Ibilbidea

Zer egingo dugu?

Kapsula-lantegi honetan argazkiak antolatu eta argitaratzeko bi tresnekin lan egingo dugu:

Zein urrats emango ditugu?

• IKT Programazioa

• Panoramion publikatutako materiala arakatzen hasiko gara; erabiltzaile bat sortuko dugu eta zerbitzu honen aukera desberdinak ikusiko ditugu.

• Jarraian, Locr bisitatuko dugu: erabiltzaile bat sortuko dugu eta gure materiala argitaratuko dugu.

Kapsula hau interesgarri izango zaizuelakoan gaude!

IKT Programazioa

IKTko gaitasunak* (ardatzetan sailkatuta) G. Kudeaketa eta garapen profesionala D. Didaktika, pedagogia eta curriculuma C. Hiritartasun digitala	G4. Tutorialak zer diren ulertzea, eta laguntza gisa erabiltzea IKTko edozein baliabide ikasteko. G7. Multimedia-edukiekin lotutako oinarrizko eragiketak egitea (formatua; irudi bat, soinua, testua edo bideoa txertatzea; argazki bat webgune batetik deskargatzea) G8. Interneteko zerbitzuak erraztasunez erabiltzea, informazioa bilatzeko (programak lortzea eta deskargatzea) eta esperientziak konpartitzeko (argazki-albumen bidez). D2. Ikasleei beren ikaskuntzaren protagonista izaten lagunduko dieten ikaskuntza-giroak garatzea, beren esperientziak, beren helburuak diseinatuz eta IKTko baliabideak erabiliz beren jarduerak ebaluatuz. D4. Ikaskuntza-esperientziak diseinatzea, martxan jartzea eta ebaluatzea, IKTko baliabideak erabiliz ikasleengan sustatzeko XXI. menderako trebetasunak; esaterako, lankidetza, talde-lana, pentsaera kritikoa, arazoak konpontzea, enpatia eta sormena. D6. Mundu errealeko gaiak esploratzeko eta/edo benetako arazoak (geolokalizatutako irudien bidez) konpontzeko aukera ematen duten IKTko baliabideak erabiltzea. C3. Lizentzia-programak aplikatzea (GPL eta CreativeCommons, adibidez) ikasleen produkzioetarako. C5. Irudi-lizentziari lotutako erabilera onargarriko arauak eta politikak ezagutzea, errespetatzea eta errespetaraztea (Creativecommon lizentziak). C6. Webean informazioa erabiltzeari dagokionez zer arau dauden jakitea, eta arauok errespetatzea eta errespetaraztea, egileei aitorpena eman eta iturriak behar bezala aipatzeko.
IKT edukiak	Erregistroa Panoramio eta Locr-en. Panoramioren funtzionamendua. Arakatzea eta irudi bat argitaratzea Panoramion. Locr-en funtzionalitate nagusiak. Albumak eta taldeak sortzea Locr-en.
Gutxieneko ezagutzak	Oinarrizko kontzeptuak tresna informatikoei eta sistema eragileari buruz. Ezagutzak honako hauei buruz: argazki digitalak lortzea, ordenagailuan deskargatzea eta irudi-artxiboak administratzea.
Autoebaluaziorako irizpideak	Geolokalizatutako argazki bat argitaratzea Panoramion. Argazki bat geoetiketatzea Locr-en eta argitaratzea.

* “Eskola 2.0” proposameneko IKTko gaitasunei dagozkien itemak, Lehen Hezkuntzako 5. mailako ikasleentzat. Erantsitako material honetatik hartuak: "IKTko gaitasun-mapak".

Panoramio aplikazioa.Ibilaldi bat munduan barrena

Panoramio webgune bat da eta bertan, komunitate honek argitaratutako irudi-multzoa aurki dezakegu. Berezitasun gisa, irudi bakoitza munduko mapako leku bati lotuta dago. Panoramioko irudi asko ondoren Google Earth-en txertatzen dira.

Ibilaldi bat munduan barrena

Argitaratutako argazkiak errepasatzen hasteko, sar zaitez Panoramioren orrialdean: http://www.panoramio.com/

• Klik egin Mundua exploratu loturan.

