Tux Paint: Lehen Urratsak

Programa deskargatu eta instalatzea

• Sistemak segurtasun-oharpen bat erakusten badizu ere, onartu instalazioarekin jarraitzea.

• Hautatu hizkuntza bat instalaziorako:

• Jarraitu instalazio-morroiaren argibideei:

• Onartu lizentzia-akordioa, jarraitu ahal izateko:

• Segi berezko aukerak onartzen, pantaila bakoitzean Siguiente (hurrengoa) sakatuta. Tux Paint instalatu eta gero, jarraian, Tux Paint Stampserako gomazko aparteko zigiluen instalatzailea exekutatu ahal izango duzu. Mozilla Firefoxen deskarga-leihoa ikusten ez baduzu, sakatu CTRL+J nabigatzailearen pantailan.

Tux Paint Config: Programa gure beharretara moldatuz

Tux Paint Config

Tux Paint instalatzen amaitzean, Tux Paint Config exekutatuko da. Automatikoki exekutatu ez bada, ireki tresna instalatu deneko programa multzoa eta hautatu konfigurazio-utilitatea.

Goialdean fitxa multzo bat duen pantaila agertuko zaizu. Video / Sound (bideoa/soinua) fitxaren konfigurazioan, programak pantaila osoa har dezan (Full Screen) aukeratu ahal izango duzu. Hori bereziki erabilgarria da oso haur txikientzat, oraindik ez dutelako sagua menderatzen eta programaren leihotik kanpo klik egin ohi dutelako; bai eta gainerako talde eta mailetako ikasleentzat ere, pantailako lana errazten baitu.

Window Size ataleko menu zabalgarriak erabilita, pantailaren tamaina zehazki ezar dezakezu:

Mouse / Keyboard (sagua/teklatua) fitxan aukera izango duzu, adibidez, saguaren gurpila aktibatu edo desaktiba dadin ezartzeko (Mouse Wheel Support) edota, klik egitean, eskuineko, ezkerreko eta erdiko botoien artean ez bereizteko (No Button Distinction).

Simplification (sinplifikazioa) fitxan, aukera hauek dituzu: formen biraketa desaktibatzea (Disable Shape Rotation), zigiluetan laukizuzen bat besterik ez erakustea (Simple Stamp Outlines) –ekipo moteletarako erabilgarria–, testua letra larriz soilik erakustea (Show Uppercase Text Only) eta kontrol batzuk desaktibatzea (Control Simplification).

Azkenik, joan Languages (hizkuntzak) aukerara eta konfiguratu interfazearen hizkuntza.

Konfigurazioa amaitzen duzunean, egin klik Quit botoian.

Tux Paint-ekin marrazki bat sortzen

Tux Paint-ekin marrazki bat sortzen

Tux Painten pantailak ondo mugatutako lau eremu eta laguntza-aukera ere biltzen ditu: Tresnak, ezkerraldean. Uneko tresnaren aukerak, eskuinaldean. Marrazkia egingo duguneko mihisea, erdialdean. Koloreak, trazuaren kolorea hautatzeko, tresnak aukera ematen duenean. Tuxen laguntza-eremua, pantailaren azpian. Bertan, maskota politak aholkuak emango dizkigu egiten ari garen ekintzarako.

Hasteko, egin klik Marraztu tresnan, eta hautatu pintzel-mota eta kolore bat. Eutsi zapalduta saguaren ezkerreko botoi eta arrastatu erakuslea mihisetik emaitza ikusteko:

Erabili Desegin botoia trazua ezabatzeko, edo hautatu Ezabagailua borratzeko. Ezabagailuaren tresnan klik eginez gero, eskuinaldean hainbat aukera ikusiko dituzu Ezabagailuaren formarako. Egin klik mihisean eta eutsi zapalduta saguaren ezkerreko botoiari lehendik marraztu duzuna borratzeko. Zati bat ezabatu eta gero atzera egin nahi baduzu, Desegin botoia behin eta berriz erabil dezakezu ezabatutakoa berreskuratzeko. Era berean, Berregin botoian klik egin dezakezu desegin dituzun aukerak atzera ekartzeko.

