KAPSULA-LANTEGIA: PODCAST-A.
IKT programazioa

IKT gaitasunak* (ardatzetan sailkatuta)

G. Kudeaketa eta garapen profesionala

P. Didaktika, pedagogia eta curriculuma

C. Hiritartasun digitala

G3. Berdinkideekin konektatzeko, ikastaroak online egiteko eta adituekin elkarreraginean aritzeko IKTek duten erabilgarritasuna ulertzea eta diziplinarekin zerikusia duten topikoetan sartzea, garapen profesionalerako funtsezko alderdietako bat dela ulertuta.

G4. Tutorialak zer diren ulertzea eta laguntza gisa erabiltzea IKTko edozein baliabide ikasteko.

G7. Multimedia-edukiekin oinarrizko eragiketak egitea (audioa erreproduzitu, sortu eta editatu)

G8. Interneteko zerbitzuak erraztasunez erabiltzea (web-orria, posta elektronikoa, foroa, txata, mezularitza eta beste batzuk), informazioa bilatzeko, lankideekin komunikatzeko ikastetxe barruan zein kanpoan, eta esperientziak elkarri jakinarazteko.

D1. Ikaskuntza-esperientzia jakin batzuk diseinatu, gauzatu eta ebaluatzea, dagoeneko erabiltzen diren IKT baliabideak erabiliz, ikasleek beren interesen, beren erritmoaren, beren ikasteko moduaren eta beren trebetasunen arabera lan egin dezaten.

D2. Ikasleei beren ikaskuntzaren protagonista izaten lagunduko dieten ikaskuntza-giroak garatzea, beren esperientziak, beren helburuak diseinatuz eta IKT baliabideak erabiliz beren jarduerak ebaluatuz.

D4. Ikaskuntza-esperientziak diseinatu, gauzatu eta ebaluatzea, IKT baliabideak erabiliz ikasleengan sustatzeko XXI. menderako trebetasunak; esaterako, lankidetza, talde-lana, pentsaera kritikoa, arazoak konpontzea, enpatia eta sormena.

D6. IKT baliabideak erabiltzea, mundu errealeko gaiak esploratzeko eta/edo arazo errealak konpontzeko.

D12. Pentsamendu sortzailea, berrikuntza eta aurkikuntza sustatu, babestu eta modelatzen duten ikaskuntza-esperientziak diseinatu, gauzatu eta ebaluatzea.

C3. GPL edo CreativeCommons lizentzia-moten eskemak aplikatzea ikasleek ekoitzitakoari.

C5. Audio-lizentziei buruzko araudiak eta erabilera-politika onargarriak jakitea, errespetatzea eta errespetaraztea.
C6. Web-ean dagoen informazioa erabiltzeari buruzko araudiak jakitea, errespetatzea eta errespetaraztea, egiletzat aitortua izateko eta iturriak behar bezala aipatzeko.

IKTko helburu zehatzak

• Glogster Edun alta ematea.

• Kontuaren aukerak aztertzea eta aldaketak egitea.

• Poster bat sortzea.

• Posterra editatzea: objektuak ezabatzea eta integratzea, horien itxura aldatzea.

• Fitxategiak bilatzea Interneten eta lotzea.

• Multimedia-fitxategiak grabatzea web-kamera erabilita web-ingurunean.

• Glogster Edu gelan ikasleen kontuak sortzea eta kudeatzea.

• Gela birtualean ikasleen elkarrekintza sustatzea.

IKTko edukiak

• Glogsterren Glog bat (hau da, poster bat) sortzea.

• Glogster gelan norberaren eta ikasleen kontua administratzea.

• Balorazio- eta ebaluazio-dinamikak ingurune birtualetan.

Gutxieneko eskakizunak

• Interneten nabigatzeko oinarrizko ezagutzak.

• Testu-prozesadoreei buruzko oinarrizko ezagutzak.

• Fitxategi digitalen funtsezko kudeaketa.

• Posta elektronikoaren oinarrizko kudeaketa.

• Multimedia-kontrolen oinarrizko ezagutza.

Ebaluazio-irizpideak

• Glogster ren behar bezala alta ematea eta glog bat sortzea.

• Poster bat behar bezala editatzea, irudiak, bideoak, soinuak eta estekak txertatzea.

• Soinua, audioa eta irudia grabatzea glog batean.

• Atzealdea eta objektuak aldatzea

• Kontua pertsonalizatzeko dauden aukerak jakitea eta horiek aldatzea, nork bere irizpidearen arabera erabiltzeko.

• Ikasleen kontuak sortzea eta horiek kudeatzea.

• Glogsterraren erabilera hezkuntza-jardueretan eranstea.