Moodle-n oinarrizko erabilera

Erabiltzaile-profila

Plataformako erabiltzaileren baten izenaren gainean edo zure izenaren gainean klik egiten duzun bakoitzean, erabiltzaile-profilera sartuko zara.

Zure izena eta zure profilera sartzeko esteka plataformaren eskuineko goiko aldean izango dituzu beti, testu honen ondoren: Usted se ha autentificado como…

Ikusten ari zaren profila zure erabiltzailearena baldin bada, aukera batzuk alda ditzakezu.

• Pantaila horretan pasahitza aldatzera eta plataformaren barne-mezularitzako sistemara sar zaitezke.

• Editar información (Informazioa editatu) fitxan klik eginez gero, zure datu pertsonaletako batzuk eta pribatutasun-aukerak alda ditzakezu:

• Zure posta elektronikoko helbideari dagokionez, aukera hauek izango dituzu: Helbidea ezkutatu nahi duzu? Edo nahiago duzu plataformako erabiltzaile guztiek ikustea? Edo zure ikastaroko kideek bakarrik ikustea?

• Beste aukera bat da, adibidez, denboraldi batez ez baduzu egon behar, eta ez baduzu mezuak pilatzerik nahi, zure posta elektronikoko helbidea desgaitzea.

• Ordutegi-eremua eta lehenetsitako hizkuntza ere ezar ditzakezu, eta deskribapen bat idatzi, zure aurkezpen labur bat izateko: nongoa zaren, zer rol duzun zentroan, edo zure profila bisitatzen duten plataformako erabiltzaileentzat interesgarria izan daitekeen beste edozein datu. Deskribapen hori nahitaezkoa da profila editatzen amaitzeko.
  
  
• Egin klik Examinar… (Arakatu...) botoian, identifikatuko zaituen argazki bat igotzeko:

• Bilatu irudi bat zure ordenagailuan, eta egin bi klik haren gainean.

Profila eguneratu beharko duzu irudia ikusteko.

• Idatzi irudiaren deskribapen bat, eta, zu pixka bat gehiago ezagut zaitzaten nahi baduzu, interesgune-zerrenda bat. Gero, egin klik Actualizar información personal (Informazio pertsonala eguneratu) aukeran.

Arazoren bat baldin badago inprimakiko eremuren batean, gorriz markatuko da eremu hori, eta akatsa adierazten duen testu bat agertuko da (adibidez, Obligatorio, eremua betetzea nahitaezkoa dela adierazteko).

• Konpondu akatsak, eta egin berriz klik Actualizar información personal botoian.

Profila agertuko zaizu berriz ere, zure argazkiarekin eta eguneratutako datuekin.

• Salir (Irten) aukeran klik egin dezakezu, lan-saioa ixteko:

• Bestela, Moodle hitzaren gainean klik egin dezakezu, plataformaren pantaila nagusira joateko:

Eskuineko goiko aldean nahiz behe-behean, zure izena ikus dezakezu profilera sartzeko esteka batekin; irteteko aukera ere ageri da.

Moodle-n oinarrizko erabilera

Plataforman zehar

Saioa hastean, dagoeneko zure profila editatu duzunez, esleituta dituzun ikastaroak agertuko zaizkizu pantaila nagusian.

• Bistaratze-hizkuntza alda dezakezu, es | eu | en (Español, Euskara, English) aukeran klik eginez.
• Egin klik ikastaroaren izenean, Mis Cursos (Nire ikastaroak) atalean.

