Zer da Google Sites?

Pertsonalizatu daitekeen interfazea

Google Sites-ek dituen 50 baino gai gehiagoren artean aukeratzea oso azkarra eta erraza da.

Azpiorrialdeak sortzeko erraztasuna

Sortu orrialdea botoian klik eginda, automatikoki orrialde berri bat gehitzen zaio webguneari.

Handituz doan zerrenda batetik orrialde-motak aukeratzea: web-orrialdea, iragarkiak, artxibategia.

Sortu orrialdea atalean nahi dugun orrialde-mota aukeratzeko hainbat txantiloi daude.

Informazio partekatua: eduki multimediak edozein orrialdetan txertatzen ditu (bideoak; Google Docs-eko dokumentuak, kalkulu-orriak eta aurkezpenak; Picasako argazki-aurkezpenak; iGoogle-eko gadgets-ak) eta fitxategi erantsiak kargatzen ditu.

Artxibo bat kargatzea webguneko azpiorrialdeetan aukera hau erabiltzea bezain erraza da.

Webgunea zuk nahi duzun bezain pribatua izan dadin edo alda dadin baimenak konfiguratzea.

Erabiltzaileak posta elektronikoak bidaliz gonbidatu daitezke eta webguneko jabe, laguntzaile edo irakurle gisako rolak eman. Webgunea publiko egiteko aukera ere badago, Baimen aurreratuak atalean.

Google Sites-en bilaketa, Google-eko bilaketa-teknologia erabiliz.

Eta Google Sites zertxobait hobeto ezagutzen duzunez, programazioa ezagutu dezagun.

Kasu praktikoa: ikasturtearen web-orrialdea sortu

Google Sites-en gune bat sortu eta orrialdeekin lan egin

Orain urrats gutxitan web-orrialde bat sortuko dugu, zuk zeuk ikus dezazun oso erraza dela. “Guneaz” hitz egiten dugunean, Interneteko gure espazioaz ari gara eta web-orrialde modukoa izango da. Beraz, gune honetan euren artean lotuta dauden orrialde desberdinak izango dira.

Honako ibilbidea jarraituko dugu:

• Gunea sortzea.

• Orrialde berria eta oinarrizko edizioa sortzea: formatua, estekak sartzea, fitxategiak eta iruzkinak argitaratzea.

Has gaitezen!

Jada Google Sites-en gaude eta gure gunea sortu nahi dugu. Horretarako, Sortu gunea atalean klik egingo dugu.

Irudian zehazten den moduan, gunearen izena (1) eta haren deskribapena (hautazkoa) idazten ditugu. Norekin partekatu nahi dugun (2) zehazten dugu eta aurretik zehaztutako gaia (3) aukeratzen dugu.

Bukatzeko, idatzi kodea eta klik egin Sortu Gunea atalean.

Gunea orrialde nagusian agertuko da.

Kasu praktikoa: ikasturtearen web-orrialdea sortu

Orrialdeak sortu

Zure webgunea osatuko duten orrialdeak sortzeko, klik egin gunearen izenean (ikasgela digitala) eta zoaz Orrialdea sortu botoira.

Gunea sortzearen antzeko menua agertuko da berriz ere, baina orrialde bati buruzkoa izango da. Berriz ere Web-orrialdea txantiloia aukeratu.

Iragarkiak atalak iragarkiak edo argitalpenak blog-moduan zerrendatzeko aukera emango digu. Artxibategia, partekatzeko disko gogor baten moduan dokumentuak karpetetan argitaratu ahal izateko eta Zerrenda, informazio-zerrenden jarraipen erraza egin ahal izateko.

Izen bat emango diogu eta orrialdea sortuko dugu.

Orrialde berria webgunearen nabigazio-menuan agertuko da:

Orain sortu dugun orrialde berria editatuko dugu. Jar zaitez Ikasturtea orrialdean eta klik egin Orrialdea editatu atalean.

