IKT gaitasunak* (ardazka sailkatuta)

G. Kudeaketa eta garapen profesionala

P. Pedagogia, didaktika eta curriculuma

C. Hiritartasun digitala

G2. Ulertzea zer aukera ematen duten IKTek, administrazioko eta irakaskuntzako kudeaketa errazteko materialak sortzeko (zerrendak, ikasgelarako txartelak, karatulak, gurasoentzako informazio-buletinak, mahai-jokoak, ikasturteko lanerako bizikidetza-arauak...)

G7. Oinarrizko eragiketak egitea multimedia-edukiarekin (formatua; irudi bat, soinua, testua, bideoa txertatu, irudi bat jaitsi webgune batetik).

D1. Ikaskuntza-esperientzia jakin batzuk diseinatu, gauzatu eta ebaluatzea, dagoeneko erabiltzen diren IKT baliabideak erabiliz, ikasle bakoitzak bere interesen, erritmoaren, ikasteko moduaren eta trebetasunen arabera lan egin dezan.

D2. Ikasleari bere ikaskuntzaren protagonista izaten lagunduko dioten ikaskuntza-giroak garatzea, bere esperientziak, bere helburuak diseinatuz eta IKT baliabideak erabiliz bere jarduerak ebaluatuz.

D3. Dagokion diziplinako IKT baliabide espezifikoen bidezko ikaskuntza sustatzea ikasleen artean, direla online, direla lineaz kanpo.

D5. Honelako IKT baliabideak identifikatzea eta ebaluatzea: aukera ematen dutenak zenbait komunikazio-forma desberdin erabiltzeko diziplinaren berezko genero eta sinbolo-sistemekin, entzuleak eta testuingurua kontuan hartuta.

D12. Pentsamendu sortzailea, berrikuntza eta aurkikuntza sustatu, babestu eta modelatzen duten ikaskuntza-esperientziak diseinatu, gauzatu eta ebaluatzea.

D13. IKTak erabiltzea multimedia-material didaktikoak sortzeko; esaterako, atlas interaktiboak, demostrazioak, animazioak, simulazioak eta ariketak.

C3. Lizentzia-eskemak aplikatzea ikasleen ekoizpenetarako, GPL edo Creative Commons esaterako.

C6. Webean informazioa erabiltzeari buruzko araudia zein den jakin, bete eta betearaztea, egileak egiletzat aitortzeko eta iturriak behar bezala aipatzeko.

IKTko helburu zehatzak

• Glogster Edun alta ematea.
• Kontuko aukerak arakatu eta aldatzea.
• Poster bat sortzea.
• Posterra editatzea: objektuak ezabatu edo txertatzea, haren itxura aldatzea.
• Interneten fitxategiak bilatu eta estekatzea.
• Multimedia-fitxategiak grabatzea web-kameraren bidez, web-ingurunean.
• Ikasleen kontuak sortzea eta kudeatzea Glogster Edu gelan.
• Ikasleen arteko elkarrekintza sustatzea gela birtualean.

IKT edukiak

• Glog (poster) bat sortzea Glogster erabiliz.
• Norberaren kontua eta ikasleena kudeatzea glogster gelan.
• Ingurune birtualetan, balorazioak eta ebaluazioak egiteko dinamikak.

Gutxieneko eskakizunak

• Interneteko nabigazioari buruzko oinarrizko ezagutzak.
• Testu-prozesadoreen erabilerari buruzko oinarrizko ezagutzak.
• Fitxategi digitalen oinarrizko kudeaketa.
• Posta elektronikoaren oinarrizko kudeaketa.
• Multimedia-kontrolen oinarrizko ezagutza

Ebaluazio-irizpideak

• Behar bezala ematea alta Glogsterren eta glog bat sortzea.
• Poster bat behar bezala editatzea, eta irudiak, bideoak, soinua eta estekak txertatzea.
• Audioa eta irudia grabatzea glog batean.
• Hondoa eta objektuak aldatzea.
• Kontua pertsonalizatzeko aukerak zein diren jakitea, eta aldatzen jakin eta irizpide propioekin erabiltzea.
• Ikasleen kontuak sortzea eta kudeatzea.
• Glogsterren erabilera sartzea hezkuntza-jardueren programazioan.