren ondoren, galderak edo jarduerak inportatu eta esportatuko ditugu.

• Azkenik, HTML lengoaiaren elementu batzuk ikusiko ditugu, orrialde-motako baliabideak hobetzeko beharrezkoak direnak.

Nola aurkeztuko dizkizuegu materialak?

Kapsula-lantegiko edukiekin, lanerako hainbat aukera eskaintzeko helburuari begira, formatu desberdinak konbinatuko ditugu:

• Material guztiaren bertsio inprimagarria, PDF formatuan.

• Bertsio elektronikoa, WEB formatuan.

• Atal batzuei buruzko bideo-tutorialak.

Has gaitezen, bada!