Zer da Google Sites?

Aurkezpena

Google Sites doako eta lineako tresna da eta taldeko webgune bat oso erraz sortzeko aukera ematen du. Orrialde honetan testuak edo ikus-elementuak sar daitezke, hala nola, bideoak, aurkezpenak edo fitxategi erantsiak. Google Sites Google-ek sortutako tresnetako bat da eta tresna horiek euren artean lotuta daude; esaterako, Gmail (posta elektronikoa), Picasa (argazki-galeria), Google Docs (dokumentuak linean) eta Google markako beste hainbat zerbitzu. Gainera, Google markako aplikazio gehienen kasuan izan ohi den bezala, orrialde hau pertsona-talde txiki batekin eta ikastetxe osoarekin partekatu eta editatu daiteke edo Interneten murrizketarik gabe argitaratu. http://sites.google.com/site

Sonia Carolinaren argazkia Flickr-en, CC azpian

Eta honako hauek dira Google Sites-en ezaugarri nagusiak:

• Web-orrialdearen interfazea erraz pertsonalizatzeko ahalmena.

• Azpiorrialdeak sortzeko erraztasuna.

• Handituz doan zerrenda batean orrialde-motak aukeratzeko erraztasuna: web-orrialdea, iragarkiak, artxibategia.

• Informazio zentralizatua: eduki multimediak edozein orrialdetan txertatzen ditu (bideoak; Google Docs-eko dokumentuak, kalkulu-orriak eta aurkezpenak, Picasako argazki-aurkezpenak, iGoogle-eko gadgets-ak) eta fitxategi erantsiak kargatzen ditu.

• Webgunea zuk nahi duzun bezain pribatua izan dadin edo alda dadin baimenak konfiguratzea.

• Google Sites-eko edukian bilaketa, Google teknologia erabiliz.

Ezaugarri horiek hobeto ezagutu ditzagun.