HTML lengoaia

Orain arte Moodlek ematen dizkigun erraztasunak aprobetxatu ditugu plataforma batean etiketak edo web orriak txertatu nahi izan ditugunean. HTML editorea erabiliz egin dugu beti, ikono batean eta bestean klik eginez nahi genuen efektua lortu arte.

Dena den, oso erabilgarria da jakitea HTML editoreko botoiak sakatzen ditugun bakoitzean kode bat txertatuko dugula, eta zerbaitek nahi bezala funtzionatzen ez badu, HTML editorean edukia kopiatzean eta itsastean sortutako kodeen nahasketagatik izan daitekeela. Ziur asko garbiketa pixka batekin konponduko da arazoa.

Hipertestua markatzeko lengoaia (Hypertext Markup Languaje) web orriak sortzeko erabiltzen dena da.

Txikiagoa eta handiagoa adierazten duten ikurren artean ixten diren etiketa edo tag bidez osatutako lengoaia da. Adibidez, hau da marra horizontal (horizontal rule) bat txertatzeko kodea: <hr />

Lengoaia horretako elementu batzuk eduki-blokeetarako dira (letra lodiz edo etzanez dagoen testua, paragrafoak, aipamenak...), eta, beraz, hasierako kodea eta amaierako kodea dituzte. Bi kodeak berdinak dira, baina amaierako kodeak barra bat du.

Paragrafoak, adibidez, <p> etiketarekin hasten dira, eta </p> etiketarekin amaitzen dira.

<p>Hau paragrafo bat da. </p> <p> Hau beste paragrafo bat da. </p>

Letra lodia ere kodeekin markatzen da, <strong> eta </strong> kodeekin, hain zuzen:

<p> Paragrafo honek <strong> hitz hauek </strong> letra lodiz ditu. </p>