GOOGLE: MUNDUAN GEHIEN ERABILTZEN DEN BILATZAILEA

GOOGLE

Deskribapena eta funtzionalitate nagusiak

Google munduko bilatzaile-tresna garrantzitsuena da.

Izenak hitz-joko bat egiten du googol terminoarekin (horren ingelesezko ahoskera eta bilatzailearen izenarena oso antzekoak dira). Termino hori bataren jarraian 100 zero dituen zenbakiaren izena da, eta maneiatzen duen informazio kantitate izugarriari egiten dio erreferentzia.

1999an, Google sortu zenean erabiltzen ziren bilatzaileek agerpen-hurrenkeran eransten zituzten estekak, lehendabizi agertzeagatik beren sustatzaileek ordaintzen zutenekoak salbu. Bilaketa-tresna arrakastatsu honen nobedadea Page Rank izeneko puntuazio-sistema lantzea izan zen. Sistema horrek, webgune baten garrantzia ebaluatzeko, webgune horretarako esteka kopurua eta beste aldagai batzuk ebaluatzen ditu, eta puntuazio handiena dutenak erakusten ditu lehendabizi.
Bestalde, garai hartako bilatzaileek aukerez eta publizitatez betetako diseinua zuten. Googlek erabiltzaileak harritu zituen bere pantaila garbiarekin; eta oraindik ere ezaugarri horri eusten dio, funtzionalitate ugari izan arren.

Gaur egun, Googlek zerbitzu ugari eskaintzen ditu, betiere doan, hala nola: posta elektronikoa (Gmail), postarekin integratutako egutegia (Calendar), nabigatzailea (Chrome), mundu osoko mapak (Google Maps), weblogak hartzen dituen gunea (Blogger), bideoena (Youtube), hizkuntza anitzetarako itzultzailea (Google Translator)eta haren orri nagusian (http://www.google.es) ikus daitezkeen beste asko.

Instalazioa eta deskarga / Web-lokalizazioa

Google bilatzailea erabiltzeko, haren web-orrira (http://www.google.es) konekta zaitezke edo bere bilaketa-barratik ere erabil dezakezu. Bilaketa-barra nabigatzailean instalatzen da eta bilatzailearen tresna guztiak erabiltzeko aukera ematen du.

Tresna hori instalatzeko, sartu http://www.google.com/intl/es/toolbar/ff/index.html estekan eta sakatu Instalar la barra Google (instalatu Google barra).

Zerbitzuaren baldintzak irakurri ondoren, onartu itzazu instalazioarekin jarraitzeko.

Mozilla Firefoxek (nabigatzaileak) oharpen bat erakutsiko dizu zenbait segundoz. Botoia gaitzen denean, egin klik Instalar ahora(instalatu orain) gainean.

Aldaketak eraginkorrak izan daitezen, nabigatzailea berrabiarazi beharko duzu.

Firefox berrabiarazten denean, Google barra pantailaren goialdean ikusiko duzu.

Haren bilaketa-laukian klik egiten duzun lehen aldian, aukera hobetuak gaitu nahi dituzun galdetuko dizu. Aukera hobetuak gaitzeko zure baimena behar du, bisitatzen dituzun orriei buruzko informazioa bidal diezazun. Onartzeko, egin klik Habilitar funciones mejoradas (gaitu funtzio hobetuak) aukeran eta, informazio-bidalketa horri uko egiteko, sakatu No, gracias (ez, eskerrik asko) botoia.