• Ikastaroaren pantaila nagusiak argi eta garbi identifikatutako gune batzuk ditu, lau ataletan antolatuta:

  • Goiburua, breadcrumb edo arrastoarekin, non gauden ikusteko eta atzera itzuli ahal izateko. Adibidez: Moodle > ID (identificador) del curso. (1)

  • Ezkerrean, ikastaroari buruzko zenbait bloke: partaideak, jarduerak, kudeaketa... (2)

  • Erdialdean, ikastaroaren edukiak, gaika edo asteka antolatuta. (3)

  • Eskuinean, irakasleen eta ikasleen jardueren arabera eguneratzen den informazioa: egutegia, albisteak, ikastaroko erabiltzaileen azken ekintzak... (4)

• Aukera horietakoren batean klik egiten duzun bakoitzean, ikastarora itzuli ahal izango zara haren izenaren gainean klik eginez, Moodle hitzaren eskuinean (breadcrumb edo arrastoan):

Plataformaren pantaila desberdina izango da plataforma bisitatzen duen erabiltzailearen arabera. Ikasle bat bada, ikastaroaren edukian sartu ahal izango da, baina ezin izango ditu estatistikak edo ikastaroaren ezarpena ikusi.

Zu irakasle editore rolarekin sartuko zarenez, elementu hauek ikusiko dituzu:

• Personas (Pertsonak) blokearen bidez, ikastaroan parte hartzen duten erabiltzaile guztien zerrenda ikus daiteke; kudeatzaileak, irakasleak nahiz ikasleak agertzen dira. Zerrenda horretatik partaide bakoitzaren profilean sar gaitezke.

• Actividades (Jarduerak) blokean, foroetarako sarbidea ikusiko duzu oraingoz. Gune hori handituz joango da, ikastaroari beste jarduera batzuk gehitzen zaizkion heinean: txatak, datu-baseak, wikiak, inkestak, glosategiak, ikasgaiak...

• Ikastaroak jarduera ugari dituenean, askotan foroetan bilatzeko blokea erabili behar izaten da, esaldi edo hitz jakin batzuk dituzten elkarrizketak aurkitzeko.

• Administración (Kudeaketa) atalean hainbat elementu dituzu: ikastaroaren ezarpenera joateko sarbidea, erabiltzaileei esleitutako rolak, kalifikazioak, eta irakaslearentzat funtsezkoak diren beste zenbait tresna, adibidez, segurtasun-kopiak egitekoa edo txostenetara sartzekoa.

• Erdiko gune handian, hasiera batean Novedades (Berriak) izeneko foro bat baino ez dago; hortxe agertuko dira ikastaroko edukiak eta jarduerak. Ikastaroa asteka edo gaika antolatuko da, ezarpenaren arabera.

• Eskuinean, Novedades foroan argitaratutako berriak, egutegiko ekitaldiak eta ikastaroko azken jarduerak ikus daitezke.

Plataformako edukien edizioa

Etiketak sortzea

Etiketak unitateetan edo gaietan zuzenean bistaratzen diren testuak dira.

Irudiak eta HTML motako beste eduki batzuk ordenatzeko, bereizteko edo txertatzeko erabiltzen dira.

• Pentsa dezagun, hasteko, nola antolatuko ditugun unitateak edo gaiak. Hona hemen antolatzeko aukera bat:

  • Edukiak

  • Jarduerak

  • Sakontzeko...
    
    
• Hiru etiketa horiek sortuko ditugu gai edo aste bakoitzean. Horretarako, erabili Agregar recurso… goitibeherako menua, eta hautatu Añadir una etiqueta (Etiketa gehitu) aukera.

• Idatzi etiketaren testua, adibidez, “Edukiak”. Egin klik lerroaren ikonoan, testuaren azpian lerro bat txertatzeko, eta gero egin klik Guardar cambios y regresar al curso (Aldaketak gorde eta ikastarora itzuli) aukeran.

• Hautatu duzun gaian edo astean sortutako etiketa ikusiko duzu. Egin klik Desactivar edición (Edizioa desaktibatu) aukeran, ikonoak kentzeko.

• Unitatez edo gaiez nahasi bazara, aktibatu berriz edizioa, eta egin klik etiketaren ondoan dauden gezi bertikaletan:

• Horren ondoren, egin klik lauki batean, mugitzen ari zaren elementua nora eraman nahi duzun adierazteko:

Unitate edo gai bakoitzari etiketa bat idatzi beharko diozu; baliabide horiek ezin dira bikoiztu.