Munduko mapa bat ikusiko duzu eta tamaina desberdineko argazkiak ikus daitezke. Argazkia handiagoa denean, ospe handiagoa duelako da.

• Erabili saguaren gurpila edo urrundu (1) edo hurbildu (2) kontrolak maparen eremu bat handitu edo txikitzeko.

• Saguaren erakusleak esku ireki baten itxura hartzen duenean mugitu mapa, saguaren ezkerreko botoia sakatuta mantenduz eta mugituz.

• Mapa horizontalean edo bertikalean mugitzeko geziak (3) erabili, edo bilaketen azken emaitzara itzultzeko erdiko gezi laukoitza.

Soilik mapa ikusteko, sateliteko argazkia ikusteko edo biak gainjarrita ikusteko (hibridoa) botoiak (4) erabil ditzakegu. Hiri bati begira bazaude lehen modua erabilgarriagoa izango da, eta ikusi beharreko erliebe interesgarri bat dagoenean, berriz, bigarrena.

Panoramio aplikazioa. Ezaugarri nagusiak

• Argazkia bistaratzeko, klik egin argazkiaren gainean:

• Aurreikusitako argazkiaren gainean klik egin bere orrialdean sartu eta ondorengo xehetasunak ikusi ahal izateko:

• Argazkiaren izenburua.
• Bisitarien iruzkinak.
• Testuinguru geografikoa eta inguruari buruz dauden argazki gehiago.
• Kontinentean duen kokapena.
• Egileak aukeratutako lizentzia.

• Aktibatu goiko loturak erabiltzaileek gomendatutako lekuak ikusi ahal izateko. Hurrengoa ikusi botoian klik egin, bereziki interesgarriak diren munduko lekuetan barrena ibiltzen jarraitzeko.

• Aukeratu Etiketak aukera etiketa-multzoa ikusi ahal izateko: zeintzuk dira arruntenak, eta horietatik, erabileraren proportzioa, tamainaren arabera adierazia (tamaina handiena duena, erabiliena).

• Klik egin hitzetako batean modu horretan etiketatutako argazki guztiak ikusi ahal izateko, edo idatzi hitz bat ospe gutxien duten etiketak bilatzeko. Kontuan izan hein batean etiketaren hizkuntzak bere kokapena zehaztuko duela -edo gutxienez, argazkiaren egilearen jatorria-:

Argazkiak ematen komunitateari

Zure argazkiak Panoramion gora kargatzeko, klik egin Erregistratu aukeran.

Bete formularioa zure datuekin:

Behin erregistratuta, zure argazkiak gora kargatu ditzakezu:

Klik egin Aztertu... botoian lehen irudia kargatzeko.

Erabilera adibideak

Idatzi argazkiaren deskribapena eta erraz bilatzea ahalbidetuko duten hitzak (etiketak). Klik egin Map this photo botoian argazkia mapan kokatzeko:

Idatzi leku baten izena eta Bilatu sakatu.

Bilatzen duzun lekutik hurbilenen dagoen lotura aukeratu, ondoren argazkiaren kokapen zehatza doitzeko:

Bistaratzea hurbildu xehetasunak ikusteko, saguaren gurpila edo - eta + ikonoak erabiliz. Markatzailea argazkia atera zen leku zehatzera arrastatu.

Klik egin Kokapena gorde botoian.

Erabilera adibideak

Kargatu dituzun argazki guztiekin pantaila bat ikusiko duzu eta maparen loturan klik egin dezakezu zure argazkiak Panoramion edo Google Earth-en mapan ikusteko. .kml fitxategia eskuratzeko, programa horren gune bat bisitatu behar da (hori ikusteko Google Earth instalatua izan behar duzu).

Lizentzia

Irudiaren eskuinean lizentziari buruzko informazioa ageri da. Zure argazkia beste pertsona batek erabiltzea nahi ez baduzu, ez aldatu lehenetsita dagoen lizentzia (eskubide guztiak erreserbatuak).

Baina aurkakoa pentsatzen baduzu (beste pertsona batzuei euren lanetarako zure argazkiak erabiltzeko baimena ematen diezu, etab.), klik egin [Change] loturan zure lanaren lizentzia-mota aldatzeko.

Irudiaren gaineko eskubide guztiak erreserbatu nahi badituzu, utzi lehenetsitako aukera (Use the default licence).