Beheranzko gezian klik eginda, pintzeletarako aukera gehiago ikusiko dituzu:

Tux Paint-ekin marrazki bat sortzen

Erabili Zigiluak tresna, aurrez diseinatutako irudi bat zure marrazkian txertatzeko. Zigiluen zerrenda azpian, zigilua itsatsi aurretik hautatu beharreko zenbait aukera topatuko dituzu: Gezi bertikala: eskuratu egungo bilduman dauden zigilu gehiago. Gezi horizontalak: beste zigilu-multzo batzuetara joan. Uneko zigilua horizontalki edo bertikalki alderantzikatu (ispilu-aukera). Zigiluaren tamaina aldatu.

Tresna bakoitza erabiltzean, Tuxen laguntza lortu ahal izango duzu pantailaren azpialdean.

Tux Paint-ekin marrazki bat sortzen

Aurrez diseinatutako irudiak

Tux Paintek aurrez diseinatutako hainbat irudi eskaintzen ditu horiek koloreztatzeko edo irudi-testua eransteko.

• Sakatu Berria botoia eta egin klik beheranzko gezian txantiloiak ikusteko. Jarraian, hautatu Ireki botoia:

• Itxitako irudi batzuk koloreztatzeko, Bete tresna erabil dezakezu, Magia aukeraren barruan.

Tux Paint-ekin marrazki bat sortzent

Fitxategiekin lan egitea

Erabilera errazteko, Tux Paintek ez du galdetuko fitxategiak non gorde, karpeta lehenetsi batean kokatzen baititu. Hortaz, Gorde botoian klik egiten duzunean, programak lantzen ari den irudia gorde besterik ez du egiten. Erabili Ireki botoia aurreko lanak berreskuratzeko edo hautatzen dituzun irudiak erabilita diapositiba-emanaldi bat ikusteko. Horretarako, sakatu Filminak botoia eta zein hurrenkeran emango diren zehaztu, irudi bakoitzean klik eginda. Fitxategiak ezabatzeko Ezabatu botoia ere erabil dezakezu.

Fitxategiak gordetzeko karpeta lehenetsia aldatu behar baduzu Tux Paint Config aplikazioa erabili beharko duzu (Saving fitxa, Use alternate save directory aukera).
Bertan, Apply botoian klik egin, aldaketak aplikatzeko, edo Defaults sakatu, aukera lehenetsietara itzultzeko.

Argazkiak Gimp bidez editatzea

The Gimp: Lehen urratsak

Adibidez, jabari publikoko erabilera-lizentzia duen tximeleta-argazki hau erabil dezakegu: http://commons.wikimedia.org/wiki/File:Mariposa_023.jpg

• Deskargatu fitxategia, edo objekturen bat bereizi nahi duzuneko edozein argazki aukeratu. Fitxategi hori deskargatzeko, egin klik saguaren eskuineko botoiarekin irudiaren gainean eta hautatu Gorde irudia honela aukera.

• Abiarazi Gimp. Baliteke lehen sentsazioa arraroa izatea, programa gehienak ez bezala, Gimp ez baita leiho bakarrean irekitzen, gutxienez bi leihotan irekitzen baita: Lanerako leihoa, editatzen ari garen irudia ikusteko gunea batetik, eta tresna-kutxa, bestetik.

Lanean ari zarenean, leiho horien tamaina eta lekua aldatu ahal izango dituzu zure beharren arabera.

• Erabili Fitxategia menuko Ireki aukera, argazkia editatzen hasteko.

Ezkerraldean, fitxategia dagoen karpeta hautatu beharko duzu. Gimpek erdialdean karpetaren edukia erakutsiko dizu (karpeta edo fitxategi gehiago). Irudi bakoitzean klik egitean, eskuinaldean haren miniatura ikusiko duzu:

• Egin klik bikoitza fitxategiaren gainean, edota klik bakarra fitxategiaren gainean eta beste bat Ireki botoiaren gainean.