Unitate bakoitzaren antolaketa honela ikusiko da orain:

Plataformako edukien edizioa

Web-orri motako testuak editatzea

Orain ikastaroaren material idatzia argitaratzen hasiko gara.

• Web-orri motako baliabideak sortzeko, egin klik lehendabizi Agregar recurso goitibeherako menuan, Editar una página web (Web-orri bat editatu) hautatzeko:

Oraingoan, etiketa bat sortzeko baino datu gehiago beharko ditugu.

• Orriaren izena, plataforman esteka gisa agertuko dena (1).

• Deskribapen bat, baliabideen zerrendan agertuko dena (2).

• Web-orriaren edukia (3).

Web-orriaren edukiak HTML (Hypertext Markup Language) formatua izango du; lengoaia hori erabiltzen da Interneteko edukien zati handi bat sortzeko.

• Idatzi zuzenean testua Texto completo (Testu osoa) laukian, tresna-barra erabiliz; hartara, formatua eman ahal izango diozu, eta irudiak eta estekak gehitu ahal izango dituzu, besteak beste.

Web-orria behar bezala egituratzeak abantaila asko ditu, besteak beste, pantaila-irakurgailuak erabiltzen dituzten pertsona desgaituek erabil ditzaketela.

Editorean ikusiko duzun formatua ez da behin betikoa izango; izan ere, plataformaren diseinuan 1. mailako goiburuak, 2. mailako goiburuak, testu arrunta eta abar ikusteko zehaztu denaren araberakoa izango da formatua.

Bestalde, ez dugu arduratu behar lerroen mozketaz edota elementu bakoitzaren kokapen zehatzaz, editorearen pantailaren zabalera ziur asko txikiagoa izango baita gero ikusiko den web-orriarena baino, erabiltzaile bakoitzaren monitorearen ezarpenaren arabera.

Tresna-barran zenbait botoi dituzu testuari formatua emateko, adibidez, hauek: letra lodia (B), letra etzana (I), azpimarratua (U) edo marratua (S). Ez da komeni testua azpimarratzerik, azpimarratutako testuak estekekin nahas baitaitezke.

Testua testu-prozesadore batetik kopiatu eta hemen itsasten badugu, Limpiar texto (Testua garbitu) botoia erabiltzea komeni da, jatorriko programaren berezko kodeak ezabatzeko.

Karaktere bereziren bat txertatu behar baduzu, adibidez, teklatuan ez dagoen sinboloren bat, erabili Caracteres especiales (Karaktere bereziak) botoia, eta taula bat agertuko zaizu, txertatu nahi duzun sinboloaren gainean klik egin ahal izateko:

Plataformako edukien edizioa

Web-orrian irudiak gehitzea

• Egin klik Examinar… botoian fitxategia hautatzeko, eta Subir (Igo) aukeran, berresteko.

• Fitxategia plataformara igotakoan, Navegador de archivos fitxategien nabigatzailean ikusiko duzu. Egin klik irudian, hura hautatzeko eta haren aurrebista izateko.

• Idatzi ordezko testu bat, irudia ikusi ezin duten erabiltzaileek jaso dezaten.

• Sakatu OK, amaitzeko.

HTML editorean ikusiko duzu irudia. Irudian klik egiten baduzu, nodoak aktibatuko dira erpin eta aldeetan, eta arrastatu egin ahal izango dituzu irudiaren tamaina aldatzeko.

Plataformako edukien edizioa

Web-orria gordetzea

• Testua idatzitakoan eta irudiak txertatutakoan, gorde fitxategia edukiaren azpian dauden botoiak erabiliz.

• Gorde eta ikastaroan lanean jarrai dezakezu, edo gorde eta ikasleek nola ikusiko duten ikus dezakezu.