Irudiak multzokatu

Argazki-multzo bat gora kargatu ondoren, modu desberdinetan multzokatzeko etiketak erabil ditzakezu: ikasle talde batekin lantzen ari zaren gaiaren arabera, dataren arabera edo argazkiak atera ziren egoeraren arabera, edo agian, leku geografikoaren arabera multzokatuta.

Sakatu Etiketa sortu aukeraren gainean multzo berri bat zehazteko:

Aplikatu botoiaren gainean klik egin, etiketaren ondoan, eta klik egin etiketatu nahi duzun argazki bakoitzaren gainean.

Argazki-multzo hori zure lagun edo ikasleekin partekatzeko, sakatu argazkiaren azpian ageri den etiketaren gainean:

Helbide-barraren lotura kopiatu eta beste erabiltzaile batzuekin partekatzeko aukera izango duzu:

Jarraian, Locr-en aukera osagarriak ikusiko ditugu eta kapsula-lantegi honen lan praktikoarekin jarraituko dugu.

Locr. Aurkezpena

Locr webgune bat da eta bertan, erabiltzaileek euren argazkiak kargatu eta partekatu, geoetiketatze-teknika desberdinen bidez markatu, taldeak sortu eta testuinguruari buruzko informazioa eskura dezakete. Konekta zaitez bere http://es.locr.com/ helbidean gunea arakatzen hasteko.

• Klik egin Mapa botoian argazki publikoak ikusteko:

Mapan bistaratzeko hiru modu ikusiko dituzu:

• Mapa: mapa politikoa.
• Satelitea: planetaren satelite bidezko irudiak.
• Hibridoa: mapa politikoa satelite bidezko irudiei gainjarria.
• Erliebea: mapa fisikoa.
• Lurra: Google Earth aplikazioa (instalatu behar da).

Funtzionalitate nagusiak

Erabili saguaren gurpila edo (1) eta (2)kontrolak bistaratzea hurbildu edo urruntzeko. Puntu zehatz batera hurbildu nahi duzunean, klik bikoitza egin haren gainean. Halaber, mapa arrastatu dezakezu (saguaren ezkerreko botoia sakatuta mantendu eta mugitu), edo geziak (3) erabil ditzakezu mapa bertikalki edo horizontalki mugitzeko. Gezi laukoitzak mapa berriz ere bilaketaren azken emaitzan kokatzen du.

Orratz horiek eskuinean ikusten dituzun argazkiak adierazten dituzte. Sagua haien gainean mugitzen duzunean, argazki-kamera duen ikonodun orratza nabarmentzen da:

Klik egin argazkian eta informazio gehiago izango duzu:

Argazkia tamaina normalean (beste tamaina batzuetan ikusteko ikono bat dutela). Argazkiaren testuinguruaren mapa. Hurbildu edo urrundu zaitezke, eta erliebea, mapa politikoa, satelite bidezko argazkia, etab. ikusi. Sorrera-data, zenbat aldiz bisitatu den, egilearen izena (eta egilearen profilari lotutako esteka bat), argazkia album batekoa baldin bada. Erabiltzaileek emandako kalifikazioa (izar bat kalifikaziorik txikiena da). Geoetiketatzeari buruzko informazioa: zabalera, luzera. Halaber, argazkia atera den lekuari, hiriari, eskualdeari, herrialdeari eta kontinenteari dagozkion etiketak. Argazkia atera den lekuen inguruan Wikipediak emandako informazioa. Inguruko beste hainbat argazki.

Argazki publikoak

Halaber, argazkia atera zuen kameraren inguruko informazioa, zein talderi dagokion, egilearen beste argazki batzuk, etab. eskura ditzakezu.

Argazkiak atalean argazki publikoak irizpide desberdinen arabera antolatuta ikus ditzakezu:

• Argazki berrienak.
• Argazki baloratuenak.
• Ausazko argazkiak.
• Iruzkin gehien dituzten argazkiak.
• Kokapen-daturik gabeko argazkiak.

Soilik zure argazkiak ikus ditzakezu sagua Argazki publikoak loturaren gainean utzi eta Nire argazkiak / Argazki publikoak atalean klik egiten baduzu.