Lehenik eta behin, fitxategia Gimpen jatorrizko formatuan gordeko dugu (xcf luzapenaz identifikatzen da). Izan ere, formatu horrek besterik ez du fitxategiaren inguruko informazio osoa gordetzen. Edizioa amaitzen dugunean, emango diogun erabilerarako egokiagoa izango den formaturen batera esportatuko dugu. Sakatu Fitxategia / Gorde honela eta ezabatu fitxategiaren jatorrizko luzapena (.jpg). .jpg Gordetzean, Gimpek automatikoki osatuko du fitxategiaren izena .xcf luzapenarekin. Hori egiaztatzeko, erreparatu izenburu-barrari:

Argazkiak Gimp bidez editatzea

Tximeleta moztuko dugu hondotik banantzeko. Lehen urrats gisa, hautaketa angeluzuzena erabiliko dugu hondoaren zatirik handiena kentzeko.

• Egin klik hautapen laukizuzenaren tresnan edo sakatu teklatuko R letRa.

• Aukeratu Moztu hautapenera Irudia menuan:

• Emaitza gisa dugun irudi berrian, hondoa ezabatu beharko dugu. Hasteko, zenbait eremu hauta ditzakegu (angeluzuzenak edo zirkularrak), irudian ikusten denez. Ondoren, Supr. tekla sakatuko dugu.

• Era berean, eremu poligonalak hauta ditzakegu Hautapen librea tresnarekin. Horretarako, puntu batzuetan klik egingo dugu eremu bat itxi arte (lehenengoan berriro klik eginez):

Argazkiak Gimp bidez editatzea

Hurbilketazko

Gainera, eremuen hautaketa automatikoa balia dezakegu. Horretarako, Hurbilketazko hautapena tresna erabiliko dugu.

Tresna horrek antzeko koloreko eremuak hautatzen ditu. Kolore sorta handiagoa edo txikiagoa hauta dezan, aldaketarako tolerantzia-atalasea (Muga) igo edo jaitsi behar duzu, urrats hauek emanda:

• Aukeratu hurbilketazko hautapena tresna.

Egin klik irudiaren eremu batean. Sakatu Sup. tekla, hautaketa ezabatzeko. Azaldu dugunez, tximeletaren zati bat ezabatzen ari bagara, erabili Desegin Editatu menuan.

• Jaitsi muga hautaketa txikiagoa izan dadin, edo igo ezazu eremu zabalagoak hauta daitezen. Horretarako, arrastatu irristagailua eta egin klik berriz ere irudian.
• Egin klik irudiaren eremu batean eta, tximeletaren zatirik hartzen ez badu, sakatu supr. hautaketaren edukia ezabatzeko.

Argazkiak Gimp bidez editatzea

Borrador y ampliación de la vista

• Tximeletaren ingerada ia osorik ezabatu duzunean, erabili borragoma azken orbanak kentzeko. Borragomaren tamaina alda dezakezu Eskalatu aukeraren irristagailuaren bidez:

Hori konpontzeko, hautatu Bat ere ez aukera Hautatu menuan.

Xehetasunekin lan egiteko, hurbildu irudira. Horretarako, aukera duzu + tekla sakatzeko edota zabaltze-maila bat hautatzeko Ikusi menuko Zooma aukeran.



Orain, tximeleta inguratzen duten puntuak ezabatu ahal izango dituzu, borragomarekin nahiz beste edozein hautaketa-tresnarekin (angeluzuzena, eliptikoa, librea, lausoa):



Itzuli tamaina normalera 1 zenbakia sakatuta edo % 100 aukera erabilita Zooma menuan.

Argazkiak Gimp bidez editatzea

Capas y guardar el archivo

Orain, gure tximeletak hondoan ezer ez duenez, fitxategia gordeko dugu Gorde aukera erabilita, Fitxategia menuan, nahiz CTRL+S sakatuta.

Tximeletaren zatiren bat ezabatu baduzu, antzeko zati bat kopiatu dezakezu akatsa konpontzeko. Adibidez, antena bat ezabatu baduzu, eman urratsok: Hautatu ezabatu ez duzun antena, aipatutako edozein metodoren bidez. Aukeratu Kopiatu Editatu menuan edo sakatu CTRL+C. Egin klik Itsatsi aukeran, Editatu menuan, edo sakatu CTRL+V. Ez duzu aldaketarik sumatuko, irudia aurrekoaren leku berean itsatsi delako. Hori egiaztatzeko, arrastatu irudia saguaren erakuslea lau geziko gurutze bihurtzen denean:

Itsatsitako irudia irudiaren geruza berri batean dago: paper baten gainean beste paper bat jarri izan bagenu bezala. Orain, ebakin hori (geruza berria) bere buruaren irudi ispilatu gisa ikus dadin (ispilu-efektua) behar dugu.

