Erabaki behar da zer egingo dugun, zer norabide hartuko dugun, nork parte hartuko duen, norentzat izango den eta proiektu osoan zer ildori jarraituko diogun:

• Saio bakarra izango al da?

• Saio bat astean behin, hilabetez?

• Saio bat hilero, urtebetez?

• Ekologiari buruz, musikari buruz, berrietan ematen dituzten gaiei buruz hitz egingo dugu?

• Etapa honetan erabaki dezakegu pasarte bakoitzak zer izenburu izango duen, grabazioen amaieran jakitera eman ahal izateko?

Planifikazioa egiten bada, lagungarria izango da proiektu osoan zer egitura-elementu beharko ditugun erabakitzeko:

• Gortina bat saio guztiak musika berarekin hasteko?

• Saio bakoitzeko abesti bat edo musika bera erabiliko da hasieran eta amaieran?

• Hurrengo saioari buruzko iragarki bat grabatuko da, edo haren audio-zati baten aurrerapena egingo da?

• Atal finkoak izango dituzte gure saioek? (gaiari buruzko sarrera, elkarrizketa, ipuina, hurrengo audioari buruzko informazioa...).

Egiturari buruzko elementu guztiak erabaki ondoren, ezinbestekoa da gidoi bat egitea, saio bakoitzaren xehetasunak erabakitzeko:

• Nork eta zenbatek hitz egingo duten, zer gaiari buruz, zenbat denbora.

• Nork zer rol izango duen.

• Noiz egingo den grabazioa.

• Zuzenean edo akatsak kendu ondoren editatuko da audioa?

• Testuak idatziko dira gero irakurtzeko, edo hobe da bat-bateko solasaldia egiten saiatzea, bakoitzaren parte-hartzeak ezarrita? Edo, elkarrizketa irekia izango da, aldez aurretik edukia zehaztu gabe eta ondorengo edizio-lana egin gabe?