Ikastarokideen artero komunikazioa
Ikastaro bateko ikasleen eta irakasleen arteko komunikazioa funtsezkoa da urrutiko hezkuntzan.
Garrantzitsua da aktiboki erabiliko diren komunikazio-guneak sortzea; bestela, web-orri gisa soilik erabiliko
dugu Moodle plataforma, noranzko bakarrean.
Hainbat komunikazio-tresna daude, eta ohikoenak aipatuko ditugu. Garrantzitsuena izango da, haietako
bakoitzean, ikasleak gogotsu eta era egokian parte hartzera bultzatuko dituzten kontsignak gehitzea tresnari.
Foroak
Foroak elkarrizketa asinkronikorako guneak dira. Ikastaroko partaideek mezuak idazten
dituzte foroan, beste erabiltzaile batzuen mezuei erantzuten diete, eta nahi izanez gero –eta foroaren ezarpenak hori aukeratzen
uzten badie–, mezu bakoitzaren kopia bat edo eguneko mezuen laburpena jasotzen dute posta elektronikoko beren kutxatilan.
Foro bat sortzeko:
Idatzi foroaren izena, plataforman ikusiko dena: 1. unitatearen foroa, Ikastaroari buruzko
kontsultak...
Foro normal bat sortu nahi baduzu, hau da, partaide guztiek gai bat hasteko edo beste partaideren baten mezuari
erantzuteko aukera emango duen foro bat, aukeratu Foro de uso general (Erabilera orokorreko foro arrunta) Tipo de foro (Foro-mota)
goitibeherako menuan. Hona hemen beste foro-mota batzuk:
Debate sencillo (Eztabaida arrunt bakarra). Ez da gai berririk proposatzen, elkarrizketa berean
eztabaidatzen da.
Cada persona inicia un debate (Pertsona bakoitzak eztabaida bat bidaltzen du). Partaide bakoitzak
gai bakarra has dezake, eta taldeak erantzun egiten du.
PyR: Galdera eta Erantzuna. Irakasleak galdetu egiten du, eta ikasleek erantzun.
-
Partaide guztiak harpidetzera behartzen badituzu, ikastaroan parte hartzen dutenek foro honetako mezu
guztien kopia jasoko dute. Hasieran Sí (Bai) aukera hartzea komeni da, partaide guztiek jaso ditzaten foroko lehenengo mezuak;
gero harpidetza kentzeko aukera izango dute, haien posta-kutxatilan gaiari buruz irakurtzen jarraitu nahi ez badute.
-
Leer rastreo del foro aukeran lehenetsitako balioak onartzea komeni da (aukerakoa izan dadila
erabiltzaileak irakurritako mezuen miaketa aktibatzea) bai eta fitxategi erantsiaren gehieneko tamaina onartzea ere (plataformako
kudeatzaileek zehaztua).
Ikasleek foro horretan egindako esku-hartzeak kalifikatu nahi badituzu, Agregar tipo
aukera aktiba dezakezu: behin betiko kalifikazio gisa erakutsiko dena amaieran, notarik handiena izango da? noten batezbestekoa
izango da? noten batura?
Foroko sarrerak zer eskalarekin kalifikatuko diren aukeratu beharko duzu: 1etik aukeratzen duzun
zenbakiraino, edo eskala pertsonalizatu batekin.
Kalifikazioak epe jakin batera ere muga ditzakezu, datak adierazita.
Erabili blokeatzeko aukerak, erabiltzaile batek eztabaida batean parte hartzeko gehieneko
denbora edo sarrera-kopurua izan dezan nahi baduzu.
Elkar ikusi ezin duten taldeen edo elkar ikus dezaketen taldeen aukerak aktiba ditzakezu (aurrerago
zehaztu beharko duzu zer ikasle dauden talde bakoitzean), edota talderik gabeko aukera.
-
Gorde aldaketak, itzuli ikastarora, eta mugitu baliabidea behin betiko lekura gezi bertikalak erabiliz.
-
Talde bakoitzeko partaideak zehazteko, hautatu Grupos aukera Administración menuan:
-
Foro batean parte hartzeko, ikasleek edo irakasleek klik egin beharko dute foroaren izenburuaren gainean, eta aurreko
mezuen zerrenda agertuko zaie.
-
Elkarrizketa berri bat has dezakete, edo mezu baten gaian klik egin, hura irakurtzeko.
Novedades foroa: kasu berezi bat
Moodle plataforma batean ikastaro berri bat sortzen den bakoitzean, egiturarekin batera
Novedades foro bat sortzen da; irakaslearen argitalpenetarako soilik dago ezarrita foro hori. Horregatik, askotan
sortzen den zalantza izaten da zergatik ezin zaien erantzun mezu horiei, eta zalantza horren erantzuna da noranzko bakarreko
baliabide gisa funtzionatzeko sortua dela foroa.
Foro horren argitalpenak Últimas noticias (Azken berriak) blokean agertuko dira, lehenespenez
pantailaren eskuineko aldean: