Aurkezpen-editorea

Impressen aurkezpenen morroia

Abiarazi Openoffice haren ikonoan klik bikoitza eginda. Agertuko zaizun menuan, softwareak biltzen dituen programa guztiak dituzu. Hautatu Aurkezpena.

Jarraian, aurkezpenen morroia agertuko da. Mota zerrendatik gehien interesatzen zaizun aukera hautatu eta, Hurrengoa sakatuta, aurkezpenaren lehen diapositiba sortuko da.

Programarekin ohituta bazaude, Impressen sartzen zaren bakoitzean morroia ez agertzeko, markatu Ez erakutsi morroi hau berriro aukera.

Aurkezpen-editorea

Programaren egitura: Impressen lan-eremua

Hona Impressen lan-eremuaren irudia:

Menu-barra: Ohiko aukera nagusiak biltzen ditu, besteak beste, Fitxategia, Ikusi, Txertatu, Formatua eta Laguntza. Beste programa ofimatiko batzuek (adibidez, testu-prozesadoreak edo kalkulu-orriak) duten barraren oso antzekoa da. Tresnak: Lasterbideak ikono moduan, menu-barrak gaitzen dituen aukera batzuetarako. Esango genuke nolabaiteko “bidezidorrak” direla, zure erabilera pertsonalaren arabera gaineratu edo ezaba ditzakezunak. Diapositiben panela: Aurkibide moduko aurkezlea da, aurkezpena osatzen duten diapositiba guztiak erakusten dituena. Zereginen panela: Aurkezpenaren diseinua lantzeko eremua da. Txantiloi moduko diseinuak eta orri maisuak ditu, aplikatzeko prest dauden trantsizioez eta animazioez gainera. Diapositiba: Interfazearen erdialdean, hautatu dugun eta/edo unean lanean ari gareneko diapositiba agertzen da.

Ongi! Impress instalatuta eta abian jartzeko prest dugu. Jarraian, ekin diezaiogun kasu praktikoari: Aurkezpen bat sortzea.

Kasu praktikoa

Aurkezpen bat sortzea

AbiaraziOpenoffice ordenagailuko programen menutik eta hautatu Aurkezpena aukera.

Morroia abiaraziko da. Oinarrizko 3 urratsi jarraituz gero, dagoeneko lanean has gaitezke.

Aurrebista aukera aktibatuta dagoenez, hautatu hondoren bat eta panela agertuko da. Adibidez, Urdin iluna (hyt-darkblue) hondoa hautatuz gero, hau izango litzateke zure hondoaren itxura:

Efekturik ez	Abiadura ertaina

Eta, morroiarekin laguntzeko lehen prozesu hau amaitzearren, Sortu botoian klik egingo dugu.

Kasu praktikoa

Testua editatzea, eta estiloak eta koloreak aplikatzea.

Behin aurkezpena sortuta, lehen diapositiba hutsik agertuko zaigu. Zer azaldu nahi dugun argi dugunez (aurkezpenarekin hasi aurretik oso gomendagarria da haren egitura eta edukiak diseinatu izatea), eskuinaldeko lehen diapositibaren diseinua hautatuko dugu.

Izenburua eta edukia idatziko ditugu, dagokion eremuan klik eginda.		Nabarmendu letra lodiz nahi duzun testua. Horretarako, hautatu testua kurtsorearekin eta sakatu Letra lodia tresna-barran.

Impressen, testua editatzeko tresnak intuitiboak dira, testu-prozesadore batean bezalaxe. Erraza, ezta?

Orain, testua justifikatuko dugu. Hortaz, hura hautatu eta Lerrokatu aukeraren gainean klik egingo dugu tresna-barran.

Jarrai dezagun! Testuari bi galdera erantsiko dizkiogu edukia osatzeko.

Idatzi nahi dugun lekuan kokatuko gara, bertan klik egingo dugu eta testu berria idatziko dugu. Erreparatu galderak berriz ere letra lodiz nabarmendu ditugula.

Lana gorpuzten ari dela-eta, une egokia da aurkezpena gordetzeko eta hura aurreratuagoa dugunean aldaketak ez galtzeko. Horretarako, egin: Fitxategia – Gorde honela.

Bestela, joan tresna-barran irudian hautatuta agertzen den ikonora (kapsula-lantegi honetan hasieran azaldu ditugun "lasterbide" horietako batera).

Gorde ezazu fitxategia izen erraz batekin. Hobe da azenturik edo hutsunerik ez jartzea, beste ordenagailu batzuetan irekitzeko garaian arazorik egon ez dadin. Jarraian, Impressek honako pantaila hau erakutsiko du. Ezkerraldeko menuan, non ipini nahi duzun aukeratu (1). Idatzi izena (2) eta gorde ezazu (3). Konturatu nola ekintza hori baino lehen Impressek “Izengabea 1” izena ematen diola:

Eta, behin izena eman diogula, “longitud.odp” gisa agertzen da (Impressek “.odp” izena edo luzapena erabiltzen du bere aurkezpenak identifikatzeko). Power Pointek ".ppt" erabiltzen du bere aurkezpenetarako.

Jarrai dezagun!Gaineratu dezagun beste diapositiba bat edukia are eta hobeago egituratzeko.

Kasu praktikoa

Eransteko, saguaren eskuineko botoiarekin klik egingo dugu diapositiben paneleko ezkerraldeko edozein lekutan.

Berez,Impressek, hurrengo diapositiba sortzeko, hasiera batean lehen diapositibarako hautatu dugun diseinua erabiliko du:

Bestela, diseinua aldatu nahi izanez gero, Diseinuak menuan gehien interesatzen zaiguna hautatu eta hura markatu besterik ez dugu egin behar.

Beste diapositiban txertatu nahi dugun testua sagurekin hautatuko dugu:

• Menu-barrako Editatu aukerara joko dugu eta Ebaki hautatuko dugu.
• Testua kopiatuko duguneko diapositiban kokatuko gara, haren gainean klik eginda.
• Editatu menura itzuliko gara; baina, oraingoan, Itsatsi hautatuko dugu.

Paragrafoa diapositiba berrian txertatuko da.

Diapositibaren testu-koadroa (hura inguratzen duen laukizuzena) hautatu eta Formatua menura joko dugu.

Menuan aurkituko dugun lehen aukera Karakterea da. Bertan, letra-tipoa, estiloa eta tamaina hauta ditzakegu. Hautaketa egin ondoren, Ados sakatuta aldaketak gordeko dira:

Formatua mentutik, Paragrafo barruan, aukera dugu paragrafoa lerrokatzeko edo, Zenbakikuntza edo binetak erabilita, zerrenda-moduan antolatzeko.

Fontwork galeriaren ikonoan

klik egingo dugu. Fontwork hitza agertuko da eta gogokoen dugun diseinua hautatuko dugu.

Diapositiban bere horretan txertatuko da Fontwork testuarekin:
Testuan klik egingo dugu Fontwork hitza formatu hautagarri eta editagarrian agertu arte, irudian adierazten den bezala.
Hitzaren gainean komeni zaiguna idatziko dugu, esaterako, “Luzera unitateak”.

Sartu dugun testuak jatorrizkoa automatikoki ordezkatuko du, eta Kito! Ikusi duzu zein erraza den sormenezko testuak editatzea?

Kasu praktikoa.

Irudiak txertatzea: lerroak, geziak eta bestelako ikonoak

Tresna-barran, lerroen, irudi geometrikoen, marrazkien, bineten eta gezien adibide ugari aurki ditzakezu. Tresna-barran kokatutako Gezia ikonotik gezi-eredu bat hautatuko dugu.

Jarraian, hura txertatuko duzuneko testura jo. Saguaren ezkerreko botoia sakatuta duzula, marraztu gezia irudian ikusten duzun bezala:

Tresna-barran Kolorea hautatuta, geziaren kolorea alda daiteke.

Era berean, irudiko edozein puntutan kokatuta, tamaina eta forma alda ditzakegu.

Gurutze-moduko ikurra agertzen denean hura arrastatuz gero (ezkerreko botoiari sakatuta eutsiz sagua mugitu), gezia kokalekuz aldatuko dugu diapositiba barruan.

Eta, zauria sendatzea baino, ez egitea hobe denez, aurkezpena berriro gordeko dugu Gorde ikonoaren gainean klik eginda:

Kasu praktikoa

Taulak gaineratzea

Jarrai dezagun gure diseinuarekin. Orain, eduki gehiago editatzeko taula bat sortuko dugu. Horretarako, Txertatu menuko Taula aukerara joko dugu.

Zutabeen eta errenkaden kopurua zehazteko, gezien bidez behar ditugunak markatuko ditugu. Aldaketak gordetzeko Ados sakatuko dugu eta diapositiban taula sortuko da.

Taula hautatzeko haren ertzean saguarekin klik eginda, Taula menua agertzen da. Bertatik, besteak beste, errenkadak eta/edo zutabeak txertatu eta ezabatzeko nahiz taularen kolorea aldatzeko aukera dago.

Taularen barruan idatziko dugu edozein gelaxkatan klik eginda eta, luzera-unitateen adibidea osatzeko, errenkada gehiago txertatuko ditugu Erantsi errenkadak ikonoan klik eginda.>

Modu erraz horretan, datuen taula izango dugu gure diapositiban.

Kasu praktikoa

Irudiak eranstea

Gure aurkezpena bistakoagoa egiteko, oso erabilgarria izango dugu irudiak eranstea. Interneten lor ditzakegu Googleren irudi-bilatzailetik; edo eskaneatuak nahiz argazki-kameratik deskargatuak izan daitezke.

Bada, jarrai dezagun kasu praktikoarekin.

Dagokion irudia txertatu aurretik, diapositiban lekua egingo dugu, geziaren kasuan egin dugun bezalaxe.

Txertatu menuan, Irudia - Fitxategitik aukera hautatuko dugu:

Irudia bilatzeko leihoa ondorengoaren antzekoa izango da. Aukeratu kokalekua PCan (1), hautatu irudia (2) eta sakatu Ireki (3).

