Izenburua

Zer egingo dugu?

Kapsula-lantegi honetan Interneten bilaketak egiteko, gehien bisitatzen ditugun orrialdeetara estekak gordetzeko FIREFOX web nabigatzailearen ezaugarrietako batzuk ezagutuko ditugu, eta baita Internet erabiltzeko orduan arinago ibiltzeko erabilgarri izango zaizkigun programaren aplikazioak eta gehigarriak ere.

Microsofteko Internet Explorer eta beste batzuk bezala, FIREFOX nabigatzailea erabili ahal izateko, lehenik eta behin ordenagailuan deskargatu eta instalatu behar da.

Zein urrats emango ditugu?

Aplikazioetako bakoitza ondorengo edukien egituraren baitan aurkeztuko dugu:

Beste kapsula-lantegi batzuetan aplikazio berriak landuko ditugu. Zuentzat erabilgarri izatea espero dugu.

Gaitasun-mapa

IKTko gaitasunak* (ardatzetan sailkatuta) G. Kudeaketa eta garapen profesionala D. Didaktika, pedagogia eta curriculuma C. Hiritartasun digitala	G4. Tutorialak zer diren ulertzea, eta laguntza gisa erabiltzea IKTko edozein baliabide ikasteko. G8. Erraztasunez erabiltzea Interneteko zerbitzuak informazioa bilatzeko. D14. Informazioa eta, batez ere, web-informazioa, bilatu eta aztertzeko estrategiak modelatzen eta sustatzen dituzten ikaskuntza-esperientziak diseinatu, gauzatu eta ebaluatzea.
IKT edukiak	Firefox instalatzea eta desinstalatzea. Web-orritik nabigatzea Firefoxen bidez, leihoak edo fitxak erabiliz. Laster-markak erabiltzea, historiala. Hitzak web-orri batean bilatzea. Web-orriak kopiatzea, gordetzea eta inprimatzea. Osagarriak erabiltzea Firefoxen: bilatzea eta instalatzea. Nabigatzailea kontrolatzea teklatua erabiliz.
Gutxieneko ezagutzak	Oinarrizko kontzeptuak tresna informatikoei eta sistema eragileari buruz. Interneterako konexioa
Autoebaluaziorako irizpideak	Firefox nabigatzailea behar bezala deskargatzea eta instalatzea. Helbide jakin bat duen web-orri batean sartzea eta laster-marka egitea. Web-orri bateko testu bat kopiatzea. Osagarri bat bilatzea eta deskargatzea.

* IKT gaitasunei buruzko “Eskola 2.0” proposamenan sartutako elementuak, Lehen Hezkuntzako 5. mailako ikasleentzat. “IKTko gaitasun-mapak izeneko erantsitako materialetatik hartuak.

Deskripzioa eta futzionalitate nagusiak

FIREFOX Mozilla fundazioaren ekimenetako bat da. Mozilla komunitate global bat da eta teknologiaren botereak pertsonen bizitza aberasten duela sinesten du. Jendearen onerako erakunde bat da eta mundu osoko pertsonek Internet erabiltzeko modua hobetzeko lan egiten du. Mozillak garatzen dituen aplikazioak software librea dira (open source software), Internet baliabide publikoa dela eta aske eta publiko guztiari zabalik egon behar dela dira bere oinarriak. FIREFOX nabigatzaileak bezala egituratu eta aplikazioak sortzeko helburua lortzeko, Mozillak milaka boluntario ditu mundu osoan eta aplikazioa garatzeko eta etengabe hobetzeko laguntza ematen dute. Ahalegin horiek guztiak Mozilla korporazioko langile-kopuru txiki batek koordinatzen ditu.

http://www.mozilla-europe.org/es/firefox/

Internet Exploreren atzetik, FIREFOX Interneten gehien erabiltzen diren arakatzaileen artean bigarrena da. % 24,43ko erabiltzaile-kuota du (2010eko urtarrileko datua) eta etengabe hazten ari da. Egun, zuzenean sistema eragile zehatz bati lotuta ez dauden arakatzaileen artean lehena da.

FIREFORX instalatu eta zuzen funtziona dezan, honakoa behar da PCa konfiguratzeko: Konfigurazioa

Deskarga eta instalazioa / Web lokalizazioa

FIREFOX erabili ahal izateko, beharrezkoa da programa ordenagailuan deskargatu eta instalatzea. Bere web-orrialdean sartuz egin dezakezu http://ww.mozilla-europe.org/es/firefox / eta Doako deskarga dioen botoi berdea aukeratu.

Firefox Windows-en instalatu

FIREFOX-eko deskargen orrialdera sartu zure egungo Interneteko nabigatzailearen bidez. Orrialde honek, zure sistemaren ezaugarrien arabera, automatikoki FIREFOX-en bertsio onena gomendatuko dizu.

FIREFOX-en instalatzailea deskargatzeko botoian klik egin ondoren, segurtasun-oharra adierazten duen leihoa agertuko da. Fitxategia exekutatzeko, klik egin Exekutatu botoian. Komeni da erabiltzen ari zaren gainerako programak ixtea.

Zure egungo nabigatzailearen konfigurazioaren arabera, beste leiho bat ager daiteke segurtasun-ohar berri batekin. Aurrera egiteko, klik egin Exekutatu botoiaren gainean.

Windows Vista edo Windows 7 programen kasuan, Erabiltzailearen Kontuen Kontrolatzailea izeneko leihoa ager daiteke, instalazioa exekutatzeko baimena eskatuz. Klik egin Bai botoiaren gainean.

Ondoren ongi etorria emateko leihoa agertuko da, eta bertan, instalazioarekin jarraitzeko Hurrengoa botoia sakatu behar dugu.

Hemendik instalazioaren aukeraketa-pantailara iritsiko gara. Estandarra aurrez aukeratuta egongo da; FIREFOX-eko erabiltzaile gehienek erabiltzen duten konfigurazioa instalatuko da. Klik egin Hurrengoa botoian.

Deskarga eta instalazioa / Web lokalizazioa

Posta elektronikoaren aplikazioaren barruan esteka bat, Interneteko lotura bat edo HTML dokumentu bat irekitzean FIREFOX erabiltzeko, aukeratu Firefox nire lehenetsitako nabigatzaile gisa erabili eta klik egin Instalatu botoian.

Instalazioa amaitzerakoan, Firefox orain exekutatu dioen aurrez hautatutako aukerarekin leiho bat agertuko da. Instalazioaren laguntza ixteko, klik egin Amaitu botoian.

Jarraian, FIREFOX-ek aukerak, markatzaileak, historia, pasahitzak eta gure aurreko nabigatzailearen bestelako datuak inportatzeko aukera emango digun leihoa erakutsiko digu (berez aurrez aukeratuta egongo da). Ondoren, hasierako orria inportatzeko edo Firefox Start ezartzeko (berez aurrez aukeratuta egongo da) beste leiho bat agertuko da.

Instalazioa amaitu aurretik Firefox orain exekutatu aukera aukeratuta uzten badugu, nabigatzailea berehala irekiko da, nabigatzailearen irudia pertsonalizatzera gonbidatzen gaituen leiho baten bidez.

Firefox-kin lanean hasi

Internet Exploreretik FIREFOX-era aldatzea

Windows sistema eragilea duten Interneteko erabiltzaile gehienek nabigatzaile gisa lehenetsita Internet Explorer erabiltzen dute, Windows aplikazioen paketean datorrena baita. Internet Exploreren funtzionalitate asko ditu FIREFOX-ek, nahiz eta horiek izen desberdinak izan. Beraz, nabigatzailea erabiltzeko adibideekin hasi aurretik, erabilitako terminologian aldaketa horietako batzuk adieraziko ditugu.

Internet Exploreren erabiltzaileentzako terminologiaren desberdintasunak eta konfigurazioaren doiketa:

INTERNET EXPLORER	FIREFOX
Interneteko aukerak	Aukerak
Interneteko aldi baterako fitxategiak	Cachea
Gogokoak	Markatzaileak
Helbide-barra	Helbide-barra
Eguneratu	Birkargatu
Gogokoak	Markatzaile-barra
Kopiatu lasterbidea	Lotura-bidea kopiatu
Gorde helburua honela	Gorde lotura honela

Informazioa inportatu Firefox erabiltzen hasi ondoren

FIREFOX lehen aldiz abiatzerakoan Internet Exploreretik informazioa inportatzea aukeratu ez baldin bada, geroago ere egin daiteke. Honela:

Fitxategia menua ireki eta Inportatu botoian klik egiterakoan, leiho bat irekiko da, eta bertan, Internet Exploreretik inportatu nahi dugun informazioa aukeratu ahal izango dugu. Berez dena aurrez aukeratuta egongo da. Guztia inportatu nahi ez badugu, nahi ez den aukera kendu egin behar da.

Erabilera adibideak

Ikusi nahi dugun orrialdearen URLa ezagutzen ez badugu, Google-en bidez bilatu dezakegu FIREFOX-en hasierako orritik. Aurreko adibidearekin jarraituz, idatz dezagun bilaketa-leihoan futbol selekzioa esaldia, ondoren teklatuan intro

tekla sakatu edo klik egin Google-en bilatu, gure bilaketaren emaitzak eskuratu ahal izateko.

Gure bilaketari (futbol selekzioa) buruzko informazioa duten web-orriak erakutsiko ditu Google-ek. Kasu honetan, hurrengo irudian ikus daitekeen bezala, bilatzen dugun orrialdea (http://www.rfef.es/ ) emaitzen bigarren tokian dago. Esan beharra dago orri zehatz bat bilatzeko erabiltzen ditugun hitzak gero eta zehatzagoak izan, gero eta aukera gehiago izango ditugula bilaketaren lehen emaitzetan arrakastaz aurkitzeko.

Halaber, bilaketaren hitzak edo esaldiak zuzenean idatz ditzakegu bilaketa-barran.

Bilaketa-barran bilatzen ditugun hitzak idazteko orduan, FIREFOX Google bilaketa-motorrarekin lan egiteko lehenetsita dago. Hori edozein unetan alda daiteke, pantailaren goiko aldean eskuinean bilaketa-motorraren ikonoan klik eginez. Menu bat agertuko da eta bertan bilaketarako eskuragarri dauden aukeren artean hautatu ahal izango dugu, edo aukera gehiago ikus ditzakegu Bilaketa-motorrak administratu… botoian klik eginez eta Bilaketa-motor gehiago eskuratu… atalean sartuz. Horrela, FIREFOX-en gehigarrien orrialdeetara joango gara. Gida honetan bertan aurrerago xehetasun gehiagorekin azalduko ditugu horiek.

Erabilera adibideak

Web-orri baten barruan hitzak bilatzea

Web-orriaren barruan testu bat eskuratzeko, Ctrl+F tekleatu edo Editatu fitxaren goitibeherako menuan Bilatu aukeratu, pantailaren behealdean bilaketa tresna-barra irekitzeko.

Bilatzen dugun hitza Bilatu leihatilan idatzi orduko hasiko da bilaketa. Emaitzan kurtsorearen kokapenetik hurbiltzen dagoen hitza nabarmenduta agertuko da (maiuskulak/minuskulak bat etorri gabe). Gainera, tresna-barra honek ondorengo 4 aukerak eskaintzen ditu:

	Kurtsorea baino aurrerago kokatzen den bilatutako hurrengo hitza nabarmentzen du.
	Kurtsorea baino lehenago dagoen bilatutako hitza nabarmentzen du.
	Web-orriko bilatutako hitz guztiak nabarmentzen ditu.
	Aukera hau hautatuz, idatzitako maiuskula eta minuskulei dagokienez soilik bilatutako hitzarekin zehatz-mehatz bat etortzen diren hitzak nabarmentzen dira.

Bisitatutako web-orrian dauden hitzak edo esaldiak Interneten bilatzea

Nabarmendutako testua bilatzeko aukerari eman ondoren, gure kasuan Santiago, fitxa berri bat irekiko da bilaketaren emaitzekin. Fitxa hori aukeratu beharko dugu bilaketa-motorrak aukeratutako orrialdeak ikusteko. Horrela, ikertzen ari garen gaiaren inguruko informazioa zabaltzeko aukera izango dugu. Hurrengo irudian gure adibidearen bilaketaren emaitzak ikus daitezke.

Erabilera adibideak

Nola kopiatu, gorde eta inprimatu web-orrialdeak?

Orrialde bateko testua kopiatzeko, saguarekin kopiatu beharreko testua aukeratu behar da, Editatu menua ireki eta klik egin Kopiatu botoian. Ondoren, informazioa kopiatu nahi den programa ireki behar da eta berriz ere Editatu menuan, itsatsi aukera hautatu. Saguaren eskuineko botoian klik eginez ere kopiatu eta itsatsi daiteke, behin kopiatu beharreko testua hautatuta.

Irudi bat, lotura bat (link) edo irudia+lotura kopiatu nahi badugu, kurtsorea lotura edo irudiaren gainean kokatu behar dugu. Ondoren, saguaren eskuineko botoian klik egin behar dugu eskuragarri dauden aukera anitzen menua zabaltzeko. Soilik irudia, lotura edo biak kopiatu, gorde, lotura leiho berri batean zabaldu edo zuzenean posta elektronikoaren bidez Lotura bidali botoian klik eginez bidaltzeko aukera izango dugu.

Web-orri oso bat gorde

Web-orri oso bat gordetzeko, Fitxategia fitxaren goitibeherako menuan Gorde honela… aukera hautatu. Leiho bat irekiko da eta orrialdea non gorde, zein izenarekin gorde eta orri horretan gorde nahi dugun informazioaren formatua aukeratu ahal izango dugu. Informazioaren formatua edo Mota aukeren artean, ondorengo aukerak izango ditugu:

• Web-orria, osoa irudiak barne web-orri osoa gordetzeko. Horri esker, ondoren irudiekin batera jatorrizkoa bezala ikusteko aukera izango dugu, baina HTML loturen egitura izan gabe.

• Web-orria, HTMLa soilik, jatorrizko web-orria gordeko du baina irudirik gabe. Formatu honek HTML loturen egitura mantentzen du.

• Testu-fitxategiak, jatorrizko web-orria testu-fitxategi bezala gordetzen du. Ez du loturen egitura mantentzen, baina edozein testu-editoretan ikusteko bertsioa eskuratzeko aukera ematen du.

• Fitxategi guztiak, web-orria bere ezaugarri guztiekin gordetzen du.

Azkenik, izena, kokapena eta fitxategi-mota aukeratu ondoren, klik egin Gorde botoian.

Erabilera adibideak

FIREFOX-en fitxetan nabigatzea

Fitxa berri bat sortzeko hiru modu daude. Fitxategia fitxan klik egin eta Fitxa berria aukeratu egin daiteke, fitxa-barraren espazio huts batean klik bikoitza egin daiteke edo soilik irekitako azken fitxaren eskuinaldean dagoen

botoian zuzenean klik egin daiteke. Aurreko aukeren bidez, fitxa berri zuri bat irekiko da (izenbururik gabe).

Fitxa berri batean lotura bat kargatzeko, aukeratu lotura, arrastatu eta fitxa horretan utzi. Baita ere, saguaren eskuineko botoiaren bidez loturaren gainean klik egin daiteke eta goitibeherako menuan agertuko den Fitxa berrian lotura ireki aukera hautatu.

Fitxak ireki diren ordenaren arabera agertzen dira. Hori aldatu nahi izanez gero, fitxaren gainean klik egin eta saguaren botoia askatu gabe nahi den lekuraino arrastatu behar da. Gezi txiki bat agertuko da, saguaren botoia askatzerakoan fitxak izango duen azken kokapena adieraziko duena.

Uneko fitxa ixteko, klik egin Fitxa itxi

botoian, edo nabigatzailearen Fitxategia fitxan klik egin eta goitibeherako menuan Fitxa itxi aukera hautatu. Uneko fitxaren eskuineko botoian klik eginez eta goitibeherako menuan Gainerako fitxak itxi aukera hautatuz fitxa guztiak itxi daitezke, unekoa salbu.

Hasierako orri gisa web-orri bakar bat erabili beharrean, fitxa bat baino gehiago erabil daitezke. Hori egiteko, leiho berdinean fitxa desberdinak ireki behar ditugu gure hasierako orrian izan nahi ditugun webguneekin. Hori egin ondoren, klik egin Tresnak fitxan, Aukerak hautatu, klik egin Uneko orrialdeak erabili botoian eta ondoren, Onartu botoia sakatu.

