Plataformako edukien edizioa

Erabiltzailea ikastaroren irakasle editorea edo kudeatzailea bada, edukia sor eta alda dezake.

Hasteko, ikastaroaren edukiak antolatzeko balio duten etiketa batzuk sortuko ditugu, eta gero estekak, web-orriak edo deskargatzeko fitxategiak txertatuko ditugu.

Ikastaroari edukia gehitzen hasteko, Edición (Editatu) modua aktibatu beharko dugu, ikastaroaren pantailaren eskuineko goiko muturrean dagoen botoia erabiliz, edo Administración blokeko lehenengo esteka erabiliz.

Ikastaroaren edizioa aktibatzean, pantailan sinbolo berriak agertzen direla ikusiko duzu. Pantailako elementu bakoitzak ikono batzuk izango ditu, elementu hori aldatzeko, ezartzeko edo ezabatzeko:

Bloke bateko ikonoen kasuan, lehenengoa bloke horretan erabiltzaileen rolak esleitzeko erabiltzen da, bigarrena blokea ezkutatzeko, hirugarrena blokea ezabatzeko, eta geziak, berriz, blokea lekuz aldatzeko (igo edo jaisteko, edo pantailaren eskuineko aldera eramateko).

Asignar roles (Rolak esleitu) – Erabiltzaile-mota bakoitzak bloke horretan zer egin dezakeen zehazten du.

Ocultar / Mostrar (Ezkutatu/Erakutsi)– Blokea ezkutatzen du, edo berriro ere ikusgai jartzen du ezkutatuta baldin badago. Ezkutatu egon arren, irakasleak ikus dezake, eta ikonoa begi itxi bat bihurtzen da. Ikasleek ezin dituzte ezkutatutako objektuak ikusi.

Borrar el bloque (Blokea ezabatu) – Blokea guztiz ezabatzen du (berreskura daiteke).

Subir el bloque (Blokea igo) – Blokea lekuz aldatzen du. Punturik gorenean baldin badago, gezi hori ez da agertzen, ezin baita blokea gehiago igo.

Bajar el bloque (Blokea jaitsi) – Blokea lekuz aldatzen du. Beheren dagoen puntuan baldin badago, gezi hori ez da agertzen, ezin baita blokea gehiago jaitsi.

Mover el bloque a la derecha de la pantalla (Blokea pantailaren eskuinera mugitu) – Ikastaroko eduki-gunearen eskuinean dagoen panelera eramaten du blokea.

Novedades foroan, blokekoen antzekoak diren ikonoak daude:

• Mover a la derecha (Eskuinerantz mugitu) (erdiko blokearen barruan).

• Mover arriba o abajo (Gorantz edo beherantz mugitu) (erdiko blokearen barruan).

• Actualizar (Eguneratu) (foroaren ezarpena aldatzeko).

• Eliminar foro (Foroa ezabatu).

• Ocultar / mostrar foro (Foroa ezkutatu / erakutsi) (ezkutatuta egon arren, irakasleak ikusiko du, baina ez ikasleek).

• Grupos (Taldeak) (foroan taldeka lan egingo den edo ez zehazteko).

Dena den, edizioa aktibatzearen alderdirik interesgarriena ikastaroaren edukia sortzea da.

Ikastaroak atal orokor bat izango du (0 gaia edo 0 astea), orain Novedades foroa dagoen tokian, eta aste-unitateen edo gaien talde bat.

Nola jakin dezakegu zer ikusten duten ikasleek? Cambiar rol a… (Rol honetara aldatu...) goitibeherako menuaren bidez.

• Irakaslea bazara, plataforma tutore gisa edo ikasle gisa ikus dezakezu.

• Tutoreek ikasle gisa ikus dezakete plataforma.

• Kudeatzaileek irakasle, tutore edo ikasle gisa ikus dezakete plataforma.

• Ikasleek ezin dute rola aldatu.

Plataforma normal ikusteko berriz, egin klik Volver a mi rol normal (Nire ohiko rolera itzuli) botoian.

Edizio-modua aktibatuta dagoenean, unitate edo gai bakoitzean bi goitibeherako menu ditugu:

• Agregar recurso (Baliabidea gehitu) – unitate edo gai horretan etiketa bat, web-orri bat, esteka bat eta abar txertatzeko.

• Agregar actividad (Jarduera gehitu) – unitate edo gai horretan foro bat, txat-kanal bat, wiki bat edo edozein eratako jarduera kalifikagarriak txertatzeko.

Hasteko, etiketak sortuko ditugu ikastaroa nola ikusiko den antolatzeko, eta, gero, eduki estatikoa, estekak, fitxategiak eta Youtube edo SlideShare zerbitzuetako bideoak eta aurkezpenak txertatuko ditugu.