• Aldatzeko, erabili Actualizar recurso (Baliabidea eguneratu) botoia:

• Berriz ere plataforman lanean ari bazara, eta web-orriaren edukia aldatu nahi baduzu, erabili baliabideari dagokion Actualizar (Eguneratu) ikonoa (edizioa aktibaturik eduki behar duzu):

• Ziur asko baliabidea gorantz mugitu beharko duzu, dagokion etiketaren azpian egon dadin. Erabili baliabideari dagozkion gezi bertikalak:

• Gero, egin klik baliabidea eraman nahi duzun lekuan dagoen laukizuzenean:

• Ez bazaude ados baliabideen artean dagoen tartearekin, gehitu lerro hutsak (Intro sakatuz lehenengo lerroaren hasieran) etiketen barruan.

• Gogoratu gezi horizontala erabili behar duzula baliabideek koskak izan ditzaten:

Plataformako edukien edizioa

Estekak txertatzea

Unitateko baliabideei dagozkien zenbait web-orri sortutakoan, interesgarria izango da ikasleei sakontzeko esteka batzuk ematea.

• Erabili baliabideak gehitzeko goitibeherako menua Enlazar un archivo o una web (Fitxategi bat edo webgune batera lotu) hautatzeko.

• Horren ondoren, idatzi baliabidearen izena (plataforman ikusgai egongo dena), deskribapen bat (aukerakoa) eta web-orriaren helbidea Ubicación (Kokapena) testu-koadroan, http:// siglekin hasita.

• Erabaki dezakezu ea orria leiho berri batean irekiko den edo leiho berean irekiko den (gomendatua), eta ea ikasleek ikusgai izango duten baliabide hori edo ez; horrez gain, parametro aurreratu batzuk adieraz ditzakezu.

Plataformako edukien edizioa

Deskargatzeko fitxategiak

Askotan deskargatzeko fitxategiren bat eman beharko diegu ikasleei; adibidez, edukien PDF bertsioa (errazago inprimatu ahal izateko), osatu beharreko testu-fitxategi bat, inprimaki bat, material grafikoa...

Fitxategi baterako esteka txertatzeko urratsak web-orri baterako esteka txertatzeko azaldu ditugunen antzekoak dira; desberdintasuna da fitxategia plataformara igo eta hautatu egin beharko dugula.

• Sortu Enlazar un archivo o una web motako baliabide bat.

• Idatzi baliabidearen izena, deskribapen bat (aukerakoa), eta gero egin klik Elija o suba un archivo…(Aukeratu edo igo fitxategi bat) botoian.

• Ikastaroko fitxategien zerrenda ikusiko duzu (hasiera batean, hutsik egongo da). Erabili Subir un archivo (Fitxategi bat igo) botoia.

• Egin klik Examinar… aukeran, eta bilatu fitxategia zure disko gogorrean.

• Erabili Subir este archivo (Fitxategi hau igo) botoia, berresteko.

• Bilatu fitxategia zerrendan, eta egin klik Elegir (Aukeratu) aukeran.

Orain jarraitu esteka bat sortzeko prozesua. Sortuko duzun estekak ez du kanpoko web-helbide (URL) batera eramango, baizik eta plataformako fitxategi baten URL helbidera.

Plataformako edukien edizioa

Bideoak eta aurkezpenak txertatzea

Youtubeko bideo bat edo SlideShareko aurkezpen bat txertatzeko, edo beste zerbitzuren batekoak, embed kodea kopiatu beharko duzu (hori izango da lehenengo urratsa):

• YouTuben:

  • Ireki film edo aurkezpen bat.

  • Egin klik <Insertar> (Txertatu) botoian.

• Hautatu kodea, ezkerreko botoiarekin kodearen gainean klik eginez, eta gero egin klik eskuineko botoiarekin, eta aukeratu Copiar (Kopiatu).

• SlideSharen:

  • Bilatu Embed kodea

• Egin klik saguaren ezkerreko botoiarekin kodearen gainean, hura hautatzeko; horren ondoren, egin klik eskuineko botoiarekin haren gainean, eta aukeratu Copiar.

• Embed kodea kopiatutakoan, itzuli plataformara eta sortu etiketa bat (Activar edición / Agregar recurso / Añadir una etiqueta).