Historia fitxaren menuan orain dela gutxi itxitako fitxak berreskura daitezke.

Firefoxen gehigarriak

Gehigarriak mundu guztiko boluntarioek garatutako software aplikazio txikiak dira eta horiek FIREFOX-i hainbat funtzionalitate gehitzen dizkiote, erabiltzailearen behar eta gustuen arabera nabigatzailea pertsonalizatzeko aukera emanez. Gehigarriak hiru taldetan banatzen dira:

• Luzapenek

  
  funtzionalitate berriak gehitzen dizkiote nabigatzaileari edo daudenak nolabait aldatzen dituzte. Publizitatea blokeatzeko, web-orrietatik bideoak modu eraginkorragoan deskargatzeko, beste nabigatzaile batzuen ezaugarriak txertatzeko eta Twiter bezalako webguneekiko interakzioa hobetzeko eta beste hainbat gauzetarako luzapenak eskuragarri daude.

• Gaiek

  
  FIREFOX-en itxura aldatzen dute. Gai batzuk soilik tresna-barren atzealdeko kolorea aldatzen dute; beste batzuk nabigatzailearen itxura osoa alda dezakete.

• Pluginak

  
  Interneteko edukiez baliatzen dira, FIREFOX horietarako diseinatua ez dagoen kasuetan. Eduki horiek patentatutako bideo- eta audio-formatuak, lineako jokoak, aurkezpenak eta bestelakoak izan daitezke. Pluginak beste enpresa batzuek garatzen dituzte.

Egun instalatuta dauden gehigarriak ikusteko, Tresnak menura sartu eta Gehigarriak aukeratu. Klik egin gehigarri mota bakoitzari dagozkion botoietan.

Bestalde, leiho honen bidez gehigarri askoz ere gehiago deskargatzeko aukera dugu. Gehigarriak eskuratu

botoian klik egin ondoren, gomendatutako batzuk agertuko dira. Gehigarri gehiago ikusi nahi baditugu, Gehigarri guztiak aztertu aukeratu beharko dugu, ondorengo leihoa ireki dadin:

Aurretik aipatu bezala, FIREFOX-en gehigarrien orriak gehigarri kopuru handia eskuratzeko aukera ematen digu, nabigatzailea gure beharretara egokitu eta Interneten nabigatzea eraginkorragoa izan dadin. Gehigarri horiek kategoriaka sailkatuta daude, gure beharren arabera egokiena dena bilatzeko lana errazte aldera.

Deskargatu nahi dugun gehigarriaren izenaren zati bat edo izen osoa jakinez gero, gehigarrien leihoko bilaketa-barratik zuzenean egin dezakegu bilaketa.

Firefoxen gehigarria bilatu eta instalatu

Gehigarriaren izenaren azken bi hitzak erabiliz bilaketa egingo dugu (izen osoa jakingo ez bagenu bezala). Gehigarrien leihoko bilaketa-barran one sidebar idazten badugu, ondorengo leihoa agertuko da:

Bilatzen dugun gehigarria bilaketaren emaitzen bigarren lekuan dago. Instalatzeko,

botoian klik egin. Gehigarriak garatzeko orduan, software horiek sortzeak adierazten duen ahalegina konpentsatzeko, laguntza boluntarioa eskatzen da. Hala ere, gehigarriak deskargatzea doakoa da.

Firefox-era gehitu botoian klik egin ondoren, segurtasun-oharra duen leihoa agertuko da. Instalazioarekin jarraitzeko, klik egin orain instalatu botoian. Instalazioa bukatu ondoren, goiko aldean berrabiarazteko leihatila agertuko da; klik egin Firefox berrabiarazi botoian zure gehigarriaren funtzionalitateez gozatu ahal izateko.

Jarraian, jatorrizko instalazioaren itxura duen FIREFOX-en pantaila erakutsiko dugu. Ondoren, beste bat agertuko da eta All-in-One Sidebar-ez gain, nabigatzaileari gaien gehigarri bat

gehitu diogu itxura aldatzeko.