Irudia automatikoki diapositiban txertatuko da. Irudiaren gainean sakatuta, hura mugitzeko eta/edo birdimentsionatzeko aukera dago.

Irudi-oin bat txerta dezakegu. Hori gomendagarria da irudiaren iturria edo egilea identifikatzeko. Irudiaren justu azpian klik egin, tresna-barrako Testua “bidezidorra” sakatu eta egoki iruditzen zaiguna idatziko dugu.

Edukiaren formatua behar adina aldiz alda dezakegu, testua txertatzeari buruzko atalean lehen azaldu dugunez.

Kasu practikoa

Audioak lotzea

Orain, multimedia elementuren bat txertatuko dugu, adibidez, audioak eta bideoak. Audioen kasuan, Impressek soinu-katalogo bat eskaintzen du. Egin klik Galeria ikonoan, tresna-barran:

Diapositibaren gainaldean menu bat agertuko da:

Hautatu Soinuak:

Audioak entzuteko, egin klik bikoitza ikono bakoitzean. Soinu jakin bat interesatzen bazaizu, arrastatu ezazu diapositibaren aldera eta automatikoki erreproduzituko da zure aurkezpenean.

Zeure audio-fitxategiak oso erraz graba ditzakezu; adibidez, Windowsen soinu-grabagailua erabilita.

Hau besterik ez duzu egin behar: ordenagailuari mikrofono bat konektatu, grabagailua exekutatu, grabatu eta fitxategia gorde Windowsek berez eskaintzen dizun luzapenarekin (.wav). Horrela, bai zuk, bai zure ikasleek, aurkezpenetan zeuen audioak gaineratu ditzakezue.

Kasu praktikoa

Bideoak gaineratzea

Bideo bat lotzeko, aurreko kasuan bezala jardun behar da, baina beste aukera batetik. Joan Txertatu filma eta soinua menura.

Impressek bilaketa-leiho bat irekiko digu ordenagailuan arakatzeko. Bideoren bat baldin badugu, hura aukeratu eta Ireki botoian klik egingo dugu, besterik gabe.

Diapositiban txertatuko da. Erraz mugitu ahal izango dugu nahi dugun lekuan erreproduzitzeko, objektu bat bailitzan.

PCan bideorik ez badugu, Internetetik jaitsi daitezke, adibidez,Youtubetik edo Google Videotik (biak Googleren zerbitzuak dira eta eskuragarri dituzu bilatzailearen helbidean: http://www.google.es).

Zeure bideoak sortu eta gaineratu nahi badituzu, ordea, erarik errazena da telefono mugikorrarekin edo kamera digitalarekin horiek grabatzea eta PCra pasatzea.

Kasu praktikoa

Diseinua pertsonalizatzea

Gure aurkezpenak diseinu propioa izan dezan (adibidez, ikastetxearen logoarekin edo, balego, ikasgelaren logoarekin bat etorriko den tonu grafikoa), diapositiben hondoa alda daiteke. Joan Zereginak alboko menura eta hautatu hondorako gogokoen duzun diseinua.

Zure aurkezpenaren hondoa hautatuta soilik, itxura guztiz aldatuko da. Proba itzazu lau diseinuak eta aukeratu... Azkarra izan da gero!

Kasu praktikoa

Trantsizioak aplikatzea

Zenbaitetan, ikus-entzuleen arreta erakartzeko, ikus-efektu jakin bat erabiltzen da diapositiba batetik bestera aldatzeko. “Ustekabe” horri trantsizio deritzo. Aurreko kasuetan bezala, baliabide hori ez da gehiegi erabili behar.

Diapositibei trantsizioak gaineratzeko prozesua hondoko kolorea aldatzearen oso antzekoa da. Zereginak panel berean, egin klik Diapositiba-trantsizioa aukeran. Ikusiko duzunez, trantsizio mota dezente dago. Horietako edozein hautatuta, erdiko diapositibak efektua erakusten dizu.

Adibidez, Disolbatu trantsizioa aukeratuko dugu:

Trantsizioak funtzioa ere Diapositiba- aurkezpena menuan dago, eta bertatik aurkezpena bistaratu edo konfiguratzeko aukera dago:

Kasu praktikoa

Aurkezpena gorde eta ikustea

Behin trantsizioak aplikatuta, gure aurkezpena gordeko dugu. Horretarako, berriz ere klik egingo dugu Gorde edo, berriz izendatu nahi izanez gero, Gorde honela ikonoaren gainean. Azken kasu horretan, luzapenetarako beheko Mota menua zabaltzen baduzu, Impressek 15 formatutan gordetzeko aukera ematen du.

Lanean ari gareneko formatua “.odp” da. Zerrendako lehena da,Impressek berez esleitzen duena. Baina, proiektuaren kopia beste formatu batean gorde dezakezu (esaterako, PDFn edo Microsoft PowerPoint-en –97/2000/XP–), ordenagailuen arteko bateraezintasunak saihestearren.

Aurkezpena gorde ondoren, hura bistaratzeko, egin klik menu-barrako Diapositiba-aurkezpena aukeran.