• Egin klik Tabulación HTML (HTML tabulazioa) botoian.

• Itsatsi kopiatutako kodea (saguaren eskuineko botoia erabiliz etiketaren testuaren arean, Pegar aukera).

• Egin klik Guardar cambios y regresar al curso aukeran, eta bideoa edo aurkezpena zuzenean plataforman ikusiko duzu. Ondoan, igotzeko, jaisteko ezkutatzeko eta abarrerako kontrolak ikusiko dituzu.

Ikastarokideen artero komunikazioa

Txata

Txata komunikazio sinkronikoa da: eguna eta ordua adostu beharko dituzue, ikasle guztiek aldi berean hitz egin ahal izateko.

• Agregar actividad goitibeherako menuan, aukeratu Chat aukera.

• Idatzi jardueraren izena eta deskribapen bat, eta zehaztu zer egunetan izango den hurrengo hitzordua, saioak errepikatuko diren edo ez, eta ea elkarrizketak etorkizunean irakurtzeko gordeko diren.

• Foroekin gertatzen den bezala, txata elkar ikusten ez duten taldetan, elkar ikusten duten taldetan edo talderik gabe egitea zehaztu dezakezu.

Baliabidea sortutakoan, elkarrizketarako jarritako egun eta ordutik aurrera bakarrik erabil daitekeela ikusiko duzu.

Erabiltzaileek forora sartu beharko dute, Entrar a la sala (Gelara sartu) aukeran klik egin, eta gero parte hartzen hasi.

• Txataren pantailaren eskuinaldean, partaideen zerrenda ikusiko duzu (1).

• Eremu nagusian elkarrizketa ikusiko da, eta zer erabiltzaile sartu diren gelan edo irten diren gelatik (2).

• Behean, mezu bakoitza idazteko eremua egongo da (3).

Ikastarokideen artero komunikazioa

Barne-mezularitza

Erabiltzaile baten izena ikusten baduzu foro batean, ikastaroko partaideen zerrendan edo esteka gisa agertzen den edozein gunetan, erabiltzaile horren profilean sar zaitezke.

• Egin klik Enviar mensaje (Mezua bidali) botoian, erabiltzaileak mezu bat jaso dezan plataformaren barneko postaren bidez. Erabiltzaileak ez baditu lehenetsitako aukerak aldatu, kopia bat jasoko du posta elektronikoz.

• Idatzi edukia testu-koadroan, eta egin klik Enviar mensaje botoian.

Leihoaren goiko aldean ikusiko duzu.

Erabiltzailea plataformara sartzen denean, barne-mezularitzaren ohar bat jasoko du pop-up leiho batean.

Erabiltzaileak kontaktuaren izenaren gainean klik egin beharko du, bidalitako testua ikusteko:

Mezuaren hartzaileak irakurtzen ari den leiho berean erantzun dezake, eta Enviar mensaje sakatu amaitzean.

Barne-mezularitzako leihoak aukera ematen du, halaber, zerrendara kontaktu bat gehitzeko (1), kontaktu bat blokeatzeko (2), edota pertsona horrekin aurrez idatzitako mezuak kontsultatzeko (3).

Ikastarokideen artero komunikazioa

Egutegia

Plataforman jarduerak gehitzen ditugunean, adibidez, elkarrizketa sinkronikorako (Txat) hitzorduak, jarduera horiek Eventos próximos (Datozen ekitaldiak) blokean agertzen dira.

• Nuevo evento (Ekitaldi berria) aukeran klik egin dezakezu, egutegiari elementu bat gehitzeko.

• Moodlek galdetuko dizu ea ekitaldi pertsonal bat edo ikastaroko ekitaldi bat ari zaren gehitzen egutegian. Hautatu ikastaroko ekitaldia, erabiltzaile guztiek egutegian elementua ikustea nahi baduzu.

