Ikastaroaren konfigurazioa

Ikastaro batean lanean hasteko, garrantzitsua da ikastaroaren ezaugarri batzuk zehaztea edo ezagutzea: Gaika, asteka edo foro nagusi baten bidez antolatuko da? Zenbat aste edo gai izango ditu? Zein da hasiera-data? Pasahitza jarriko da sarrera babesteko?

• Horiek eta beste aukera batzuk ikusteko, egin klik Administración menuko Configuración (Ezarpena) aukeran:

Ikastaroaren datuak

Ikastaroaren datu orokorren artean, oso garrantzitsua izango da izen osoa eta izen laburra zehaztea. Izen laburra agertuko da breadcrumb edo arrastoan, goiburuaren azpian, aukera baten barruan gaudenean ikastaro orokorrera itzuli ahal izateko:

Ikastaroaren laburpena pantaila batzuetan agertuko da (adibidez, plataformako ikastaroen zerrenda batean).

Formatuari dagokionez, aukera hauek daude:

• Aste-formatua – Ikastaroa aste-multzo bat da, eta daten arabera daude zehaztuta asteak.

• Gai-formatua – Ikastaroa gaika antolatuta dago. Ez da datarik zehazten.

• Soziala – Foro nagusi bat dago, eta ez dago ez unitaterik ez gairik.

Aste- edo gai-kopuruak zehaztuko du ikastaroaren antolaketa, eta hasiera-datak zehaztuko du lehenengo astea noiz hasten den (aste-formatuan bakarrik). Ikastaroa hasiera-data baino lehen hasten bada, jarduerak ez dira behar bezala erregistratuko estatistiketan eta txostenetan.

Ikastarora sartzea

Garrantzitsua da Disponibilidad (Erabilgarritasuna) atala aztertzea, aukera hauek ematen baititu:

• Ikastaroa erabilgarri dagoen edo ez zehaztea (baliteke, adibidez, hasi aurretik edo amaitu ondoren, ez egotea erabilgarri ikasleentzat baina bai irakaslearentzat).

• Erabiltzaileek lehenengo aldiz sartzeko jakin beharko duten sarrera-pasahitza aldatzea (pasahitza ikusteko, erabili Desenmascarar aukera).

• Ikastaroak erregistratu gabeko erabiltzaileak onartzen dituen edo ez erabakitzea (gonbidatuak).

Pantaila horren azpian aldaketak gorde eta ikastarora itzultzeko botoia dago.