Argazki publikoak album eta taldeen bidez ere ikusteko aukera izango duzu, alegia, argazkiak antolatzeko modu desberdin horien bidez: albumak erabiltzaile baten argazki-multzoak dira eta data, gai edo egoeren arabera multzokatzen ditu; eta taldeetan erabiltzaile desberdinen argazkiak daude. Erabiltzaile horiek gonbidatu daitezke edo taldean sar daitezen eskatu.

Irudiak argitaratu. Etiketak.

Osatu irudiaren deskribapena eta erabaki nortzuk ikus dezaketen: erabiltzaile guztiek (publikoa), zure kontaktuek soilik (lagun gisa edo familia gisa sailkatu dituzun horiek soilik) edo zuk soilik (pribatua).

Argazkia kargatu ondoren, argazkia egin zen leku zehatza idatzi eta klik egin Bilatu botoiaren gainean. Kokapena zuzendu, gurutze gorria kokapen hobeago bat lortu arte mugituz. Bistaratzea hurbildu edo urruntzeko [+] y [-] kontrolak erabil ditzakezu. Klik egin Onartu botoian gurutzearen kokapena egokia denean. Etiketa batzuk idatzi eskuineko laukian eta klik egin geziaren gainean erdiko laukira aldatzeko.

Irudiak argitaratu. Etiketak.

Aukeratu irudi horrekin lotuko dituzunak eta klik egin geziaren gainean ezkerrerantz:

Lehen laukian oraingo irudiari lotutako etiketak daude. Sakatu Onartu botoia irudia zuzen etiketatu ostean.

Argazki berria zure profilean ikusiko da, Argazki berrienak atalean. Linean dauden gainerako erabiltzaileek ere ikusteko aukera izango dute, erabiltzaile guztiek gora kargatutako azken argazkien panelean:

Argazkiak multzokatu albumen bitartez

Nire albumak atalean zure argazkientzako multzoak sor ditzakezu. Doako kontua izanez gero, soilik bost album sor daitezke.

• Sakatu Albuma sortu ikonoaren gainean.

• Idatzi albumaren izena eta deskribapena. Jarraian Albuma sortu lotura sakatu.

• Argazkia aukeratzeko, klik egin ezkerreko goiko muturrean:

Argazkiak multzokatu albumen bitartez

Eta prozedura bera egin ezazu beste irudi batzuekin aukeratzen jarraitzeko.

• Arrastatu irudi-multzoa pantailaren goiko sektorera:

Edo klik egin goranzko gezian:

Albumari erantsitako argazkiak laukian agertuko dira. Atzera aukeraren gainean edo albumaren izenean sakatu albuma ikusteko.

Albuma bistaratzeko, klik egin ondorengo botoietan [1]: Editatu; edukia ikusi eta aldatu. Aurkezpena; album honen argazkien bidez diapositibak ikusi. Ikusi, leku desberdinei lotutako albumeko argazkiekin mapa ikusi.

Helbide-barrako helbidea kopiatu zure harremanekin partekatu ahal izateko.

Argazki berak album eta talde desberdinetan sar ditzakezu.

Argazkiak multzokatu taldeen bitartez

My Groups pantailan zure taldeei buruzko informazioa ageri da. Bertatik hainbat taldetara sartzeko gonbidapenak jasoko dituzu.

• Klik egin Bai edo Ez aukeretan gonbidapen hau baieztatu edo baztertzeko:

Taldeko kide izatea onartzen baduzu, My groups memberships atalean ikusiko duzu (kide naizen taldeak).

• Talde berri bat sortzeko, klik egin Create a new group botoian edo “+” zeinua duen ikonoan:

Argazkiak multzokatu taldeen bitartez

Lehen urratsa talde-mota zehaztea izango da. Ondoren ezingo duzu erabaki hau aldatu, beraz, jarraitu aurretik behar duzuna modu egokian aztertu beharko duzu:

• Talde publikoak:

Public group

• Bertako kide izateko ez da baimenik behar.

• Soilik argazki publikoak sar daitezke.

• Kideen eta argazkien zerrenda erabiltzaile guztiek ikus dezakete.

• Gonbidapena duten talde publikoak:

Public group with invitation

• Bertako kide izateko baimena behar da.

• Soilik argazki publikoak sar daitezke.