Tresna-barra agertuko da eta orrialdeko kutxa nagusiak editatu ahal izango dira. Orrialdean nahi duzuna idatz dezakezu.

Testuaren formatua aldatzeko, aukeratu eta tresna-barraren bidez lan egin, esaterako, beste letra-mota, tamaina edo kolorea aukeratuz.

Horrela, orrialde berriak sortzen dira eta edizioa erraza da. Aldez aurretik webgunearen egitura lantzea eta sortuko diren atalak garbi izatea beharrezkoa da.

Kasu praktikoa: ikasturtearen web-orrialdea sortu

Ekintza gehiago - Gunea administratu

Google Sites-ek gure webgunearekin lan egiteko erabilera interesgarriak eskaintzen dizkigu. Eta administratzaile nagusi gisa, Gunea administratu menuaren egitura ezagutzea ezinbestekoa da.

Horretarako, zoaz Ekintza gehiago goiko menura.

Goitibeherako menu honetan, hainbat aukera daude, esaterako, Orrialdea inprimatu, Orrialdea ezabatu, Txantiloi bezala gorde edo Gunea administratu. Orain, azken honetan jarriko dugu arreta.

Gunearen administrazioak hiru ardatz nagusi ditu: Edukia, Konfigurazioa eta Itxura. Ikus ditzagun blokez bloke.

Lehen atalean, gunearen edukiari dagokion guztia jasotzen da. Azken jarduera atalean egindako azken ekintzak ikus daitezke.

Orrialdeak atalean, gune zehatz hau osatzen duten orrialdeen zerrenda dago.

Fitxategi erantsia atalean, argitaratutako fitxategiak zerrendatzen dira eta atal honetatik kargatzeko aukera ere eskaintzen du.

Eta Orrialdeen txantiloiak atalean txantiloi desberdinak jasotzen dira eta berriak ere sor daitezke.

Kasu praktikoa: gelaren web-orrialdea sortu

Gunearen konfigurazioa

Lehen atalean, Orokorra izenekoan, gunearen izena eta erabiltzen ari den biltegi-gaitasuna zehazten da.

Eta formularioaren bigarren atalean, webgunea ezabatzeko aukera ere badago.

Partekatu atalean erabiltzaileak gure gunera gonbida ditzakegu eta eskuineko taulan sarbidea duten pertsonei jarraipena egin diezaiekegu.

Landu nahi duzun webguneak merkataritza-interesak izanez gero edo enpresa-eremuaren barruan egonez gero, diru-sarrerak lortzea interesgarria da.

Web-helbidea: zure gunearen helbidea guztiz lotuta egongo da “sites.google” domeinuari, baina domeinu bat baldin baduzu, posible da beste helbide bat kudeatzea.

Kasu praktikoa: ikasturtearen web-orrialdea sortu

Gunearen diseinua

Azkenik, Gunearen Itxura atalean gunearen aurkezpenaren gainean lan egingo dugu.

Gunearen diseinua aldatu atalean klik egingo dugu.

Hainbat datu dituen leiho bat ageri da eta markatuta daudenak aurretik zehaztuta bezala utziko ditugu:

Koloreak eta iturriak izeneko menura pasatuko gara.

Atal honetan webgunearen atal desberdinak ageri dira eta egitura hori letra lodiz ageri da: Orrialde osoa, Gunearen goiburua eta Edukiaren eremua, eta Gadgets (edukiarenak, alboko barra eta nabigazio-barra)

Azkenik, Gaiak atalean, Google Sites-eko gaiekin proba egin dezakezu eta horien artean webgunerako egokiena zein iruditzen zaizun ikusi.

Esaterako, Rounders gaia aukeratzen badugu eta Aurrebista sakatzen badugu, itxura guztiz aldatzen dela ikusiko dugu:

Kasu praktikoaren amaiera.

Ariketa: edukia diseinatzen eta gehitzen web-orrialdean

Gure webgunea sortu

• Sar zaitez Google Sites-en sortu duzun kontuaren bidez, edo zure Gmail postaren bidez edo zuzenean Sites-etik (kapsularen aurreko puntuan ikusi dugu).

