Web 2.0: Web 2.0-ko webguneek aukera ematen diete erabiltzaileei webguneko beste erabiltzaile batzuekin elkarreraginean aritzeko edo bertako edukiak aldatzeko.

Informatika-paketea: zenbait programa desberdinez osatutako multzoa, pakete bat osatzeko (suitea edo suite ofimatikoa ere esaten zaie ) erabiltzailearen behar premiazkoenak betetzeko.

Multiplataforma: zenbait plataformatan funtziona dezaketen programak, sistema eragileak , programazio-hizkuntzak , edo beste mota batzuetako softwarea adierazteko terminoa . Plataforma bat hardwarearen eta softwarearen konbinaketa da, aplikazioak exekutatzeko erabiltzen dena.

Arbela: edozein informazio aldi baterako gordetzeko aukera ematen duen tresna. Hainbat gauza kopia daitezke: testuak, irudiak, fitxategiak... Normalean, edukia arbelean gordetzeko copiar (kopiatu) edo cortar (ebaki) funtzioak erabiltzen dira, eta berreskuratzeko, berriz, pegar (itsatsi) edo eraman funtzioak.

Online: Interneteko ziberespazioan kokatua.

Software librea: ordenagailurako software-mota bat da, doan banatzen dena, eta denbora-mugarik gabe erabil daitekeena.

Link edo esteka: hiperestekak dira ; hau da, hipertestu-dokumentu baten erreferentzia beste dokumentu edo baliabide batera.