Hautatu Geruza menua eta, ondoren, Eraldatu / Irauli horizontalki.

Mugitu antena bere lekura. Irudia behar bezala dagoela ikusten duzunean, geruza ainguratu dezakezu bere behin betiko lekua har dezan. Hara:

Argazkiak Gimp bidez editatzea

Itzalak, koloreak eta bestelako efektuak

Hasteko, irudiari itzal bat erantsiko diogu.

• Hautatu irudia osorik (Hautatu / dena menua). Ondoren, hautatu Itzal jaurtia Iragazkiak menuan.

• Script-fu izeneko leihoa ikusiko duzu. Bertan, aukera hauek hautatu ahal izango dituzu: itzalak iruditik zenbat urrundu behar duen, kolorea eta zein neurritaraino gaizki fokatzea nahi duzun. Hautatu berezko balioak Ados sakatuta.

• Orain, irudia beherantz eta eskuinerantz proiektatutako itzal batekin ikusiko duzu. Erantsitako lauki grisek eremu gardena erakusten dute. Horrek esan nahi du, irudia testuinguru gorrian erabiltzen bada, sektore hori gorriz ikusiko dela. Testuinguru urdinean erabiliz gero, eremu hori urdinez ikusiko da. Baina, betiere, hondoaren gainean itzala ikusiko da:

Argazkiak Gimp bidez editatzea

Itzalak, koloreak eta bestelako efektuak

Tximeletari itzala eransteko beste era bat da haren ingerada soilik hautatzea, eta ez lauki zuri osoa.

Hautatu Desegin itzal jaurtia Editatu menuan, oraintsu erantsitako itzala ezabatzeko. Era berean, fitxategia beste izen batekin gorde zenezake, eta itzala izan aurreko tximeletaren bertsioa berriz ere ireki. Jarraian, hautatu tximeleta soilik. Honela egitea izango da errazena: Hurbilketazko hautapena tresnarekin, egin klik sektore zurian. Horrek eduki osoa hautatuko du tximeleta izan ezik. Aukeratu Hautatu / Alderantzikatu. Horrela, hautatuta ez zegoena hautatuko da eta aurreko hautaketa kenduko da. Aukeratu berriro Itzal jaurtia, Iragazkiak menuan. Orduan, itzalak tximeleta inguratuko du:

Tximeletaren (edo hautatzen duzun zatiaren) kolore sorta aldatu nahi baduzu, Koloreak menuan Mailak aukera aktiba dezakezu. Hautatu aldatu behar duzun kolorearen kanala. Mugitu irristagailua eskuinerantz edo ezkerrerantz, tximeleta bizitasun handiagoaz edo txikiagoaz koloreztatzeko. Sakatu Ados, emaitza gogokoa baduzu, edo Utzi aldaketa hori egin nahi ez baduzu.

Argazkiak Gimp bidez editatzea

Irudi-efektuak

Itzuli jatorrizko tximeletara.

Iragazkiak menuan, argazkia apaintzeko zenbait aukera interesgarri topatuko dituzu:

• Gaizki fokatzeko efektuak:

• Distortsioak

• Argi-efektuak

• Efektu artistikoak

Badira beste hainbat ere. Horiek probatzen dituzunean, kontu izan jatorrizko fitxategia gordetzeko; izan ere, litekeena baita lehen emaitzak interesgarriak ez izatea.

Kasu praktiko

Esku hutsez marraztea

Marrazkilari ona bazara, saguarekin gauzak hain sinpleak ez direla ohartuko zara. Gimpekin esku hutsez marrazteko zenbait tresna dituzu, besteak beste:

• Pintzela. Trazu-mota aukeratu ahal izango duzu (Pintzela – aukera), eta trazuak margultzea edo moteltzea izango duen erabaki

Vine motako pintzela erabilita eta horren eskala aldatuta, zuhaitz ederrak marraztu ahal izango dituzu.

• rkatza pintzelaren berdin-berdina da, baina ondo zehaztutako trazuarekin. Aerografoa eta tinta, bakoitza bere berezitasunekin.