• Idatzi ekitaldiaren izena eta deskribapen bat; aukeratu data eta iraupena –hala badagokio–. Errepikapenak ere programa ditzakezu.

• Egin klik Guardar cambios aukeran. Ekitaldia erdiko pantailan agertuko zaizu, bai eta sagua egutegira gerturatzean ere, kolorez markatutako datan.

Ebaluazioa

Zeregin errazak sortzea

Agregar actividad goitibeherako menuan, lau elementu daude Tareas (Zereginak) izenaren barruan:

• Subida avanzada de archivos (Fitxategien igoera aurreratua): ikasleari hainbat fitxategi igotzeko aukera ematen dio (adibidez, testu bat, irudi bat, html fitxategi bat...).

• Texto en línea (Online testua): ikasleak testu bat idatzi beharko du (kontsigna baten erantzuna).

• Subir un solo archivo (Fitxategi bakarra igo): ikasleek fitxategi bakarra bidali beharko dute zeregin hori egiteko.

• Actividad no en línea (Lineaz kanpoko zereginak): ikasleek plataformatik kanpoko zerbait egingo dute, eta irakasleak hemen adieraziko ditu notak.
  
  
• Idatzi zereginaren izena, eta deskribapen bat kontsignarekin.

• Aukeratu kalifikazio-eskala bat, eta zehaztu zer datatatik aurrera egongo den erabilgarri zeregina (desgaitu egin dezakezu aukera hori, beti erabilgarri egon dadin) eta zein izango den lana entregatzeko eguna (desgaitu egin dezakezu aukera hori, lanak berandu direla adieraz ez dezan).

• Ez baduzu lanik jaso nahi epez kanpo, Impedir envíos retrasados (Ez utzi bidalketarik bidaltzen epez kanpo) aukeran, hautatu Sí.

Nola egingo dute zeregina ikasleek?

• Ikaslea ikastarora sartzen denean, jardueraren izena ikusiko du. Jardueran klik egitean, kontsigna ikusiko du, adibide honetan fitxategien igoera aurreratu baten zereginarena:

• Ikasleak fitxategi bat edo gehiago igo beharko ditu, kontsignan adierazitakoaren arabera, eta gero Enviar para calificación (Kalifikatzeko bidali) aukeran klik egin beharko du.

Nola kalifikatuko dute irakasleek?

• Oharren bidalketa ezarri bada, irakasleak e-mail bat jasoko du zereginaren estekarekin:

Docentes ->Tareas ->Ejercicio de la unidad 1 Xabier Gonzalezek 'Ejercicio de la unidad 1' edo 1. unitatearen jarduerara bidalitako zeregina eguneratu du. Webgunean dago eskuragarri.

• Irakaslea ikastaroan sartzen denean eta zereginaren gainean klik egiten duenean, bidalitako zereginen oharra ikusiko du.

• Estekan klik egitean, ikasleen zerrendara eta haiek bidalitako lanetara joango da.

• Bidalitako fitxategi guztiak deskarga ditzake irakasleak.

• Gero, Calificación hitzaren gainean klik egitean, Estado (Egoera) zutabean, jarduera sortzean zehaztutako eskalako item bat hauta dezake, eta ikaslearentzako ohar bat idatzi. Erantzuteko fitxategi bat ere bidal dezake:

• Orain Calificación final (Azken kalifikazioa) zutabean emaitzak agertuko dira. Ikasleak zeregina birbidaltzen badu, Actualizar aukeran klik eginez (Estado zutabean), kalifikazioa alda daiteke.

Ebaluazioa

Kalifikatzailea

• Administración menutik Calificaciones aukerara joan daiteke:

• Han irakasleak ikasleen zerrenda eta haien kalifikazioak ikus ditzake.

Kontuan hartu, Total del curso (Ikastaroaren guztizkoa) zutabean, kalifikatutako jarduerak bakarrik egongo direla; ikasle batek ez badu zereginetakoren bat egiten, kalifikazio negatiboa eman beharko zaio, balio hori ere gehi dadin ikastaroaren guztizkoan.