Erdialdea:‘Perfil’ (Profila) fitxaren goiko aldean hiru aukera ageri dira. Oso erabilgarriak dira gure profila kudeatzeko.

Lehenbizikoa ‘Editar perfil’ (Editatu profila) da. Aukera horretan klik eginez gero, aukera izango dugu sarean guri buruz ageriko den informazioa definitzeko.

Bigarrena, ‘Mis álbumes de fotos’ (Nire argazki-albumak). Aukera hori baliagarria da igo nahi ditugun irudi guztiak kudeatzeko eta albumetan sailkatzeko.

Hirugarrena, ‘Mis vídeos’ (Nire bideoak). Aukera horren bidez, gure bideoak kudeatu ahal izango ditugu, bai eta aukeratzen ditugun bideo gogokoenak ere.

Gero, ‘Mi espacio personal’ (Nire gune pertsonala) dago. Blog pertsonal baten gisa erabil daiteke, hor adieraz baititzakegu gure iritziak.

Erdialdeko azkenaurreko leihoan, gu ageri garen argazkiak ikus ditzakegu, eta gure argazki-albumetan nabigatu.

‘Mi tablón’ (Nire taula) atalean, gure lagunek igo dituzten komunikazio guztiak ikusi eta irakurri ahal izango ditugu.

Eskuinaldea: profilaren pantailaren zati horretan gure lagunen profileko argazkiak ikus ditzakegu. ‘Ver todos’ (Ikusi denak) botoian klik eginez gero, gure lagunen zerrenda osoa ikus dezakegu.

Lagun baten profilean nabigatzen ari bagara, baliteke argazki batzuk lausotuta agertzea. Lausotze horrek esan nahi du erabiltzaile hori gure laguna ez dela. Haren lagunak izan nahi badugu, irudian klik egin behar dugu eta, haren profilean, lagun izateko eskaera egin.

Gure lagunaren lagunen argazkiak normal ageri badira, horrek esan nahi du haien profilean nabiga dezakegula, baina pertsona horien taulan idatzi ahal izateko, pertsona horiek lagun gisa gehitu behar ditugu.