• Borragomak hondoko kolorera itzultzen du marrazkia. Papera zuria bada, borratzean marrazkia zuri bihurtuko da. Hondo berdea bada, borragomak trazu berdeak egingo ditu.

Kasu praktiko

Hautaketak erabiliz marraztea

Gimpen erabiltzaile gehien-gehienek ez dute abileziarik (edo pazientziarik eta tresnarik) aurreko aukerak soilik erabiliz marrazteko. Edota, besterik gabe, irudi geometrikoak, eskemak, nolabaiteko zehaztasuna eskatzen duten elementuak, lerroak edo angelu zuzenak egiteko beharra dute. Egin ditzagun zenbait irudi, hautaketa-tresnak trazu- eta betetze-tresnekin konbinatuta. Horretarako: Hautatu eremu bat hautaketa-tresna angeluzuzena erabilita. Egin klik Betetzeko tresna aukeran eta, ondoren, sakatu hautaketa. Aurrealdeko koloreaz betetako laukizuzena lortuko duzu.

Sakatu nahasteko tresnaren gainean eta, ondoren, trazatu lerro bat hautaketaren barruan. Horrek moteltze bat sorraraziko du aurrealdeko koloretik hondoko koloreraino, trazatu duzun lerroaren noranzkoan eta norabidean.

• Erabili ehundurak edo betegarri-motak sektore bat betetzeko:

Askotariko formetako irudiak sortzeko, hautaketak batu edo kentzeko aukera duzu: Trazatu angeluzuzen bat hautaketa-tresna angeluzuzena erabilita. Eutsi zapalduta letra larrien tekla eta trazatu elipse bat. Bi irudiak konbinatuta ikusiko dituzu.

• Errepikatu urrats horiek, baina, oraingoan, eutsi zapalduta CTRL tekla. Bigarren aukera lehengoari kenduko zaio.

Kasu praktiko

Hautaketak erabiliz marraztea

Irudiaren ertza soilik trazatu nahi baduzu, egin hautaketa eta erabili Editatu / Trazatu hautapena aukera. Aukeratu lerroaren zabalera (pixeletan) eta beste xehetasun batzuk, adibidez, lerroaren estiloa:

• Dagoeneko marraztutako irudi bati ertz bat erantsi nahi badiozu:

  • hautatu irudia.
• handitu hautaketa puntu batean (pixel).
• trazatu hautapena.

Kasu praktiko

Ibilbideak trazatuz marraztea

Lerro poligonal soilez osatutakoak baino marrazki libreagoak egin nahi badituzu, ibilbideen tresna erabil dezakezu.

• Egin klik hurrenez hurreneko puntuetan, ondoren trazatuko duzun forma sortzeko. Huts egiten baduzu, mugitu trazatutako puntu bat hura zuzentzeko:

• Luzatu zati bat hura kurbatzeko. Arrastatu haren nodoak formari ukituak emateko:

Trazatu nahi duzun forma sortu duzunean, erabili Trazatu bidea aukera edo Hautapena bidetik aukera (ondoren forma betetzeko edo trazatzeko).

• Bide bera bitan trazatzeko, hautatu Lekuz aldatu aukera edo sakatu Alt eta arrastatu ibilbidea:

Kasu praktiko

Irudi konplexuagoa: geruzak erabiltzea

Ia edozein marrazkitan, gainjarritako objektuak daude. Papera eta arkatza hartzen ditugunean, edo oso editore grafiko sinplearekin lan egiten dugunean, lehenik azpian dagoena marraztu behar dugu, eta ondoren gainjarritako objektua, ondoren aldaketak egiteko aukerarik gabe.

Gimpen, geruzak erabiltzen dituenez, objektu bat beste batekin estal dezakegu, eta ondoren desestaltzeko aukera dugu, behar dugunean.

