Tux Paint: Lehen Urratsak

Programa deskargatu eta instalatzea

Tux Paintek duen software-lizentzia motari esker, ikastetxearen edota ikasleen ordenagailu guztietan instala daiteke erabilera-mugarik gabe. Kode irekiko programa denez, erabiltzaileek hura aberasteko aukera dute (zigiluak eta pintzelak erantsiz), edota aldatzeko ere.

Horretarako, programaren iturburu-kodean funtzionaltasun gehiago sar ditzakezu, beharrezko programazio-ezaguerak baldin badituzu.
Eman ondoko urratsok Tux Paint instalatzeko:

• Sartu bere web-orrian: http://www.tuxpaint.org/ 
• Egin klik Download (deskargatu) aukeran

• Aukeratu zure sistema eragileari dagokion bertsioa, programa edo instalazio-paketea deskargatzeko.

• Agertuko zaizkizun bi aukeretako bat hautatu: Lehenak programa bera (Tx Paint) eta bere konfigurazio-tresna ditu. Bigarrenak gomazko aparteko zigiluen bilduma dakar. Ordenagailuan edo memorian leku gutxi baduzu, ez deskargatu gomazko zigiluen bilduma..

• Hautatu aukera eta zure sistema eragileari dagokion instalazioari ekin.

Windowsen erabiltzaile bazara, .exe fitxategia exekutatu beharko duzu deskargen leihoan haren gainean klik bikoitza eginda. Lehendabizi Tux Paint instalatuko duzu, eta ondoren gomazko aparteko zigiluen bilduma.