Ibilbidea

Aurkezpena

Kapsula-lantegi honetan podcast kontzeptua bera landuko dugu: definizioa, jatorria, podcasting-aren adibideak gaztelaniaz eta tresna honek dituen zenbait aplikazio hezkuntzaren alorrerako.

Edukiak

• Lehenik eta behin, podcasting-aren jatorria azalduko dugu: musika eramangarriaren, blogen eta erradiofoniaren arteko batura da. Hiru elementu horiek aztertuko ditugu, bai eta horiek konbinatzeko dagoen modu berezia ere.

• Podcasting-a gaztelaniaz eskaintzen duten zenbait webgune arakatuko ditugu, eta harpidetzen ikasiko dugu, zenbait RSS sindikatzaile erabilita.

• Podcasting-ak hezkuntzaren alorrean dituen aplikazioak eta erabilerak ikasiko ditugu.

• Doako zenbait zerbitzu erabiliko ditugu, podcasting-ak egin eta ostatatzeko aukera ematen dutenak; esaterako, Audacity eta iVoox.

• Azkenik, kapsula-lantegiaren amaieran, podcasting-aren antzeko jarduerak egiteko zenbait aukera aurkeztuko ditugu; adibidez, Internet bidezko irratia, audioa bideoarekin ordeztea(videocasting-a, webcasting-a) edo eskuko telefonoen erabilera RSS kanal baten informazioa argitaratzeko edo jasotzeko.

Nola aurkeztuko dizkizuegu materialak?

Zenbait formatu konbinatuko ditugu, kapsula-lantegiko edukiak lantzeko zenbait aukera emateko:

• Material guztiaren bertsio inprimagarria, PDF formatuan.

• Bertsio elektronikoa, WEB formatuan.

• Zenbait ataletan, bideo bidezko tutoriala.

Has gaitezen!