Lehen pantailan (gehigarririk gabe), alboko panelak eskaintzen dituen aukera bakarrak Markatzaileak edo Historia ikustea dela ikus dezakegu. Bigarren pantailan, berriz, nabigatzailearen aurkezpenaren itxura aldatzeaz gain, alboko panelean goitibeherako menu askoz ere zabalago bat ikus dezakegu gehitutako gehigarriaren funtzionalitate guztiekin.

Argibide gehiago

Aplikazioaren kontrolak

Ondorengo tekla-konbinazioen bidez, FIREFOX nabigatzailea teklatua erabiliz kontrola daiteke:

3.0:

Nabigazioa

Komandoa	Windows Tekla-konbinazioa
Aurrekoa	AltOpt+Ezkerreko gezia AtzeraAltOpt+Ezkerreko gezia CtrlCmd+[CtrlCmd+[ CtrlCmd+Ezkerreko gezia Supr
Hurrengoa	AltOpt+eskuineko gezia Maiuskulak+AtzeraAltOpt+Eskuineko gezia CtrlCmd+]CtrlCmd+] CtrlCmd+Eskuineko gezia Maiuskulak+Supr
Hasi	AltOpt+Hasi
Fitxategia ireki	CtrlCmd+O
Birkargatu	F5 CtrlCmd+R
Birkargatu (cachea ezeztatu)	CtrlCmd+F5 CtrlCmd+Maiuskulak+R
Gelditu	CtrlCmd+. Esc

Uneko orrialdea

Komandoa	Windows Tekla-konbinazioa
Orrialdearen amaierara joan	Amaiera
Orrialdearen hasierara joan	Hasiera
Hurrengo markora pasatu	F6
Aurreko markora pasatu	Maiuskulak+F6
Orriaren informazioa	CtrlCmd+I
Orriaren iturri-kodea	CtrlCmd+U
Inprimatu	CtrlCmd+P
Gorde orria honela	CtrlCmd+S
Testuaren tamaina txikitu, Txikitu	CtrlCmd+-
Testuaren tamaina handitu, Handitu	CtrlCmd++
Testuaren tamaina leheneratu Zooma leheneratu	CtrlCmd+0

 

Edizioa

Komandoa	Windows Tekla-konbinazioa
Kopiatu	CtrlCmd+C
Ebaki	CtrlCmd+X
Ezabatu	Supr
Itsatsi	CtrlCmd+V
Berregin	CtrlCmd+YCtrlCmd+Maiuskulak+Z
Hautatu dena	CtrlCmd+A
Desegin	CtrlCmd+Z

 

Bilaketa

Komandoa	Windows Tekla-konbinazioa
Bilatu	CtrlCmd+F
Bilaketa errepikatu	F3 CtrlCmd+G
Loturak bilatu idazten den bitartean	'
Testua bilatu idazten den bitartean	/
Aurrekoa bilatu	Maiuskulak+F3
Webgunean bilatu	CtrlCmd+K CtrlCmd+E CtrlCmd+J

 

Leihoak eta fitxak (ikus Fitxen bidez nabigatu)

Komandoa	Windows Tekla-konbinazioa
Fitxa itxi	CtrlCmd+W Ctrl+F4
Leihoa itxi	CtrlCmd+Maiuskulak+W AltOpt+F4
Fitxa ezkerrera mugitu (fitxak puntua duenean)	CtrlCmd+Ezkerreko gezia CtrlCmd+Goiko gezia
Fitxa eskuinera mugitu (fitxak puntua duenean)	CtrlCmd+Eskuineko gezia CtrlCmd+Beheko gezia
Fitxa hasierara mugitu (fitxak puntua duenean)	CtrlCmd+Hasi
Fitxa bukaerara mugitu (fitxak puntua duenean)	CtrlCmd+Fin
Fitxa berria	CtrlCmd+T
Leiho berria	CtrlCmd+N
Hurrengo fitxa	Ctrl+Fitxa CtrlCmd+AltOpt+Eskuineko gezia Cmd+} Ctrl+Beheko orria
Fitxa berrian helbidea ireki	AltOpt+EnterReturn
Aurreko fitxa	Ctrl+Maiuskulak+Tab CtrlCmd+AltOpt+Ezkerreko gezia Ctrl+Re Orrialdea
Itxi berri den fitxa berreskuratu	CtrlCmd+Maiuskulak+T
Fitxa hautatu (1etik 8ra)	CtrlCmdAltOpt+(1etik 8ra)
Azken fitxa hautatu	CtrlCmdAltOpt+9