Baso baten irudian, adibidez, elementu bakoitzak geruza bat hartzen du: eskuineko zuhaitza, ezkerreko zuhaitza, belarra, landareak, loreak, zerua eta ura:

Geruza bat agertzea nahi ez badugu (marrazkia hura gabe inprimatzeko edo bertatik kanpo dagoen xehetasunen batekin lan egiteko), nahikoa da Geruzak leihoan; bakoitzaren ezkerrean dagoen Ezkutatu/Erakutsi ikonoan klik egitea:

Leihoan geruzak agertzen diren hurrenkerak ematen du aditzera zein geruza dagoen zeinen gainean. Ondorengo adibidean hurrenkera aldatu da. Hala, landarea ezkerreko zuhaitzaren atzean ezkutarazi da eta eskuineko zuhaitza loreez estalita dago:

Kasu praktiko

Beste marrazki bat sortuko dugu, geruzen erabilera azaltzeko deskribatutako teknika guztiak konbinatuta. Geruzen leihoa ikusteko, sakatu CTRL+L.

Lehen geruzak marrazki bat du hondoan.

1. • Marraztu zeru bat eta soropil bat, egingo dugun marrazkiaren hondo gisa.
   • Ondoren, egin klik Sortu geruza berria ikonoan, Geruza leihoan, edota Geruza / Sortu geruza berria.
   
   • Idatzi izen bat geruza berrirako (adibidez, “casa”) eta onartu berezko balioak (aurreko irudiaren tamaina osoa, eta gardena hondo gisa).
   
   • Sortu etxe-formako ibilbidea eta, ondoren, sakatu Trazatu bidea. Bide hori “etxe” geruzan traza dadin, geruza horrek aktibo egon behar du.
   
   • Trazatu triangelu bat geruza berean, leiho bat sortzeko. Ondoren, erabili betetze-pitxerra paretak pintatzeko. Hautaketa angeluzuzena erabili baduzu, hautaketa deuseztatu beharko duzu, Hautatu / Ezer ez eginda, etxearen eremua bete ahal izateko.
   

Ariketa

Gimpekin irudiak sortzea Tux Painten integratzeko

Atal honetan, ikasleekin egiteko ariketa bat proposatzen dugu. Ariketak bi programekin egiteko lana barne hartzen du. Kasua azaltzen hasiko gara.

Tux Paint aztertzerakoan ikusi dugunez, aukera dago marrazki bati ekiteko jadanik marraztutako hondo bat erabilita, hura koloreztatzeko edo erreferentziak eransteko. Adibidez, etxearen zatiekin lanean ari bagara, Tux Painten etxe baten silueta jar genezake eta ikasleei eska geniezaieke dagozkion objektuak eransteko.
Tux Painti irudiak eransteko, nahikoa da irudiak dagokion karpetan kopiatzea PNG formatuan.

Kokaleku zehatza sistema eragilearen araberakoa izango da. Informazio hori programarekin batera instalatzen den Readme (irakur hau) fitxategian dago

Ariketa

PNG formatuan marraztu duzun etxearen kopia sinplifikatua Starters karpetan gordetzen baduzu, fitxategi bat sortzean nahi duzunean hautatu ahal izango duzu:

Etxe osoa Stamps / HouseHold karpetan ere gordetzeko aukera duzu, gomazko zigilu gisa gaineratu dadin etxeko gauzen bilduman:

Irudi berriak eremu gardenak izatea nahi badugu, gardentasunak sortzeko Gimp erabili behar dugu.

Sortu dugun etxearen kasuan, nahikoa izango da hondoko geruza ezkutatzea eta fitxategia berriro esportatzea PNG formatuan:

Horrela, zigiluaren hondoa gardena izango da:

Tux Painterako irudi bat sortu nahi duzunean, egin geruza gardenak eta ezabatu hondoko geruza irudia esportatu aurretik:

Ariketa

Lehendik sortutako geruza bakarreko irudiren bat edo argazkiren bat aldatu nahi izanez gero, lehenik, ezabatu haren ertzak eta lortu koloreren bat (esaterako, zuria) gardentasunak nahi dituzun eremuetan.

Ondoren, erantsi gardentasuna geruzari aukera honen bidez: Geruza / Gardentasuna / Gehitu alfa kanala.

Orain, aukera duzu garden bihurtu nahi dituzun zatiak hautatzeko eta “suprimir” (ezabatu) sakatzeko:

Gorde fitxategia dagokion karpetan, eta zigilutxo berria lortuko duzu:

Eta guk hemen amaituko dugu... Jarrai ezazu praktikatzen!