• Behin sartu ondoren, gune berri bat sortu dagokion botoiaren bidez.

• Gunea sortzeko oinarrizko formularioa bete, izena eta deskribapena idatzi, adierazi ez dela publikoa, idatzi erakutsitako kodea eta Sortu gunea botoia sakatu.

• URLa erabilgarri ez zegoenez, azkenean gure web-helbidea honako hau izango da: http://sites.google.com/site/nuestraweb5

• Behin gunea sortuta, sortu orrialde berriak eta webgunearen egitura landu. Hasteko, Orrialde nagusiaren barruan, Orrialdea editatu botoian klik egin.

• Aukeratu izenburua eta aldatu Aurkezpena izenarengatik. Aldaketak gorde, nahiz eta sistemak zirriborroak sarritan automatikoki gordetzen dituen.

• Orain sortu orrialde berri bat Orrialdea sortu atalean eta egin oinarrizko edizio-prozesu bera.

• Jarraitu urrats horiek egoki deritzozun egitura izan arte eta webgunearen helburuaren arabera. Gure proposamena ikasleekin batera ikasturteko webgunea lantzea da; beraz, ondorengo atalak egon daitezke:

• Nortzuk gara?

• Jarduerak eta ikasturteak

• Argazki-galeria

• Zirkularrak

• Gure irakasleak

• Harremana

• Beraz, Orrialde berri bat sortu eta Gorde gauzatzean datza mekanika, eta modu horretan gure egitura izan arte.

Ariketa: edukia diseinatzen eta gehitzen web-orrialdean

• Orrialde berriak sortzeko orduan, Google Sites-ek orrialdeak ordena alfabetikoan eta orrialde nagusiaren menpe erakutsiko ditu (gure kasuan Aurkezpena). Orrialde bat zuzenean beste baten mende egon dadin, aukeratu “Aukeratu kokapen desberdin batean” aukera hautatu. Adibidez, Harremana orrialdea “Gure irakasleak” atalean markatuko dugu (irudian ageri den bezala).

• Ikus dezakezun bezala, zuhaitza aldatu egin da eta orrialde hau beste baten mendean dago.

• Orain webgunerako baimenak konfiguratuko ditugu. Zoaz Alboko barra editatu atalera.

• Gunearen itxura blokean egongo zara.

Gure webgunearen itxura

Koloreak eta iturriak hautatuz, webgunea nahi bezala diseinatu ahal izango duzu.

• Esaterako, klik egin Pertsonalizatua aukeran eta hautatu ezazu kolore-paneletik nahi duzun kolorea. Aurrebistak nola geratuko den ikusteko aukera ematen du:

• Gogoan izan Gorde botoia sakatzea irten aurretik.

• Gauza bera egin dezakezu iturriarekin Orrialdearen iturria atalean klik eginez. Aukeratu zerrendakoen artean, esaterako, Trebuchet. Eta aurrebistan iturria aldatu egingo da.

• Aurrez zehaztutako gaia aukeratzen baduzu, iturriak eta atzealdeko irudiak gaiari lotutakoak izango dira. Aurrebistak gaiak erakutsiko dizkizu eta gehien interesatzen zaizuna aukeratu ahal izango duzu.

Ariketa: edukia diseinatzen eta gehitzen web-orrialdean

Sartzeko eta parte hartzeko baimenak

• Webgunearen egitura antolatzen bukatzeko, webgunea publiko izan ez dadin konfiguratuko dugu. Horretarako, goiko menuko Gune hau partekatu atalera joan.

• Idatzi webgunea partekatu nahi duzun pertsonen helbideak. Kasu zehatz honetan, ikasleen helbideak idatz ditzakezu (banakakoak edo taldekoak). Klik egin Erabiltzaile hauek gonbidatu botoian.

Ariketaren amaiera.

Galdetegia