Zer da podcast-a?

Hitzaren jatorria

Hitza erabili zuen lehen pertsona Ben Hammersley izan zen, eta iPod terminoa izan zen haren inspirazio-iturria; hau da, Apple markako gailu eramangarri bat, CD edo bestelako euskarri iraunkorrean grabatu gabe musika digitalizatua entzuteko diseinatutako gailua.

Podcasting terminoa bi hitzez osatuta dago :

Horrenbestez, Podcasting-a soinu-edukiak Internet bidez hedatzea da. Horretarako, harpidetza-mekanismo bat dago, edukia argitaratzen denean erabiltzaileak ezagutzeko aukera izan dezan. Izan ere, horrela, erabiltzaileak edukia jaso eta ordenagailuan edo gailu eramangarri batean entzun dezake.

Teknologiaren alorreko zenbait berrikuntzari esker daukagu Podcasting-a. Hona hemen horiek laburbilduta:

• Audio-gailu eramangarrien ugalketa

Duela urte batzuk euskarri analogikoak behar genituen musikarako (edo audio- eta bideo-edukietarako). Bidaia batean edo lantokian musika entzuteko CD erreproduzigailuak (discman izenekoak) eta zintak genituen (garai bateko walkman izenekoak). Irrati-kateek entzule-kopuru jakin bat zuten, mugatua, instalazioaren potentziaren arabera eta antenarekiko gertutasunaren arabera, eta, beraz, bidaiatzean ez zen oso ondo entzuten.

Walkman izenekoa– kaseteen, audio-zinten erreproduzigailuak.	Discman izenekoa– CD edo disko trinkoen erreproduzigailu eramangarria.
MP3 izenekoa– Audio-erreproduzigailu eramangarri generikoa, datuak flash-memorian gordetzen dituena.	iPOD izenekoa, Apple enpresarena, munduko lehen audio-erreproduzigailu eramangarria.

• Informazioa saretik deskargatzeko abiadura handia

Soinu-fitxategien bidez audioa entzuteko aukera ematen duten gailuei esker (mp3 eta ogg formatuan normalean) eta saretik informazioa deskargatzeko abiadurari esker eta, halaber, testua eta soinua doan eta edonork bana dezakeenez, musika edo audio-fitxategiak biltegiratzeko filosofia aldatu zen. Hain zuzen, oraingo joera hau da: fitxategiak deskargatzea, entzutea eta ezabatzea, duda-mudan ibili gabe, jakinda edozein unetan deskarga dezakegula fitxategi bera, hala behar izanez gero.

• Audio-edukia online argitaratzea

Edukia online argitaratzeko gero eta ezagutza tekniko gutxiago behar da.

Orain dela urte gutxi batzuk arte, ezinbestekoa zen hosting-zerbitzu bat ordaintzea (Interneteko zerbitzari bat fitxategiak biltegiratzeko) eta ASP edo PHP lengoaietan programatzen jakitea, funtzio automatizatuko webgune bat sortu ahal izateko sarean.

Gaur egun, berriz, nahiz eta erabiltzaileak HTML lengoaiaz edo bestelako programazio-lengoaiez ezer ez jakin, eduki-kudeatzaile baten bidez sortutako web-orri ona eduki dezake; besteak beste, Joomla edo Drupal dira gehien ezagutzen diren kode librekoak.

Adibidez, erregularki edukia argitaratuko duen web-orri bat sortzeko (blog bat), erabiltzaileek zenbait motatako sistemak erabiltzen dituzte. Horien artean, konponbide integraleko sistemak daude, esaterako, Blogger eta Wordpress online (instalatutako software erabilerraza duen hosting-zerbitzua eskaintzen dutenak); eta, bestalde, aurretik programatuta eta norberaren zerbitzarian instalatzen diren sistemak (esaterako, Drupal, Joomla eta abar instalatzeko Wordpressen softwarea).

Podcasting-ari berari soilik dagokionez, badira grabatzeko eta argitaratzeko tresnak, audioa ostatatzeko tokiak daude, bai eta prestazio horiek guztiak konbinatzen dituzten zerbitzuak ere.