Ebaluazioa

Moodlen oso erraza da ikasleen lana ebaluatzea eta kalifikatzea.

Lehenengo urratsa da jarduerak kalifikagarri gisa ezartzea, eta epe bat eta kalifikazio-eskala bat aukeratzea. Horrez gain, kalifikatzeko bakarrik diren jarduerak sor daitezke, edota plataformatik kanpo egindako jarduera baten nota idazteko soilik direnak; hartara, urrutiko jardueren nahiz jarduera presentzialen kalifikazioen batez bestekoa edo batuketa egin ahal izango da.

Ikasleak plataforman sartu eta zeregin eta jarduerak egiten dituztenean, jarduera egin dela adierazten duen ohar bat jasoko du irakasleak –hala ezarri badu– edo kalifikatzeko dauden lanak ikusiko ditu Informe calificador kalifikatzailearen txostenean.

Eskala pertsonalizatua

• Hasteko, joan Calificaciones aukeraren pantailara, ikastaroko Administración menutik.

• Behin han zaudenean, aukeratu goitibeherako menuan Escalas / Vista aukera.

• Plataforman dagoeneko sortuta dauden eskalak ikusiko dituzu. Egin klik Agregar una nueva escala (Eskala berri bat gehitu) botoian, zure eskala pertsonalizatua gehitzeko.

• Idatzi eskalaren izena eta balioen zerrenda, komaz bereizirik, txikienetik handienera. Deskribapen bat ere gehi dezakezu.