• Kideen eta argazkien zerrenda erabiltzaile guztiek ikus dezakete.

• Talde pribatuak:

Private group

• Horiek sortzeko, PRO kontu bat (ordainketa bidezkoa) izan behar da.

• Gainerako erabiltzaileek ezin dituzte kideak eta argazkiak ikusi (argazki publikoak ez dira taldeko parte bezala identifikatzen).

• Idatzi taldearen izena eta deskribapena. Jarraian, Create group hautatu:

Taldearen orria agertuko da.

Argazkiak multzokatu taldeen bitartez

• Argazki batzuk sartzen has zaitezke, Edit botoian klik eginez.

Argazkiak sartzeko metodoa albumen antzekoa da: argazkiak arrastatu, edo aukeratu eta ondoren klik egin goranzko gezian.

• Taldearen orrialdera itzultzeko, taldearen izena edo Atzera lotura sakatu.

Une horretatik aurrera kide berriak gonbidatu ditzakezu. Soilik Locr-en erregistratutako erabiltzaileak gonbidatu ditzakezu. Horretarako:

• Idatzi erabiltzailearen izena. Poliki egin, Locr-ek idatzi duzun katearekin hasten diren erabiltzaileen izenak proposa ditzan. Ondoren, Invite! aukera sakatu

Zerrendako kideak moderatzaile bihurtu edo ezabatu ditzakezu, eskuineko ikonoak erabiliz:

Argazkiak multzokatu taldeen bitartez

Talde bateko administratzaileak moderatzaileen eskubideak erabakiko ditu (Moderators are allowed to):

• Kide berriak gonbidatu.

• Kideak kaleratu.

• Argazkiak eta eztabaidak ezabatu.

• Gaiak premiazko gisa markatu.

Kideen eskubideen inguruan ere erabaki dezake:

• Kideek eztabaidarako gai berriak sor ditzakete (Members are allowed to: Create new topics).

Azkenik, bisitariek taldean izena eman dezaketen definituko du:

• Gonbidatuak taldeko kide izan daitezke (Guests are allowed to: join this group).

Erabiltzaile gonbidatu bakoitzak taldeko kide dela edo ez dela baieztatu beharko du eta aukeren artean, taldea uzteko aukera ere izango du.

Talde bat sortzerakoan, Welcome to my group izeneko eztabaida lehenetsita sortzen da.

Argazkiak multzokatu taldeen bitartez

• Foroa erabiltzen hasteko, klik egin Editatu botoian, ongietorrirako mezua aldatuz.

• Mezuaren gaia zure ongietorri pertsonalizatuaren ordez aldatu:

• Klik egin (Gehiago) loturan mezuaren mamia ikusteko.

• Klik egin berriz ere Edit botoian testua aldatzeko:

• Testu automatikoa zurearen ordez aldatu eta Ok sakatu:

Taldeko kide den beste erabiltzaile batek orrialde hau bisitatzerakoan, ezingo du mezua editatu, baina bai, ordea, erantzun.

• Horretarako, (Gehiago) loturan klik egin beharko du.

• Eta jarraian Erantzun aukera hautatu beharko du:

• Erabiltzaileak soilik mezuaren mamia idatziko du eta bukatzeko Ok botoian klik egingo du.

Oso garrantzitsua da erabiltzaile berriei elkarrizketak publikoak izango direla gogoraraztea.

Taldearen orrialdean sartzen den edozein pertsonak mezuak irakur ditzake eta halaber, eztabaidan parte hartzeko taldeko kide izatea eska dezake:

Hemendik aurrera, Locr eta Panoramioren aukera guztiak praktikatu eta arakatu zure erabilera pertsonalerako, eta zergatik ez?, baita zure ikasleekin irteera edo ibilaldiren bat lantzeko, ibilaldi horretan argazkiak atera eta geoerreferentziak jartzeko aprobetxatzen denean.

Bukatzeko

Kapsula-lantegi honekiko interesa piztu bazaizu eta gehiago jakin nahi baduzu, erreferentzien aukeraketa hau bisitatzea gomendatzen dizugu.

• Panoramioren laguntza (ingelesez)

  • http://www.panoramio.com/help/

• Locr bisita gidatua (ingelesez)

  • http://es.locr.com/learn-more