Tresnak

Komandoa	Windows Tekla-konbinazioa
Fitxa guztiak markatzaileei gehitu	CtrlCmd+Maiuskulak+D
Orri hau markatzaileei gehitu	CtrlCmd+D
Markatzaileak	CtrlCmd+B CtrlCmd+I
Kurtsorearen modua	F7
Deskargak	CtrlCmd+JCtrlCmd+Y
Historia	CtrlCmd+HCtrlCmd+Maiuskulak+H
Informazio pribatua garbitu	CtrlCmd+Maiuskulak+Supr

Denetatik

Komandoa	Windows Tekla-konbinazioa
Helbidea .com osatu	CtrlCmd+EnterReturn
Helbidea .net osatu	Maiuskulak+EnterReturn
Helbidea .org osatu	CtrlCmd+Maiuskulak+EnterReturn
Ezabatu hautatutako automatikoki osatutako sarrera	SuprMaiuskulak+Supr
Pantaila osoa	F11
Helbide-barra hautatu	AltOpt+D F6 CtrlCmd+L
Bilaketa-motorrak hautatu eta administratu (bilaketa-barrak puntua duenean)	AltOpt+Goiko gezia AltOpt+Beheko gezia F4

Argibide gehiago

Firefox desinstalatu

FIREFOX desinstalatzeko, sar zaitez ordenagailuaren kontrol-panelean zure mahaigainetik, Hasi - Kontrol-panela , botoian klik eginez. Ondoren, duzun Windows bertsioaren arabera, Programak gehitu edo kendu edo programak (programa bat desinstalatu) aukeratu. Windowsek leiho bat irekiko du ordenagailuan instalatutako programa guztien zerrendarekin. Hautatu Mozilla Firefox eta klik egin Kendu edo Desinstalatu botoian.

Datu pertsonalak eta Firefox-en lehentasunak Ezabatu aukera duen leihoa agertuko da. Aukera hori markatu gabe lehenetsia dago eta horrek esan nahi du informazio hori ordenagailuan geratuko dela, berriz ere FIREFOX instalatuz gero berrerabiltzeko. Informazio guztia ezabatu nahi izanez gero, aukera hori markatu behar da eta klik egin Desinstalatu botoian. Mozilla Firefox-en Desinstalazio laguntzailearen leiho berri bat agertuko da.

Programa desinstalatzen hasteko Hurrengoa botoian klik egiterakoan, leiho berri bat agertuko da desinstalazioaren bilakaera erakutsiz. Bukaeran, Amaitu botoia duen leiho bat ikusiko dugu. Desinstalazioa bukatzeko, haren gainean klik egin behar da.

Firefoxen IKT hiztegia

• HTML: HyperText Markup Language-n (Hipertestua Markatzeko Lengoaia) siglak dira. Web-orrialdeak eraikitzeko markatzeko lengoai nagusia da. Egitura eta edukia testu moduan deskribatzeko eta testua irudiak bezalako objektuekin osatzeko erabiltzen da.

• Markatzaileak: Gure ordenagailuan edo beste batean informazioa antolatu eta sailkatzeko eta informazio hori berehala eskuratzeko gorde ditzakegun loturak dira.

• Web nabigatzailea: Web-orri baten informazioa ikustea ahalbidetzen duen softwarea da eta tokiko zerbitzari batean edo Interneten dago ( W orld W ide W eb). Nabigatzaileak web-orri baten HTML kodea interpretatzen du eta erabiltzeari bere edukiaren bidez elkarri eragiteko aukera ematen dio.

• Pluginak: bata besteari lotuta funtzionatzen duten eta programaren funtzionalitateak osatzea ahalbidetzen duten aukerako programak dira.

• Softwarea: Ordenagailu digital baten ekipamendu logikoa edo euskarri logikoa da, eta lan berezi bat egiteko behar diren osagai logikoen multzoa osatzen du.